好好運快餐店 (已結業)

今日趕時間所以呢度買外賣食呀，估唔到細細間鋪仔都有驚喜，見好耐冇食過雜扒飯，就叫咗個咖喱雜扒飯，加埋凍飲-凍檸茶。返到公司打開個飯盒，啲餸多到睇唔到啲飯，豬扒.雞扒.火腿.蛋.腸仔.餐肉，食完啲飯都仲有大把餸食，真係大件夾抵食。

間唔中都會嚟到荔枝角開工，總會見到啲食店好多人等位，而好好運就係其中一間，等咗一陣就有位，當然一張細圓台搭到8個人坐而都有咁多人幫襯，咁佢應該係好食，好抵或者係好抵食.都幾多嘢揀，不過中午就求奇一餐先叫咗個雜扒，喺啲汁下其實分唔到邊啲嚟，要咬落先知叠到好高以快餐嚟講幾滿意

今日要去到荔枝角開工，去到工廠區，人生路不熟,其實都唔知食咩好！行前少少見到一間小店，擺晒枱出街好多人喺度等緊位，相信都唔會太差，即管入去食一食！這裏嘅位置很少但要都係坐到10幾個人，但係嗰個人都好樂意坐埋一齊，這裏主要食快餐！碟頭飯同埋米線！這裏的價錢相當便宜，$40左右就有交易，唔怪得知咁多人選擇！打工仔福音我就叫咗個黑椒牛扒飯，其實都好耐冇食過啦！估唔到味道10分不錯，首先份量係超多，牛扒也有三塊中等size,牛扒非常之入味，而且不會太銀！主角黑椒汁，很香少少辣！我就最鍾意，陪飯食一流！包埋杯凍檸茶，爽

以前曾經喺荔枝角返咗5年工，呢邊嘅餐廳同外賣都試過唔少，好好運係其中一間小妹食極都唔厭嘅外賣店，一嚟好食，二嚟就算你叫一個外賣佢都肯送。自從公司搬離咗荔枝角就冇機會再食😢終於喺幾年之後嘅今日的起心肝返荔枝角搵返好好運💪🏻今次係我咁多年嚟第一次堂食，餐廳位置喺馬路邊嘅地鋪，距離荔枝角站約8-10分鐘，睇住google map先搵到。相信唔少荔枝角嘅工友們都有食過好好運，大部份人都係鐘意食佢嘅酸辣米線，但我獨愛佢嘅咖喱汁😋咖哩汁係好港式茶餐廳風味嗰種，我鐘意佢冇咩奶味。雖然少少偏咸，但咖哩好香濃惹味，仲有少少辣，少少汁夠我食哂成兜意粉。豬扒煎得幾香唔老又入味。凍奶茶係正常茶餐廳嘅味道。*****環境方面，週邊係舊式工廠大廈，感覺係唔乾淨㗎喇，但餐廳入面算正正常常，至少冇見到任何唔應該出現嘅嘢😂

這小店在荔枝角區真的是屹立不倒，以前在這區工作，常常都在這裡叫外賣，食的其實也只不過是米線或者雜扒飯，但這裡的質素卻是這區衆多的茶餐廳中至佳的一間。今年我再次回歸荔枝角區工作，當然要回去尋找它的味道。我今趟是那麼多年首次堂食，點了酸辣紫菜墨魚丸米通。堂食真的比外賣更佳，上檯時賣相一流，雖然只是茶餐廳，但絕不馬虎，整碗米通鋪排得整整齊齊，熱辣辣，單看賣相已超出茶餐廳一般的水準🤓味道....真的好到不容置疑。這店的酸辣湯底用上豬骨同雞腳餚製的，每碗米線或米通都會有一隻雞腳，而這隻腳更是餚得入晒味，一咬便骨肉分離，聽上去好像很殘忍，但食上去真的很滋味😆酸味跟辣味均勻，誰都搶不了誰的風頭，整碗米通都佈滿酸菜，湯頭十分惹味，這味道更是特別，跟別的酸辣店完全不一樣。紫菜乾淨，沒有黑點蒲面。墨魚丸雖不是手打，但也不會有急凍味，不錯。多年沒有食過，再次食仍然帶給我無限的回味，味道絲毫沒有改變，怪不得一到lunch time, 門外依然企滿等位等外賣的客人，真的是很厲害👍🏼

在荔枝角想一個人叫外賣，除非用外賣apps兼加錢送餐，否則其實選擇不多。這間食肆是少有的其中一間即使一個餐也送外賣，不過完全預計不到他們送到的時間，曾經15分鐘內就到了，今次卻等了差不多40分鐘。想叫外賣的話最好有心理準備😬酸辣米通是他們的招牌菜式，不過不嚐辣的也有清湯選擇。米通「煙煙韌韌」的，不像平時吃的通粉，口感很有趣。可惜外賣的湯沒有分開裝，米通都浸軟了，還是堂食最好吃！還好雞翼是另外裝，不會浸在湯裡。炸起的時候應該很香脆吧，外賣的話難免會「漏氣」，但味道還是不錯喇～總括來說⋯⋯還是走一段路去堂食吧！🙈

剛出來工作的時候在美孚上班，實在太喜歡這個地方了，上班近又不多人，便宜的餐廳一大堆，吃膩了又可以到荔枝角覓食。之前跟同事就常來這間好好運快餐店，它是店裡有10個位置左右，大部分的位置都在店外，一般我們是不會吃這種餐廳，但有一次經過見到很多人在等，誰不知一吃就愛上了！*它的位置就在醫局西街的一街角，旁邊是車房，每逄午飯時間都超級多人。*酸辣魚皮餃雞亦米線這是我最最最愛吃的酸辣魚皮餃雞亦米線！雖然它的份量比起一般的雲南米線較少，但裡面的料是很豐盛的，有冬菇、雞腳、酸菜、薑片、辣椒，吸收酸辣湯底的冬菇特別好吃。這裡的酸辣是偏酸的，不喜歡酸的請少酸，我點少辣已經覺得剛剛好，參考一下平常譚仔我是點十小辣。*來這裡必點是炸雞亦！一份有三隻，每隻都胖胖的。炸得很香脆而且不油，裡面的味道很特別，是普通的調味但又是沒有吃過的，最喜歡它雞肉都還是滑滑的，把它倒轉的話「雞汁」是會流下來的。*唯一的缺點就是夏天的時候太熱真的吃不了，要外賣！*這是餐牌，我自己SCAN的，是不是很用心(笑)

餐肉蛋三文治（$25）熱辣辣嘅餐肉🐷蛋🐣治，簡單嘅味道令人好幸福🎠中學時期到而加草根姐姐每朝都會早d起身⏰🌞為草根妹妹準備愛心早餐😍謝謝姐姐👯草根妹妹好感激自己擁有嘅一切❤💋

下午時分，朋友介紹去呢間茶餐廳食好好味嘅豬扒！我哋一於一齊去試吓啦！去到好彩我哋很早就到了，所以都不用等位！入到去就試咗朋友介紹的黑椒吉列豬扒飯，另外有朋友是了豬扒烏冬！眼見餐廳內張貼出來的餐牌，大部份都是推介他們的招牌豬扒，看來他們的豬扒應該是10分好賣！我吃的吉烈豬扒的確不錯，外脆內軟！ 10分入味！豬扒大大塊，配上小小辣的黑椒汁！醬汁份量10分足夠，足以撈勻全碟飯！豬扒好大塊，對於男人來說一定10分滿足！我們吃了不久，餐廳外就開始出現人龍了！他們都是來買外賣的！下次應該會再來！ 試試他們的其他招牌豬扒！

轉左工，去到荔枝角返工之後，先知原來好多好野食～就連睇落去一間好唔起眼既小舖，整出黎既食物都可以話抵食夾大件～今次主角係「酸辣牛扒米線」想講既係：勁足料～有冬菇、雞腳、酸菜、牛扒（勁多），而個湯底酸辣程度適中，但唔食得好辣既都唔好亂試，因為都有D料到架XD....而酸菜亦唔會過酸，其實都真係幾惹味。同埋牛扒～我最愛既牛扒呀～唔會好硬，好難咬開，牛肉味濃，唔似出面有啲集團食到既牛扒無牛味咁～～真心覺得，有興趣的吃貨們可以去試試喔～比起大集團，他們這間小鋪確係欠缺裝修味，人手等等，但他們正正有的是：人情味⋯絕對唔會比你既餐的分量都要就住 就住，都要一模一樣。小鋪只需38蚊一碗，但留意的是唔包飲品的。

有啲餐廳當你係個頭返工會成日食，轉工後又好少特登去幫襯喎。之前係荔枝角工作接近4年，呢間酸辣米線係我最愛，湯色比一般市面清，唔係深啡個種，目測酸有蕃茄、酸菜、試過食到檸檬定酸梅核之類，辣則有薑片、辣椒，好彩既仲會有熬湯既雞腳或豬骨。餸，一定要叫炸物，無論外賣定堂食，都係另上的，好入味，炸得好香脆，雞翼係我每次之選！(方便影相先放左上碗麵到)，吉列豬扒都好味的！另外叫左凍奶茶，奶味重過茶味，一般啦，不是太香濃。

成日彈其他野食，終於有野令我讚😂豬扒真係醃得幾好味，個湯底係有蕃茄，冬菇，蒜頭等等，，唔係雲南個啲，酸辣米線無午餐，36蚊碗無野飲都ok啦，包埋野飲更好啦，美中不足，唔夠辣《埋單個時問，原來有得加辣》再黎o既話一定要叫加辣

呢度嘅酸辣米線同扒飯真係好好食！雖然地方有d迫，食野時要坐到密麻。但我仍然會去食。原因係味道勝於一齊！近來發現加左價，但因為向呢度食嘅扒飯嘅汁真係好味。而家好少地方嘅茶記整到呢個味道嘅汁！今次黎決定食扒飯~揀左豬扒煎蛋茄汁飯😋👍🏻唔好以為d扒飯好hea！味道並唔係平時d茶記。首先塊豬扒葉制得好好味，我覺得有用蜜糖黎整返豬扒。。。但自係我自己覺得，未能作實😬二黎個煎蛋真係煎得很好！煎到脆邊，但最重要係一點油嘅感覺也沒有！佢有不同嘅汁可選擇。鮮茄汁，黑椒汁，洋蔥汁，粟米汁，豉油汁，咖哩汁。我有食過黑椒汁，係幾香幾好果，但實在太辣！邊食會邊噴火同冒汗！所以我偏愛食呢度嘅鮮茄汁！酸酸甜甜啱晒我😌加埋杯餐飲40元埋單。都算抵食！

呢間店開左好多年水準一直keep到特別係佢出名既酸辣米線間唔時就會黎食下次次唔記得影相今次記得喇最多人叫係酸辣雞翼米可以再加其它送如紅腸/貢丸/墨魚丸/魚片餃好多選擇佢D雞翼勁香脆湯底濃郁足料成碗食曬絕對冇問題我朋友唔食得酸就叫左自選快餐有幾款選擇咖喱/黑椒/茄汁/栗米等等豬/牛/雞扒/魚柳栗米豬扒腸仔飯佢話豬扒入味叫左多汁,撈飯正杯凍檸茶都OK檸有檸味,茶有茶味 LOL午市時間門口經常企滿人試過外賣一樣好味

以前在荔枝角返工時，經常食呢間好好運o既酸辣米線，而家搬左去葵涌返工，有時去荔枝角行街時，都會去好好運食返碗米線回味一返，估唔到冇食咁耐，佢都仲係保持水準。佢果d酸辣湯唔同出面o既味咖，湯底有好多料，會見到蕃茄、酸菜、豬骨、雞腳同冬菇，有小小甜味，而酸辣個味道就越食越勁，呢道淨係得清湯同酸辣揀，仲要唔會分咩辣度!呢道最正o既就係雞翼，所以差唔多次次食都會係雞翼，煎炸得o黎又唔會太熱氣，其實佢d豬扒都好好味咖!不過冇去一排，價錢就越o黎越貴，呢碗紅腸雞翼酸辣米線就已經$37