好姐小廚 (已結業)

有次行過俾一隻隻掛晒係度的海南雞吸引住, 終於搵日忍唔住要去試下我一坐低就要左泰式海南雞配油飯套餐($39), 包熱飲一杯, 如果轉雞脾要另加$5, d阿姐好快手, 好快就有得食, 碟飯有好多件雞, 份量十足, 雞已去骨, 有翼, 胸同脾位各幾件, 雞味一般, 但翼同脾位肉質嫩滑, 而胸肉當然稍遜!! 但亦唔鞋口, 雞皮唔算肥厚亦有彈性, 算係合格之作碟油飯都幾大碟, 粒粒分明, 但真係比較油, 而且雞油香味不足, 亦不覺有香茅味, 但食完又真係幾滿足阿姐勤力快手, 服務唔錯而且唔收加一旺角區來講, 味道比泰國人海南雞好, 雞的整法亦比金寶好(因金寶d雞成日好生同有血水), 水準平穩, 但係應該仲有進步的空間, 睇來下次要試下豬頸肉飯 (因herbert兄張相好吸引)

看了Oli在FB的相追到來這裡，門口放滿泰式海南雞及大桶雞湯，甫坐下不再打想，泰式海南雞飯食髀扣底唔該～旺角區在轉型，小店帶著港島商業區小店裝潢，雖迫夾，卻很企理，周末五點，未見人龍，坐得頗舒服。海南雞飯轉個頭已有得吃，淡黃薄雞皮連著微量雞汁凍，賣相不俗，伴碟有黑斯油及泰式酸辣醬，無跟湯；浸雞最討厭吃到肥雞皮，這裡的夠薄又爽嫩，雞肉味濃之極，雞湯倒也真材實料，吃得出下過心機，但雞髀位做不到肉嫩效果，大概是湯膽不是用上泰式滷水吧。雞汁飯普普通通，嚐到雞汁鹹香，味道方面不及朗豪坊的金寶，要下點泰式醬添味，話時話，水汪汪的黑豉油出現在泰式海南雞飯內，算得上新奇，是迎合旺角區市場口味吧。靚姐抹檯之餘亦沒打擾年輕客Hea著談心，人漸多，仍是一副鬆容的樣子作招呼，吃畢，也不好霸著檯子，是區內不錯的泰式海南雞店，有機會會試埋磨菇飯的。

星期六外賣半隻雞$78返屋企做餸, 因為唔鍾意食無骨雞, 所以order左要骨. 但剛好全部雞都去哂骨, 要等多5分鐘先再有.係門口等左一陣, 見到斬雞姐姐拎左隻熱辣辣既雞斬比我, 望到我等時仲同我講好快得, 呢點要加分.返到屋企隻雞仲熱熱地, 雞皮爽滑, 但可惜雞無味, 同埋完全唔滑. 雖然都知道係冰鮮雞, 唔會有雞味, 但唔滑就真係差左d.下次都係行遠d去勝利小廚買好d.

唔係真係房屋署加料，係諗起肥姐標叔主演既一套港產片其中一幕，相信睇過既朋友都會記得我講乜呢間野新開唔係好耐，入到去果陣無留意(其實根本無打算留意但無得唔留意)，以為裝修唔錯都幾靚，入面有三分二位空，唔知做乜心血來潮係都要坐最入面數出黎第二張台，明明再出小小有幾張空台，一坐底就叫我最喜歡既去骨海南雞飯連例湯，賣相其實唔錯，D雞油飯都無其他人講得咁太過油，不過味道淡D姐，雞只係大部份去骨始終都仲有D骨，食黎食去咁多間所謂去骨海南雞真係得好時係食咁多次都真係同你去骨去得乾乾淨淨的，不過呢度水準算唔錯，皮同肉都滑，連D雞胸位都唔鞋的，醬又算係好味。個例湯又幾好飲，只係D節瓜切得大舊o左D，整體本來唔錯的。但食食下我隔離台位阿姐突然大叫，原來天花板未裝修好晒的，用D膠袋封位，突然有石屎跌落佢身上同埋D食物度，我都差D中招但又好彩只係差D，老板娘立即勁講SORRY，又話換過碟飯比個阿姐，我都食得八八九九，都係走人算了，講真丫，未裝修好唔該唔好開鋪住，我知你地唔想呢D事發生，但事實係唔容許發生囉 ........

又一個星期三的晚上, 上堂之前再來這裡一次晚餐. 早前吃過海南雞飯實在幾喜歡, 這次再來, 當然再吃一次, 另外再加個豬頸肉.泰式海南雞飯 $39: 8分, 這次吃沒有改脾, 就算係白肉部份, 雞肉的肉質依然嫩滑, 也沒有上次吃到的鹹味, 是晚吃到的飯比起上次出色, 雞油味香口, 但不會太油, 入味, 也不太硬.泰式豬頸肉飯 $39: 8分, 豬頸肉燒得相當香, 皮帶點點脆口, 肉質也夠嫩滑, 白飯撈上汁也好好送飯.椰汁西米糕 +$6: 7分, 另加$6要了客椰汁西米糕, 不算甜, 椰汁幾香, 但係椰汁糕的部份同埋西米糕的部份不能夠結合一齊, 小弟直程係一口把椰汁糕咬開, 之後先再吃西米糕.簡簡單單的一頓飯, 食物有質素, 價位合理, 依然滿意的一餐.

行過門口見到呀姐好熟手咁斬雞!!於是想入去試一試食飯時間唔爆場,原來新開張叫左海南雞飯,哈..呢間野右係同泰國人海南雞一樣風格雞好滑呀!係用新鮮雞整既,好有雞味!!最正係個醬囉(酸辣醬,甜豉油)!!真係為左佢都要再來食多次!!!雞油飯個人嫌雞油少..不過女仔可能鐘意佢無咁肥利..哈..旺角食飯時間唔洗等位,仲以為佢唔方好食添..估錯晒!!.

與友人食飯 ..... 難得大家都想食海南雞~ 就去左好姐小廚無令我失望 ar泰式海南雞脾飯 ....... 雖然 + 5 蚊有 d 貴~ 不過 d 雞好滑而且份量都幾多~~ 仲有 ar ... 個泰式 source 好好味 ar辣辣地~ 送飯都唔錯 ar仲叫左 蔥油肥牛 / 豬扒 磨菇飯豬扒比肥牛好食 ........... d 磨菇飯 ge 汁好特別好香 ~~~ 可以一試仲叫左泰式無骨雞腳 ............ 涼涼地, 酸酸辣辣 ..... 好食 !!!!!!!!

星期四晚八點幾嚟食，這裡地方不算大但只坐滿一半人，旺角區唔使等位都幾奇怪，可能因為佢新開無幾耐啦!泰式去骨鳳爪以 $23 -- 夠辣，份量多幾抵食。海南雞飯餐(跟熱飲或湯) $39 -- 油飯唔熱又乾又冇味，只係油油地；雞就ok，啖啖肉唔嚡。青咖哩雞飯+熱飲 $33+4 -- 味一般，雞嚡，飲品要加錢。總結，如果海南雞飯係招牌菜，咁我覺得真係唔係好得。

又要到旺角辦事，早午照例搵在附近返工的朋友吃午飯。佢係地膽，食咩梗係又佢話事啦。佢話在旺角咁多年，咩都食厭，好不容易才諗到食海南雞飯。對我這海南雞迷來說，最合適不過。餐牌也不用看，一人來一碟海南雞飯，其實加錢可以轉雞脾，不過我就無轉。未幾，飯便到，油飯名副其實是偏油，夠味，雞雖不是脾位，依然嫩滑，雞皮當然有水準。同時，雞肉也有雞味，合心水。同泰國人差不多價錢，水準明顯佔優，難怪門庭若市。下次來一定要加錢轉脾位，看看是否會更好。

人在旺角，要來個quick dinner，試了這裏，九點半去到，例湯油菜河粉賣哂（噤好生意？），吃了海南雞飯改脾，飯跟酸辣醬及黑豉油—不過是甜的，比較隔離泰妃雞，飯是較有飯香但不夠雞油，雞就較乾嚡但有返啲雞味，睇你鐘意乜，其實好普通，唔使特登試。P.S. 上次的食評點解唔出?

又係星期三晚上, 上課的日子, 要吃個快餐, 附近的吃得七七八八, 見這裡有新店, 又來試試.新店緣故, 都相當之新淨, 比旁邊的店係不太一樣. 餐牌相當簡單, 選擇不多. 其實小弟覺得這樣也好, 來得這裡也不會想吃炒飯吧, 只要店子做得專門, 也不愁客源.第一次吃, 叫最大路的兩樣好了: 雙脾.泰式海南雞脾飯$44: 8分, 小弟竟然一天吃兩餐海南雞, 就當是日係海南雞日好了. 這雞飯係$39一碟, 又係加了$5要了雞脾, 要比較也要同一陣式去比才合理. 這價位跟勝利道那邊好相近. 先吃雞油飯, 賣相對辦, 帶金黃色的, 吃落口有雞油味, 幾香口, 也不會太硬, 合我口味, 不錯. 雞肉要了脾, 也當然係好嫩滑, 不過吃落口係有點鹹味, 但不算嚴重, 應該係用來浸雞的湯加上了不少偏鹹的材料, 當係帶點鹹香的雞去食也無不可, 但就同吃開的不太一樣. 雞皮偏肥, 淺嘗好了.跟上的係兩色醬, 酸辣那格醬汁幾惹味的, 但係奇怪的係另一格係普通豉油而非黑豉油. 其實泰式的海南雞只有酸辣醬汁係正常的, 店方也不用專登加多一格豉油落去.這個海南雞飯, 雞飯令人滿意, 雖則帶點鹹, 雞肉也不錯, 整

在信和買罷唱片後,回到街上,又一次迷失在人來人往的旺角十字路口上.看著麻酸樂門外的餐牌,連扒餐也有,頓時丈八金剛,摸不著頭腦.想起有朋友在Facebook上,說過同一條街有間小店,海南雞飯很有水準,名叫"好姐",原來就近在眼前,在正對面.不要小看這間小店,晚市人頭湧湧,比隔離郁民牛肉麵更為墟陷.兩個人好不容易霸到張四人檯,海南雞飯是必選,豬髀嘛,來碟例牌,見到有咖喱菜式,再來個紅咖喱牛腩.加多碟油菜.海南雞飯要髀位,一早去骨,雞皮幾滑溜,很夠味,皮下雞肉略有點鞋口,沒有大少爺的嫩滑,底下的雞飯真的很油,不夠乾身,吃清碟後,仍留下點點油漬.豬髀肉質鬆化,豬皮有點過稔,不夠爽口.而伴碟的酸菜很甜,用來伴飯最佳.例菜為生菜,用到香茅湯底來灼,所以滲進點點香茅味.咖喱牛腩做得稔熟入味,紅咖喱夠香,但不算很刺激,吃不到大辣者也受得起.這間開張不久的小店,應該會有更大的進步空間,希望下一次來吃到的海南雞飯,會比今次的好.

海南雞飯$39雞味ok, 份量就少d.黃油飯都唔錯, 夠味.跟餐\可以有例湯或者熱飲.香茅豬扒磨菇飯$37見到磨菇飯咁得意, 所以試下, 原來都只係將片片磨菇混入白飯, 其實食落無咩特別. 又唔會好似菜飯咁, 有種清新感覺.豬扒炸過, 無鞋口. 香茅味都幾濃幾香, 唔錯.

昨晚心血來潮往此小店試試, 記得應該開了不久, 試了他們的海南雞飯同埋秦式豬脾飯餐。海南雞飯是無骨的, 份量都ok。沒有雪雞味, 醬油味道也適中, 比較喜歡是油飯的質感, 啱啱好。秦式豬脾飯則比較肥, 有點像梅菜扣肉飯feel, 可能是有點梅菜吧! 如果愛好味濃的, 可以試試。waitress 姐姐很快就送上飯餸, 環境亦清潔。總括來說, 一切都acceptable。

08.03.11　好姐小廚@旺角下班後一邊在健身房跑步一邊在想運動後要去吃什麼忽然很想吃海南雞飯想起新寶戲院對面有一家新的食店櫥窗裏掛著一隻又一隻黃油雞主打賣海南雞飯就是試試看吧！店面不算很大大約能容納十幾張小桌子乾乾淨淨，簡簡單單的二話不說，坐下就直接點了海南雞飯想說另外加個油菜（燙青菜），卻要HKD15，那當然寧可不吃海南雞飯上的雞都是去骨的個人最怕吐骨頭，很合我心意個人也不吃雞皮（怕胖）雞肉跟皮很容易就能用筷子分開來雞肉很滑很嫩，可是卻沒有什麼肉味而且雞肉的份量真的很少男生來吃一個海南雞飯大約只能半飽吧正宗的油飯應該是用雞湯及雞油去煮的飯粒要粒粒分明，才算好吃這裏的油飯稍嫌太軟，香味不足套餐可以挑飲料或明火例湯，今天的例湯是南瓜雪耳湯及不上媽媽的老火湯，雖然淡淡的，但加太多味精巳經算很好怕長胖不能吃太多清掉了全部的雞，半碟油飯及喝光例湯從坐下到離開，不到半小時暫時還是覺得洗衣街的金寶小食店的海南雞飯最合我胃口！照片請看這：http://www.wretch.cc/blog/foodiebarbie&article_id=9952498