奇趣餅家

营业中

休息中

天氣真係太熱啦，所以買左小小乾糧當飯食。順便買D返工食。乾酥餅–好多時乾酥餅都係好睇唔好食。但係呢間唔同，好睇又好食。好香既蛋味同軟稔稔，唔乾同唔會漿住個口，亦都唔會話滅小小就散洒，得呀！合桃酥–係好香同有合桃味，都係好味，但係我覺得硬左D.唔係我食過最好味個間囉。花生酥–好脆好鬆化，有好多花生粒見到，但係食唔到花生味，唔算好食。豆沙燒餅–一定要熱食，唔熱食都要暖食。所以影唔到相因為一買就食左，不過好食。一定要試！鮑魚酥–食唔出係咩涵，鹹鹹地，個酥皮做得好好，朋友話幾得意幾好食，但係唔岩我口味！

老媽子去花園街10次有9次都會幫襯, 早幾日就買左迷你蛋撻椰撻同埋光酥餅返屋企~蛋撻仔: 個皮幾鬆, 一咬就跌左唔少, 有蛋味, 唔會太酥太甜, 都ok~椰撻仔: 比蛋撻仔仲要好, 好鬆, 又唔會太酥太甜, 個皮好似硬返少少...光酥BB: 我鍾意叫佢\做BB多過"仔"hahaha! 唔會太乾, 不過個人覺得會比出面其他既甜多dd, 好軟熟, 擺左幾日都冇硬ga!光酥BB係必買item, 另外間中仲會買燒餅同香蕉糕, 都唔錯ga~

我最LIKE佢嗰D揶攤及香蕉榚, YUMMY

第二站是去買光酥餅到今朝終於試o左個光酥餅細細個食完唔會滯唔甜唔黏牙又軟軟地唔錯=]

每次行過餅店都人山人海，買左1pack中size同埋細size既光酥餅，摸落仲好軟熟。佢最好就係有張此日期前食用既紙，咁就可以放心食用。 整體黎講好好味。

至愛光酥餅光酥餅好耐以前係d雜貨舖, 辦館, 超市都有得賣, 但依家賣到地方, 就好少啦!好彩呢度都仲有得賣, 而且味道一樣都係咁好, 正呀!依家仲有細粒裝, 唔洗一次過要食一大個嘛, 好方便!呢度仲有其他懷舊小食, 好係香蕉糕, 燒餅等等, 平時都好多人賣, 去貨去得快, 所以保證新鮮好味!

耶撻：好味！鬆軟冇咁甜，同一般買到的不同旦撻：一般香蕉膏：鬆軟，吾甜，又同一般不同花生ＳＯ：三十元一磅，但十分香，必試！合桃ＳＯ：很平很好味，低買好豆餅：很黏很油，麻麻地雞仔餅：中間系軟的外面脆的，很香ＯＶＥＲＡＬＬ：全部野都吾貴，吾會好似某Ｄ糖餅店（九龍城）出左名之後賣到鬼咁貴，同一般餅店幾吾同可能系因為咁做得住。

第一次去ge時侯試蛋撻仔同埋椰撻仔,5蚊4件好抵, 買左4件試,味道中上‥第二次去時試左燒餅, 一出即刻俾人買晒乜滯,好軟好香唔太甜超好味,其後又再試過冇餡燒餅,但好軟好好味...之後有次行花園街太夜,冇晒雞仔餅賣, 好唔開心..所以今日特登由天水圍出去!!!!yeah ! 買到大約臨尾五份其中一份,不過可能唔太鍾意雞仔餅,食開個d係好有咬口個d ,,(哎得多都牙軟個d)奇趣個d太軟, 冇咩咬口,不過都好好味,希望呢d中式餅家可以長存^^

食過奇趣幾樣野都好ok~光酥餅：招牌貨，我放o左成個星期都仲係咁軟熟，食落去好香奶味，一d都無牛油o既酥味，亦唔會食到口都乾晒。不過就係太軟所以唔係my favourite，我比較鐘意硬身些少o既~香蕉糕：因為我極嗜甜，所以超buy呢個香蕉糕！甜度十足，口感好特別，林得黎唔黐牙，好有水準！老婆餅：食過晒榮華、恆香，反面最鐘意奇趣o既老婆餅！都係因為我鐘意有口感o既餡；榮華、恆香個d入面好似糯米糍feel o既餡唔係太好食，even係熱食，但奇趣個d係傳統冬蓉餡，實d d，好有口感，又夠甜，正！燒餅：試過食新鮮出爐o既紅豆燒餅，好好食，不過係普通o既好食~雞仔餅：好香o既南乳味，口感都ok。因為唔係太buy南乳，所以好少食雞仔餅，比較唔到同其他有咩唔同奇趣仲有好多好野食賣，例如棋子餅(無蓮蓉version，趴少見少)、蛋撻仔、嚒囉酥etc，都好想試。不過好似好難只買一件黎試，所以都一直未有機會~可惜~~

平時都有食開奇趣餅家的東西：皮蛋蘇- 一向為媽咪鍾意食的食物，所以一經過就會買，由於媽咪唔會食晒成個(一個人隊成個皮蛋落肚真係幾係唔健康)，所以我會同佢分半食，無花無假，真材實料，好好味缸蘇餅- 由細到大都鍾意食，呢度的缸蘇餅新鮮(多人買去貨快，無隔夜)!角仔- 全店至愛，好可惜只係農曆新年至有得買，我會一口氣買2、3磅，有D分比屋企人親友、當然要留返一袋比自己慢慢享用~~ 皮鬆、餡料足、甜度適中，唔講得少。(都唔平嫁，成50幾蚊先得1磅，不過好食起來，都係無所謂了)牛耳- 呢個係比較冷門的小食，唔係好多人有鍾意食牛耳呢舖引，不過細個時，缸蘇餅同牛耳係其中2鍾至愛食物，這裡的牛耳確亦不錯，一包好快食晒。香蕉糕- 過甜，無其他店內其他食物咁好味。

4/15/2007 2:00pm途徑花園街, 見奇趣人不多,就上前一睇~成日食紅豆燒餅, 今次食個光蘇餅先~平平無奇既光蘇餅原來都幾多人買.$4有2個中size, $7一包細size. 好平~ 食落鬆軟, 夠新鮮, 有陣香氣,食完對佢改觀...下次要試香蕉糕~

經過幾次, 次次都好多人買. 我都好想試下, 奈何次次都唔餓. 剛巧今天餓餓地, 買了一個合桃酥來吃. 平時十分唔鍾意d野食一咬就碎晒, 但合桃酥除外. 唔碎開就唔叫鬆化, 邊好味架. 這個確沒有讓我失望, 好鬆化, 唔油膩. 通常我只開幾口便不想吃, 因為很滯...但今次我竟然不費勁便把整個幹掉...好厲害! 怪不得這麼多人排隊和俾笑面啦!

果然人氣鼎盛，很多人在排隊。光酥餅、雞仔餅很受歡迎，燒餅更不在話下。bf 想吃淨燒餅，但前面那人一口氣買了5個，這樣就沒有了。雖然稍等只需10分鐘，但結果還是買了我想吃的紅豆。大概剛好這個表面和底層都沒有烤到焦焦的脆脆的吧，所以感覺好像早上吃的那個"麵包廊"的燒餅差不多，沒有網上那些人寫的那麼特別。但這個也煙煙un un 的，紅豆餡果然只薄薄的一層，不多。這個燒餅面層撒滿芝麻~

次次去旺角都一定要黎奇趣!今次同媽咪黎佢第1次黎都嚇親因為真係好多人排隊原來係蛋tart出爐但我無買今次買左光酥餅同豆沙燒餅次次食都覺好好食架..又唔甜wo 老細仲好好人請多個豆沙燒餅比我食

晏晝食到好飽咁出去,陪媽買完送,行去花園街買生果,順便買埋我最鐘意ge香蕉膏。時間岩岩,蛋撻新鮮出爐=)買左2個蛋撻,2個椰撻,1件香蕉膏。我買晒野上到車先食,d蛋撻變左係暖,不過重好好味。椰撻不嬲都係凍,佢又唔會太甜,岩岩好。而香蕉膏就依然好食,大大嚿,好軟熟,唔會太甜,唔會痴牙。同埋我幾鐘意蛋撻同埋椰撻個size,細細個,就算飽都食得落=)