天機棧 (已搬遷) 新店位置

我同朋友2個人9點半後去.有75折..咁多野食平均每人100元..算平但食物質素只是很一般,不能用美味形容.2人餐:巴馬腿蜜瓜,鴨胸沙律: 生果都是暖的,扣分番茄忌廉湯: 出奇地好喝,很開胃.牛扒鵝肝意粉: 牛扒OK,有肉味,七成熟都做到沒有過熟,算是不俗.鵝肝,面頭加左層野很甜脆..但本身個質素及味道麻麻. 黑松露海鮮飯: 黑松露在那裡,味及形都不見? 飯味道是可以的, 但有點太濕立的感覺..海鮮當然係普通貨仔.心太軟: 有朋友形容個皮似象膠..我同意..有點怪怪..但其實味道都OK.有好多朱古力漿流出來流過不停.佢食物係比茶餐廳好些..價錢是合理的(有75折的話)...但食物還有很多可以改善的空間.

拍拖差不多2個月，過的第一個情人節上網找了很久都找不到合我女朋友口味的偶然見到有人介紹天機棧，發現那個心太軟好似幾ok (因我女朋友十分like朱古力)那裡的服務十分好 , d 侍應十分有禮貌!!加上用candle 的氣氛十分不錯~~我們叫了個二人套餐!!頭盤選了田螺和鴨胸沙律 , 田螺味道不錯~~另外選了 肉眼扖 和 鵝肝牛柳做主菜肉眼扖的肉質不錯 , 略微覺得那個汁不夠味反面我女朋友的鵝肝很好食~~牛柳我冇試...但我女友都話好食甜品心太軟我覺得好好食...因為我個人較喜歡冇咁甜...所以覺得o岩o岩好而那個焦糖布丁也是推介~~~蛋味夠但又不太甜最後期間侍應也幫我們影了張即影即有的相送比我地!!!勁開心....拍拖第一張相....我會再去~~~真的不錯~~~~~~~~

見咁多人讚呢度既心太軟，黎試下啦LUNCH SET都幾抵，$48 (冇加一)，有前菜or湯 + 主菜 + 飲品加$10有甜品環境一般啦，坐得幾舒服，不過冷氣太凍前菜：蝦春卷 最好食呢個，新鮮炸起，蝦肉亦唔會梅南瓜蝦蘑菇意大利飯 我勁鍾意食risotto，呢度既完全唔掂，D飯好似未熟咁，好硬，我以為自己食緊糙米飯lor~ 南瓜香味就有，但冇南瓜味咖啡 唔好飲，淡心太軟 無論係個蛋糕皮，定入面D朱古力醬，都冇朱古力味，用料唔得，我諗佢連砂糖都冇咩點落(如果朱古力料好既都冇問題)，因為唔係好甜，即係淡左D

心太軟貨不對辦, MENU圖明明有雪糕, 黎到就冇。由於冇雪糕, 冇左果種冷熱交融的感覺。墨汁面超硬, 唔好食。跟扒上的薯菜冇味既= ="特飲類幾好飲, 不過D COFFEE類 同朱古力類飲品冇味既田螺蘇盒係咁多樣野最好食青口冇味既, 我地8個人, 得2隻青口之嘛, 都可以剩1隻冇人食每碟既份量超細, 唔夠飽返到屋企要煮面食。

特登訂位去`一心抱住好大期望,,,特別係個甜品—心太軟叫左個二人套餐頭盤:::唔知咩青口加個SO盒 份量細到嚇親人,,,青口又唔新鮮 得個SO盒叫ok咁`!主菜:::叫左個羊扒同蕃茄意粉 羊扒味道唔得，又咸 意粉個汁同以前讀小學訂果間"陽光一代"既味一樣`唔得唔得!!!!!!!!!!甜品:::心太軟+重蕉班cake 心太軟裡面d chocolate都ok既,,, 但佢裡面個底就唔知想點,,,硬既 個香蕉班cake仲離譜,,,包都包得唔好就拎出黎`!! 個皮做得好好,,,好差`!!!餐茶:::凍檸茶+凍奶茶 勁苦,,,完全失敗一間餐廳連餐飲都做得唔好`何其失敗完全唔值有80幾個好彩9點半之後先去食`有折如果唔係真係人都顛唯一可以讚既就係服務幾好

已經是第二次同honey 來天機棧. 今次是同honey一起 慶祝08年Christmas, book了晚餐8pm, 在朗豪坊睇完movie 來吃飯 & 品嚐 美味既 甜品, perfect! 由於這裡 位置方便, 食物質素有保證, 而且價錢合理. 相信我們將來也會來這裡慶祝值得紀念的日子罷！餐廳的燈光極暗, 檯面上有支蠟燭仔係檯面, 增添不少 情調我和 honey要了兩個 set dinner: 餐湯: 一中一西 ~ 其實之前要了個龍虾湯, 我們都覺得好難飲, waiter 好人比我們換個另外一款湯. 中湯 是鮑魚雞絲清湯, 好清甜. 西湯 是 意大利雜菜湯, 雜菜味很豐富，兩款 湯都應該沒有加味精.餐包: 蒜蓉包 , 有d 硬, 但都 ok.前菜: (1) 聖誕火雞維珍尼亞火腿 (2) 煙肉伴黑松露菌火雞片好薄片, 但是幾好味, 吾會太 “hai”松露菌fresh 又鮮美主菜: (1) 炭燒T骨牛扒 (2) 芝心雞炭燒T骨牛扒 很淋, 但無肉味 只有炭味, 水準比上次差了!芝心雞 是很有 心思 和 創意的一道菜, 外面是雞胸肉, 內裡是 芝心. 一切開 就 湧出 香滑芝心來.

上星期六，行完朗豪坊之後，其實時間還算早，吃不到我倆也愛的半價一壽司，行去試蘋果綠也很遠呢，突然想起它，想起其他人吃的心太軟。入到餐廳，環境真是很黑，其實是挺有氣氛的。今日不是我倆的特別節日，不過有時吃好一點，你又開心，也是值得吧。坐著點菜，當然要看看環境吧，過了二零零九一段時間了，還有一點點聖誕佈置，其實也不會介意的，因為聖誕節是最開心的節日。星期日有人算命，所以就叫"天機算" 吧!!上面的燈是幾特別，畫則有少少意見，如果掛藝術畫會更好，特別是算命有關的畫，例如很多數字那種，(想起matrix 添)，會比掛食物相好呢。餐廳的歌，都是在電視放的mtv，是演唱會的歌，當日聽到很多joey 的新碟的歌，餐廳真是幾update 的，選好歌吃也吃得開心點。(btw: 要整一整電視機)餐牌用上木面，我沒有看錯的話，是旺角多個潮流商場的木製精品店之出品，出品是有獨特風格的。"magic" 餐牌下，點了兩個套餐，我肚了，當然是吃飯，你就吃了天使麵。龍蝦湯，是加分之作，濃濃香滑的湯做得不錯，口感較杰，一口一口慢慢享受著。第一印象不錯，還是看主菜才可下定論。燒雞飯，來的是一隻大雞脾連雞翼，表皮略為過了火

我無唸住會full，所以去之前無訂位，要等成45分鐘先坐低，但呢度既食物質素令我有些失望了。先有餐湯加蒜蓉包， 朋友要左意大利菜湯，我要左雜菌湯。意大利菜湯甜左些；雜菌湯“傑他他”，D cream 一粒粒好難飲。蒜蓉包唔香，而兩碗湯和蒜蓉包都係唔夠熱。彩椒極黑豚豬柳 ($88)：係焗豬扒飯，豬扒腍身，個汁同蕃茄汁差唔多。但飯食落唔夠熱和硬。焗香蕉龍利柳飯 ($65)：龍利柳厚身，香蕉焗飯好香，但D飯食落都係唔夠熱和硬。朱古力心太軟 (+$20)：$20有心太軟食，呢個質素幾好了。法式焦糖燉蛋 (+$20)：唔凍又唔熱，蛋 “實實地”，麻麻。熱朱古力泡沫咖啡 (+15)：香噴噴好飲。凍榛子阿華田 (+$15)：香濃而滑，好飲！食物質素無想像甘好，但百零蚊有甘多野食都可以黎試下，但就唔坐得耐。

2009-01-01新的一年，好的食評是日與友人看完伽俐略後，就來了這裡聚餐朗豪坊往砵蘭街直行好易搵一樓，訂了的七人位要了三個2人set，所以都幾容易處理。真的不說亦沒有寫，每個2人set 都包兩杯普通飲品頭盤：巴拿馬火腿配蜜瓜 - 蜜瓜唔甜，火腿當然亦不應該苛求吧鴨胸 - 幾好了田螺酥盒 - 呢個是最好的，好香口又唔洩xx 忌廉湯連蒜蓉包 - 對路牛尾配扁意粉 - 幾腍好易入口海鮮天使麵 - 80分啦牛柳 - 的確有少少韌，又紅紅o地，不是推介鱸魚 - 呢種魚仍然鞋口，又是不推介羊鞍 - 肉少但不太羶鵝肝牛柳 - 鵝肝被人秒殺，但上星期食o左咁多就不爭了。不能評。牛就同上面一樣甜品：心太軟 - 不是太流心，見隔離檯好像流得好o的。味道又真的平平了焦糖布甸 - 好像過火了，不軟滑，蛋味欠奉服務不俗，勤快。亦都係個大伙傾計的好地方又抵食

2009年1月13日（星期二）的晚上，不經不覺和妳拍拖已六個月了，我們都很很期待這天的來臨，因為我們的關係終於可以用「年」去計算。為了慶祝這值得紀念的日子，之前我已經在OR搜尋了很久，但要在旺角找間食物和服務都有質素的餐廳真的很困難，於是乎我惟有將晚飯鎖定在朗豪坊十三樓或天機棧。昨晚等女友放學後，我們一起慢步行去旺角。行到朗豪坊，我說不如上去十三樓看看環境，但女友說想去天機棧看一看。去到門口，看到有很多的選擇，而“把守”門口的女士說祇需等約十分鐘便可以入內，女友覺得無問題，就循例留了貴姓和電話。我們一直站在門外看餐牌，等候期間我們已想好了吃甚麼，果然差不多十分鐘左右，我們就可以有檯。坐下不久，我再看看menu（其實我想看看有沒有紅酒供應），給女友發現了，還指給我看，但全部都是一瓶，沒有一杯杯的，除了一款祇有250ml的。惟有我先點了食物再考慮，我們點了$238元的二人套餐，頭盤分別要金巴利汁煙鴨胸沙律和香草煙肉田螺大酥盒；餐湯要意大利菜湯&南瓜湯；主菜就要法式香草燒羊扒寶雲蘇&炭燒T骨牛扒；甜品當然要朱古力心太軟，女友就想吃法式蘋果卷。點完菜後，我都叫了一枝250ml的紅酒，就當是慶祝

早幾日搞左個生日 party位置在餐廳旁邊上樓梯一間閣樓party room地方環境較細, 不過我地唔超過二十人都唔會好迫仲開左2台麻雀 之後玩 party 遊戲都算係夠位果度有個投射電視, 用黎唱karaoke或者帶遊戲機去玩有獨立又唔迫既洗手間唯一問題係叫 waiter 上黎有點困難, 經常要落返去地面餐廳入面...Party 自助美食 menu頭盤芒果俄羅斯蛋沙律 (我無食)煙鴨胸蘋果沙律 (我無食)主菜芝士焗西蘭花 法式薯茸焗海鮮 炭燒巴黎牛柳扒 香煎龍脷柳伴黑松露菌汁 魔鬼雞 日式燒汁豬扒 意式茄茸海鮮燴扁意粉 炒飯 湯每人包 甜品1客, 飲品2杯(普通咖啡或茶2杯 or 天機特飲1杯)最正係魔鬼雞 好好味...畀人搶晒, 有 d 人無得食湯都好好飲, 好香濃甜品係 心太軟 or 法式焦糖燉蛋兩款都好好味, 但可能天氣較凍, 略嫌燉蛋唔夠熱下次有機會會再試

9-1-2009夜晚食左x'mas想食既天機棧頭盤:金巴利汁煙鴨胸沙律;香草煙肉田螺大酥盒餐湯:海鮮忌廉湯主菜:法式香草燒羊扒寶雲蘇;香煎法國鵝肝拼炭燒牛柳甜品:朱古力心太軟+雪g0頭盤:前者其實冇咩特別,反而後者幾多料+埋個汁都惹味餐湯:好濃主菜:前者都係冇咩特別,本身唔點汁仲食到D羊味;後者夠腍,舊鵝肝都5太細甜品:其實係呢度招牌菜,雪G0加8蚊其實只係venilia,心太軟好似再熱d好食d,好多朱古力5錯,不過好快soildify

第一次幫襯，也會是最後一次。座位很整齊企理，由二人枱作為基本單位組合出不同人數的座位。入到店內坐就感到有點焗而且帶有油煙味。三個佬去食，點了三個餐：餐湯：意大利菜湯（料少、有些許顏色的水一樣、無乜味）、蝦忌廉湯（個湯本身不俗，反而由於蝦不鮮帶點梅，所以影響了整體印象。）餐包就是蒜泥包（一般）主菜：炭燒牛肉眼扒：賣相麻麻不吸引，舊扒就很淋但無肉味只有炭味，個汁又不太合得來，收我$148一份太貴，平一半就差不多，而且美心快餐好似更能引起食慾。西冷牛扒：要七成熟但上枱時已經八成多了，賣相又係不吸引，有少許牛味。燒雞餐：超差賣相，食落肉質似火雞，只是一隻有顏色的冰鮮雞，失敗。每人加多$20試埋鎮店之寶：心太軟，算係咁，可有65分。無奈，我去美心快餐反而有物有所值的感覺。

和朋友食生日飯，大家都毫無頭緒去邊度食，上openrice搜尋，見到這間餐廳幾多人讚，所以就決定試下。打電話訂晚上7點鐘檯，接待要求我們8點45分離座，本來諗住和朋友食完飯傾下計，但唔想再諗去第二度食，唯有黯然接受。田螺忌廉湯味道唔錯，每碗有兩至三隻田螺，湯夠稠，不會水汪汪，可惜蒜茸包就不夠脆和熱。呢個鵝肝就認真唔抵食，兩塊要$98，鵝肝未切開已漏油，切開後成塊多士都索晒油，食落口得個膩字。燒雞($78)切開有血水，要再番煮先熟，家陣禽流感肆虐，煮雞點可以唔熟呀！主菜跟薯菜，比跟飯或意粉都係多半隻薯仔，男仔同埋唔細食嘅女仔千祈唔好揀呀。藍青口($88)又係唔熟，又要再灼熟，蝦就唔新鮮，蝦肉係「霉」。本來扁意粉煮得質感同味道都唔錯，但衰在唔夠熱又點會好食呢。牛柳($88)要九成熟，外面已經燒到黑晒，但切開仲係血淋淋，我地要嘅係肉裏面九成熟呀，唔通呢間Cafe嘅廚師誤會咗我哋嘅意思？牛柳就九成熟見血，生蠔就熟到變咗蠔豉，都唔知個廚師點搞。呢間Cafe最著名係朱古力心太軟，食餐加$20就可以食到，單點就要$32。海棉蛋糕都幾軟熟，切開蛋糕朱古力漿流出嚟，唔係太甜，都幾好味。食心太軟最好係配雪

某星期五晚，一個人在旺角街頭閒逛後，相約了剛參加了貴網經濟低迷搵食團活動的龍火大哥食甜品，認識了新朋友，一行五人走到了以心太軟打出名堂的天機棧，已是九時多，但餐廳仍高朋滿座，留下電話號碼等了一會才有位，的確是人氣小店。鎮店之寶的心太軟，賣相簡單，伴碟上只有一小塊 Cream，輕輕的把外層切開，熱朱古力醬如泉湧出，立時拿起相機拍得不亦樂乎，確是睇得又玩得。滿心期待的吞下一小口，味道香濃，陶醉於朱古力甜中回甘的感覺中，手不自主地加快速度解決碟中物，更完全忽略了身邊友人的談話內容。食過這美味的甜品後，跟龍火大哥大談食經，由粥皇湯后說到心太軟，由咖啡店談到西式甜店屋，據說灣仔 La bons 的心太軟比天機棧過之而無不及，頓時食指大動，真的要會一會呢。值得一提是席間食之茵問及小弟是否仍在求學?．．．社會大學三年級了，看來我樣子仍然呃得下人呢!最後，要誠心跟友善的龍火大哥道歉，因為相約食甜品之前，一早已清楚知道你當晚的行程，當晚目標除了心太軟外，還有那個教我如何不心軟的人．．．