影片
以上资料只供参考，请与餐厅确认详情
今日去新蒲岗探朋友，佢介绍左呢间超低食嘅餐厅俾我，就系天厨海南鸡。去骨海南鸡半只（$90）油饭（$12）呢度嘅名物肯定系海南鸡，我地坐低左听到无论系堂食定外卖，有8成嘅单都叫左海南鸡。去左骨嘅海南鸡啖啖肉，除左鸡肉嫰滑唔嚡口，我地最钟意系佢嘅鸡皮，口感爽脆唔肥腻，配埋佢嘅黑酱油，姜蓉同辣椒酱食可以话提升左n个层次。油饭食得出浓郁鸡油鸡汤香味，饭粒粒粒分明，唔会过淋。香煎猪寸骨滑蛋饭（$64）碟饭有3件猪寸骨，肉质软嫰唔干，我地拣左配日式咖哩汁，咖哩汁香浓唔辣，薄薄嘅煎滑蛋上面仲有几粒细带子，食落口感非常丰富。跟餐鸡汤娃娃菜（$16）鸡汤伴住清甜嘅娃娃菜系可以中和下其他主菜较浓嘅味道。冻香水柠檬茶（跟餐加$17）冻柠檬柑橘红茶（跟餐加$17）两杯特饮甜度适中，酸酸甜甜味道刚好。我地食饭中途听到隔离枱落单，佢地原本3个人，但两个老人家到先，个仔仔稍后到，当侍应帮佢地落完单，知道未齐人，主动话可以帮佢地稍后齐人先入单俾厨房，啲野食唔使冻哂，嚟小店食就系想感受到呢种人情味。
继续阅读
🥢星期日系父亲节，老人家最钟意食鸡，就去屋企附近呢间新开嘅海南鸡专门店叫咗少少外卖加𩠌。🥢一定唔少得嘅就系叫招牌去骨海南鸡，我哋叫咗半只$90，打开外卖盒都几有惊喜，半只份量一啲都唔少，仲要多数系鸡髀肉，肉质超嫩滑，一啲都唔会输俾高级餐厅整嘅海南鸡。配埋三色酱一流，我特别钟意甜辣酱，而爸爸就最钟意姜蓉😋🥢特色饭就叫左蒲烧鳗鱼滑蛋饭$58，可以拣日式咖喱汁/烧汁/黑椒汁。个烧汁整得几好味，咸甜适中；鳗鱼都有半条，拎到返屋企再叮一叮热食就正。🥢我哋又叫咗个海鲜米线$62🍜，汤底可以拣药膳养生鸡汤底/喇沙汤底/鲜蕃茄浓汤底。有两只鲍鱼、虾、青口肉、豆卜、云耳，汤底浓郁但食完又唔会觉得口渴，小朋友超钟意。🥢最后我哋仲试咗香茅鸡中翼$50，总共有六只咁多。腌得好入味，鸡肉亦都好饱满大大只，小朋友最钟意。🥢跟餐就送咗两杯热饮🍹，热菜蜜同热华田。🥢50几蚊一个饭餐同埋线餐其实真系几抵，下次想试埋佢个去骨口水鸡同油饭。
继续阅读
今日落新蒲岗做野坚开心，因为新蒲岗出名多嘢食。喺Mikiki商场斜对面见到呢间海南鸡排晒长龙，阿妈教落多人肯定有料到。不过今日赶时间，所以同拍档谂住叫外卖，喺7 仔买两罐啤酒慢慢叹。星期五食好啲，一只海南鸡两份分；一人半只够晒豪。另外再加啲小食：辣酒煮鲍鱼同鸡肾。天时热唔使食饭都OK 。去骨海南鸡：皮肉分离，够晒嫩滑，骨都啜埋。醉鲍鱼$50有5只都唔算细；鸡肾叫咗细盒份量都唔算少；有咬口，兼有酒香；送啤酒一流。下次堂食想试吓佢嘅烧羊扒饭。
继续阅读
在繁忙的新蒲岗地区，手作自家墨鱼肉饼饭无疑是一道让人心动的选择。这道菜以墨鱼肉饼为主角，搭配香浓的烧汁，饭粒吸收了汁液的精华，让每一口都充满鲜美的海味。肉饼外表金黄酥脆，内里却保持著湿润的口感，让人忍不住再多来一口。仙草奶茶。味道不会太甜。香滑的奶茶同清新的仙草完美结合，带来一丝清凉，尤其适合在炎热的夏季享用。搭配海用鸡饭，则是另一种风味，鸡肉鲜嫩，饭粒弹牙。此外，油饭的口感丰富，加入的配料让整体风味层次分明，十分令人满意。波波奶茶的口感则更显独特，颗粒饱满的波霸为饮品增添了不少趣味。而青瓜小食则是一道清爽的开胃菜，让人吃得更有胃口。金钱肚的口感韧性十足，与其他菜品搭配得恰到好处。整体而言，还能让人感受到用心的手作精神，值得一试。
继续阅读
新蒲岗最近都开左好多餐厅，呢间一直想试，店面蓝白色为主调，装修设计时尚唔似一般茶记，而且用QR code落单,非常方便去骨口水鸡鸡肉嫩滑得来够入味👍🏻去骨头啖啖肉👍🏻吃的超爽 麻辣汁唔算好辣，好惹味开胃，还有芝麻和花生增加口感💕天妇罗炸蚝 (3只)每个套餐都可以追加一款小食 炸蚝多汁外脆内软波波奶茶珍珠奶茶吃起来弹牙得来带点嚼劲台式牛肉面汤底拣咗药膳，味道浓郁，牛肉亦都软腍腍，米线软硬度恰到好处
继续阅读