天天海南雞飯 (新城市廣場三期)

营业中

休息中

一直都覺得海南雞飯係平民美食，原來貴價小小嘅天天海南雞，會食到更上一層次嘅海南雞飯我哋叫咗新加坡米芝蓮二人餐，頭盤海南沙律有驚喜喎，士多啤梨、無花果、石榴嘅配搭好新鮮，加埋啲酸酸嘅醬汁好開胃，推介大家叫呢個斑斕汁夜香鱈魚擺盤好有心思，椰汁醬汁加上斑斕汁點綴裝飾相當精緻雪雨炸得剛剛好，外脆內軟！一開頭睇餐牌見到餐湯係鳳利涼瓜乾貝燉龍骨有啲擔心，因為我唔食涼瓜好驚苦，點知個湯飲落去係好清甜嘅一啲苦澀味都冇，係好出色無味精嘅老火靚湯。講到主打天天海南雞啦，雞件肥瘦適中，雞肉嫩滑，好欣賞佢俾埋青檸，加咗落去好清新。除咗三色醬，啲雞本身都有啲醬汁淋咗喺面，似係有調味嘅淡淡地講唔出係咩醬汁又幾夾我哋係食肉獸所以額外叫咗個九層塔炒小黃牛，紅椒青椒炒埋啲牛肉條，有種家常便飯嘅感覺，調味嘅醬汁幾惹味，餸飯一流嘢飲方面叫咗好耐冇飲過嘅童年回憶美祿，竟然有得飲！朋友叫左咖啡，正常發揮。