天然甜品

营业中

休息中

講開假日閒遊長洲，朋友就叫我一定要來天然試吓。由碼頭一出右轉沿海邊一直行，過咗街市再行多5分鐘左右就到，因為間鋪就對正個大海唔洗行入去細街所以都幾易揾。一到就見到客人坐到出門口，好在我哋2個人等左15分鐘左右就有位。芒果雪凍湯圓凍奶（$24）開頭唔明白「雪凍」嘅意思，只見相中有粒好似金莎嘅物體，咬落口感同相象完全唔同，原來係粒好似果凍包住芒果肉夾心嘅自家制甜點。外層粒粒有少少脆口，內裡Q口好味。整個甜品唔太甜且奶味香，推介！芒果糯米糍（$7）糯米糍大大件，皮薄薄的透出內裡鮮黃的芒果肉，糯米糍皮夠薄餡料當然冇得偷工減料，大大舊芒果肉好好味，唔係一陣糖水味而真係芒果本身嘅鮮味。呢個價錢比市區所謂長洲糯米糍平1/3，但味道卻比佢哋好得多。如果買半打有盒。

來到長州，除了海鮮，掃街一定唔少得。而其中一間就是<<天然甜品>>。來這裡，我的目的只有一個就是糯米糍。先來一個<<香芒糯米糍>>。香芒糯米糍外皮薄又軟滑，芒果果肉新鮮，又JUICE，絕不會吃到酸的茫果肉，好正。再來一個<<桂花芒果卷>>，薄薄的桂花糕包住芒果肉，晶瑩剔透，看到很多的芒果肉。雖然桂花味很濃，但掩蓋不住芒果的鮮甜。

來到長洲，弟弟推介我吃天然甜品，果然沒有介紹錯，甜品種類繁多，但因為身體不適，不敢吃凍的甜品，我點了渣咋，雖然是簡簡單單的渣咋，但也很足料，紅豆，綠豆，麥米，鷹咀豆，紅腰豆，煮得很淋，芋頭很粉很棉，很大件，而且很多，當然小不了西米呢，淡淡椰香。所有中式甜品八至十多元一碗，實在太便宜，還要很好吃。吃過晚飯才7點半，想再買些甜品外賣回家，但又想趕及8點船，誰不知，到達甜品鋪已正在收鋪了，老闆說甜品已售完，真可惜，想吃個飯後甜品也有難度，下次還是先來個飯前甜品。

熱紅豆沙: 陳皮味很濃郁, 紅豆也煲得起沙!!!甜度沒有過甜, 也沒有太稀, 不錯的一碗熱紅豆沙!!!******************************楊枝甘露: 芒果汁底太稀太淡, 溝了太多水...不值一試!...

店名：天然甜品地址：長洲大興堤路9號海景樓C座地下好味指數：8.2／10價錢：$28香芒湯圓雪圓榴蓮布甸整個甜品份量足夠，榴蓮味道很香，布甸軟滑，芒果味道夠甜。加入花奶味道更佳。湯圓是白色透明的，外皮是一層蒟蒻，內裡包着芒果，頗像吃芒果啫喱，味道很清新。而雪圓就像維記糯米糍，糯米糍皮包着雪糕，外面包着花生 ，就像花生糯米糍。店名：天然甜品地址：長洲大興堤路9號海景樓C座地下好味指數：8.5／10價錢：$8桂花芒果卷桂花芒果卷外層就是桂花味蒟蒻，內裡包著芒果，味道清新好吃。店名：天然甜品地址：長洲大興堤路9號海景樓C座地下好味指數：8.5／10價錢：$8榴蓮糯米糍榴蓮糯米糍外皮軟滑，餡料十足，榴蓮果肉新鮮，啖啖滋味。想買的朋友記得要早一點到店裡預留，因為是賣完即止的，買完後可放在店內七時前取便可。根據經驗，平日大約下午四時售罄，而假日大約一時。店名：天然甜品地址：長洲大興堤路9號海景樓C座地下好味指數：8.5／10價錢：$6香芒糯米糍香芒糯米糍外皮軟滑，餡料十足，芒果果肉新鮮，啖啖滋味。想買的朋友記得要早一點到店裡預留，因為是賣完即止的，買完後可放在店內七時前取便可。根據經驗，平日大約下

又到星期六，放假打算入長州輕鬆一下，順便探望很久不見的芒果糯米糍和特大粒魚蛋。星期六的長洲人山人海，每檔食肆前都逼滿前來覓食的遊客，想知道哪些是必食小店？看看門口的人龍便一清二楚。由於朋友推介，今次是第一次試這間天然甜品，朋友極力推介桂花香芒卷，一於一嚐真偽。桂花香芒卷 - $9薄薄一層桂花糕晶瑩剔透，口味香甜帶有淡淡的桂花香味，加上芒果的酸甜，十分清新。香芒糯米糍 - $7皮薄餡靚，外層糯米軟糯而不黏牙，內層大大塊芒果肉，咬下去能感覺到芒果汁在口裡綻放，正！雪糕雜果椰汁西米露 - $24水果絕對新鮮而且香甜，而且價格便宜，消暑良品。吃完甜品休息一下，繼續向長洲美食之旅進發....

平時食開香芒糯米糍, 但今次好想試下個桂花香芒卷食落口感尚算不錯, 但因為桂花太滑關係, 食左一淡入面d芒果已經散晒, 同桂花分開, 店主要再想想辮法提昇呢個桂花跟香芒的結合

成日同姐妹們入長洲玩，而每次例行動作就係落黎食糖水+買糯米糍。呢兩個星期日都入去長洲，帶朋友黎食，推薦"雪凍"，好似雪米糍ge野，不過外面層皮有少少朱古力味+花生粒，幾特別的。另一樣必食係，香芒糯米糍，每次都會買一打返屋企。推薦姐妹們食之後，每個都買在半打走，到第二個禮拜再去長洲ge時候，個個都增加數量。榴槤糯米糍冇試過，不過食親ge朋友都讚，比芒果貴DD。走ge時候，有朋友買左百幾蚊糯米糍走，誇張。

我個朋友之前都黎過長洲佢就話佢食過好多間都係呢間好食所以我都放棄買之前一直買開個間同佢一齊黎呢間買我買左粒試左先啲皮又真係好薄喎啲芒果又唔細粒於是我地成大堆人都買曬呢間我都買左六粒返屋企我媽都話好好食另外我同個朋友買左一人一碗糖水上船食我食芒果湯丸楊枝甘露個湯丸好特別係好似jelly咁中間包住粒芒果個楊枝甘露都好香芒果味啲粒粒同芒果同西柚都夠料我朋友就要左雜果西米露但我就唔多中意雜果同西米露所以無食到就唔太知乜味

芒果糯米糍比其他平d同細d 7蚊1舊 但咬落口可以講得上係皮薄芒靚所以我用買左一舊試下味之後都忍唔住買多12舊拎走另外我都買左一碗什果椰汁西米露拎上船食生果好豐富好多椰汁亦好甜最重要係佢只係20蚊就已經好大碗絕對抵食架

每次入黎長洲，黎天然食甜品基本係指定動作，點解？除左佢個香芒糯米糍之外，貓寶獨愛呢度既西瓜冰，啖啖果肉之外，加埋個雪糕，簡直係夏天消暑必備，可惜貓b唔食西瓜，唔係我諗佢都會愛上佢！

長洲之旅，班馬騮行完張保仔洞，承諾挑戰成功就獎食甜品，呢間朋友食過，而且回程又最近，所以就行去，地方係村屋地下，我哋人多，本來要分開坐，有對食客好好人，讓座比我哋，最後可以一齊坐，一張長枱，地方光猛乾淨，要讚店內廁所非常乾淨牆上同有圖片餐牌，店員又好親切介紹！甜品款式多，中西都有！而且價錢比我預計便宜！大家都揀到心水甜品！食物好快上！芒果糯米糍：我同肥髀分享，外面用紙包好，好易拆開，皮薄煙韌，入面無忌廉，一大塊酸甜芒果肉！好清新！香芒雪榚奶凍：肥髀食，雪榚牛記，味道正常，芒果肉酸甜，底層奶凍味道正常，不過唔太滑！香芒湯丸黑糯米：我後來見朋友個香芒湯丸好特別，所以再叫一碗甜品，香芒湯丸外皮透明，水晶皮厚但唔會韌，好易咬開，入面芒果肉酸甜，好特別，黑糯米煙韌，份量足料！椰汁唔會好甜！好味！話說大家都好喜歡個糯米糍，想外賣又唔想攞住盒甜唔四圍走，又驚變壞，店家好好話可以存住在店內，最遲晚上7點前取，大家好開心咁落單，行完長洲先去攞！好窩心！

屋企人之前去咗長洲玩，買咗芒果糯米糍做手信層皮都幾薄又煙韌，入面塊芒果超大，不過芒果唔啱時候，無咩味仲有少少酸另外，外層有好多粉，食嗰時要小心飛到周圍都係平平地都值得一試

朋友話天然芒果糯米糍好食，就諗住去試下。除左一人一粒糯米糍之外，我地仲嗌左楊之甘露同椰汁西米。糯米滋係幾皮薄，可惜芒果好酸。咁都算，楊之甘露難食到。。。第一次見楊之甘露係有蜜瓜。至於個椰汁西米，根本就係成碗花奶加西米，自己整都好食過佢。嘢食難食都算，我地見無咩人諗住傾多陣計，點知有個男人行埋嚟話:我地細舖頭嚟，傾計唔該去第度傾。我地環顧四周，一個客都無，點解唔俾我地坐多陣？真係百思不得其解。

青蛙跟豬大人拍拖1000日大日子,我倆選擇了到長洲踏單車慶祝兼滿足肚皮!!是日第一站, 就是反其道而行地先到''天然甜品''吃糖水甜點 ^^甫坐下, 青蛙二話不說先點了芒果及榴連糯米糍各一粒!!可惜時間尚早, 未有榴連糯米糍 (飲恨 >.<)那唯有先吃芒果糯米糍吧!!糯米皮既薄身亦煙煙韌韌,吃的時候要小心皮上的白色粉末隨之而飄散喔~內藏的芒果肉則飽滿並甜美,青蛙三兩口便可以把整粒糯米糍吃掉 ^^之後跟豬大人各自點了一份甜品 ^^豬大人的豆腐花由於青蛙見經常可以吃得到豆腐花,所以沒有試呢~不過豬大人說豆花非常滑溜溜好吃~青蛙的糖不甩與糯米糍同樣是用糯米整成的甜點~ 青蛙就是愛它的煙韌口感,把暖暖的糖不甩, 沾滿花生與芝麻碎再放入口,口腔充滿香氣, 滋味無比呢!!!!只是’’天然甜品’’的糖不甩略為甜了一點點,如果糖份可以輕手少少更好 ^^