太白樓 (已結業)

太子彌敦道791號健峰保險大廈地下至1樓今早跟媽在這新酒樓飲茶, 7:15am左右去, 無乜人, 大把位, 點心幾好味, 牛腸d皮幾薄幾滑, 有傳統點心--糯米雞和鵪鶉蛋燒賣, 早茶亦有特價野, 幾抵食o 叫左成十個點心, 打埋叉燒包給老婆吃, 埋單都係一舊水左右o蒸飯太細小啦, 而且清潔阿嬸有咩理由8點先開工用漂白水拖個樓梯級, 8點開始多人嘛! 早些上班清潔好嗎?

幾十年前有間好出名食肆也是叫太白樓,所以去試試,不過侍應話開咗幾年,即係唔係以前嗰間啦!不過D嘢食都唔錯,招乎都幾好.只係地方較平民化,唔係高級嗰隻.點咗xo醬豆卜蒸魚頭及蝦醬涼瓜炒牛肉,再加例湯(西洋菜煲豬搌)味道很好,份量又多,兩個人食唔哂.例牌小菜都好大碟,唔嫌地方殘整體都唔錯.食完飯送糖水,唔鍾意部長仲換生果.

我夢醒來煙散，晨光透窗照板璧。吟詩作對過後，仍然要食早餐：帶子翠苗腸，實為帶子碎加豆苗腸；卷在腸粉中的帶子，當然不能要求過高- 有細細的帶子仔，也有碎碎的普通帶子- 帶子爽得來帶點鹹鮮，不用甜麵豉油也覺滿足。腸粉應該是手工布拉腸（而不是多層鋼籠蒸腸）- 粉皮雖然不是絹薄如紙，但米漿濃度是理想的，口感仍然幼滑非常，色澤仍然白哲剔透。即或不是布拉，腸粉也該是即整…要不難以保持豆苗的翠綠。可惜豆苗太長，難於夾開也難於咬開。

以李白的名號作招徠，再加上其"舉杯邀明月"的詩句，引起對這間酒樓的興趣，加上早茶價錢實在吸引，因此就進去。普通的一間酒樓，但人手顯然不夠，點心確實一般，但周圍都有人食煙，桌布亦較為不潔。可能來這兒應點酒，或其實這是間專給酒鬼的酒樓，可能不應對其名抱有太大的期望，畢竟這只是個名號!

星期六一行十人去食火鍋，店中的面積不算太大，我們坐在最裡面的枱。雖然周圍都有"風扇"，未開始食已經覺得熱。第一輸落單，大約過了20分鐘加催了3次，食物終於出現。基本上個個都好肚餓，又趕住去看電影，所以好快食完。第一輪中途我們已醒目地落了第二輸食物order，但等了又等，催了又催，食物都未到!因為時間關係，我們唯有埋單走人! 同行一位朋友埋單時向經理投訴，經理話下次向他反映，又say sorry! 根本他們就是拖我們，入面已經唔係多枱，而且火鍋食物應該一早準備好，又唔使立即煮，覺得他們好無賴!食物一般，每人用了$120都唔知食了些什麼，又熱又一肚氣!雖然唔係好貴，但本人覺得不值得!

屋企附近, 成日同dad+mum去. 好嘈, 幾多垃圾向地下, 不過通常酒樓都係咁.但係佢d服務都幾差, 要求去過其他位, waiter就會發脾氣.食物同其他的差不多, 春卷就次次都叫.價錢係比出名ge平少少.其實o係佢附近有一間叫石岐佬ge茶樓, d野好食d, 服務又好d, 但價錢就平好多, 下午茶唔收茶錢, 去石岐佬好過.

昨晚父親節, 一心諗住同爸爸食好啲(因為之前見到食評寫味道有4分), 於是就一早訂枱去試試, 點知....叫咗白灼蝦, 啲蝦係死蝦, 一啲都唔得, 有蝦味之餘, 爸爸仲話食到臭味....好無奈.其它餸都一般嘢, 無驚喜. 好彩價錢還算合理.

細係細d, 但好食既餐廳無須大.大而無當仲衰!d炒野, 幾好!d餸好奇特! 餸菜配合好新!!!正

決定去此店打邊爐唔係貪佢任食係貪佢既自助醬料...湯底要左麻辣鴛鴦: 一邊中辣一邊清湯. 其實中辣都係唔辣, 有機會下次試下重慶辣先. 清湯都ok仲有下雪梨, 唔知係咪清熱食物方面: 樣樣都幾新鮮架, 最欣賞係豬潤. 其他食物都ok, 不過d炸魚皮就好似放左好耐咁, 牛骨髓同駱駝峄味道都唔係太喜歡. 服務其實都ok, 只不過人手不足不能即時服務, 漏單情況都幾嚴重, 不過算啦人地都好忙啦.

尋日三點零拜完山, 兩老猛讚呢間野好食... 咁咪去lor食落.. 一般, 食完仲好口渴, 幾重味精下...食物種類唔多.. 整體都係一般野

今晚約了辣椒女的細佬食晚飯，一行四人想不到去那裏食，忽然想起從未試過這間，不如就今晚試試吧！本來打算食<任食火鍋>，但他們說想叫少菜，都沒有所為，就叫少菜吧！我們叫了一個精選晚飯孖寶、包括有鮮運八寶冬瓜盅和東江鹽水雞半隻，另叫了椒鹽軟殼蟹、飄香鮮蝦荷葉飯和宮庭醬烤骨。鮮運八寶冬瓜盅- 放冬瓜盅面的肉料，好韌又無味，湯水完全無味，都唔知係唔係忘記落鹽，失敗之作。東江鹽水雞半隻- 雞肉好韌，沒有雞味，而且好鹹，都唔知係唔係放多了鹽。椒鹽軟殼蟹- 炸得好脆，好多油，完全沒有蟹味，只有陣陣油味，都唔知係唔係萬年油。飄香鮮蝦荷葉飯- 蝦就幾新鮮，但飯在一起，味道又比較上淡，唔可以叫做好。不過不失吧！宮庭醬烤骨- 這叫做今晚比較上好的了，都幾入味，肉質還算OK。看過食評，大部份說的也只是食火鍋，看來小菜真係唔多得，但火鍋看見也只是很普通貨色，不試也吧！鹽的分量控制得這樣差，師的水準真係唔多得，相信都唔會再來的了。價錢就真係幾平，但食物只是很普通和差吧了。

對我而言，打邊爐的湯底和醬料都好重要！太白樓那個自助醬料吧真係正呀，很乾淨的自助醬料吧，有好多不同的醬料可以自由選擇，讓我可以調得一個O岩口味的醬料！我覺得可改進的地方是再加多點特別的醬料放在自助醬料吧以作選擇，哈哈！

我讚同~鹹蛋黃炸南瓜真係好好味!我本身對南瓜沒太大好感都覺得好好食~ 士多啤梨骨都好好味le~~火鍋雖然有任食唔係好平, 不過配料新鮮先係要點~ 比起集團式的火鍋店更好!

我看到的都不是你所說的拙劣！食物很好，特別是鹹蛋黃炸南瓜！飲料大大杯，正！

Reasonable price with BIG dishes.Creative food with GOOD taste.for a small restaurant like this is COOL!and it open until 2am... good for people to hung around~ Compare with the big chinese restaurant, it is free to stay until morning~~~GOOD!