天然甜品

营业中

休息中

食過晚飯就梗係要食糖水啦!!!對呢度既雪凍好有興趣,, 於是就揀左天然啦 雪凍楊枝金露d雪凍又幾得意喎,, 煙煙un un咁,, 有花生包著個面咬開後入面原來係雪糕!! 口感幾得意呀!!呢間既楊枝金露同出面有少少唔同,, 就係多左蘋果!!食落口都幾得意,, 爽爽脆脆的芒果涼粉涼粉唔會太大舊,, 配埋芒果雪糕就真係一流仲有幾舊新鮮芒果!! 好食!!

去個日人都幾多所以要係門口等下好可惜老闆既態度幾差叫我地唔好阻住佢地又叫我地唔好急 其實我地都真係企係度無做D咩見到佢對住其他人都係咁 人地等得耐佢又叫人地唔好亂咁坐 一D禮貌都無 擺明唔憂做咁終於坐低左 叫左芒果糯米滋我始終都係中情允升哩度既唔係唔好食 但多左D粉同埋芒果肉比較少不過都幾鮮甜至於另外叫既芒果雪凍豆花涼粉就幾有驚喜一次過滿足我幾個願望入面仲有芒果湯圓好似JELLY咁而雪凍就係好似金莎既雪米滋OVERALL都幾好食 仲有好多特色又平既甜品但係真係食得唔太開心..咁既服務..D野食再好都無人去啦...

今日學校去長洲旅行,,天氣好熱,,,又曬!甘岩經過哩間甜品店,,第一時間衝入去食野啦xD消下暑牙嘛,,食甜品最合適不過架嘛^^入到去要自己寫單,,幾特別~我叫左個什果雪糕西米露$22朋友叫了吾知什麼,,-U-落左單冇耐,,幾分鐘就尼,,真係快手!開餐1u~好好味也!啲生果幾甜幾新鮮,,芒果雪糕都好正,,冰冰涼涼..哈哈哈~

又帶小豬兒仔去長洲.允升又沒開, 小豬兒仔在門外扭結果回來這家二年前曾光顧的桂花芒果卷, 上次一吃難忘, 外面多層薄薄的桂花糕, 中間夾有芒果, 僅售$6芒果奶凍,配有那種大粒珍珠的, 內裏有小芒果粒粒, 爽口鮮甜奶凍, 滑滑的, 白白的, 冷冷的芒果糯米糍, 一般, 皮厚d, 中間芒果不是鮮果, 不太like...$4, 平野冇好野小豬兒還外賣2條花芒果卷

被男朋友提醒...原來一直都無為天然寫過食評~每次入長洲都一定會去天然.....最然係佢0既雪糕西瓜冰...十幾蚊勁大杯勁足料又好味...就算好似前幾日咁天寒地凍...都要入去飲返杯先安落...其他甜品無乜點食過...佢地好似出名個芒果糯米糍...但因為我唔鍾意芒果又唔鍾意食糯米糍..所以無意見~

:雪凍芒果凍奶布甸雪凍好似金莎外層係芝麻花生粒，入面係一舊勁實淨既雪糕又似雲尼拿又似椰子味芒果肉一般啦，始終而家唔係當造而芒果湯圓就真係麻麻喇，完全無味，係貪個樣幾得意囉最欣賞凍奶，好好味，食到濃郁牛奶味鍾意搞黎搞去既我，加左朋友仔既紅豆沙落凍奶度又多個新甜品出場，味道都不錯架!紅豆沙除左紅豆，仲食到其他豆類，同埋疑似薏米既東東甜度適中因為有其他豆類，所以味道比一般既多層次但亦因為咁，隔離檯同樣叫左紅豆沙既阿伯邊食邊吐豆皮出黎可能佢覺得太多渣喇

一場黎到長洲,食完海鮮,當然都要食番個甜品先至滿足,首選天然甜品,食過好多次lu,今次介紹埋朋友試下先!! 男友order咗雪凍香芒湯圓豆腐花(主要係想食呢度自家製既雪凍和香芒湯圓,出面既甜品鋪係食唔到ga!!)我就order咗雪凍香芒湯圓楊枝甘露(主要係想食呢度自家製既雪凍和香芒湯圓la!!)大家share既有桂花芒果卷(必食推介ar!!!都係出面既甜品鋪係食唔到ga!!) 和 木耳烏豆糖水(一個好中式既熱糖水,唔太甜)

I dislike chinese desserts, but I only came here for the transparent mango dumplings.I didnt expect to like it, but from the photos, they looked like marbles, so I just had to see it for myself.The desserts there are quite natrual as its shop name suggests, the fruit is just fruit served in the bowl, and the syrup/sugar is optional for you to add.Although the transparent dumplings were slightly too sweet, and it was too chewy, I would have prefer that texture similar to agar jelly (dye choi go).

難得今日黎到長洲, 食完魚蛋蝦丸, 梗係要食埋甜品啦..長洲無野多..甜品舖都可以話多架啦~係碼頭轉右跟住海邊直去就會叫到有間叫天然甜品既舖頭.佢既甜品款都好多架..但你留心睇呢,佢好多都會有雪凍2個字既~我就揀左個雪凍香芒楊枝甘路啦~20$ 多多料都幾抵食架~佢個到就有粒叫雪凍既物體~煙煙韌韌咁, 有D似雪糕LO米滋架~又花生滋麻, 成粒金莎咁, 但入面又有雪糕BOR另外佢既香芒湯員都係一流架~彈力一流,中間有芒果~西瓜冰都唔錯..有埋芒果粒..一樣有雪凍添~大家以後去長洲又多個食糖水既選擇

每次黎長洲都係必食的...幾年前第一次來，覺得甜品超抵食.. 同埋佢的雪凍(啡色的，內有雪糕的) 同埋芒果透明湯圓 (一粒好似叮噹的透明湯圓) 都好新奇...我冇食過豆腐、涼粉類的.. 因為每次都食什果西米...生果都好新鮮、椰汁底OK... 另外佢既芒果糯米茲... 個皮都係特別黏的... 幾好食...但係我覺得比以前細碗左....

沿海旁行, 應該係最易搵的糖水店~想食芒果糯米磁, 4點幾, 賣晒了 咁就食過第2樣~我食左雪糕涼粉, 賣相OK 呀不過味道真係唔得, 有花奶, 但佢好似冇落糖漿咁, 我就用枱面的糖漿加甜~雪糕很冰凍, 但冇咩芒果味~最大問題係涼粉唔凍...不冷不熱的涼粉... 天氣咁熱, 早知不凍.. 就唔食涼粉...我同男朋友坐最入的枱, 有2隻煩人的蒼蠅飛來飛去..... 好煩..

本身fd話有間野食芒果糯米糍好得, 但唔識路.問左一個伯伯佢話呢間都有得食坐底見倒牆上貼住好多榴槤製品, 就大大聲話:正ar有榴槤換來老板一句----> 今日榴槤賣晒算啦, 雖然因為芒果濕熱已好耐無食,但一場來到點可以唔試d mochi咁arm見隔離枱食緊糖不甩, 心郁郁,最後叫左:芒果糯米糍($4) : 好多粉係外面, 一咬開係又juicy又甜ge 芒果~~必食!唉, 下次一定要食倒佢ge榴槤 糖不甩($10) :真係好抵食, d花生多到呢~~~又微暖, 又軟糯, 令我呢個糯米製品狂熱者都融化xddd真係好得好得, 我fd仲打包8個mochi返屋企

第二篇食評時段：宵夜甜品味道：夠凍囉~,味道覺得普通,淡淡地~環境：普通喇間野,夠坐十幾廿人囉~無咩特別服務：無咩特別衛生：睇唔到佢整既環境,無得點比分抵食：唔係太抵,又唔係好大碗又唔係好好食,雖然未到貴,但都唔覺抵簡評：路過可以一試佢既MANGO湯圓既...

七一天時暑熱，長洲人又多，遮蔭的地方又唔多，行到四點幾，準備搭船之前，專誠到天然買D甜嘢飲下降溫，就叫咗西瓜沙冰及椰汁西米沙冰。根據我所認識，沙冰的做法應該是將生果連冰放入攪拌機攪到半碎供客人飲用，客人飲用時除了清甜的生果味外，應該還有碎冰的冰凍及脆。在這個根據下，兩杯沙冰完全不合格。椰汁西米沙冰的椰汁味夠香，西米亦算多，但極其量只係一杯椰汁西米露，莫講話無沙冰的冰凍，連凍的感覺也感受不到，我只能夠說係"不冷不熱的椰汁西米露"。西米沙冰好一點，西瓜肉都存在，但明顯西瓜只係普遍貨色，唔係選用"起沙超甜"的西瓜，同椰汁西米沙冰一樣，搵唔到冰的存在，只能形容為"西瓜肉加水"！大熱天時甜品舖俾D咁嘅貨色甜品出街，無疑會讓人打了不少的折扣。

甜品屋係海傍雖然坐係入面但環境都不錯好夠光猛叫左芒果糯米糍,芒果雪蛤黑糯米&芒果湯圓楊枝甘露芒果糯米糍不錯但略嫌有d芒果還芒果糯米糍還糯米糍好似唔太撈得埋咁芒果雪蛤黑糯米食到尾有少少「漏」不過整體尚算不錯芒果湯圓楊枝甘露芒果湯圓之前睇食評話麻麻但覺得幾得意所以都係叫左黎試下同楊枝甘露撈埋一齊食幾好食播個口感有d似桂圓肉所以其實我覺得都幾好食