太興 (雅蘭中心)

营业中

休息中

以前太興冇咁多分店果陣覺得佢d食物okay, 燒味飯真係幾好食! 不過, 自從佢越黎越貴, d奶茶又越黎越細杯之後就比較少幫襯, 而且屋企附近間太興真係麻麻地...所以盡量都少去!呢日因為要速食先至揀太興! 2個人, 叫左1個燒鵝脾飯, 1個西蘭花玉子....個小菜本身冇飯, 如果加$15就會有飯+湯, 因為我非常鍾意食白飯, 所以雖然覺得貴都照加!以茶記黎講, 2個餐都幾好味. 個西蘭花煮得幾好, 而且算冇乜油! 不過埋單要$126蚊, 我覺得好貴...所以都係要盡量少食! p.s. 落單個waiter幾好禮貌, 唔單止介紹邊隻菜好味d, 仲主動比隻即棄手套我地食鵝脾!

服務態度極差的(太興)今日去這間太興服務員一副做又36吾做又36 的態度, 落單好似見你吾到 就算眼望到你 都吾理你 望向另外一邊, 好在有一個可能高級服務員四眼叔叔行來幫我落單同said sorry, 叫了雞腳公仔麵加一杯凍奶茶, 餐到了,但發覺無飲管, 正常係叫服務員拿飲管, 經典, 我見到個女服務員行過於是就很客氣同個女服務員說, 吾該可吾可以要支飲管 ,回應是 (( 吾得閒 )) 真的從未想過一間餐廳服務員可以和客人說吾得間, 重點係一間有些明氣的餐廳,可以聽到這句說話,最後又是四眼哥哥拿給我, 算了, 食物是無問題, 很好來形容,但服務------徐了四眼哥哥之外, 其他不知所謂來形容.

一一向都幾喜歡太興，翠華等茶記雖然係貴, 但因為食物有水準, 對自己好小小係應該既 今日到旺角抽血後, 餓到行都無力, 就係化驗所樓下...太興解決早午餐合一三文魚炒飯加熱咖啡 $47 先來是咖啡, 已超出茶記的人手即沖形式, 已由咖啡機代勞的作品 雖然未夠滑溜, 但咖啡比較濃而帶出點點甘香, 其實是各有各好的　 三文魚炒飯 :, 三文魚帶咸香配以香蔥, 蛋白絲和菜莖等炒飯粒粒粒分明油份下很小, 很有湲準的炒功配料雖以淡味為主, 十分健康的配搭 而且讚的調味剛剛好, 絕對是慢工出細貨 。

太興開了咁耐 開了咁分間我都係去過呢間一次 因為知佢定價太貴今次都係去試一試 旺角新店生意好到不得了比翠華更好生意 人多到派籌想不到一間茶記竟然如酒家有派籌?先叫店中名物-奶茶 原來已是冰鎮上不用另點 先試一口 真係有一口濃濃花奶好飲!到食燒味時間 亦是幾好食 個人不太喜愛燒味但我都食得出 此店水準都幾好 但比廣東燒味差不太多價錢就差多多!總而言之 食物係幾好 但一分錢一分貨 只能視為理所當然所有今次評為 ok!

某月某日，想搵個地方坐低下午茶，諗極都諗唔到很到已經好鬼累，呢間太興就出現左係我面前，咁就唔理咁多入去坐下涼下冷氣先啦。入到去估唔到都幾多人，開頭個知客姐姐叫我地坐大檯同其他客人一齊坐，不過我地唔理佢見到有梳化卡位就坐左埋去，個D侍應又無咩反應喎~ 已經熱到死，梗係寧願坐得舒服D~~叫左兩個下午茶餐，分別係頂級午餐肉滑蛋公仔麵，同埋自家製厚多士，一直未試過佢既冰鎮奶茶所以叫左杯黎試下~~~話時話呢個「頂級午餐肉滑蛋公仔麵」都幾好食，所以我幾乎次次都有叫佢。公仔麵食落蘆錯，唔會煮得太淋，有少少彈牙，湯底亦唔會太淡太鹹。午餐肉食落真係見到D火腿豬肉係入面，食落較香而且夠厚切，滑蛋雖然唔算真係炒得好好，不過都有蛋汁同唔會過熟，係OK的~ 不過廿幾蚊食個餐蛋麵，就唔係個個覺得值囉~叫左自家製奶醬厚多士，多士咬落幾香口而且夠脆，不過食完都覺得好熱氣呀~ 花生醬有粒粒花生係度，其實無咩好評，不過我覺得如果煉奶再多D會好食D，而且主要都係食到花生醬既味道~~~至於第一次飲既冰鎮奶茶我覺得OK啦，可能本身唔係太好奶茶呢樣野，覺得佢奶味好重，不過茶味好似爭少少~~ 而且係幾甜的，但味道唔會變得越來越淡又

太興是我地熱愛飯堂之一, 特別是燒味, 焗豬扒飯, 瑞士汁濕炒牛河, 奶醬厚多士..........一般飲宴大概八或九時先開席, 通常我地都會先打個底. 突然想食太興既瑞士汁濕炒牛河, 就來這間新開無耐座落旺角雅蘭既分店, 貪其新淨, 坐位舒適, 坐耐少少都得.我地 share 咗1個tea set + 1個炒粉麵 set.tea set : 奶醬厚多士 + 凍 鹹 lemon 7-up粉麵 set : 瑞士汁濕炒牛河 + 凍 lemon tea 少甜

老火湯叉燒燒鴨瀨粉$37凍奶茶炸菜肉絲米粉$33炒疍多士是日睇完戲先食正餐，時間已過，唯有食下午茶餐戲係（分手說愛你），導演之前嗰幾部戲都係拍得一般，今次海報、電視廣告都幾吸引，片頭睇到有電影發展基金，即係大家都有份，兩個主角完全係真情留露，一啲造作都冇，好多人都感動到喊，導同演呢部戲嘅都幾有心機真係要支持吓啲有誠意嘅港產片啲嘢食都係穩穩陣陣，叉燒入味有咬口，燒鴨不過不失米粉幾彈牙，炸菜肉絲唔過咸炒疍多士幾脆湯好夠火候，足料夠甜奶茶都算滑，但茶味唔夠濃星加坡啲奶茶好飲過佢好多

上手王家沙執笠之後，太興一早就開始裝修，整左好多個月終於開張，今晚決定去太興買燒味返屋企加餸!黎太興，燒腩仔一向係我必點食品，今次唔例外，半斤叉燒 + 半斤燒腩仔。叉燒($76/斤)：半肥瘦，入口鬆化，夠香口，蜜味!!燒腩仔($120/斤)：斬得好大舊，皮一貫好脆，但肉就好肥&好韌，好失望!!環境方面，店內大部份都係卡位，相當別緻，唔似茶餐廳，欣賞!!

繼茶餐廳大哥翠華於五月初空降旺角後, 本港茶餐廳界另一龍頭太興亦不甘示弱, 於距離翠華新店開幕只有數星期時間, 便在其店址只隔兩個街口的位置開設分店, 誓要在旺角區這個兵家必爭之地分享「奶茶」市場的一杯羹。位於雅蘭中心的太興, 是其集團首家設於旺角鬧市的分店, 另外有兩家所謂「同區」的分店, 分別位於近油麻地的駿發花園和近太子的金魚街, 想喝一杯冰鎮原味奶茶也要步行十多分鐘啊。相比兩位競爭對手銀龍和翠華, 太興旺角新店的位置較為輸蝕。銀龍有兩家分店座落旺角區人流最暢旺的西洋菜街和通菜街中央位置, 兩店只隔著一條亞皆老街, 可盡吸亞皆老街南北兩邊的人流,; 翠華則位於旺角文華, 正正對面便是朗豪坊, 並與多個地鐵站出口為鄰, 是眾多經過該地帶的途人必經之路, 可獨攬彌敦道以西的人流; 至於太興, 則位於砵蘭街和山東街交界的街角, 前身為王家沙, 偏離地鐵站出口, 亦與旺角的慣性人流區域有些距離, 主要人流只有喜愛夜生活和進出該處一帶娛樂場所的顧客和員工。太興旺角店在地理上的輸蝕,亦能從其開幕當日的入座狀況反映到出來。回到數週前當地理形勢較佔優的翠華旺角店開幕時, 入座率也超過一半,而是日