影片
相关文章
近年都有留意「奇华饼家」的产品，因为一来支持一下本土出品，二来跟一些卡通人物联乘，特别受小朋友欢迎。最近，就看到其一款出品是跟Sanrio Characters联乘所推出的「Sanrio Characters 孖装年糕礼盒」（$128）。外观非常有过年气氛，而且，有好多Sanrio卡通，十分抢镜吸引。而且，更附送Sanrio Characters环保袋，如果是Sanrio的粉丝，就更加万勿错过，因为环保袋上的卡通都设计得非常可爱。名为孖装年糕，当然盒内有两个年糕啦，分别是一啡一白的「Hello Kitty迷你亚嫲糖年糕」及「MyMelody迷你椰汁糖年糕」。表面以为平平无奇，反转之后，就会清楚看到Hello Kitty及My Melody的样貌印在年糕之上。「Hello Kitty迷你亚嫲糖年糕」入口烟糯香甜，甜味又来得自然，亦刚刚好，佐以一杯浓茶，就更为搭配。传统就是传统，过年吃一口年糕才有过年的感觉。另一款「My Melody迷你椰汁糖年糕」因为加入椰汁做成，故此，入口味道更为清甜有椰香，最喜欢是年糕吃来烟韧却不黏牙。近来，香港实在发生了很多不开心的事，但愿新一年，好事一件接一件而来！
继续阅读
仲有个多星期就喺端午节，应节活动方面，热辣辣天气之下睇扒龙舟就真喺无乜兴趣，但食粽呢？就当然啱我啦，多谢友人，让小弟试咗两款新粽，一款肉，一款素，可以讲同老婆各有所好。蜜枣栗子麦米素粽 $58睇包装袋背反后嘅成份，有蜜枣、栗子、红藜麦、燕麦米，单睇咁嘅牌面，已觉得佢好健康，绝对喺爱好健康人士嘅不二之选。只粽无论内内外外，都有好多料，尤其加咗燕麦饭、红藜麦，以至极具咬口。不过，要有少少心理准备，整体味道会偏淡，所以，我哋加咗少少龙眼蜜，当甜粽咁食，令味道带有一份清甜。梅菜红烧肉粽 $62上面只素粽较淡口，而呢只唔使讲，一定喺以浓味为卖点，睇到佢成份写住五花腩、红烧汁，未食已觉得好浓郁惹味。虽然话喺用上五花腩，但入口无想像中咁肥，而五花腩嘅油脂及红烧汁渗入晒去糯米中，入口烟糯而浓香，又嗒到淡淡梅菜香，整体感觉不俗。友人仲附上相关单张，介绍其他出品，可以讲喺「粽」动员大晒冷。确实，依家每间店为吸客都各出奇谍，做到「粽」类繁多。最后，当然点都要藉此讲句多谢，让小弟能够提早应节，品尝到两款新粽。
继续阅读