天星雲南米線

营业中

休息中

今日小編原來想試朗豪坊既一間台式火鍋，點知搵搵下有間人氣雲南米線係附近🫢 聽講平時都要排下隊，今日適逢早放lunch 所以就即刻改變主意去試試😆1.麻辣豬頸肉酸麻米線 + 萵筍 (3.2/5) $59個酸麻湯底剩聞陣味已經知唔惹小😱 平時小編只係食到小辣🫣 咁天星雲南米線有分:微、小小、小、中、大同勁辣 ，於是小編緊係play safe簡小小辣，結果呢個小小辣仲辣過小辣，到底係咪小編水皮😫酸麻湯底偏麻為主，又勁辣又勁麻，食到外套都要脫了😳 麻辣豬頸肉呢，一開始見到豬頸肉上D麻辣粉怯左一怯，但原來唔係好麻，有程熱浪薯片味🤫 米線同萵筍都軟硬剛好👍2.蒜泥白肉 4件 (3.3/5) $34蒜泥多到成個拳頭咁大，直頭可以當金菇肥牛咁卷住D蒜泥同青瓜嚟食😹豬腩片都好嫩滑🫶個汁唔算辣 唔知有無得簡辣度呢🤔地點: 地鋪，朗豪坊LANGHAM BEAUTY出口行5分鐘就到，好方便環境:坐位有d逼，但還可接受，間間米線鋪都差唔多咁逼架喇🤡價錢:正常價錢，由味道取勝🫰服務:由於太忙關係，有漏單情況，待改善🤝

基本上係好食嘅，但係因為我食米線係慣咗連埋湯一齊飲，所以食完係超級口渴，超級口渴，超級口渴！口渴嘅程度係我睇完成套Marvel中途中不停飲水出嚟都仲係口渴，所以我同朋友都懷疑味精好重。.今次叫咗小窩米線，酸辣少少辣配豬軟骨同雞翼尖，見到個碗咁大，就知道份量非常足料。雞翼尖同豬軟骨都係嗰種炆到好淋嘅style，但係我個人喜愛係有軟骨咬到嗰種豬軟骨，不過味道都唔錯。.另外仲加咗個秘製醉雞嘅小食，同杯凍檸茶一樣都係漏咗單，催完之後都等咗一段時間先嚟。個醉雞收得呢個價錢，都令人幾失望。首先雞嘅肉質有啲太淋甚至少霉，醉雞味亦都唔算好重。好多餐廳會整醉雞係無骨，但係佢呢度係有骨嘅，所以呢個份量唔算抵食，應該唔會有下次。.整體嚟講我覺得係不過不失嘅，但係冇大家口中講到咁wow，可能期望值太高，反而有啲失望。但係以佢味道來講，係可以一試。

一向都好鍾意試唔同餐廳嘅米線😋見呢排天星都幾得民心，就打算黎試下，平日中午1.黎到，等左大半小時終於入座🫡🍜天星過橋米線大大碗（+$2胡椒豬肚湯底） $67 🌕🌕🌗🌑🌑有邊個會估到，大大碗過橋米線嘅米線分量，竟然仲少過一碗普通米線🥹食左幾啖米線就已經冇曬🥹肉類就相對比得大方啲，有好多牛肉、雞肉同豬肚。不過食曬成碗後，都搵唔到腐皮同豆卜嘅蹤影，而餐牌係寫住過橋米線配料包括腐皮同豆卜，真係令我摸不著頭腦😢湯底方面，唔講真係食唔出係胡椒豬肚湯，亦都冇胡椒味，似係普通豬骨湯多啲。好彩豬肚口感不錯，有咬口之餘唔會太韌，為呢碗米線加返少少分。聽一齊食嘅朋友講，佢個炸雞扒米線幾好食，可能我揀第二個湯底會好啲啦😢如果要專程黎排隊試，真係要慎重考慮。但如果咁啱經過又唔使排隊嘅，都可以食呢間醫下肚仔🫄

在網上的米線關注群組中，這間「天星雲南米線」的米線評價相當不俗，這天路過，正好試試它。🌟點了二人套餐🌟1️⃣麻辣（少辣）+鴨血+豬軟骨（9/10）兩大件的 豬軟骨味道偏濃，但確係不錯。食落係好軟腍好入味，仲要好大件食落開心而鴨血雖然味道唔係好濃，但口感好正，咬開唔散。十分推薦2️⃣酸麻辣（少辣）+通菜+腩肉酸辣湯底比麻酸湯好食，少少的麻香就已足夠打開食慾。但配菜就冇咁好，腩肉好薄食落冇咩口感，通菜數埋都冇10條….3️⃣皮蛋一般水準，辣油唔係好有層次，皮蛋唔係好香。4️⃣炸豬扒網上睇見到好好食，但炸得好慢，食完配麵麵味到。黎到好多炸蒜，但豬扒炸得唔夠脆，但都抵食既。5️⃣至於凍檸茶，唔是我杯茶，好苦好難飲

😀今天忙左一日未食過野，諗住外賣個旺角好多人排既米線，由於太多人啦，麵預左要等唔短既時間。米線都等左接近半個鐘先拎得。一拎上手，碗麵輕得好離譜，由於我按左分湯，就問阿姐你有冇幫我分湯架，阿姐信誓旦旦話一定有，又話佢地間鋪分湯係有個隔隔開d麵，即係好似譚仔咁樣，所以都係一碗過俾你。咁我都冇理由唔信佢地，直接上車返左屋企。一返到去開碗麵，真係分左湯，順手幫我dum埋所有麵添🥰真係多謝哂。以後唔會再黎。

我之前響米線關注組見到成日介紹嘅天星雲南米線，今次終於有機會試到，佢哋用QR code點餐，可以自選小窩米線$32，之後可以揀唔同嘅湯底，我就揀咗麻辣中辣，走韭菜、走芫荽、走酸菜，配菜方面我揀咗豬大腸$10，黃金墨魚餅$9，萵筍片$7，豬紅$7 ，另外佢哋加配凍檸茶只需加$6。由於佢哋舖頭唔係好大，而且人客非常之多，所以落單之後等咗一段時間先有得食，米線好大碗差唔多滿瀉咁滯，呢度嘅米線煮得比較淋麻辣又夠香，而且好有層次唔係一般嘅辣，而係慢慢滲出來，佢哋嘅湯底比較濃，啱晒我鍾意食麻辣嘅人，不過由於佢哋座位有限，所以需要搭枱同埋枱與枱之間都比較狹窄，坐得唔係咁舒服，不過佢哋啲米線真係好好食，所以我下次都會再嚟嘅！

有無人都係米線同好者🥰🥰尼間天星雲南米線係米線界都幾出名，食左兩次，兩次都要排一陣隊，想食既朋友記得要留意呀！尼度都有得手機落單，都幾方便，我地叫左酸辣小鍋米線，加雞肉同蘿蔔，同埋少少辣、少米線，再加凍檸茶（$54），另一碗就係酸麻辣小鍋米線，加蘿蔔、招牌腩肉、大腸，都係少少辣，加埋野飲就（$65），小食就叫左黃金墨魚餅6件（$39）個人覺得佢既湯底都幾特別，算係幾濃味，重點係佢地餸都幾好食，蘿蔔都好清甜，腩肉大大件好抵食，墨魚餅就新鮮熱辣辣炸起！

📍天星雲南米線/米線系列/放工同朋友去食米線，叫左個天星二人套餐 $128 🤩個套餐都包左幾多野，包括兩碗小窩米線、一款開胃小食、一款炸物同埋兩杯冷熱飲品👍🏻份量十足！🥢小窩米線餸方面我就揀咗招牌腩肉同肥牛😝招牌腩肉有特別醃製過，所以食落特別入味、單食腩肉味道略嫌有少少鹹，但同米線一齊食就啱啱好😙而肥牛就不過不失，冇乜驚喜🫣而湯底方面，我揀咗麻辣（小辣），佢嘅辣味一試難忘，好有麻香味🤤而米線嘅份量夠曬多，食得好滿足😆🐤椒鹽雞翼佢套餐有三隻味可以揀，分別係麻辣、椒鹽同孜然，今次就試咗椒鹽味嘅😆佢炸得非常乾身，肉質好嫩滑，又保留到啲肉汁，香脆得黎又多汁😽有機會想試埋其餘兩隻味！🤘🐽 涼拌豬耳一黎到已經聞到啲香味。份量好多，豬耳都好入味，但係個人覺得都幾辣🥵平時食得辣嘅我都覺得偏辣，應該啱曬啲平時好鐘意同好食得辣嘅朋友，越食會越想食🥳⭐️好味指數：9/10📍天星雲南米線 (旺角)旺角砵蘭街136號地舖

這間米線都係小鍋米線，不是預先調味，是即叫即煮，所以等待時間頗長，當日點餐後等待了20分鐘才上菜。湯底很濃，點了微微辣跟麻，也辣跟麻得過癮，非常濃味，所以不太能食辣的建議點不辣。 雖然好重味，但不算太重味精，整體好食。不過地方超窄，服務等於零，坐得極不舒服。

都知呢間米線要等同多人食 收工諗早早哋買個米線返屋企慢慢食 點知返到屋企發現外賣分湯加1蚊反而令我冇左個米線唔知想點 返工想用外賣平台 叫已經叫唔到 買外賣返屋企食竟然都會咁。。。。btw 最後都係自己煮左個面食

真係好咸好咸，咸到夾硬食曬啲餸就算，好彩啲蔔白無點吸到太多湯，比較清甜，係唯一相對好味嘅食物，可以食幾啖用來中和下，咪真係食唔落去🥲點解會有咁多人推介，平時我自問飲食都唔算係好清淡架啦，我都覺得好咸🥲睇推介話濃郁，嗰啲唔叫濃郁，係叫咸🥲🥲好彩叫咗杯檸水，飲完宜家keep住都好口乾🥲明明香港有咁多好味米線，點解咁多人推薦呢間，定我嗰碗廚房落重手咗？點都好真心希望廚房唔好落咁咸，咸到咁對身體郁麻麻🥲🤣

晚上約七時半左右黎到門口，門口排隊人數大約十幾人，可以行去其他地方等叫號，等咗大概三十分鐘就入座。坐低落單之後野食都好快黎到，米線比小食同野飲早到。第一次食蟲草花雞湯，大概有4-5件雞件，味道口感正常，不會過鞋。湯底尚算濃郁豐富，個人認為可以濃味啲。配餸選擇咗招牌腩肉同埋豬頸肉，招牌腩肉就偏肥，豬頸肉口感酥脆，唯肉本身調味欠奉。最值得推薦的是金沙骨，以前叫過其他味都係咁好食，外面酥脆，裏面肉質鬆軟，又不會感到油膩。飲品與同行友人都係選擇咗凍檸蜜，認為味道偏淡。

年半前開始食，當時仲未咁多人。而家真係越來越多人。唯有叫外賣返去慢慢食啦！豬紅豬軟骨麻酸辣米線。之前食開招牌腩肉鴨血，估唔到豬紅平啲仲好食啲呀！超新鮮，咬落唔變形！豬軟骨既軟骨入口即溶，但肉質又唔太淋，一流！第一啖米線未飲湯已經勁大陣八角味！食完唔口渴，應該冇味精啦！👍🏻

呢間真係旺角必食嘅車仔麵，唔知大家前排有冇睇到啲post推介呢間車仔麵，自從爆紅咗🔥之後本身已經好多人排隊而家更加多人，而且店舖裏面嘅位置唔算話好闊落，所以都要等一段時間，但係可以同大家講佢哋嘅小食豬頸肉係必點既，佢哋嘅豬頸肉燒得好好之餘，辣椒粉係主角✨，但係唔會話好辣嘅，而且佢哋嘅湯底好正平時少編過到去就會叫小辣，辣度啱啱好🤩而且都幾推介可以叫淮山麵，因為都幾索汁，索哂啲精華。但係提提大家如果想試佢哋嘅豬頸肉唔好單點佢哋嘅豬頸肉小食，因為會貴好多，可以揀佢哋嘅麻辣豬頸肉米線，想再試埋佢哋嘅其他餸可以另點👍🏻

看見很多評價還以為好味，本著試吓心態，點知中伏，去到門口都多人等位，入到去用Qcode 點餐，看見價錢都比較貴，點知碗米線來到只看見一碗湯，份量超少，2餸米線，吃2啖已經沒有啦～味道沒特別好，只是普通，譚仔還好味過佢，所以真是名過於實，試一次就夠啦～