女人街食飯公司

营业中

休息中

之前一路都好想試呢間大排檔熱炒。門面裝修好復古、old school，好有香港風味。菜單款式都好多選擇，樣樣都好想試。先叫咗啲送酒小食，屋村三鮮 - 有生腸、鴨腎同墨魚，3款都勁入味。脆豆腐細細粒勁香口，食唔停口，最尾忍唔住再encore😆咖喱水魷魚係冷盤，舖上炸蒜同香蔥，比起熱食更加開胃。仲有家鄉鯪魚球，配上咸香蛤蚧醬，款款小食都係下酒菜🍻份量都唔少。仲有風沙九肚魚，外層香脆可口，炸得好乾身，一d 都唔油。鹹魚炒芥蘭都好出色，有鑊氣之餘，芥蘭清甜爽脆。主菜仲有鮑魚雞煲同鐵板黑椒豬手🤤兩樣都炆得好入味，味道又濃，啱哂我。鮑魚大大隻新鮮爽口，豬手炆得好琳，豬皮煙韌又充滿膠質，襯上黑椒味唔會覺得油膩。仲有好多小菜都想試。