太興 (宇晴匯)

营业中

休息中

人到了茘枝角，忽然想起也很久沒來太興了。這裡的燒肉很不錯，吃了十幾年都總能保持水準。不知道這裡的叉燒的火侯也很好，就來吃碟叉燒飯。午市都幾多叔伯在用膳。在這裡吃燒叉燒鵝飯，要「焦一點，少飯」的，叉燒份量都不少。因為要了「焦叉」，所以是近尾的位置，但吃起來鬆化但不過腍，不過甜有肉香，好吃又有水準。薄的已不錯，厚身的一邊不韌，也都好吃，仍然值得推薦。慢慢地，市面上不少酒店的中菜廳都將叉燒做得又甜又腍，去做成一股「大眾口味」。可能我也差點忘記了，這個味道，才是叉燒最好吃的味道。鬆化，不太甜，好吃來總結這午飯。

細細個都係太興做過一陣侍應，人流又多又旺。 個陣成日可以食燒味飯，真係唔好話唔正呀。不過，講真一句，作為客仔去食真係會覺得唔抵食。 今日，午餐去左食晏啦。 成組人一齊去左食太興，我就平少少點左個排骨麵線啦，但都唔係真係好平，都要足足$49。講一講個麵先，湯底就係一個淡少少既公仔麵既湯底，充斥著味精。麵條都尚算彈牙，唔會浸到淋晒，份量亦夠食有餘! 排骨確實係值得一讚，醬油味好濃郁，成功調起個麵，令到整體黎講味道豐富左，唔會太過的清淡⊙⊙不過，最後我真係想講一聲佢既CP值奇低，呢個麵絕對應該賣平啲

這是在家附近的第二飯堂，再次去醫肚，入內後看到有特價雞，還說是土薑松子雞，叫了半隻，非常有雞味而帶鲜，還加了一個沙嗲金菇肥牛煲，内裡的粉絲極香口，還加了些波羅而引點甜味來，極正！跟餐加了冰震凍奶茶，甜味剛剛好

太興燒味(餐廳)集團是香港的一間連鎖快餐店，成立於1989年，現在太興燒味分店廣佈各區，甚至北上中國大陸。太興結合了中國傳統及現代時尚的美食精萃，優化餐廳作為「港式茶餐廳」的概念，讓客人既可品嚐到各式明爐燒味，又可細味地道奶茶小品，體驗正宗的港式情懷。此外，餐廳更提供一系列西式餐類以及富東南亞特色的菜式，食物種類走多元化路線。明爐燒味供外賣或堂食，睇到滿意才落單 老火湯用保溫壺盛載，唔會越飲越凍 ~~~ 好細心 牛柳絲炒濕河落啲油太多，失敗 …. 但味道好正 南洋式咖喱牛腩 … 好香濃

今晚特意係公司趕番來,同太太一齊食晚飯,點知淨係太太食,我只望住,我之前所叫的梅子蒸排骨等咗30分鐘都出唔到來,追單,侍應仲答我廚房唔係一收到單就即整,而且依個時間要耐d,再等多10分鐘,問佢係咪10分鐘一定有,佢答唔到,於是我取消呢個order!個收銀仲要眼望望,服務真係O咀!今晚太太點咗鮮茄粟米滑蛋蝦仁飯+熱奶茶鮮茄粟米滑蛋蝦仁飯>>賣相幾好,不過蛋部分好咸,部分無味,應該係鹽未攪均,而且飯好硬!熱奶茶>>keep到水準,重茶味!

太興的食物是好食，但好貴。最平的午餐是餐肉煎蛋飯+熱飲要$42；而最普通的茶餐是雪菜肉絲米+炒蛋多士+熱飲亦都要$42。今次我叫了胡椒魚肚雞泡飯，食前我有好小心看清楚,因同事上次亦是叫了這個飯，但竟然有小强。這個泡飯，胡椒味很重，材料很多有雞、魚肚、红棗、小木耳、香芹。食後全身興烚烚,冬天食一流。牛柳絲瑞士汁炒河，份量不是很多，味道較甜。燒味八寶飯，咸蛋是全隻，沒有油不好吃。黑椒牛扒飯，味道ok。

今晚六點幾去食飯,唔晒等位,大把位可以choose !本身諗住試下鮮魚湯海鮮壽桃麵,不過落單個時話無蝦丸改比魚角!嘩~差好遠,咁就轉乳豬飯,點知又話無出乳豬喇!當堂o 晒嘴!!!最後改叫馬油鹹魚蒸肉餅+例湯,鮮菠蘿萫茄班腩飯例湯>>幾乎次次都差不多味道,無乜特別馬油鹹魚蒸肉餅>>有原塊馬油鹹魚,好味!好香!肉餅ok,軟硬適中鮮菠蘿萫茄班腩飯>>味道差咗,魚塊不脆!

今日友人有要事往荔枝角, 所以要在長沙灣搵食友人提議試吓太興. 心想, 太興? 三時多到, 見餐牌有下午茶餐叫了燒味雙拼燒肉墨魚湯米線同星洲炒米跟茶走咖啡燒肉墨魚湯米線 ($37) : 燒豬皮脆肉不"鞋", 墨魚就無咩味道. 湯底偏鹹星洲炒米 ($40) : 足枓. 咖哩味濃, 不太肥膩茶走: 友人話啲煉奶另上, 可以自家控制甜度. 一讚. 要挑剔嘅就係紅茶不太熱咖啡: 以一間不是以西餐為主廳嘅店舖, 有啲驚喜

今日晏起身結果早餐連午餐一齊搞掂.老婆同事介紹過太興下午餐都幾多嘢食,啱嘞依家去試吓.2點半去到唔使等有位.一口氣叫咗三個下午茶餐.鮑汁雞翼撈麵餐,三大隻雞中翼雖然係雪雞但用鮑汁煮能帶出雞味無雪味.麵太淋失去口感.雪菜肉絲湯米粉配炒蛋多士餐,米粉超大碗雪菜肉絲落足料,炒蛋軟滑蛋汁多蛋味濃加上鬆脆多士,一流.輕盈叉燒飯,叉燒肥瘦適中,但飯身略硬同唔夠叉燒汁.兩個人食3個餐有啲飽過頭但好味所以食得晒.

話說三個月前在同一間食店就食到火滾,服務差,冷氣太凍不特只餸菜無嚟味道連杯水都殘留洗碗水味......但今晚呢一餐令我對呢間餐廳有點改觀.今晚外母請食飯由佢發辦去邊度食,見唔使煮有時間整埋吓屋企.到咗晚上七點半去到都唔使等好耐就有枱,坐低唔使避風口位,落單既侍應有耐性就算改咗兩次單都好有笑容同有禮貌地覆單.今次外母點咗四個餐:有我鍾意食既西蘭花炒班球,西蘭花清爽,班球炒得很冶味.原本想幫老婆點豉汁蒸倉魚但無貨唯有叫咗清蒸紅油,魚肉十分新鮮可惜蒸過火候肉有點"鞋".同大四喜燒味拼盤,自選四種燒味:叉燒味道一般夾起有啲散散哋,乳豬皮脆肉嫩無乜肥膏十分出色,油雞沒有雞味和分蹄"乾爭爭"很失望.仲有外母至愛既咸蛋蒸墨魚餅,咸蛋既咸香加上墨魚滑既彈牙令人十分回味.最後要咗杯冰鎮奶茶.雖然各方面都有進步,但上飯既速度仲需要大力改善,唔係既話等到啲餸凍晒真係食乜都無味!

放工放得夜, 所以屋企留下既太興就成為咗我地既飯堂喇... 可能呢度好多"無飯"夫婦啦, 所以太興成日都好多人, 好大機會要等位, 我地今日都要等3張枱(大約5分鐘)...環境:因為都算新, 所以環境都好好, 座位都坐得好舒服, 而且佢都預咗有D大枱比一家人黎食, 好細心...食物:我地兩個人就叫了兩個小菜餐, 要湯無要到飲品: 冬瓜瘦肉湯: 我地比較少湯水, 所以我都會叫湯飲, D湯無味精..... 菜芯蒜香煎焗安格入牛柳絲: 牛柳絲好食, 唔老, 好好味.... 瑤柱蝦皇醬大砂煲啫啫通菜: 呢個係我老公既至愛, 佢話好好味... 份量都好大份, 好多瑤柱, 味道好濃, 我就覺得味道太濃喇, 因為我唔食飯...如果送飯都可以既...服務:服務員態度可以, 好快手. 但係今日D餸出得好慢, 枱枱人都要不段追, 叫燒味就無呢個問題, 所以有D人食完個燒味都仲未黎餸. 總括:我都會繼續黎食, 話晒飯堂MA.... 佢平時出餸都好快, 係今次失手, 希望唔會有下次啦!!!!

I wanted to try this place after reading from a blog that Tai Hing's ying yong was voted one of the best in Hong Kong (considering it's a chain outlet). Also there seem to be a queue for dinner everytime i walked pass.We ordered a claypot tofu set (with rice and soup) and a 'phat pou' set (rice with a variety of roasted meat, soup and vege dish). The 'phat pou' set is rather large so if you are a small eater, it can feed 2 pax. The tofu is really good and one of the better tasting food I've trie

琴日去左呢間店到食晏,一坐得睇個餐牌,一個燒味雙拼餐連凍野飲要$47,嘩,咁貴,一定好好食啦,叫左個墨魚油雞飯,一上枱,碟飯o既size比較細,講真,食曬成碟都唔覺得飽,d墨魚超韌,冇乜味,有d似食橡筋,油雞都只係一般,而且冇雞味,$47你比咁o既野我,根本就係離譜!!冇下次!!

本身已覺得太興燒鵝的水準不俗，再加上參觀過其中央廚房，令我對這品牌更有好感。突然想吃燒味，公司附近的茶記也不太爭氣，倒不如行多幾步去宇晴軒的太興。雙拼飯$44，叫三個飯買條友食，對於細食的我們來說，份量剛好。飯不說太多，著力講講那六款餸好了。選了的分別是叉燒、燒肉、油雞、乳豬，還有墨魚，當然亦少不了這裡的名物燒鵝。幾款之中，有好的，有一般的，先說不太出色的。燒肉，肉質不會太韌，可是皮偏硬，未及鬆脆；油雞雞皮偏厚，肉唔算好嫩口，還是那碟薑蓉較為吸引；墨魚是咁多款之中最失敗的，毫無鮮味，很韌，像吃擦字膠一樣，下次可以飛起呢一味。好吃的有叉燒，半肥瘦，質感軟稔，帶點蜜味，很好吃；乳豬肥瘦肉比例適中，肉又是嫩滑，乳豬皮香脆，雖仍未能算是化皮程度，總的說仍是可口；太興的燒鵝也肯定不會失手，鵝皮香脆，肉質鮮嫩，充滿肉汁，吃起來很有油香，只恨份量太少。另一樣不能錯過的就是冰鎮奶茶，入口順滑，富茶味，冰鎮做法又能令茶味歷久常新。拉上補下，雖仍有進步空間，但總的說是滿意的，尤其在沒有太多競爭對手的荔枝角區，這裡仍是我吃燒味的首選。

去到太興，當然要食燒味啦！下午茶叫左個燒鵝紅腸湯米粉+凍啡，黎到原來係鵝脾，食落去層皮又香又脆，紅腸正常，而米粉又Ｄ似蒙粉，個湯亦夠味，佢地Ｄ辣椒好正，加埋落碗粉到仲好食。雖然價錢略高，但食物質素最緊要，況且四小龍呢頭冇淡好食，除左海麗邨祥景，呢度差不多係唯一選擇！