好好運快餐店 (已結業)

食飯時間見每次都見呢間好細間既快餐店門口企滿人,所以每次都只好買外賣回公司吃,很喜歡吃酸辣牛丸雞亦米線米線很夠味,現在很多時食都既酸辣米線d酸棻都只得咸味而沒有酸味,所以呢間米線湯內加入檸檬,所以個湯酸辣味剛好,不會太酸和太辣,亦炸得很出色,有肉汁唔會好乾.值得推介.若果覺得米線唔夠食可以叫佢地加多d.

以前起樓上返工，差唔多一個星期都會去食一次，佢Ｄ米線真係好好味。早兩日同朋友去左香工行街，第一時間諗起食黎間Ｄ米線，不過就有Ｄ失望。唔知係唔係因為人手都唔同左，煮出黎Ｄ湯底同以前有Ｄ出入，今次覺得有Ｄ失望，服務都不在講，茶餐廳唔好期荃咁高。米線煮唔夠，好似硬硬地咁，唔知係唔係真係太多生意，所以一時失手，不過佢Ｄ雞翼真係好香好脆，我會再返黎再試

朋友介紹下，呢度酸辣米線好好食雖然細碗d，但同出面食既有d唔同叫左個炸雞亦酸辣米線炸雞亦即時炸出，有3隻，少少辣，又夠大隻，好味呀酸辣米線個湯底好得易，有lemon，有番茄，有雞骨，豬骨一定會番黎再試不過有個缺點係，味精應該幾重，食完好口渴呀

係屋企附近食晏 上openrice見到哩到無負評 就想試下牛扒意粉加蛋好味呀 意粉夠硬身 牛扒真係好驚喜 有厚度而且好淋 有別於一般乾硬牛扒 汁係茶餐廳"假汁"中比較唔假 成個係好有心機唔會求其 個蛋就都係咁啦 四寶米線媽咪話麻麻地 我亦無乜印像 比較少料 如果lunch hour局住係哩頭食係唔錯嘅 可識我太多外面嘅誘惑啦!!

係付近返工..好好運已經變左我食堂d野真係好好食..沙嗲牛肉..好入味..咖哩..黑椒..乜野汁都好正好足料..又唔會太"杰"..d米線初初食真係有d唔習慣 不過食食下真係會食上隱..起碼其他地方搵唔到呢個味道推介!

由於本人公司有包lunch呢個福利~ 都好少會出去食不過, 逢星期六本人放工或加班時間, 必定會order好好運既lunch!我最鐘意食佢個咖哩飯餐同黑椒飯餐, $26~27蚊有個雞扒蛋飯+支大O樂, 呢個時勢真係唔多地方有咁平o既lunch食!! 實為在職貧窮(如本人)o既福音~~咪以為咁平一定冇好野, 佢個咖哩真係我食過既茶餐廳入面最好食既, 夠香, 唔太辣, 夠濃~ 加扒煎香既雞扒同太陽蛋, perfect!! 仲有佢個黑椒餐都一樣咁好食, 好夠辣(有時我都頂唔順)好有黑椒味, 又夠濃, 唔會好似一d茶餐廳咁, 係黑椒水黎.......最後, 不得不提佢個酸辣米線, 佢個酸辣湯好怪, 有檸檬(?), 蕃茄, 雞腳, 豬骨(我係d湯入面見到.......) 不過怪得黎又真係好好味喎, 酸酸辣辣好醒胃, 米線亦唔差, 夠彈牙!仲有, 呢間野係order 1個餐都肯送外賣的~ 真係太~~好啦!一間係工廠區既茶餐廳, 做得咁有heart, 食物又有水準, 抵佢老細成日換車!!

七點幾去到已經有人食緊. 叫左個沙爹牛肉炒蛋公仔麪,雖然無得轉出前一丁, 但係d餸搭夠! 未食過咁好食既沙爹牛肉.個汁好食到不得了.加上d牛肉唔食太淋太韌,好味! 一早食到呢個早餐, 有d喜出望外! 即日叫埋下午茶推介試一試---椒鹽墨丸. 真係幾好味!茶餐廳既價錢有咁既食物質素, 真係幾得!等我聽日再試下lunch先!

果日去開荔枝角區,做完野想搵D野食下.下午茶時間,叫左個椒鹽墨魚丸+紅豆冰. 18元而已. 一食,哇~ 好味到爆炸!! 夠熱. 唔識形容,總之--好正. 間茶餐廳細細間,可能會有d難搵. 我記得好似係o係奇華再入果條街. 大家都去發掘o下啦.