天天海南雞飯 (新城市廣場三期)

营业中

休息中

有時兩個人去食飯, 選擇食甚麼是一個大難題, 而套餐就是一個最好的解決方案.今次order一份'新加坡米芝蓮2人餐', 有菜有肉有飯, 均衡營養.等食物的同時,  亦發覺店內的設計幾有趣和有心思, 天花板的藍色燈正是一個個「雞」字.餐具的設計也有特色.令人歡喜的是,  食肆的出餐速度非常快,  很快就送上飲品和沙律.左:  手打香水檸檬茶右:  招牌超級水果茶飲品大大杯 , 甜味適中, 配料夠多! 手打香水檸檬茶: 香水檸檬味道突出, 感覺清新招牌超級水果茶: 滿滿的百香果粒, 酸度十足, 加上其他水果, 清甜又富有口感.  同時茶味又出,  與水果的酸甜味非常配合, 推介!海南沙津 (推介)沙律有平時少見的水果,  包括紅色芭樂 和無花果. 紅色芭樂最甜,爽口又超多汁.  而沙律汁鹹鹹地, 加上水果, 有甜有咸,口感豐富又惹味 .鳳梨涼瓜干貝燉龍骨湯一碗十分足料的湯,有菠蘿,涼瓜,豬肉, 堅有元貝 . 味道清甜且鮮味濃郁.班斕汁椰香鱈魚鱈魚本身口感較滑, 炸過後內嫩外脆. 加上香濃的椰奶亦不會太油膩，沾上班斕椰奶汁即可製出花紋, 幾好玩!一口一塊 , 會食上癮!正宗海南雞(=有骨海南

每次去沙田行街都會經過呢間餐廳，見到寫住新加坡米芝蓮海南雞飯已經吸引左。餐廳既裝修好得意，有幾個漫畫風格既人物，相信就係餐廳既創始人同埋合作伙伴。今日終於同友人黎試下啦😋每枱都有壺茶，又幾香幾好飲喎！------------------------------🔵天天海南雞(中份)$169海南雞上面淋上獨有既秘制雞汁，另外都會好似傳統海南雞咁有黑醬油同薑蓉。有D地方會用泰式辣醬（姐係比較痴立立個隻醬)黎做辣醬，小編就唔係太鍾意呢隻醬，而天天就有秘制辣醬，確實幾香好味！雞既質感皮薄肉滑好新鮮，一食落口好似自己滑左落去喉嚨到咁😋而且份量都唔細架。. 🟢雞油飯(1-2人份)$39食得海南雞一定要叫埋雞油飯一齊食，一送上黎估唔到都幾大煲，份量唔少架！油飯好明顯粒粒分明，原來係因為天天對油飯好講究，係明火煮同埋邊煮邊攪，唔怪得咁香同埋乾身！.🟣黑松露墨魚蝦多士$89見到個個都食呢個多士，所以小編都叫左黎食。一上碟已經聞到陣陣黑松露味，蝦亦都好彈牙，個多士好脆口呀！唔怪得係推介之一。超級推薦大家食呢個多士😋😋.🔴黑磨豉牛筋牛腩$139見到呢個菜式都係推介入面所以就揀左黎試，牛筋牛腩都好淋，牛腩唔會煮

呢個二人餐真係好抵好誘人😍$499有前菜，湯，三個菜式，雞油飯同飲品👍天天海南雞係冇骨嘅，就算雞胸嘅位置都非常之嫩滑👍整體唔算濃味，清得嚟又好味健康，大部份嘅雞都冇皮嘅，份量都唔少，加埋芫荽好清新😌雞油飯真係超級好食，油香得來粒粒分明🤤一煲夠2個人份量推介👉鳳梨涼瓜乾貝燉龍骨湯超好飲👍好濃郁有心機參巴辣椒炒通菜係原煲上，少少辣，加埋啲蝦乾有咬口，調味唔錯，唔會太油👍整體性價比都幾高，可以encore

Iphone14Plus的推出，令我再次傍晚到訪新城市廣場，因為蘋果這間專門店較為方便我前往。測試完最後一款新手機，當然就是要找地方吃晚餐。因為怕要人多等位，於是就向新城市廣場離火車站最遙遠的角落找吃。無意中被這間店門口的公仔吸引笑了一下，打扮似美國隊長的雞隊長CAPTAIN CHICKEN實在攪笑。初步研判原來是由新加坡來港開的海外分店，作為過江龍食店，應該都有一定水準，決定一試。細研餐牌後，發覺它有兩種都是海南雞的產品，一款就簡單叫海南雞，另一款就＂天天＂在海南雞前面。看了食物相片後，都看不出兩款菜式的分別，逐向店員查問。 海南雞＝＝＞連骨一齊浸熟，肉味傾向較濃郁。天天海南雞＝＝＞去了骨，啖啖肉，方便懶人+無咩牙力的客戶最後，我揀了傳統海南雞，因為我仍然有良好的牙齒，有能力口中去骨。這款招牌傳統海南雞的肉味果真豐厚，而且烹調時間剛好，肉質鮮嫩又不會有大量鮮紅色的骨肉部份。個人十分害怕"刺身雞"。更重要的是，隨碟送上的薑末，磨功細滑，沒有太多油，用來伴額外叫的雞油飯，真好好味。現在甚少吃飯的我，當晚都吃了整碗聲稱二人份量的雞油飯。另外再點了，石鍋蘿蔔黑磨豉豬軟骨。嘩，蘿蔔索晒D

平時成日都見到呢間嘢排晒長龍咁 想試咗好耐 今次終於搵機會同朋友一齊嚟試吓😋 🇸🇬新加坡米芝蓮2人餐 $499非常抵食嘅2人餐，包括前菜、小食、燉湯、海南雞、蔬菜、主食同飲品兩杯，基本上可以試曬餐廳嘅特色食物🤩🦐蝦皮素肉鬆凍豆腐佢嘅凍豆腐好嫩好滑，上面嘅配料有肉鬆、蝦米咁，食落好有層次，配埋個微辣🌶️又香口嘅豉油直程冇得彈🐟斑斕汁椰香鱈魚成個套餐最驚喜嘅係呢個炸到金黃脆脆嘅鱈魚。唔止擺盤好好睇，仲好好食，尤其係佢個汁係椰汁底加班爛汁😋，甜甜地好香好開胃🥣鳳梨涼瓜干貝燉龍骨服務員一揭開蓋就聞到個湯好香，飲落嘅時候清甜得嚟鹹鹹地，即使佢有用涼瓜煲都一啲都唔苦🤤，飲落反而有啲似肉骨茶味。可惜嘅係份量有啲少，有啲意猶未盡嘅感覺🐔正宗海南雞跟住就黎到店舖十大招牌菜嘅No.2🏆，肉質好嫩滑，雞味濃郁，配埋薑蓉、辣醬、豉油一齊食好惹味、開胃，份量都好多，推薦大家叫黎食🤤🥬海南雜菜煲雜菜煲用瓦煲上，材料好多，有粉絲、娃娃菜、菜心、木耳、西蘭花等等，好豐富。個湯清清地，飲落唔似味精湯，食完其他比較濃味嘅嘢食飲淡湯就舒服曬☺️🍚雞油飯食海南雞又點可以無雞油飯呢！油飯粒粒分明，食落好有雞油味，唔會得個顏色，襯埋

星期五中午1:55分入座，一個人。 落單時同個疏all back 頭中年男人（帶白色錶）客氣咁落單講要個海南燒雞雙併飯轉髀，講完佢全無反應，眼唔望人，多謝冇句，面口好似想講「你做乜入黎食嘢呀，搞到我呀」。服務衰過大家樂一百倍。一間午餐人均150既餐廳有啲咁既趕客員工真係多得佢唔少。食物質素就係唔差既，雞好嫩滑，夠入味，只係個湯一早上定凍哂啦。糖心蛋就麻麻地，唔好食。有個茶壺放定熱茶又抵讚既。不過個落單侍應就影響哂成餐既心情。幾好味都冇用啦。

天天連續4年獲得新加坡米其林必比登推介餐廳稱號，今日試左，叫左一個A餐，海南雞飯，油飯一D都唔香，個飯係微辣個friend,微暖。雞沒雞味，肉太過淋，又唔滑，份量又少。仲要有骨的。 服務完全冇，野食到左，唔係將食物擺放係客人前。而係隔個身位，要我申手去埋來。仲有個男侍應，問都唔問，就收左我碗湯。（仲有大半碗湯架）最後賣單130幾蚊。或者我期望太高，所以有失望啦。我樓下匯景賣的海南雞飯，好食過佢好多。39蚊 就有大大份。

老公鍾意食海南雞，我特登上網search邊度有出色海南雞，見到好多人推介天天海南雞，新加坡米芝蓮餐廳一於去試試揀咗沙田分店，商場有車泊非常方便，搭lift上三樓見到隻好得意好大隻既雞超人，不禁影咗幾張相，睇真啲佢叫雞隊長🤭，原來雞隊長係天天海南雞餐廳😎，餐廳好闊落，一坐底枱面會有壺茶同餐具，淨係睇餐具同餐廳裝修都睇得出用心設計真係好急不及待想快啲食餐牌上有好多特別既選擇，嚟到呢度梗係要食佢嘅招牌天天海南雞，見到有二人套餐仲有特價，有成七個item，咁多野食一於就叫二人餐$499💥前菜：蝦皮素肉鬆凍豆腐🦐豆腐本身好滑，配上蝦皮素肉鬆，加埋特製醬汁一齊食，少少辣，更加開胃💥小食：斑斕汁椰香鱈魚🥥炸一啖一口鱈魚外脆內滑，唔油膩配合埋椰汁既香甜，味道又香又甜，好新鮮既配搭😍💥燉湯：鳳梨涼瓜干貝燉龍骨🍍好特別既配搭好夾，鳳梨嘅甜中和涼瓜嘅苦，每碗湯都見到好足料，而且鳳梨燉完之後，連平時食鳳梨條脷會痛既我都食到，而且好清甜，啱晒秋涼飲好滋潤💥海南雞：天天海南雞🐔主角出場，最鍾意食既無骨海南雞，雞皮薄肉嫩滑，完全冇黃色既脂肪，連皮食都唔會肥，加埋會有三款醬汁，本身雞唔點醬已經好好味，所以我用青瓜點辣

之前weekend晚市時間見到餐廳出面大排長龍，就知呢間新加坡米芝蓮推介既餐廳名不虛傳。今次平日晚市時間終於試到天天海南雞飯啦🤗 二人套餐$499 有好多野食😳不過試新餐廳我通常試多d佢既招牌菜😌 所以我無揀套餐🔶天天海南雞（中份）🤩必食推介香港分店跟足新加坡總店製法，只用皮下脂肪少的白羽肉雞，所以雞皮爽滑，爽口又零脂肪，口感非常嫩滑，即使係雞胸位都唔會鞋嫁🤩配上特製雞汁，再沾上辣椒醬，真係一啖接一啖停唔到口呀！😋依家睇番張相都想去食多次啦😝評分： 😋😋😋😋😋（5個為滿分）🔶雞油飯 🤩必食推介食第一啖雞油飯，忍唔住「嘩！」左出黎！🙈 怪不得名廚Gordon Ramsey都讚不絕口啦！雞飯之王絕對無得輸！原來呢個雞油飯係先炒香蒜同斑斕葉等等，再放湯同放，炒15分鐘至收水，令每粒米都可以吸收到材料同湯既精華😍 真係不得了！評分： 😋😋😋😋😋（5個為滿分）🔶 黑松露墨魚蝦多士 🤩必食推介我最中意香口菜式，我二話不說就點呢個蝦多士！炸得香脆但不帶半點油，中間既墨魚滑好足料，配埋黑松露醬同大量既蔥同木魚絲，食多幾件都唔會好膩❤️ 一個字正👍🏻你睇下中間既墨魚滑幾足料😍 評分： 😋😋😋😋😋（5個為滿

天天海南雞飯 (沙田)-講咗想食好耐，但成日都覺得好多人，因為一直未去食，今次終於可以試到啦！仲咁啱見到佢有個二人餐優惠，所以就入去試吓！🔍 新加坡米芝蓮2人餐 $499佢個二人餐好豐富，包括前菜、小食、燉湯、海南雞、蔬菜、主食、各一杯嘢飲😋🔍蝦皮素肉鬆凍豆腐好驚喜嘅豆腐🤩 豆腐上面一半係配蝦米, 一半係配肉鬆，各自分開食又得，兩種加埋都得，可以滿足到三款唔同嘅口味，特別配搭帶有微辣嘅豉油更加Match😋🔍黑松露墨魚蝦多士配搭出色，唔會太漏，同埋最主要雖然係蝦多士，但食落去冇咩油，唔會有油膩感🔍鳳梨涼瓜乾貝燉龍骨湯好有味，而且足料嘅湯！飲落唔會好似飲味精湯咁。🔍天天海南雞🔍雞油飯(1-2人）果然係招牌！食落淡淡肉，肉質嫩滑，份量又多，可以配搭豉油、辣醬、薑蓉，再配埋油雞飯簡直一流😋🔍参巴辣椒炒通菜呢個炒通菜係一個鐵鍋上，入味之餘又唔會太辣，食落好香好惹味🧡🔍恐龍美祿(凍）🔍年代奶茶(熱）-📍天天海南雞飯 (新城市廣場) (沙田)沙田沙田正街18號新城市廣場三期 3樓329及363號舖

次次行過都俾佢公仔牌吸引住，加上佢係新加坡過江龍，就一直想試下，但成日都好多人等位，就冇食到。今日去新城市睇燈飾，專登早少少黎食晚餐，唔使等，可以直入，不過冇大枱俾我地。Menu有個新加坡米芝蓮二人套餐 ($499)，好多野食，有前菜，小食，燉湯，海南雞，炒菜，雞油飯，仲包兩杯飲品，放滿成張枱。每樣野都係二選一，樣樣都好吸引，好難選擇，想一次要曬。前菜 - 蝦皮素肉鬆涷豆腐好有質感既黑色圓盤，配白色既涷豆腐，紅色既蝦皮，加埋醬汁，裝飾，賣相成件藝術品咁。豆腐入口順滑，加埋唔辣既醬汁，肉鬆，蝦皮一齊食，口感豐富，又開胃。小食 - 黑松露墨魚蝦多士黑松露墨魚蝦多士放咗黑松露醬，味道濃郁，仲有炸到好香脆，好好食。蝦多士餡料係墨魚，上面放咗D沙律醬，木魚碎，口感豐富。燉湯 - 鳳梨涼瓜干貝燉龍骨燉湯好足料，有好多排骨同配料，唔油膩，味道好清甜。海南雞 - 天天海南雞天天海南雞就係無骨既，正宗海南雞就有骨，但雞味重啲。今次就試招牌既天天海南雞，雞肉質鮮嫩，而且爽口，口感同平時食既好大分別，不愧為招牌菜。仲有最重要既醬汁，有新加坡黑醬油，辣椒汁同埋薑蓉。辣椒汁唔太辣，又惹味，同海南雞最夾。炒菜 -

第一次食天天海南雞飯係細個去新加坡🇸🇬旅行個時！知道佢係香港都開左嘅時候就間中都去食下！🤣不過比起個時係Food Court咁食同係餐廳食成個感覺差好遠！但係味道都係正嘅！-🍴天天海南雞（半份）$169雞好滑😍😍真 皮薄餡靚🤣 配有3隻醬 黑醬油 辣醬 同薑蓉 幾中意黑醬油 甜甜地 但其實佢本身配有秘製既雞汁 已經好夠味👍🏻🍴雞油飯（細）$39食海南雞一定要配油飯😆呢度既雞油飯 飯粒粒分明 記得要襯熱食 會更好味😋🍴黃金軟骨 $79推薦😍😍😍係咸蛋配雞軟骨 會食到停唔到口🤣🍴黑松露墨魚蝦多士 $89比一般蝦多士厚身 因為多左一層墨魚係入面 口味唔錯😆2杯野飲都好大杯!🥤招牌超級水果茶 $38好足料🤣好重百香果味道 中意百香果既人可以試🥤豆花恐龍美祿 $32好特別既野飲🤤🤤❤️有滑捋捋既豆花同好多好多既美祿係面😆📍天天海南雞飯 @沙田新城市廣場三期 3樓329及363號舖尖沙咀都銅鑼灣都有分店!

天天海南雞飯今日難得早收工，同事問有無興趣一齊食lunch🍽️🍽️。問佢有無興趣試下天天海南雞飯🐥🍚。佢話可以一試。兩個人即刻逃離公司😂點知希望越大，失望越大。我地兩個都點左午市海南雞飯套餐🐥🍚。套餐係唔包餐飲☕️☕️。我地另外每人點多杯咖啡☕️。午餐埋單就要$160🥶都幾貴下，不過唔緊要啦。最緊要係好食，點知換嚟嘅係失望。頭盤係糖心蛋🥚，老實講呢隻蛋係幾好食嘅。而且又做到流心效果。餐湯應該係雞湯嚟嘅🐥🥣。但飲落完全無味之味。感覺似似緊水上面浮左一層油。我同朋友出名會清盤。飲左兩啖我地都停左手。主角海南雞飯🐥🍚。雞唔算滑，油飯唔算香。最嚇人係朋友個碟雞仲滲緊血水出嚟。相當嚇人。但我唔記得影相🥲最後兩杯咖啡☕️係椰香特色，但老實講我地完全飲唔出椰子🥥味。價錢貴，食物質素一般。除左主打過江龍之外好似無任何特色。試過就算。

一直都覺得海南雞飯係平民美食，原來貴價小小嘅天天海南雞，會食到更上一層次嘅海南雞飯我哋叫咗新加坡米芝蓮二人餐，頭盤海南沙律有驚喜喎，士多啤梨、無花果、石榴嘅配搭好新鮮，加埋啲酸酸嘅醬汁好開胃，推介大家叫呢個斑斕汁夜香鱈魚擺盤好有心思，椰汁醬汁加上斑斕汁點綴裝飾相當精緻雪雨炸得剛剛好，外脆內軟！一開頭睇餐牌見到餐湯係鳳利涼瓜乾貝燉龍骨有啲擔心，因為我唔食涼瓜好驚苦，點知個湯飲落去係好清甜嘅一啲苦澀味都冇，係好出色無味精嘅老火靚湯。講到主打天天海南雞啦，雞件肥瘦適中，雞肉嫩滑，好欣賞佢俾埋青檸，加咗落去好清新。除咗三色醬，啲雞本身都有啲醬汁淋咗喺面，似係有調味嘅淡淡地講唔出係咩醬汁又幾夾我哋係食肉獸所以額外叫咗個九層塔炒小黃牛，紅椒青椒炒埋啲牛肉條，有種家常便飯嘅感覺，調味嘅醬汁幾惹味，餸飯一流嘢飲方面叫咗好耐冇飲過嘅童年回憶美祿，竟然有得飲！朋友叫左咖啡，正常發揮。

新城市廣場行完街，正好見到尼間天天海南雞飯就想試試。打開餐牌，上面的食物照片影得好吸引。海南雞同肉骨茶是招牌菜，一定要點份試試啦，有雞點可以冇雞飯，所以雞飯都想試試。入秋後都想吃蘿蔔，就點了份蘿蔔燉豬軟骨。甜點就點了份椰奶黑金龜苓膏。天天海南雞，不得不讚雞肉非常嫩滑，雞皮與肉之間仲有一層透明剔透的雞凍，望落似果凍，入口又滑又Q軟，沾點薑蓉，令雞味更加突出，超級好味！除了有薑蓉醬之外，還有辣醬，海南雞沾辣醬亦是非常惹味，辣味愛好者的享受。雞件配菜有青瓜條，非常爽口，醒胃解膩。雞飯粒粒分明，味帶油想，顏色淺黃，有咬口亦不會過硬。石鍋蘿蔔黑磨豉豬軟骨，睇个样都已经够晒吸引。猪软骨大大件，煮得淋滑入味。白蘿蔔清甜多汁又無渣，十分入味，內裡都染上湯汁顏色，果真是必吃之選，十分送飯！肉骨茶藥材味濃，味道清甜易入口，當中最特別的是配搭豬肋骨，排骨燉得肉質鬆軟，一吸就將肉與骨分開。湯底仲有豬肚同豆朴腐竹，加埋蔥絲一齊吃，幾特別。同肉骨茶一起上的還有一碟配菜，滿足不同口味。最最特別的是椰奶黑金龜苓膏，十分之驚喜。龜苓膏切成小件，入口有少少龜苓膏特有的甘苦味。椰汁濃稠，天然的椰香，可減輕龜苓膏嘅甘苦，而又