天星雲南米線

营业中

休息中

大路米線鋪以外選擇: 叫左酸辣米線，腩肉厚切，米線大碗足料，比起其他米線鋪算得上良心店，比足料，食完唔頸渴。豬腸撈麵有淮山麵選擇，大大碗，而且唔使另外加錢，豬腸煮得入味，唔會成舊油，最重要清得好乾淨。除左米線同麵食，仲有湯飯選擇。店鋪開張無耐，地方企理乾淨，買滿100蚊仲有小食附送。店員快手而且有禮貌，只係鋪位係內街，少人發覺，不過老闆話可以送外賣，40幾蚊一碗，已經無得挑剔啦。希望OpenRice 快啲有直接落單，會多一個選擇。

行完Muji Family Sale去過下米線癮🍜～呢度嘅雙餸小鍋米線下午茶$40好抵食。.🍜胡椒豬肚湯小鍋米線 下午茶$42 配豬肚、紫菜胡椒味道唔濃，反而鹹酸菜味道較重，湯底配任何麵食都好夾，值得+$2。豬肚爽口而且份量好多。紫菜有先剪開，食起上嚟好方便。.🍜酸辣湯小鍋米線 下午茶$40 配竹笙、黃金墨魚餅味道類似上海酸辣湯。辣度分五種，辣度最低「小小辣」都幾辣🤫。竹笙口感爽脆，吸晒酸辣湯好惹味。黃金墨魚餅彈牙鮮味。.🐷炸豬扒 $20炸漿夠薄，拍鬆過嘅豬扒嫩滑多汁。.🦐泰式吉列蝦餅 $35新鮮炸起好香脆，幾有蝦味，不過呢個價錢當然唔會有粒粒蝦肉😂。

以前在大陸的時候，最喜歡吃的就是米線，不知在什麼時候開始，香港流行了米線專門店，水準確實不錯，比大陸的更適合香港人的味道。麻醬雞絲乾伴麵，另外任選一餸$45。麻醬雞絲乾伴麵配招牌腩肉，麻醬採用了日本的胡麻醬，味道比中式的芝麻醬更好，加上青瓜絲和花生，頓時令這個冷麵生色不少。招牌腩肉帶點醬油的香味，肥瘦適中。蟲草花雞湯米線$55，雞湯味道鮮甜，雞肉份量充足。凍鴛鴦跟餐$6，甜度適中，算是港式鴛鴦的標準。柚子蜜跟餐$8，柚子蜜的份量十足，加上梳打，甚為解渴。蒜泥白肉四件$25，腩肉片包上青瓜絲，減少了油膩感，配上蒜香味道十足的辣汁，是一個很有創意的小食。孜然豬串骨一支 $15，孜然的香味十足，加上豬串骨的肉質香甜，外脆內軟，確是一道不錯的小食。

今日去了旺角，之後又約了朋友食下午茶，疫情下很多食肆都各出奇招，朋友就帶我去了這間叫配料大份的米線店。下午茶時間，$40包兩餸，另加$3包冷熱飲品。我們先點了兩個小食，泰式吉列蝦餅拼墨魚餅及涼拌青瓜，墨魚餅比蝦餅更彈牙；青瓜即叫即拍，非常爽脆。招牌腩肉及竹笙酸辣湯米線表面舖滿了芽菜、韮菜及肉碎等配料，腩肉厚切而且份量極多，有五至六片，炆得很諗又入味，竹笙吸收了酸麻湯的香味，入口勁爆湯，米線爽口，麻辣香惹味，而且完全無味精。大腸麻醬雞絲干拌麵用了淮山麵，麵質爽口不糊口，碌麵火喉控制得不錯，加了些花生、青瓜絲令整個拌麵更清爽，大腸滷得入味而且中間的油脂不算多。最後加了$3的飲品都非常大杯，整體食物質素不俗，而且性價比高，大件夾抵食。

公司附近新開左呢間雲南米線鋪，見佢疫市開新鋪咁有勇氣，點都要支持下嘅叫咗碗蘿蔔雞翼豬紅小窩米線，小辣，同豬紅竹笙黃金墨魚餅金菇小鍋米線，小小辣啲米線好滑，食到尾都唔會好淋，每樣餸不錯，最正係佢買滿$100就會送個麻辣糖心皮蛋，佢真係糖心皮蛋，加埋啲麻辣汁，超級正，俾錢我都會買

聖誕節同朋友去街，朋友喜歡吃米線，得知最近在旺角開了間雲南米線店，就和朋友去試試。店內環境跟一般米線店差不多，由於新開所以非常乾淨企理。除了招牌的米線外，還有多款配料及小食選擇，我和朋友真忍不住你點一個，我點一個，不知不覺點到一桌也是食物，就當是我們的聖誕大餐吧🎄🎅🏻====—====—====—====—🐥川味口水雞（$45）口水雞賣相吸引，灑上麻辣香油、花生粒🥜、芝麻和蔥花等配料。雞件肉質嫩滑，吸收麻辣香油味道夠香又不會太辣。🦐🐙泰式吉列蝦餅拼墨魚餅（$35）吉列蝦餅拼墨魚餅炸得金黃香脆，肉質彈牙，配上的泰式雞醬非常開胃呢！🍗孜然豬骨串（$28/2支）孜然豬骨串是店內招牌之一，大大串的豬骨串鋪滿了孜然粉，非常香口惹味，愈吃愈滋味。🍖椒鹽炸雞翼（$32/5隻）大大隻的椒鹽炸雞翼炸得香脆可口，肉質嫩滑可口，灑上的椒鹽和炸蒜令賣相非常吸引。🐔炸雞扒（$20）炸雞扒細心地切開小塊，而且每件份量都很大，炸得金黃酥脆，肉質嫩滑，非常香口。米線是店內主打食品，份量大大碗，除了傳統的小鍋米線外，還有多款特色米線選擇，有辣有唔辣，岩曬各人口味。🍜自選2餸小鍋米線（$45）配料：芽菜🍃、酸菜🌱、韮菜🌿

旺角呢間天星雲南米線係新開冇幾耐的，見已經係下午茶時間都仲有唔少客人，便入去趁吓熱鬧😂蕃茄湯底竹笙大腸紅薯粉✨超大碗，佢本身跟左芽菜、韭菜、肉碎和酸菜的，個蕃茄湯超濃香，大腸洗得好乾淨及滷得好夠味，感覺好滿足👍👍黃立倉米線✨（好特別，食過好多間米缐店，今次都係第一次見到，所以試吓😋😋）佢本身都係跟左芽菜、韭菜、肉碎和酸菜的，酸辣度適中，條魚煎得好靚，好滑，好香，又唔會油林林。蒜泥白肉✨非常有創意，中間爽左青瓜青，感覺清新👍👍

後朗豪坊兩個街口的砵蘭街， 整體街景或許沒有彌敦道般明亮光猛， 但卻是臥虎藏龍，各式小店 盡在其中，而且價位廉宜， 完全是大眾化之選。這天選擇了天星雲南米線幫襯， 小店走家庭平民的格局， 真材實料。小店款式選擇多，除咗有恆常兩餸的小鍋米線，還有 其他連鎖米線店缺乏的 ，例如 蟲草花雞湯米線， 黃立倉米線炸豬扒米線等等。 湯底選擇也多元化， 除了清湯麻辣和酸辣也有蕃茄湯和胡椒豬肚湯， 還有各式小吃，例如口水雞， 蒜泥白肉，炸雞翼 ，和豬耳等等。招牌腩肉&大腸清湯紅薯粉紅薯粉勁大碗， 腐竹大豆芽韭菜當然必備。 招牌腩肉層層相間，醃得入味。 大腸也有 嚼勁 ，超好食的。上湯雲吞韭菜餃米線（改番茄湯）蕃茄湯底酸酸甜甜超開胃， 雲吞和韭菜餃份量也多，包得大隻，韭菜餃韭菜配豬肉鮮甜味美， 餛飩蝦肉也爽彈。麻辣豬耳注意份量多，而且切得均一，每一條都有 嚼勁又爽口， 麻辣好味勁嘢味。炸香草雞翼即叫即炸，黃金脆外皮，內裏juicy。凍熱飲品跟餐只是加六元，抵飲。

米線米線米線米線其實呢排都無咩胃口連諗食咩都興趣缺缺🙃見到間新開嘅米線舖下午茶做緊優惠就轉左入去坐低——————————————————由於無胃口關係叫左個蕃茄湯底嘅兩餸米線酸酸地希望可以開胃啲😂估唔到蕃茄湯都可以叫辣湯底濃郁好有蕃茄味面頭大量最唔中意食嘅芫荽🤢係我唔好無叫走青🤦🏼‍♀️腩肉好林雖然睇落脂肪多過肉但食落唔會覺得好油膩餃子大大隻餡料又夠香👍🏻至於麻辣湯底呢（BB辣）等於譚仔十小至五小中間未試過所以叫左淮山麵掛湯都一流又夠爽口豬紅冇腥味而且好吸湯食落有咸香味，正魚腐彈牙有魚味完全冇碎骨小食方面叫左墨魚餅同拍青瓜墨魚餅彈牙青瓜香辣爽口😌而且舖頭位於朗豪坊附近行完街食個下午茶啱啱好——————————————————❁ 兩餸米線（下午茶） $40❁ 手拍青瓜 $24❁ 墨魚餅 $35❁ 豆漿 $6❁ 凍檸樂 $16

平日通常都吃連鎖店的米線，總有一家在附近，原本這次也打算在附近找找的，但途經這家小店，主打雲南風味米線，價錢差不多，又有多款小食。趁下午茶時間，進去吃一頓吧。椒鹽炸雞翼 大大隻，即炸的雞翼，上枱時還在微微冒煙。皮脆香口，沾滿調味料及椒鹽，咬一口裡面的肉汁都溢出。小鍋米線 湯底有好幾款的，愛吃酸辣的的當然會挑選酸湯吧。湯底蠻出色，裡面已有酸菜、韮菜、芽菜、肉碎等調味，味道更添濃香，勝在夠酸，愛吃偏酸的朋友應該會喜歡。不過本身沒有選太高的辣度，所以不辣。麵底除了原有的米線外，還有幾款選擇，如水晶粉、紅薯粉及淮山麵，不用額外加錢，配料則可自由挑選兩款。淮山麵條更幼身，而米線相對較爽彈掛湯。涼拌粉皮粉皮份量蠻多。粉皮像薯粉的質感，口感非常韌口，有嚼勁，寛寛且厚厚的。醬汁是甜酸醋，調味有蒜粒，酸酸的很開胃，如果加麻辣醬汁，應該會更昇華，另還有雞絲及青瓜絲伴碟。

夜晚行完街同朋友一齊食米線~選擇都唔少，我地點咗兩個小鍋米線、炸雞脾同孜然豬串骨，仲有可樂同凍檸茶。我既番茄湯底米線轉咗紅薯粉，米線包兩個餸，我點咗招牌腩肉同金墨魚餅。腩肉肉質軟稔，而墨魚餅就彈牙，唔錯！值得一提既係碗麵大大碗，食完好滿足！朋友既米線都轉咗紅薯粉，揀左酸辣湯底，佢都鐘意食辣，所以揀左小辣。酸辣湯底唔會太酸，個辣食到好開胃，鍾意辣嘅朋友唔好錯過。兩款配料揀左韭菜餃、雲吞。韭菜餃同雲吞都好多餡，韭菜好香，雲吞皮薄餡靚。另外配左凍檸茶。孜然豬串骨 本來以為係一串串嘅烤豬肉，原來係連骨豬肉，餐廳好細心，係骨位包左錫紙，用手拎住都唔會整污糟手。烤豬肉好惹味，豬肉唔會過老，份量又足，抵食！至於雞脾就炸到卜卜脆，聞落好香，而且食落juicy又唔嚡口，讚~

當日行完旺角商場好tired想試一試正宗嘅雲南米線。這個餐廳有好多唔同嘅小菜,我同男朋友最愛嘅係涼拌粉皮,川味口水雞手拍青瓜,黃金墨魚餅。因為仲有嗰個金蟲草雞絲湯麵,濃郁雞湯加上金蟲草滋潤又保身體。這個冬天全靠這碗湯令到身體溫暖。另外覺得唔錯係佢哋正宗嘅手拍青瓜可以揀涼拌有辣唔辣。可以做到色香味俱全真係食指大動。加上佢獨有嘅正宗凍檸茶又有檸檬味又夠凍。下次聖誕節想同屋企人利是其它唔同嘅四川lunch meal

旺角餐廳不嬲都多到數唔晒，近排行過砵蘭街知道開咗間新嘅雲南米線，鍾情於米線既我又點可以唔試吓呢？———————湯底好特別，係打咗雞蛋落去蕃茄湯度再煲嘅湯底，飲落雖然冇番茄湯甘清，但加咗蛋令層次更加豐富。牛肉好滑，米線都好多大大碗一定飽🤣湯底煮得好濃，加咗少少麻辣油令湯底食落好過癮。蘿蔔炆得好林好入味唔會有渣，腩肉亦都處理得好好，比坊間普遍嘅小鍋米線水準都高😇腩肉切得好薄，中間包住青瓜絲，加上多度瀉嘅蒜泥同埋紅油一齊食，簡直係人間美食😝雞翼好大隻，炸得好香脆多汁，咬開有聲，亦都好入味🙊面頭加左少少椒鹽，令食落更香口！

旺角係香港嘅中心點，餐廳食肆林立，但就好似無咩人提過會去旺角食米線，今日我同M佬一於發掘吓旺角在地人米線推介，嚟到砵蘭街試吓天星雲南米線，嘆番碗熱辣辣嘅米線，就最啱呢啲涼浸浸嘅天氣啦！除咗麻辣同酸辣，湯底仲有蟲草花雞湯同胡椒豬肚湯底。椒鹽炸雞翼小食當然唔少得雞翼啦，雞翼即叫即炸，好香口，仲好juicy，椒鹽味夠晒惹味。A姐之選：招牌腩肉、冬菇小鍋米線（中麻辣、走芽菜）平時都係食中辣嘅我，上枱時見到呢個辣度都有啲驚，真係比平時食開嘅辣，但又比平時食開嘅香，麻同辣嘅比例啱啱好！配料有韭菜同辣肉碎，至於配菜有招牌腩肉同冬菇，一層肥一層瘦嘅腩肉好軟腍，至於冬菇炆得好入味，份量都唔少。M 佬之選：蟲草花雞湯米線湯底充滿濃香嘅雞湯味，帶有少少甜味，好有層次。驚喜有於雞肉超滑，如果唔食得辣嘅你，呢個就啱晒你。

最近經常去開旺角，今日碌到新餐廳，咁去會會佢🙊叫咗3餸小鍋米線～🥰 炸醬雞肉金墨魚餅💁🏻‍♀️ 都係我會成日嗌嘅嘢～一大碗熱辣辣米線嚟到，當然要先飲一啖湯，好清，係鍾意嘅清湯湯底，唔會話似有啲米線舖咁飲落好多味精，簡單嘅清湯米線食入口好舒服😌米線本身會跟芽菜、韮菜，同酸菜，不過因為今日唔太想食酸菜，所以就無要到。芽菜飽滿，韮菜食上口都好嫩。而米線嗰份量亦都好多，軟硬度適中，浸湯耐咗都唔會太淋。3個餸方面，炸醬分開上，唔會整污糟清湯，而且份量好多、有成碟，味道有少少微辣，所以就算唔太食得辣應該都食到嘅。可以改善嘅就係可以少鹹返少少🤏🏻 雞肉肉好滑；金墨魚餅，其實係有啲墨魚味嘅魚餅咁，幾有口感，有成3塊，份量都幾多～ 成碗米線夠晒飽！另外嗌咗個小食孜然豬串骨，一上檯就聞到好香，望上去就似一隻炸雞膇🤣 咬落口好脆亦都好香口，肉質都唔錯😋嘢飲叫咗杯凍檸利賓納，唔算好多地方有、又好耐無飲利賓納，所以就嗌咗喇～有四片檸檬👍🏻