天仁茗茶 (淘大商場1期)

营业中

休息中

而家天氣咁熱🔥，當然要食杯雪糕消暑🤣經過見到天仁嘅軟雪糕做緊優惠，原價要$25，而家只係$19，緊係即刻買返杯😋 好可惜買嘅時候只係淨返抹茶味，無得食佢最出名嘅烏龍茶雪糕🥺天仁嘅雪糕出名夠大杯，兩個人share都夠晒👫🏼抹茶味雪糕茶味濃，冰感重，口感順滑，食晒成杯都唔覺得膩，仲好滿足☺️淘大呢個天仁仲要有位坐，行街行到攰不妨黎呢度買杯嘢飲，食杯雪糕抖一抖😆 不過唔好期望啲檯會超級乾淨，始終人手有限，顧客要自己處理返啲垃圾🤫

一向係天仁茗茶的粉絲，913鮮奶茶不加糖少冰，用了$25現金劵後才知道不加糖有減$2，店員之前又唔提醒我，實在可改善的地方。913茶王的茶底本身其實真係唔錯，好有茶味! 選鮮奶茶就係諗住健康D，唔洗咁多反式脂肪。始終飲珍奶真係要有甜先至好飲既。

今次試左經典款913奶茶，另外加左珍珠。佢既珍珠煮到岩岩好，煙韌好好咬，而且有非常濃既黑糖味，應該係用黑糖醬直接煮，相當入味。另外913奶茶既茶味會比較重，相比起一般珍珠奶茶更加好飲，Like！

職員掛住傾計忘記嗌我個order,害我一身拎住勁重野等左接近半個鐘。本來唔出聲等佢嗌號碼，見佢地咁忙。但原來其他人嗌凍飲（成十幾個人），我以為順number 嗌,點知過左我number 一問之下，我嗰杯熱飲原來一早已整好，佢唔記得嗌（因為我一早見到有杯似熱飲係佢做野嗰度，唔係枱面，我以為之前人地架！）The worse exp that I had for takeaway. I had ordered my drink and wait for over 30 mins knowing that there are 10 orders queuing before me but finally found out that my hot drink was ready around 30 mins ago when the staff are chit chatting and forgot to call my order. I feel disappointed as I was taking a lot of heavy stuffs with me at that time

今次試左佢個茶葉蛋，覺得比預期中好食，佢好入味，同埋好夠熱啲蛋，啲殼仲好好剝。另外再叫左佢個熱嘅香橙綠茶，唔係好飲到橙味，有啲似係甜嘅綠茶，綠茶有少少苦澀，不過不失。

TGIF 之少不了甜品嘅滋潤🤤呢排好多pancake shops都想食 但係琴日食窮左自己 唯有分享番之前幾抵食嘅pancake - 913茶王梳乎厘班戟 $42呢個價錢同葵廣個啲小店差唔多 有兩舊食 比起啲百幾蚊嘅鋪抵好多 913茶味又出 同朋友行街行到攰坐底食下野幾開心 仲有啲珍珠咬下 梳乎厘蛋香味都好濃 係抵食之選Overall推介指數：3.5/5留意番唔係間間天仁茗茶都有得買 呢次係係九龍灣食 個次都等左幾耐下 等佢叫number 有進帳真係覺得人生有希望 希望衣家過左開張熱潮會好啲

除左成日飲佢既913奶茶/香芋奶綠次次行過都對佢既鐵觀音梳乎厘Pancake好有興趣不過次次都食飽左先經過今日睇完戲終於記得佢試左鐵觀音梳乎厘Pancake好鬆軟 食到鐵觀音味 微甜 仲有多到食唔晒既珍珠 下次要試下其他口味

《鐵觀音冰淇淋🍦》$25 天仁茗茶嘅鐵觀音雪糕真係好好食😋 無論食幾多次都唔會厭，今次仲買一送一，真係超抵！仲要唔使排隊！講返雪糕先，天仁茗茶嘅雪糕出名大杯，一拎上手就feel到有幾重手，一定食到你飽飽滿足🥰 雖然咁大杯但係唔會覺得好漏，因為佢係茶味嘅雪糕，唔會好似朱古力焦糖嗰啲咁甜咁漏，至於奶味就適中，整體來講真係好唔錯嘅雪糕🤤🤤🤤 PS: 九龍灣分店有幾張枱可以堂食食物質數：8.5/10 環境質素：7/10 抵食指數：8.5/10 (買一送一)回頭率：8/10

今日收工去開九龍灣口痕想飲杯珍珠奶茶就諗起呢個商場有間天仁呢到好特別有得賣埋pancake嘅睇落佢d款都唔錯但今日一心想飲珍珠奶茶！每次去天仁都必飲913珍珠鮮奶茶 +茶濃 微甜呢間都沖到個水準

是日出開九龍，路過九龍灣淘大，見有位就即刻黎食！其實由天仁出PANCAKE果陣已經好想好想試下，但一直以黎呢間天仁都排長隊，一係就冇位，所以都多次黎到都冇機會試天仁既PANCAKE。好好彩今次黎到剛好有位，就即刻去買我既PANCAKE！向來飲天仁茗茶，我都必定係叫913奶茶，而PANCAKE我當然係最想試913茶王味啦！點知.........竟然賣晒，好彩都仲有鐵觀音味。咁最尾我就叫左鐵觀音味PANCAKE同一杯MATCHA LATTE。因為PANCAKE已經有珍珠，就廢是又叫杯珍珠奶茶啦！咁我飲住杯MATCHA LATTE等PANCAKE啦都等左半個鐘，終於有得食喇！鐵觀音味既cream配上珍珠都幾好味，有茶味，pancake非常鬆軟。配埋珍珠係好特別既感覺，好有咬口！雖然等左都頗長既時間，不過即叫即整，又抵食又好味，等一等都值得！希望下次可以試埋913茶王味啦！

天仁茗茶好少分店有梳乎厘班戟，今日行開淘大一於試吓啦。但係就令我好失望。睇佢整嘅過程係好治癒，鬆厚蛋漿倒落去個pan，但拎上手食就真係麻麻地唔同味道嘅班戟其實係同一個底，只係面頭個汁唔同，913茶王飲當然好飲，但係變咗cream放上去個班戟到茶味就唔太出，又放喺常溫，唔夠凍。個班戟蛋香味唔夠，用叉食吉落去，抷上黎，成塊皮痴左落個底度。珍珠唔係放喺嘢飲入面，而係喺軟屬嘅班戟隔離做伴碟，應該要林啲襯返個班戟，但佢偏偏好硬。。。但勝在環境靚，出面又有位坐，俾返高少少分啦

天仁茗茶呢個傳統既台式奶茶名字，相信大家都唔會感到陌生，最近於淘大開店，當然要試試😊😊晚上7點左右，人流不算很多，據友人說淘大開業時大排長龍，而且更推出全新茶王雪糕及蛋糕系列，讓一眾粉絲排隊支持☺️☺️簡單點了一款913茶王，貪其簡單味道，最能體驗「天仁茗茶🍵」傳統台灣茶香威力，友人建議加$4加配黑糖珍珠，但提醒最好半糖，因黑糖糖粉相對高，半糖正好達至甜度平衡🥰🥰珍珠入口煙韌，微香，有咬口，而經典913茶王帶點烏龍茶清香及綠茶微薰，讓呢杯茶王更值會票價😚😚😚

等緊電影開場嘅時候去咗淘大天仁想嘆返杯913鮮奶茶🤩點知原來呢度有賣913茶王pancake!!即刻買咗個!!告示上面寫要等15分鐘，就真係等咗15分鐘😂不多不少😂$42茶王pancakePancake Topping有士多啤梨同珍珠，而pancake整體口感都幾軟熟，美中不足嘅係茶味冇想像中咁出，小失望，冇乜驚喜，整體就係中規中矩，天仁愛好者都可以一試嘅～913鮮奶茶+珍珠野飲方面就好多都好正。913鮮奶茶+珍珠都係我其中一個常飲嘅combination，茶味+奶味融合得恰到好處，再加入天仁煙硬且帶有蜜糖味嘅珍珠，簡直絕配！天仁珍珠大讚

鐵觀音芋圓冰沙難得今日放假，終於嚟到期待已久想去咗幾次但都去唔成嘅天仁茗茶淘大分店。今日天氣32度，去到門口見到menu有冰沙，立即眼前一亮，其中menu有鐵觀音冰沙，感覺較為特別，就決定一試。等咗大約十五分鐘先有，出到嚟外觀非常吸引，叫得做冰沙，已經知道佢唔會係綿綿冰嘅感覺。一食入口感覺很不錯，鐵觀音嘅味道淡淡的但仍然能夠食到鐵觀音嘅味道，冰沙不會太甜， 見到圖入面有三款不同嘅芋圓，仙草，仲有兩粒湯圓。湯圓比較硬身一粒芝麻一粒花生，味道正常，不過不失。 芋圓煙韌但唔係好食得出三款有咩分別仙草亦是不過不失。總括而言38蚊嘅價錢性價比合理， 可以一試。

 天仁茗茶(九龍灣淘大店)913茶王梳乎厘pancake 聽過咁多人講話佢地d pancake吾錯 前排終於去左試天仁茗茶的梳乎厘pancake 😆 首先個味道又真系吾差 雖然蛋香吾夠 但有啲奶味得來吾會太甜🤔 質地都系我中意的口感 佢吾會太軟太一patpat 反而督落去真系有質感👍🏻 中意食啲實小小的pancake呢個會啱你👀 面頭加上好多的913奶茶cream😂 茶香就冇乜 但吾會過甜 cream都打得好滑又香😛 配料的珍珠就係我地一般飲珍珠奶茶個d 冇咩特別🙈 最怪係加左士多啤梨 好酸得來又吾夾 扣左分☹️ 到服務！買個陣話10-15分鐘咁諗住都ok 點知最尾係等左我半！個！鐘！得一個人做嘢單就一大疊🤢 等到我都冇心機系咁想去追🤷🏻‍♀️大家記得要早d買左先好去周圍行下啊🧐 特登去就吾會了 除非經過啦 但系香港咁的價錢有兩大舊 性價到都ok既