奇華餅家 (已結業)

近年都有留意「奇華餅家」的產品，因為一來支持一下本土出品，二來跟一些卡通人物聯乘，特別受小朋友歡迎。最近，就看到其一款出品是跟Sanrio Characters聯乘所推出的「Sanrio Characters 孖裝年糕禮盒」（$128）。外觀非常有過年氣氛，而且，有好多Sanrio卡通，十分搶鏡吸引。而且，更附送Sanrio Characters環保袋，如果是Sanrio的粉絲，就更加萬勿錯過，因為環保袋上的卡通都設計得非常可愛。名為孖裝年糕，當然盒內有兩個年糕啦，分別是一啡一白的「Hello Kitty迷你亞嫲糖年糕」及「MyMelody迷你椰汁糖年糕」。表面以為平平無奇，反轉之後，就會清楚看到Hello Kitty及My Melody的樣貌印在年糕之上。「Hello Kitty迷你亞嫲糖年糕」入口煙糯香甜，甜味又來得自然，亦剛剛好，佐以一杯濃茶，就更為搭配。傳統就是傳統，過年吃一口年糕才有過年的感覺。另一款「My Melody迷你椰汁糖年糕」因為加入椰汁做成，故此，入口味道更為清甜有椰香，最喜歡是年糕吃來煙韌卻不黏牙。近來，香港實在發生了很多不開心的事，但願新一年，好事一件接一件而

仲有個多星期就喺端午節，應節活動方面，熱辣辣天氣之下睇扒龍舟就真喺無乜興趣，但食糉呢？就當然啱我啦，多謝友人，讓小弟試咗兩款新糉，一款肉，一款素，可以講同老婆各有所好。蜜棗栗子麥米素糉 $58睇包裝袋背反後嘅成份，有蜜棗、栗子、紅藜麥、燕麥米，單睇咁嘅牌面，已覺得佢好健康，絕對喺愛好健康人士嘅不二之選。隻糉無論內內外外，都有好多料，尤其加咗燕麥飯、紅藜麥，以至極具咬口。不過，要有少少心理準備，整體味道會偏淡，所以，我哋加咗少少龍眼蜜，當甜糉咁食，令味道帶有一份清甜。梅菜紅燒肉糉 $62上面隻素糉較淡口，而呢隻唔使講，一定喺以濃味為賣點，睇到佢成份寫住五花腩、紅燒汁，未食已覺得好濃郁惹味。雖然話喺用上五花腩，但入口無想像中咁肥，而五花腩嘅油脂及紅燒汁滲入晒去糯米中，入口煙糯而濃香，又嗒到淡淡梅菜香，整體感覺不俗。友人仲附上相關單張，介紹其他出品，可以講喺「糉」動員大晒冷。確實，依家每間店為吸客都各出奇諜，做到「糉」類繁多。最後，當然點都要藉此講句多謝，讓小弟能夠提早應節，品嚐到兩款新糉。