好好運快餐店 (已結業)

火红到爆灯~ 被吹捧为神级沙嗲牛~本想过咗热潮后先试，但突然消息传出店铺会搬舖，但又怕搬咗舖后味道有所不同，所以都想临搬舖前试一试当日早上七点半已到舖经排队，目测大约有二三十人，大约等咗一个钟头就可以入内进餐。点了红肠煎蛋沙爹牛面 早餐上枱后即时呷一口汤，满满的沙嗲味，配上大光面，挂汤十足 但略嫌欠缺花生味。牛肉大件嫩滑不柴，红肠系煎的，加埋厚切值得加分 太阳蛋煎到金边底，非常香脆虽然味道不是心中所想般神级， 但的确系比一般茶记的沙爹牛出色，茶记的沙爹牛以此作标准就啱喇…查看更多

香港沙爹牛肉面关注组最人气食店很肯定系好好运，群组加持后每日大概中午时份沽清沙爹牛肉，近日公布2月11日光荣结业（后来在访问中称租约期满，将选址重开）更提早致九点十点完售！为赶上尾班车，加上我班好同事们又肯陪我颠，昨晨七点就去排队！当时已经人龙大概有廿多人，快餐店室内只有三张枱，室外有四张枱，所以等第二轮翻枱先有位坐，大概排左50分钟！（轮候时排我后面的直接打电话叫外卖，后来见职员拎起电话唔接单了...）百搭早餐 $35 可选三𩠌面，配冻饮加$1，价钱超值，性价比高！沙爹牛肉当然必食！沙爹酱花生味浓，少少辣几惹味，捞面一流！而面质系爽面，有少少咬口，可以嗒多阵沙爹味。牛肉嫩滑够腍，份量又多，仲有洋葱添，正！第二个𩠌点了好多网民力推的红肠，其实我都钟意食红肠，但平时茶仔又薄又无味，所以好少叫，呢度红肠外皮少少脆，重点系厚切！好满足，正！最后一𩠌煎太阳蛋，半熟蛋白蛋黄，我最爱啜！正！另加$7有份多士，奶酱多烘底，奶酱刚刚好，每啖都食到酱，但唔会觉得腻。食完饱到唔想食午餐。.坐在室外旁边就是人龙，个个望住真系有啲压力，嗱嗱临食完就让座比其他食客（其实就我自己都赶返工...）离开时人龙更长，见到有电视台采访，播出后应该更多人慕名潮圣！虽然返工前特登搭车去食个沙牛面早餐好疯狂，但我觉得值得一试，始终间间餐厅沙爹牛肉都唔同，好好运坚系好食，我唔识形容有几独特，但我觉得性价比系高过元朗永顺同慈云山荣记。不过要排一个钟我就未必会二刷。.*最新消息，因店方多次遭发告票，所以即日起不设室外堂食，即系得返室内三张枱！关注组报告今晨已有超过三十人排队等开门......（好彩已经食左，唔系真系可以放弃）…查看更多

呢排兴沙嗲牛～ 朋友见到好好运就快要结业！ 决定返工前去食一次！好好运开7点～ 而我05分到 前面已经排左接近有20个人🥱 排左9个字左右终于入到去食！ 8点仲听到收银讲已经唔再接沙嗲牛外卖！ 如果想食真系要早啲去～太阳蛋火腿沙嗲牛面 $35太阳蛋同火腿都系茶记水准～ 重点都系系沙嗲牛到！ 个汤底咸同偏辣 但不自觉咁会饮好多啖汤～ 牛肉份量有好多 甜味都好出～不过略嫌个面唔够淋～ 偏硬身！！ 见到有人叫通粉 我谂通粉应该仲入味仲浓郁！见到关注组讲原来吉列猪都好出色！ 有机会一定会去试下！！…查看更多

📍全港第一沙爹牛面 · 排晒长龙都要食‼️ -- 好好运快餐店🍜🥇===========================由于有香港沙爹牛面关注组加持，近排一开社交平台都比呢间荔枝角人气小店洗版🤣🤣见到有啲谷友晨咁早就去排队，为嘅就系食呢碗堪称全港最好食嘅沙爹牛肉面‼️‼️早几日小店突然宣布会系2月11号光荣结业，小编琴日就约埋@neverfullhk 一齐去试下🤩我读者8:45去到舖头已经见到长长嘅人龙，目测都有接近30人～去到大约9:30突然听到店员话沙爹牛卖晒啦！😹（好彩原来佢系讲紧外卖嘅沙爹牛卖晒🤫🤫）最后我哋10:00入座，仲好好彩坐到室内嘅位！🤤------------------------------⭐️沙爹牛肉+红肠+煎蛋米粉（$35）汤底饮落惹味，仲有少少辣劲好正‼️🤩🤩米粉食落爽身，挂汤力唔错，啖啖都有沙爹汤嘅精华🤤睇张相沙爹牛肉好似得好少，但其实有劲多块沉咗喺底，数数都有10块㗎，好足料😋沙爹牛肉上面嘅沙爹酱惹味浓稠，仲有花生碎‼️🤩牛肉肉质超腍，完全无筋，肉味浓郁😍我哋两个一路食都忍唔住一路话好正😹红肠同样有惊喜，好厚身，食落颇有油脂香😚------------------------------整体嚟讲沙爹牛真系无得顶🤩排咗咁耐都值得吖！🤤💖我哋食嘅时候见到出面条队越排越长，亦都不断听到有人打电话嚟叫外卖，但都比店员告知卖晒😂嚟紧人潮应该会越嚟越多，想食嘅朋友可能真系要早啲排定啦😎------------------------------卖相：7/10味道：9/10性价比：8/10回头度：7/10…查看更多

朋友介绍近期至hit 嘅沙爹牛面，上星期一就去会一会佢啦。。去到已经十一点几，门外有7,8个人等外卖，非常好运入面有位，呢d 时间沙牛当然已经售罄啦除左沙牛，最想试嘅系佢。。"酸辣吉列猪扒米线"酸辣汤底颇多料，蕃茄，酸菜，鸡脚，芽菜，葱花，汤味道带酸相信酸味来自酸菜，带点辣。。汤头较清。。这个酸辣汤底不太特出。奶茶有茶味带滑吉列猪扒同想像一样，一上枱，急不及待咬一口，新鲜热辣，刚炸起（虽然有点热气，但顾不了😆）皮脆肉嫩有肉汁，吉列皮部分薄薄。。赞！钟意佢无落松肉粉腌制，仍能保持肉嘅松软口感，无太多调味料，无花巧野。。实实在在，简单嘅味道，却给味蕾带来满足感买了个黑椒牛扒意粉外卖，到家试一口，港式黑椒汁，有黑椒香带微辣，浓味，意粉软硬刚好，吾林，牛扒就无试了值得再去的一间诚意小店🤗…查看更多