天下茶屋 (福榮街) (已結業)

原來在深水埗食午餐也不便宜這個飯沒有包括飲品不過食物和環境算是中規中矩炸物鬆脆可口吃不出蝦和鱈魚的味道咖哩就是那種日式甜甜的整碟飯感覺有點單調雖然沒有飲品但有水供應都尚可接受

外賣等成20分鐘，明明個便當起度，但唔知做咩個呀姐懶懶閒，問佢就話只差杯奶茶。我自己住附近，3分鐘路，最後拎到返屋企飯，雞，野菜都係凍既，完全暖都唔暖，中間有個沙律，好似仲溶溶地，係咪因為外賣就知道食客冇仇報，出垃圾俾人食？究竟呢盒野整好左放左幾耐架？今晚後生老板娘同佢老公唔起度，即刻差晒。因為我住附近，其實呢間野之前經常食，佢地有個問題就係堂食快快出餐，外賣就自生自滅。今晚我等左20分鐘到,如果我堂食，會唔會俾我霸住你張台20分鐘至開始食？

呢間餐廳成日行街都會經過，但從來都未入過去食，但有日突然就想搵間平平地，又未食過的餐廳食，終於就食到佢，點知性價比都幾高！【吉列豬扒咖哩飯】$60吉列豬扒粉不會太厚，即使炸完都唔會乾曾曾，咖喱是日式咖哩，夠辣不會太甜，與吉列豬扒配搭起來好好食，份量亦剛好。【牛乳抹茶】午餐免費送的，是那種很淡抹茶味，偏甜的抹茶，個人來說不算很喜歡，但是午餐不用加錢有得飲呢個質素，可接受。回頭指數：🐒🐒🐒🐒抵食指數：🌕🌕🌕🌕🌗

去到深水埗，買完嘢當然要醫下肚😄見到新鋪就幫襯下。環境不錯。乾淨、簡約。餐單略略少啲選擇，多係咖喱。而咖喱味道都幾一般，似咖喱磚開咁。特別在個「焗咖喱飯」，味道幾香，但份量都少，個碟好淺下。。唔。。再去機會不太大。

🧀️芝士唐揚雞肉丼 $96 (+20 配吉列大蝦 鰻魚 溫泉蛋)丼飯賣相震撼 芝士多到鋪滿成個碗 完美覆蓋雞粒同埋飯都有啲擔心咁多芝士會唔會令唐揚雞變淋 點知雞皮保持脆口雞肉都好滑嫩不過因為芝士同沙律醬都好重手所以食到一半會開始膩。🐟汁燒鰻魚丼 $88呢個丼飯同樣有視覺效果 鰻魚厚肉又長鰻魚汁濃稠比較杰身 亦比較鹹 建議嗌少汁或者汁另上飯量足夠 女仔未必食得哂定食附上海帶前菜 鹹鹹哋幾開胃以呢個價錢食到原條鰻魚的確好唔錯

天下茶屋主要都係食咖喱飯，有各種唔同既配料，另外都仲有烏冬可以揀。午市仲有跟飲品，都係五十幾六十蚊，而且份量好大，抵食又好食😋絕對值得encore。  1⃣️燒咖喱芝士豚肉飯（$58） 咖喱有得揀甘口或者辛口🌶️鍾意食辣既我緊係揀辛口啦😚個飯等左一真先黎到，熱辣辣，份量好大。面頭係燒融左既芝士，咖喱汁夠多，入面仲有啲煮淋左既蘿蔔、薯仔🤤咖喱既辣度好夠，食落好惹味，配合埋芝士，撈飯食真係一流！另外豚肉係半肥瘦既，食落唔會乾，而且冇諗過佢既肉係勁多，基本上鋪滿曬成個飯，差唔多啖啖飯都有肉送飯食🥰食完成個飯勁飽勁滿足。  另外午餐仲有跟飲品，揀左牛乳抹茶，個人覺得偏甜，但係好少出面飲唔洗加錢，都真係幾抵食👍  2⃣️牛肉咖喱飯（$52）呢款咖喱揀左甘口，食落係甜甜既日式咖喱，唔辣，唔食得辣既人可以揀呢款。另外牛肉份量都係好多，最後食唔曬添😂

來到深水埗，經過見到呢間天下茶屋，見到好多人食就入去試下，一入去剛好有位餐牌有幾類選擇，有咖哩飯，燒咖啡，湯烏冬，丼物等等，因為無乜心水，隨心點左個吉列豬扒咖哩飯，來到有驚喜，豬扒炸出來色澤平均，而且肉質鮮嫩，加埋咖哩汁咬落去好夾，係高水平的咖哩飯。

星期日午飯時間路過，店員好熱情咁請人入座，我哋見門面光光鮮鮮，咪入去試吓啦！2個人叫咗2碟飯+2杯飲品，飲品先上，食物上桌速度唔算快。入門口時，店員並冇特別提醒用餐時間，等我哋食完，啱啱飲完最後一啖飲品放低，店員就話外面有人等位，叫我哋離開。嗰吓真係火都嚟，我又唔係食飽賴死唔走，亦唔係2個人食1碟飯，亦唔係齋食唔飲，門口更唔係大排長龍，其實都只係得嗰2組人等位咁大把。我哋由入門口到食完都只係大約1個鐘（星期日食慢少少，他調啲都唔過份啫），店員竟然話見我哋夠1個鐘先出聲。開到聲趕客，真係好劣拙嘅服務態度。講真，如果佢早響用餐時間係60分鐘我唔會幫襯囉！總之，唔。駛。旨。意。我。再。幫。襯

由於好食加上外賣有折天下茶屋基本上一直係外賣首選*但呢兩次質素有啲下降烏冬湯冇咁濃 豬軟骨好柴*今次食咖哩飯 啲切條狀嘅洋蔥太多成個飯都係洋蔥味俾洋蔥搶晒成個味有點失色*野飲ok 正常發揮*食到一半先影相 因為本身都冇諗住寫食評呢間鋪頭係我咖哩飯嘅首選黎真係希望鋪頭改善返

開鋪入坐，等了十分鐘上菜，五分鐘後飯食了一半就因為有多人家庭來了被要求調位。合作調了一次，再五分鐘後飲品飲了一半，被告訴要埋單，因為服務員多人輪候，被趕。只逗留二十分鐘就被趕走！極差的服務員，態度橫蠻、無理及囂張，不會再光顧！

深水埗近黃金個邊勁多野食今次就同朋友試下呢間日本咖喱餐廳除左有日本咖喱之外，仲有烏冬同埋丼飯不過感覺上餐廳專做咖喱，所以我同朋友都叫左芝士咖喱飯餐廳都幾細心，咖哩可以簡甘口同激辛👍🏻燒咖哩芝士牛油烤雞飯一上碟份量都幾大，應該男仔都夠食牛油烤雞都夠香，而且有小小牛油味不過芝士味道就不太出🧐飲品方面都幾多選擇，台式同埋日式都有我就叫左寒天柚子烏龍茶(凍)味道都不錯，而且餐廳好大方 落左勁多配料，抵飲🤣🤣🤣

福榮街日式美食！下午一時餐廳外有很多人站着等候，起初以為我們要排隊等候入座，豈料即時有四人枱，原來餐廳外的人大多等候外賣。燒咖哩芝士唐揚雞球飯$58- 推介！我選擇甘口，喜歡吃辣的朋友可以嘗試激辛。芝士份量多得令我感到滿足，竟然吃到最後每一口咖喱飯還有厚厚的拉絲芝士！唐揚雞球也給了我不少驚喜！雞球剛剛新鮮炸起，醃得入味，炸漿尚算薄，五大顆雞球的份量剛剛好，胃口少的人可能吃不完。不過可能始終咖喱芝士比較油膩，晚上回家還感到撐着肚子呢。飲品方面，有不少特別的選擇，不用額外加錢。我選擇熱抹茶奶綠，抹茶味重，不會太甜，不過質素當然不能跟甜品餐廳或咖啡廳比較了。燒咖哩芝士牛肉飯$58牛肉湯烏冬$60- 其實我也想試試烏冬，因為有四種湯底可供選擇: 烏冬湯、咖哩湯、黑松露薯蓉忌廉湯、櫻花蝦明太子薯蓉忌廉湯，尤其後兩種忌廉湯最吸引我。朋友選擇牛肉黑松露薯蓉忌廉湯烏冬，嗅覺上給我好大的滿足感，濃濃的黑松露香氣撲鼻。不過朋友說這個湯底應該卡路里較高，忌廉和薯仔味道都重，足料！

因為10點就冇堂食所以叫左foodpanda 外賣賣相都幾好 一開頭仲以為咁細盒實唔夠飽點知飽到食唔哂雞扒都幾好 唔會鞋幾滿足男朋友叫左依個我以為佢會唔夠飽 因為份量仲細過我盒飯點知佢都話夠食佢就覺得還好 但都唔平 都 7 80蚊一個同埋野飲平均都係30蚊杯所以 評價不過不失啦 還好😌

聽日午飯時間路過深水埗，要搵嘢食，之後就去開會啦，經過呢間日本野，佢嘅裝修都幾有日本感覺，就姑且試吓佢啦！🤓疫情之下好多餐廳外賣自取都有折扣，呢間餐廳午市仲做八折添👍🏻💜溫泉蛋生薑燒豚肉飯 配熱蜜桃烏龍茶好抵食好大碗，而且仲要係珍珠米，粒粒都大大粒，好味道！蜜桃荼超香濃，絕對唔係平時溝水嘅淡口味道🤗🤗🤗

近來好少去黃金附近食肆食嘢，因為食嚟食去都係嗰幾間，今晚見到呢間未試過又無咩人，就走咗去試下。自己劃紙點餐，餐單都幾易明，點咗激辛咖喱吉列豬扒飯、海鮮雜錦烏冬、豆腐魚肉雜菜餅、炸蠔、寒天柚子烏龍茶，蘋果鮮果乳酸。老公平時食得到中辣程度，但係呢個激辛佢都話有啲辣不過好過癮，會想繼續食嗰種，豬扒炸得好脆，肉雖然未算好juicy 但唔係柴皮唔韌，飯量同汁剛剛好，唔會出現飯少汁多情況。至於我食既烏冬，我㨂係黑松露忌廉薯蓉湯底，我覺得超好味，薯蓉唔多所以嗰湯底唔太杰，但可以做到汁掛烏冬，烏冬好彈，海鮮有蝦，帶子和鳴門卷，料算少而且蝦係成隻連殼，雖然好貼心俾隻碗仔放殼不過，食得少少麻煩。炸蠔好多日式餐廳都有，可能因為人唔多，即炸所以幾好食。不得不讚，豆腐魚肉雜菜餅，真係好食，無牙都食到，好霖但唔會散，椰菜絲唔硬，絕對可以encore。兩杯飲品都唔錯，乳酸裡面有少少蘋果肉連皮，好靚，味道唔似用粉沖出嚟，真係似用鮮果整。