好姐小廚 (已結業)

又要到旺角辦事，早午照例搵在附近返工的朋友吃午飯。佢係地膽，食咩梗係又佢話事啦。佢話在旺角咁多年，咩都食厭，好不容易才諗到食海南雞飯。對我這海南雞迷來說，最合適不過。餐牌也不用看，一人來一碟海南雞飯，其實加錢可以轉雞脾，不過我就無轉。未幾，飯便到，油飯名副其實是偏油，夠味，雞雖不是脾位，依然嫩滑，雞皮當然有水準。同時，雞肉也有雞味，合心水。同泰國人差不多價錢，水準明顯佔優，難怪門庭若市。下次來一定要加錢轉脾位，看看是否會更好。