奇華餅家 (怡安中心)

前日（28-9-2025 Sun）晏晝，同老公，姑媽，契爺喺中要蓮香樓飲茶，臨走姑媽同契爺都俾月餅我哋，姑媽俾兩個奇華迷你蛋黃蓮蓉月餅我哋，契爺就誇張，送喺元朗發跡嘅恆香同榮華正常size嘅雙黃白蓮蓉月餅各一盒俾我哋，我好耐冇食後者呢兩間嘅月餅喇。我哋拎到返到屋都唔會咁快食，我到噚日（29-9-2025 Mon）放假，朝早喺屋企試，首先試呢間，依家食月餅，多數都係白蓮蓉同奶黃，黃蓮蓉嘅好耐冇食，今次就試返，切開睇，黃蓮蓉嘅顏色當然比白蓮蓉深，亦見到蛋黃有油，但食落都係冇乜油，蓮蓉唔太甜。而佢嘅味道同蓮香樓嘅唔同，冇咁濃（食評係2025年9月16日提交嘅呢篇：https://www.openrice.com/zh/hongkong/review/%E5%88%9D%E8%A9%A6%E7%99%BE%E5%B9%B4%E8%80%81%E5%BA%97%E6%9C%88%E9%A4%85-e6189220）。唔知姑媽喺邊間奇華攞，應該都係最近佢嘅呢間啩。…查看更多

依家啲商家做生意，都會各出奇謀，最常見就喺搶「頭啖湯」嘅策略，四月尾講賣糉，八月推出月餅，所以，十一月出現聖誕禮品已好平常，就算收到都變得唔喺咩特別嘢。多謝友人，提早祝小弟聖誕快樂，送嚟小小聖誕心意。所收到嘅 小禮物喺奇華餅家嘅聖誕節禮盒，內裡包含：黑白芝麻蝴蝶酥（2包，每包3件）、小紅莓牛油曲奇（6件）、杏仁片朱古力牛油曲奇（6件）及原味手製鳥結糖（8件）。黑白芝麻蝴蝶酥蝴蝶酥喺近年唔少餅店都有出嘅產品，因為其吸引之處喺酥化且富牛油香。奇華依一款蝴蝶酥，加入咗黑白芝麻，就添多一朕芝麻香，入口非常香脆。我仲記得佢哋有一款玉桂口味，印象中仲好食，唔知仲有無出呢。小紅莓牛油曲奇佢哋一向有出曲奇，所以，對此都唔陌生，禮盒內就有兩款迷你曲奇，先試小紅莓，簡單嚟講就喺牛油曲奇底加入紅莓乾，所以鬆脆嘅口感中，有煙韌嘅紅莓乾，酸酸甜甜，真喺幾好食。杏仁片朱古力牛油曲奇另一款就加咗杏仁片，入口故然多份薄薄嘅杏仁片脆口感，而曲奇底嘅朱古力味亦香濃。原味手製鳥結糖奇華嘅鳥結糖都曾經食過好幾次，印象一向都唔錯，既有牛奶香味，唔會過份死甜，口感煙煙韌韌，混入唔少花生粒好有咬口。雖然，唔喺整個禮盒都以曲奇為主，但「好友狂嚐曲」依個系列好耐無寫過喇，但話晒盒內都有兩款曲奇，就抽抽水放入依個系列啦！…查看更多

今日，同事帶了一罐鳳梨酥回來與大家分甘同味。一鐵罐鳳梨酥有四件，一件蛋黃、一件蜜瓜，以及兩件椰果。餡料配搭怪怪的，若是小妹，絕不會買的。 小妹揀了看似較正常的蛋黃鳳梨酥，咬下，酥皮厚厚的、粉粉的，帶著點點麵粉味和奶粉味，卻沒有烘培後那一陣的香味或鬆脆質感。餡料中的鳳梨蓉少而味道不太突出，稱不上軟韌香甜；蛋黃也未夠甘香油潤，蛋香稍遜，且鳳梨蓉與蛋黃味道不太匹配，徒予人怪怪之感。…查看更多

馬年大年初一，辣子謹祝各位龍馬精神、馬到功成，馬上有好嘢食！今個農曆年吃過的糕點種類不算很多，比較特別的有這個出自奇華的薑汁日本甘薯糕，據說用上來自日本德島的金時紫薯。（金時蕃薯有幾出名？大家有吃過一款叫宇治金時的日本甜品就知了。）言歸正傳，這個糕裡面的甘薯粒份量不算太多，也切得相當細碎，所以欠了一點質感，而且糕身也比較「削」，好在裡面加了薑汁，有香味又暖胃，所以食味仍算不俗。祝大家都有個甜蜜的馬年！…查看更多

食飽晚飯後甜品多多...我真懷疑自己有冇暴食症- -"蛋黃豆蓉酥(奇華餅家)+soda water + 3盒啫喱(活力比既果D，其中一盒似係洗潔精味- -")不過先談談食「酥」心得吧蛋黃豆蓉酥層層酥脆，明顯可見數層，不過取出酥餅時有不少酥皮掉下...豆蓉不大甜，少少的黏性，也不至於過黏，味道不俗蛋黃也不至於過咸，兩者配搭上口風味甚佳…查看更多

一直沒留意原來奇華有糖賣, 早前甜牙齒發作, 去買了些吃。都好像有幾款選擇的, 除了一向不大感興趣的南棗合桃糕之外, 還有:南瓜籽脆糖 ($16/100克) x 4 粒、手製鳥結糖 ($14/100克) 和 咖啡手製鳥結糖 ($14/100克) 各3 粒。我已把兩種不同價錢的糖分開袋, 但店員還是以南瓜子脆糖的價錢收我錢! (返家才見到單據上顯示 110 克, 共銀 $17.6)南瓜籽脆糖是以原粒南瓜籽以糖漿褢著製成的, 果然是卜卜脆, 但糖漿太強烈以至南瓜籽的果仁香味不能盡情發揮。兩款鳥結糖造型原始, 說是手造的也教人信服, 外脆內黏軟, 合格有餘, 花生香脆沒膉味; 兩款口味中較喜歡咖啡味, 因為咖啡香味是想不到的強勁呢!…查看更多

假日有空，太座在家執拾抽屜，發現有些餅券，是已擺放多年，其中有些是中式嫁女餅，她說不想再多放十年。走到餅店換餅，她心想換了甚麼紅綾、白綾酥等，兩小鬼又不感興趣，不知何日我們才可吃完，倒不如換其他餅食。結果她換了腰果咖啡曲奇，芝麻曲奇，合桃曲奇，紅豆燒餅，薩琪瑪，真正雞蛋糕和香蕉蛋糕各一袋，用餅券祇需加兩元，虧她頭腦靈活想得到。香蕉蛋糕 體積比「小牛蛋」大些少，很軟綿，有香蕉的香味，有香蕉肉的黑點，似真材實料，然而亦帶點人造香精的味道，也算過得去。紅豆燒餅 似日本的銅鑼燒，兩塊軟的燒餅，夾著紅豆蓉，不太甜，當小吃不錯。真正雞蛋糕 梅花形，面有欖仁數顆，蛋糕鬆軟，沒有駭人的深黃色色素，可口味美。芝麻曲奇 唧成花形，有黑芝麻，入口鬆脆，牛油味不濃，不比「藍罐」差。腰果咖啡曲奇 獨立包裝，咖啡味不太濃，質地不及芝麻曲奇般鬆脆，腰果成份不算多，若與 Jenny's Bakery 的咖啡曲奇比較，咖啡味差很遠，鬆脆度亦一樣，當然價錢亦相差一大截。合桃曲奇　切成圓形，咬落鬆脆，夾雜有合桃碎，牛油味亦不重，合格。　薩琪瑪 即俗稱馬仔，是滿清時代的甜品小食，孩提時到現在，對其愛意未減，感覺其構造古怪，質感獨特，有麥芽糖漿纏繞，蛋味濃郁，又有芝麻增添香味和口感，吃了也不覺膩。香港終於有手信！乍聽可喜，實則也有點悲，為甚麼香港比澳門大，但揀起手，唔知買乜做手信，也許香港地方大，各樣食品都有，飛天燒鵝，老婆餅等等，又不像澳門般集中幾條街賣手信；店員更慷慨地站在店前歡迎試食，香港甚少見這類餅家任你試食，怕餂底乎？就算一般區域的店舖不做推廣，在遊客區也應要做，才可引起人客興趣，君不見蔡瀾也渡江說：「食餅有餅味。」當然，曾志偉的廣告也堪回味，印象難忘，比起以前，市場推廣和形象方面，已有很大改進，作為香港人的我，當然會支持香港，亦希望香港終於有手信！…查看更多

其實奇華啲嘢絕對唔算平, 但又真係幾好味, 冇計; 近呢個月趁有做特價時買了幾款新嘢輪住嚟試 (以下價錢為原價):香蕉燕麥蛋白蛋糕、薑汁蛋白蛋糕 (? $5.5@): 前者內有幼細的麥粒, 所以口感有點嚡不過我幾鍾意, 且有濃郁的香蕉味, 不錯不錯; 只不過記憶中若干年前都有出過類似的蛋糕, 但那時是大件很多且有燕麥片在面的, 現在的似有偷工減料之嫌。薑汁蛋白蛋糕除有有充足的薑味之外都是淡淡的, 所以薑味有點太搶, 可能是只用蛋白沒有蛋味的緣故。蛋白蛋糕、黑糖蛋白蛋糕 ($5.5@): 這兩款蛋白蛋糕看來大件不少了, 但也是輕輕軟軟的, 原味的味道比較清淡, 吃了像食了陣風, 黑糖蛋白蛋糕據說採用來自日本的黑糖, 故有香甜得來帶點微甘的黑糖味, 相比起來我較喜歡黑糖味的。綠茶蛋白雞蛋卷、亞麻籽蛋白雞蛋卷 ($10@): 繼續蛋白系列, 今次到蛋卷。綠茶味的外觀有點嚇人, 其實是幾好味的, 起碼有我喜歡的綠茶味; 但也是由於少了蛋黃的關係, 沒了蛋味而使牛油味過分突出, 吃了一條已覺得有點膩, 這情況在亞麻籽蛋卷中尤為明顯, 所以這個都是小食多滋味, 拿了去跟同事們分甘同味了。本地幾家老餅家中, 奇華是其中一家肯銳意求變而又做得不錯的, 成功邁向新一代。…查看更多