天廚海南雞

营业中

休息中

早前揾食肥華和靚媽，在紅磡一間要排隊及要速食，主打賣海南雞飯嘅(名氣人龍店)排隊食咗過，不似預期嘅該店名物海南雞飯，條氣真係有啲頂住，為咗順返條氣兩日後4月28日揾食肥華特登約靚媽收工後，到新蒲崗呢間食海南雞飯專門店補飛，務求食返餐滿意嘅海南雞飯及肉骨茶，作為今日嘅晚餐。一如所料此店個海南雞飯餐，每樣食物分開嚟秤無論，雞肉，油飯，椰子雞湯及醬汁嘅質素，肥華和靚媽都認為，比紅磡嗰間要排隊嘅名氣店，有過之而無不及。而今餐此店另一款食品，肉骨茶亦交出此款湯應有嘅味道，唔係淡茂茂似飲熱開水個種。最重要係此店呢兩款都獲肥華和靚媽高度評價嘅食品，在下午茶時段顧客祇須付出$45就食到，呢餐。👍🏻👍🏻👍🏻👍🏻👍🏻👍🏻

係新蒲崗搵食，一係airside好貴sogo，一係平民區普通野，難得搵到呢間又平又好食，lunch dinner 一樣價，dinner性價比更高，係新蒲崗黎講係超抵食！老闆娘又靚又好人，每次去親都會免費送湯比我哋飲😋

我唔係第一次食，今次真係嬲到爆！我一個女仔去食午餐，安排左張雙人枱，嗌完野食佢擺左個男仔黎搭枱！明明隔離張4 人枱得兩個女人坐，仲要兩個女人坐埋一邊，都唔擺佢去搭佢地張枱，我望多陣，原來隔離兩個女人已經食完哂坐喺度吹水，你都唔擺佢去坐佢地嗰枱，其實我入去既時候已經1 點半，成間舖都唔多人，後面又無人排隊，點解唔擺佢去啲就黎食完既枱呢？！最衰既係，張枱真係好窄！ 係岩岩好只能擺到兩個盤，我食完都要影返張相就係要比大家睇，對面坐完落去基本上大家耷低頭食野係會撞頭果種窄！識既都算，你仲要擺個陌生人落黎坐，果種尷尬有冇人明，仲要係無隔板，因為佢張枱根本窄到無可能擺多塊隔板！安排差之餘食物都差左，我叫左個羊扒蛋包飯，個蛋整到好似煎蛋咁，連發蛋都發唔勻蛋白同蛋黃分開既，真係唔好做蛋包飯好過啦，塊羊扒有兩塊，骨就多肉就少，實際都食唔到幾多啖。總之，無下次！張相係隔離果枱走人我先自己搬過去，左手邊係我原本坐既枱。

最近在新蒲崗找尋美食，多數都碰到餐廳地方擠迫既問題縱使食物美味。剛剛星期日來到天廚，地點在Mikki對面，在網上已經看過餐牌和食物圖片。下午茶時段店內全滿，等了5分鐘有二人枱，店員有禮，環境較為寬敞，坐位正常。點了出名海南雞飯(附送中式湯或熱飲)及麻辣牛藥膳湯底手工麵，各＄45(可用信用卡支付，讚)。食物和味道有驚喜，個人較喜歡海南雞，去骨夠嫩滑，醬汁齊備。會再光臨嘗試多款其他美食。

我一個人食晚餐，見到你有張四人卡位，我已經唔入去坐，等另外個男仔食完，我先坐啲單邊一人位，坐低嗌完嘢，你見出邊有三個人等緊，你就叫我去搭枱，然後喺我本身坐開嗰張一人枱隔離泊一張九唔搭八嘅摺檯，叫三個人入嚟坐，我就逼到hi hi，到我埋單走，你見到出邊又有四個人等緊位，竟然都仲夠膽叫食緊嘢嗰三個人起身轉枱，食個飯要俾你調幾廿次枱，晚餐俾人食得舒服啲得唔得，食埋飯頂多未坐你半粒鐘，叫你玩倉庫番呀而家。仲有，啲油飯粒粒都硬嘅，有幾好食呢？以後唔幫襯，你間舖咁旺咁多客，少一個半個有咩所謂。

去骨海南雞飯（油飯、配湯/熱飲）$58海南雞偏細隻，加上皮厚（小編習慣太厚的皮會棄掉🙈），變相肉量就更少了。皮肉中間冇啫喱。但肉算滑，店家亦給予了脾位。辣醬則比其他海南雞店辣少許🤏🏻油飯冇蒜香味，純純的雞油味，不過不失。雞腳紅蘿蔔椰子湯係好飲嘅，冇味精，有雞同蘿蔔清甜味。肉骨茶飯（油飯、配湯/熱飲）$58大推！😍😍😍😍😍湯底夠濃藥材味，勁好飲，配飯一流！有大約4舊骨，已經熬到好淋，骨肉分離，不嚡口，好入味。雖然湯濃到重口味，但飲完唔口渴👍🏻小編覺得好飲過雞，必食！🫶🏻😍PS 店家有維達tissue提供（不另外收錢喔）👍🏻結論$58晚飯、連湯，算高cp值👍🏻上菜快手，環境正常

揾食肥華，講咗幾拾年，食海南雞飯個重點，唔喺嗰碟雞而喺嗰碗油飯，但近呢二三拾年，香港人以食得健康，為大前題，已經好難食到一碗，夠油，夠香，嘅油飯。7月2日揾食肥華和靚媽，就在此店下午茶時段，衹須$45，就食到個，雞肉靚，油飯正，碗湯好嘅，海南雞飯套餐，及口水雞飯套餐，真喺滿心歡喜，加埋追加個碟，$2O嘅檸檬酸辣雞腳，口感特別味道亦唔差，呢餐如果唔喺，此店啲侍應員工，講嘢太啤呢爸啦，發出高分配量聲量，此店應值👍👍👍👍👍

同同事食午餐，諗下諗下上次食過一間海南雞，但上次新店開將，用餐經驗一般，同事話想再試一次。今次入座後感覺較好，食物款式亦增加了，👍同事食海南雞及口水雞米線，我試左個滑蛋雞扒飯，今次海南雞同口水雞嘅份量減少了，😅但口感，味道各方面都非常好，藥膳湯底都唔錯，雞扒飯就十分足料，雞扒大大塊，雞蛋非常滑，💖飯量好多😁價錢方面都算合理，50幾蚊送飲品。

新蒲崗呢間新開既海南雞餐廳lunch keep住有人龍,$58 去骨海南雞米線/飯, 跟餐送熱飲, 免加一服務費餐廳用QR code落單, 湯底可選藥膳養生雞湯/ 喇沙湯底/ 鮮蕃茄濃湯麵底可選招牌手工麵/米線/米粉/銀針粉今日試左藥膳養生雞湯配米線藥膳養生雞湯相當足料, 有大量蟲草花, 杞子, 紅棗, 仲有豆卜索湯,忍唔住飲曬全碗湯咁濟, 個身暖曬, 返到去都無口渴,  無落味精去骨海南雞都有成10件雞, 雞都算滑, 仲有D青瓜伴下碟, 套餐+$20 有小食, 不過本身份量都多所以試唔到, 下次肚餓D再試下采頣花園商場地下本店

今日好大雨就唔想週圍去,所以行去新蒲崗近地食飯就算啦！ 諗起天廚開咗分店,仲可以堂食,咪去試吓囉！店面都光猛,清潔... 店仔細細服務員都有三個！ 都有禮貌吖...用QR code落單,如你想叫人落order都OK.我哋叫咗兩個餐,另加一客青瓜同埋雞湯浸唐生菜. 海南雞飯餐,可以邊油飯或者白飯,包湯或熱飲. 雞係去骨嘅,都算滑,配辣醬薑蓉黑豉油😁另外一個係肉骨茶湯飯,隆隆嘅藥材湯味入面有黑蒜頭豆腐卜四條豬骨. 豬骨都幾滑唔會好似某啲舖頭咁又乾又鞋颯颯. 我覺得你咁嘅價錢嚟講係好好食☺️又唔使加一又有免費水飲👍