太白樓 (已結業)

地方都幾街坊，客人亦言，所以未必滿足到部分要求整潔衛生的人。我自己都唔鐘意人食煙，不過香港地就係咁，要改善只好等政府推行全面食肆禁煙了。話說回來，佢地個火鍋湯底真係算唔錯，我食開麻辣的，佢有個"重慶辣"湯底，樣子及材料都很足，湯面滿是辣椒干，湯內亦滿是花椒子及其他香料，十分值得推薦! 雖然辣味還是不夠，但已經令我深感其廚房誠意。有提供香料專枱，有十幾種不同醬料給大家食火鍋時"混醬"!誠意推薦"花椒油"，受得辣香既一定要試。食料方面，唔係試過很多料，但是份量算"重手"，而且最緊要係新鮮! 試過的包括蝦，本地牛肉，菜等，材料不算上品但亦比一般任食火鍋為好。伙計亦算是有求必應，ok了我未覺得太白樓係一間好正的食肆，但計番想食好過一般的麻辣火鍋地方，依度算唔錯。

this place is crap. it's super dirty and the table service is super bad.people are SMOKING all over the NON-SMOKING AREA. and the waiters willingly pass them ash trays. what da hell ?!?!

醬料可以自己出面執, 咁就可以教到自己鐘意O既份量啦,響太白樓試過叫送食飯, 亦試過打邊爐,我覺得打邊爐幾好, D料幾新鮮,款式唔算特別, 大路o既都有的!地方夠光猛同埋乾淨, d西瓜汁見到佢即整的!!

我已經黎食過幾次任食火鍋喇, 最鍾意係擺放左好多種醬料任你配搭, 有醋、幾款辣椒油/醬、麻油、麻醬、花生碎、芫茜、乾紅椒、青瓜絲等等, 令你d 火煱食料更o岩你口味, 又更有特色. 火鍋配料ok, 湯底唔錯, 我地揀麻辣鴛鴦鍋, 好幾夠味. 四個人另叫飲品, 埋單每人$110.下午茶飲過好多次, 最抵係竹笙灌湯餃, 唔記食每隻$2.8定係$3.8, 夠熱夠新鮮, d 湯都幾好味, 仲唔限你叫幾多隻添. 我同朋友食完唔夠喉, 於是再叫過. 除大中小點特價外, 仲有數款特價點心$5碟, 可以試下. 不過只係一至五先有下午茶優惠.座位都唔係窄....幸x樓、明x 窄好多la.混醬火鍋同下午茶....我推薦火煱!

去得多麗都，忽然想轉轉地方，望見對街的太白樓，便打算去試一試。上面環境很迫狹，凳背貼凳背，差點要練縮骨功才能順利坐下。此酒家都有特價早市，有每日一款特價的盅頭飯，是日是蝦米排骨飯，和爸爸，弟弟三人，叫了一盅，另剔點心紙要蝦腸、叉燒包和上湯鮮竹卷。點心基本上不過不失，有驚喜的是，鮮竹卷的餡是雞絲，個上湯幾清甜，飲也不覺口渴，應該沒有落味精。特別想講o下盅頭飯，上檯時真的給那個盅嚇親，好似小朋友玩煮飯仔o既size，分量超少，我們一人都冇二匙，實在有點過分，而且排骨也是僅僅夠每人一件，早知如此，我寧願俾正價。