天星雲南米線

营业中

休息中

-酸麻雞肉蒽花魷魚丸米線-麻辣腩肉鴨血小鍋米線-炸魚腐拼黃金墨魚餅辣度有 (大辣至微辣)選擇自選米線-酸麻湯底米線(雞肉+蒽花魷魚丸)酸麻湯啱晒啲又鍾意酸辣同麻辣既朋友，入口湯底味道有層次，仲有甜甜地既感覺，每飲啖湯都有肉碎係上面，米線滑身得來唔會太腍。蔥花魷魚丸喺出邊米線舖未聽過，食落去真係有粒魷魚，口感幾豐富😝自選米線-麻辣湯底小鍋米線(腩肉+鴨血)麻辣湯底叫咗微辣但都好有麻味，我自己好鍾意，鴨血大大嚿，比較厚身，食落唔會有腥味，仲好似有啲甜😍腩肉比較肥身，同埋食落去有甜甜地嘅滷水味。炸魚腐拼黃金墨魚餅拼盤每款有各三件，炸魚腐食落口軟綿綿，食多幾件都唔會滯，墨魚餅熱辣辣有少少馬蹄喺入邊，點埋泰式辣醬好香口！😋

平日7：30到,門前已經好多人等緊.好彩一個人,等左5分鐘就入得座.點左一份豬軟骨同豬頸肉麻酸辣米線.第一啖,老實講,有d失望,酸味唔夠,偏甜,麻香味無咩層次,亦食唔到花椒或者其他椒香；因為我叫BB 辣,所以正常.米線口感ok,但偏淋.唔知點解食到重雪味.豬軟骨ok 淋,但無咩特別但所謂既麻辣豬頸肉,原來係勁多味粉.肉係爽口既至於米線d配料都好少,好少既肉碎,芽菜,有樣好既就食完唔算好口渴,同唔算好油

呢間係米線關注組推介之一依家香港人越嚟越多人鍾意食米線, 以旺角區嚟講, 我幾鍾意呢間米線, 呢度不論午飯或晚飯時段都好多人, 有時做嘢經過都會買個外賣走。呢度好多款唔同湯底同埋配料, 之前每次嚟都係叫酸辣湯底,今次試試另一湯底, 我點咗鴨血, 豬大腸酸麻辣湯底, 要咗少少辣, 湯底濃郁, 酸菜帶出個酸味, 果然夠麻夠酸亦夠辣, 份量啱啱好, 鴨血軟滑, 豬大腸大件夠淋, 刺激味蕾越食越過癮, 鍾意食辣嘅人亦都可以黎挑戰下, 值得推介!

一直都知呢間米線好出名但次次都好多人排點知今日經過見無人排就去食我點咗麻酸辣湯底我覺得唔算特別出色豬軟骨又係普普通通就算天星米線米線分量都算少所以要排隊可以唔洗去試

香港人不嬲都3分鐘熱度, 但鍾意食米線呢樣野都幾長久, 我自己都係哈哈. 呢間係男朋友係米線關注組見到有人推介, 經過就去試下佢!雞肉+豬紅+蜂巢豆腐+滷水蛋麻酸辣米線麻酸辣既湯底好足料, 食得出好香 落左好多料去煲. 酸菜帶出個酸味, 而唔係有D舖狂落醋去加酸. 而麻味都好夠, 食食下就有嘴唇痺痺地既feel哈哈👍🏻而配料都好多選擇, 如果食幾日都唔會重複lol. 🐔雞肉幾嫩, 豬紅唔腥, 蜂巢豆腐吸左個湯之後好麻, 超正! 🥚滷水蛋都醃得幾入味~🥢總結: 淨係個湯底已經好值得再黎, 配料都好多野揀, 推介!

*終於試到旺角好出名嘅天星 雖然之前有朋友講過話唔好食，但係米線控都唔心死好想試下🍴果然係應該要相信朋友的意見🥶真係普通一間米線店都可以打得低佢，可能係我自己口味唔岩啦🤭：🍴小窩米線配 通菜萵筍片腩肉·酸辣小辣另外仲有麻辣‘酸麻辣’清湯 「麻辣胡椒湯 胡椒豬肚湯」 需要+ $2喔🤨🌟小窩米線 $32 (最少需要選兩款)十分之驚喜竟然有萵筍片• 很爽口的，大量的通菜，腩肉不是我的菜~ 雖然我叫嘅食物比較普通，都係大路野，不過！重點該是湯底！完全不是我愛的，不夠酸而且偏咸，但同時又掛唔到湯🤢🤢🤢反正有很多米線店都取代到，咁樣食咗$56 好似唔係幾抵咁 叫個豬頸肉米線好似會飽肚啲🥶另外都有比較特別嘅款式，有黃立䱽同鯛魚，如果喜歡吃魚的朋友仔如果路過可以試一試，但係如果需要排隊的話就唔好了👻👻 跟餐飲品+ $6 跟餐特飲+$9

原先想食雲南，但朋友推介呢間，所以專登過來一試。腩肉冬菇酸辣小辣米線湯底濃厚，冇油膩感，份量大碗，豬腩肉我嫌佢厚咗啲，少少入味，唔算好入味，比打邊爐食既還要厚少少；冬菇都大隻，菇味都算香。鯛魚鴨血冬菇酸辣小辣米線鯛魚爽脆有魚味，加埋啲湯汁入口有回鮮；鴨血質細嫩，而且唔會一夾就爛。招牌秘制金沙骨一碟有五大舊，味道似避風塘椒鹽，舊舊都大件，遺憾的是骨多過肉叫咗凍鴛鴦走甜，味道一般，咖啡味比較重，無乜茶味。

行到入內街先搵到嘅米線舖，環境就一般般，但係一路都keep住有人嚟堂食或者叫外賣。🐻麻酸辣米線只係叫咗微辣都已經好夠辣，食食下啲辣味愈嚟愈出，叫咗店員拎碗清湯嚟沾下。清湯都唔錯，甜甜地又有啲胡椒味。🐻金沙骨呢味菜可以話係呢間舖頭嘅招牌菜，炸得好脆，啲肉又好嫰又冇乜硬骨，食落真係舒服。🐻豬頸肉切得好薄，所以炸起上嚟都係特別鬆脆，加上唔少嘅辣粉，少少辣都幾過癮。總評分：🍯🍯🍯🍯（4/5）

呢間米線係我食過咁多間覺得佢酸度岩岩好，麻又麻得過癮既一間。次次去都會簡佢個酸麻辣湯底！必嗌鯛魚片！勁推介大家食！因為佢質地爽彈🐟仲好新鮮，唔係急凍魚片hea 敷衍你。我個日就嗌左鯛魚片韭菜餃酸麻辣米線🧡最緊要佢又熱辣辣😛有啲米線鋪碗麵係真係唔係好夠熱唔辣口唔過癮呀嘛！食得出呢間舖頭係用心製作，每一次食完都會有下一次❤️小食方面！金沙骨個人試過孜然同椒鹽！個人中意椒鹽，今次食孜然粉仲鹹啲添🤔可能今次啲肉醃得鹹得滯，不過都好好味！好香脆！回頭指數極高😋👍🏻👍🏻👍🏻

喂你哋，唔好以為呢間天星雲南米線係普通過路小鋪，佢嘅米線絕對係霸氣外露，口感過癮！俾你知咩叫真．正．雲南味道，心郁就踩喇！💪踩到呢度，我直頭點咗招牌腩肉加大腸米線，啖啖肥美嘅大腸，食落真係滑溜溜，入口即溶，腩肉嘅話雖然唔夠厚切，但肉質鬆軟，吸晒湯汁，死鹹香嘅麻辣湯底真係一流。仲有囉，麻辣皮蛋同埋墨魚春卷都唔可以錯過，皮蛋食落Q彈爽口，春卷酥脆得嚟香氣四溢，光靠呢兩樣我都食得停唔到口！😍不過，啱啱飲完佢哋自家嘅柚子蜜，少甜選項真係貼心，飽嚼依然清新，解口油膩感，滋味獨特，另人一試難忘。唯一美中不足，就係個環境有啲迫，味道一流就係咁，隨時一客難求，所以你有嘢手上嘅話，就外賣算啦！🏃‍♂️🏃總括黎講，呢一趟米線之旅絕對滿足到我嘅味蕾，下次再過嚟，我一定要再挑戰吓佢嘅麻辣辣度，今次係熱辣辣嘅愉快食記！🔥👌🍜

二條友就叫個二人餐啦 每人都係揀二個餸我就係食胡椒豬肚湯底跟竹笙同春卷少米竹笙⋯好多都黑(´▽｀) 我唔知代表咩 但唔夠爽口⋯春卷就見到好多好似係八爪魚🐙嘅嘢 咁應該係八爪魚🐙春卷吧(◐‿◑) 重點 少米都係好很多⋯(;´༎ຶД༎ຶ`)我都唔想做大哂鬼 但無計食唔到😭😭😭我朋友係麻酸微辣跟豬軟骨同鴨血⋯朋友表示日本好少辣野食 佢覺得好好食🤣豬軟骨好大舊好抵食又好食麻辣金沙骨就基本嘢 但有舊真係好難咬 牙都就嚟甩😑皮蛋就正常嘢無咩特別 包埋二杯野飲真係超抵_🐈粗口自動轉換底線🤭🤭🤭🤭

🐱旺角人氣米線😌我見米線關注組有人介紹所以試試😂結果驚喜地好食😋星期六下晝6點去即刻有位，唔洗排隊🤓但我見未到7點已經坐滿晒人🤣麻酸小窩米線（腩肉、豬紅）：$55🌕🌕🌕🌕🌘/5出面好多米線一係齋麻辣，一係齋酸辣🌶️好少可以麻酸一齊😌今次可以唔洗做選擇✌🏻湯底超惹味，有酸菜、芫荽、肉碎，名副其實又麻又酸😍超好味🤤叫左小辣，比起出面既係偏辣，下次叫返微辣先得😂而個腩肉係半肥瘦，唔會得肥膏🐷有小小滷水味，係有醃過😉推薦👍🏻豬紅都好好食🤤係好滑同有味既豬紅😚經開旺角必定再食😜

#MC帶你去旺角香港人真係好鐘意食米線🍜除咗去連鎖米線鋪食，各區都有好多高質嘅米線鋪，比如依間喺旺區中嘅旺區、喺「香港米線關注組」受洗版式分享嘅「天星雲南米線」💯✨ 小鍋米線（麻辣台灣鴨血+豬軟骨+蘿蔔） $61今次就嗌咗小鍋米線，加幾款人氣必點配料，果然無令人失望👍🏻✨ 麻辣台灣鴨血（推薦）台灣鴨血尚算厚身，食落紮實爽滑，味道同普通鴨血、豬紅十分有分別，台灣鴨血偏甜，吸咗少少胡椒豬肚湯底嘅精華，香辣又過癮，味道十分突出😋✨ 豬軟骨（推薦）兩大舊嘅豬軟骨🍖肉質厚而十分軟嫩，唔洗好用力咬已經有一絲絲嘅肉，必點之選‼️✨ 蘿蔔（推薦）最不起眼而又最基本嘅蘿蔔，點知十分有驚喜😱係清甜又無渣，係勁嫩，出面好多米線鋪、車仔麵鋪都未必做到咁。✨ 胡椒豬肚湯底+麻辣小辣濃濃嘅胡椒香氣，隱隱約約帶啲麻辣味🤤飲落胡椒味相當突出，胡辣感十分惹味🌶️湯底仲有配料豬肚，變樣有多一個餸🤭🪑 環境店鋪樓面唔算大，舖位窄長，枱與枱好緊密，相當有地道隱世feel。🔥 人氣人氣程度不可輕視，夜晚8點45分去到都仲要排隊，排咗15分鐘；下午黃昏金黃食飯時間起碼要排30分鐘至45分鐘⏳.⭐整體︰8.0/10⭐食物︰9.0/10

- 天星雲南米線 豬軟骨魚皮今次叫咗2個餸，同叫咗招牌酸麻辣湯小辣，以對我唔太食得辣既人，酸辣程度可以接受。但店面位置好少坐得好迫同時環境都唔太衛生，加上個日坐喺廁所隔離，所以環境方面，就要大家睇下接唔接受到。但講酸辣米線方面，呢間係好食，湯底係惹味就算平日下午茶時間都係幾多人幾受歡迎。🤣 ## 評分標準 食物:4/5 環境:3/5 服務:4/5 性比價: 👍🏽pp$50 回購率:👍🏽 地址：旺角砵蘭街136號地舖

今日去左旺角食傳說中全港top10既米線就睇下「香港米線關注組」是咪放流料-🍜 酸麻辣米線(小辣)3餸 $53平時食開譚仔3小辣、可以輕鬆handle依到既小辣食得辣既朋友仔可以跳級挑戰中辣以上湯底夠酸夠味但冇乜肉碎、建議叫啲腩肉/豬軟骨令個湯再濃小小-🍜 藤椒魚皮（大）$53魚皮好好好好好爽口、冇腥味夠凍又開胃～做小食1流-🍜 蒜泥白肉 $52大家應該見到堆蒜蓉同芫荽山😹重口味人士必點、個人認為好食過譚仔-🍜 秘製金沙骨 $53同行朋友話好食唔乾點解係同行朋友話？因為份量太少、本小姐冇份食😹 笑-🔥總結 7/10🔥市區米線黎講真係算唔錯、絕對可以拎黎頂米線癮但要注意～店舖比較細、繁忙時間黎應該要等位可以encore👌🏻