天然甜品

营业中

休息中

又係長洲之旅其中一個check point, 我地必要試杧果糯米糍，我地搵個位坐底慢慢食，個糯米糍都有大半個手掌size ga, 咬落皮唔太厚，入面好多杧果肉，又甜又好食，雖然凍凍地，但真係唔錯ga

<長洲最馳名 - 芒果糯米糍>好多朋友話入長洲一定要試糯米糍，尋晚燒完野食諗住去試吓，點知呢度7:00pm就收工只有望門興歎。於是今天吃完早餐就來入貨，長洲『天然甜品』，在OR甜品排名最高，芒果糯米糍是名物，$7粒﹐又唔算貴喎。手感超軟熟，皮薄而軟糯，重點是芒果肉是從沒想過的澎湃，糯米皮内就是盡芒果芒果與芒果，果肉新鮮甜美，平日不吃甜點的我倆也覺得極好味，絕對要推介，入長洲又愛甜點的朋友必試！小弟FB: smallsmallsmalllin

天然個大名應該聽唔少 好平又好食既糖水   食完個大芝士元貝 真係好滿足 行去天然食個糖水先 將軍bb唔鐘意榴槤震味 話好臭 所以一開頭佢唔比人食榴槤野嫁 不過幾經辛苦先氹掂左佢 比我食榴槤 上次食完都念念不忘 所以今次當然要食 將軍bb就食芒西 同雜果黑珍珠 將軍大讚好大碗同好抵食 價錢真係平到喊啊 唔食就走寶啊><雜果個個加糖水 因為冇咩味 店員提醒 有粒芒果水晶球好好食芒西真係幾好飲既 芒果味重 西米都算多 好似十幾蚊將軍bb唔會明有幾正既榴槤 將軍bb好抗拒嫁 一食就會話我 不過哩間榴槤真係勁正囉 加花奶 布丁唔會太甜 不過唔會冇味 榴槤味都算唔重 好正啊 榴槤我既飛佛啊 一定要試下 如果你鐘意食榴槤既話  

入到來長洲, 個個都知要食芒果燸米糍, 咁梗係要來天然甜品. 我今次閒日入來, 冇禁多人, 假日來一定要等位! 叫左2碗野, 一碗係芒果河粉, 另一碗係什果涼粉. 傳統鋪頭係真係足料D, D生果堆到勁高, 好抵食! 生果涼粉都無咩好comment, 不過好鍾意佢個雪糕上碟仲係好凍架, 夏天食到咁嘅甜品真係好爽 雖然食得出係雀巢, 不過好似有一份平民嘅味道 另外個芒果河粉都好好味, D芒果好甜好正, 河粉就好香椰汁味, 又好滑, 仲有一粒粒果D好似係叫水晶珠, 好yin un, 成碗野都好好味! 最後當然唔少得叫左粒芒果糯米糍啦! 仲係keep住大大粒, 有大大粒芒果, 好多汁又好甜. 成餐都好滿足好好味呀!

今日襯係暑假最後幾日，特登走入長洲睇真下呢個香港😄。今日有成35度，我係條街道行左成3個半鐘，熱到死左😭。又到3點半，下午茶時間😁到openrice 搵 過d甜品舖，見到呢間既野幾特別，就去試試啦。。入面吾算好涼爽，但有風扇吹住，個人都cool down 左。入到去總共落左三次單，每次個店員都有d甩漏，不過佢都無話黑面同吾耐煩，服務態度吾錯既~。落左單無耐已經有野食，很好!1。紅豆沙:有好多料，又大碗，仲要只係$8，好抵食。2。香芒糯米糍:出面太多粉，但糯米糰好香好軟糯，入面大大舊芒果。芒果又甜又熟，成個糯米糍8cmX4cm左右大，$7，吾錯!3。香芒沙冰:吾太甜，岩岩好👍$104。香芒湯圓什果榴槤布丁:芒果熟又甜，湯圓其實係用蒟蒻粉整，入面包了芒果粒，幾彈幾好食。榴槤布丁榴槤味重又香，仲有榴槤果肉，真材實料!!$275。雪凍香芒湯圓楊枝金露:雪凍其實係椰子雪糕出面碌d花生碎同椰絲，雪糕吾太滑，太實。楊枝金露好多料，有密瓜粒敗有芒果粒。好味👍。夏日炎炎，最好就係去呢道飲番杯沙冰或者食番舊糯米糍💗

第一次食係長州食芒果甜品唔係去允升 去左天然甜品允升服務態度差 唔想再受氣呢度甜品真係幾平 大概十幾至二十幾蚊而且好多選擇第一當然小不了點芒果糯米糍 皮薄而且彈牙 有大大舊芒果肉包係裏面另外點了芒果涼粉同芒果湯圓豆腐花芒果好甜 而且透明湯圓裏有芒果肉 很有趣豆腐花好滑食物質素同價錢都吸引人 難怪長期都滿座 下次定再來!

長洲美食大約都係個幾種 大大粒既魚蛋 旋轉薯片 大板燒 允記糯米糍啊 手打漢堡咁仲梗係仲有天然甜品啦 大大碗 又多料 雖然哩度既糯米糍未必多允記 但都又平又大粒嫁 不過要食就梗係食榴槤布丁 有榴槤就有我嫁啦 真係好鐘意食榴槤 去到長洲都有得食 真係爽啊 芒果涼粉啊 都好平 廿幾都有 涼粉份量多 芒果肉甜 雪糕正 雜果涼粉都好正嫁 當日都好多人排隊 人氣名店黎

長洲多好野食就個個都知 除左大魚蛋 捲捲薯片 唔好miss 左呢間糖水店 我地四個人去 D 價錢比市區平好多 而且好大碗 個芒果糯米糍好味都不得了 好大舊既芒果肉 皮好薄 芒果好甜 名副其實 皮薄harm靚 然後另外幾碗 有個唔知咩名堂既 入面係雪糕出面有d花生味一粒既 好特別 又唔係淨係雪糕球 入口個感覺好得意 每一次黎長洲都一定會食 極力推介！！

16/5上一次去長洲大概是半年前的事，個次都有黎食甜品，長洲既出名既甜品店有天然，允升同師妹，師妹就從未試過，因為聽講服務不太好，雖然我唔係好著緊服務呢個criteria ，但係有啲食評都講到好似好差咁，所以就無去。天然就每次都會幫襯，岩岩都見到有幾篇話天然既服務都麻麻，但我覺得都可以接受，起碼唔會話連多謝都無句；我記得個日中午去到，因為個天黑哂，就落雨咁，所以就諗住搵一間甜品入去坐下，點知天然門口痴住張紙，話1:30先再營業，姐係1:30先俾你入去坐，即刻呆哂，於是決定買兩粒芒果糯米滋係外面啲長凳坐就算。6蚊一粒，算係幾平。因為以佢咁既Size，真係食得夠哂happy！個皮好煙韌，好香又夠薄！真係好正！兩樣嘢係好match ~入面既芒果好甜，而且有小小芒果汁係入面，好好既一樣嘢就係佢唔酸，不過我諗未必每次都咁好彩食咁甜既芒果＼(^o^)／如果凍啲就好啦！走個時淋住大雨都買左少少芒果糯米滋反屋企俾屋企人嘆！

我們隨便點了桂花香芒卷，口感清新，像啫喱一般，伴隨陣陣花香。之後，我還點了香芒湯圓楊枝甘露，芒果湯圓不似我預期的煙韌，又是像啫喱的口感，我個人不太喜歡。而且，楊枝甘露略嫌較淡，但內裡的材料是豐富的﹗

次次入長洲, 落船就要趕去落order 買2打先, 俾定$買定, 老闆會幫你雪住先, 走既時候先來拎 (佢地7:00 關門)普通既芒果糯米池, size及  芒果糯米皮既配搭 適中, 而且無椰絲! 太好la!!海澡皮芒果糯米池/ 卷 , 煙韌又充滿椰香味既皮 配上份量多既芒果, 超好味!!桂花芒果卷, 桂花皮唔會太多桂花痴住d牙, 而又唔會太小令個皮唔夠桂花香味, 配上芒果, 好清新!芒果湯丸奶凍, 牛奶香濃既奶凍 + 口感十足既大菜糕湯圓, 好豐富!  

成日聽人話長洲嘅芒果糯米糍好好食, 一定要食過先算來過長洲!好多間甜品店都話自己先係正宗, 我都唔知邊間先係正宗好食嘅芒果糯米糍, 但朋友仔推介"天然甜品",所以儘管試試. 我買了海藻香芒卷同芒果糯米糍.海藻香芒卷-     外層好爽口, 裡面就大大舊芒果肉, 整體味道偏淡, 如不喜歡太甜的甜品, 這會是一個好選擇!芒果糯米糍- 外層嘅皮好煙韌, 正! 芒果肉都好甜, 只係芒果糯米糍略微細件咗dd, 但都值得去試吓!相比之下海藻香芒卷比較特別, 出面未食過

入到黎長洲梗係要試下好出名既芒果糯米滋真係好大粒個皮好薄，入面就係成舊芒果，好滿足，芒果又唔會酸。芒果布甸估唔到芒果布甸上面都仲會舖滿芒果，布甸好味，有芒果肉，唔似出面果啲淨係用粉溝無果肉。粒朱古力波波既野好得意，外面有啲似金莎，但原來內面係雪糕，好驚喜。芒果奶凍個奶凍好滑，連平時唔鍾意奶既我都覺得好食，可能又有啖啖芒果肉，可以減輕我唔鍾意既奶味。

綜觀長州的甜品，最好吃的都莫過於天然。可忙的是每次它都關很早，緣慳一面。既然它有它的原則，那我只好遷就它一下，早早來它的店，吃一頓午飯後的甜品。雪凍芒果湯圓楊枝甘露：從來甜品款式抄來襲去都是差不多樣，但天然的雪凍和芒果湯圓則好像僅只一家，果仁包裹著的雪凍吸收了楊枝甘露的甜，渾然又成了另一道甜品。芒果糯米磁+海藻芒果卷：皮薄涵靚不消說，芒果甜膩膩的，咬下去還有芒果汁流出，只消$6元，比公價$8的芒果糯米磁還要好吃，這樣平靚正的甜品，除了長州，還可到哪找？P.S. 甜歸甜，可這店不但開店時間有性格，店員亦很有個性，叫我寫號碼點菜，不替我下單，真令人摸不著頭

夏日炎炎最好就係食凍冰冰的食物 於是要左香芒湯圓雪凍楊枝甘露 我個人不太愛吃香芒湯圓 。佢既比例不是太好 芒果只佔小部分 雪凍都幾特別 而楊枝金露就幾好味 。我同friend share 左一個芒果糯米磁 都不錯