天下糧倉牛肉火鍋專門店

营业中

休息中

有同事推介有間旺角新開平平地既邊爐，今日就幾條友去試吓。.湯底多選擇，仲有埋雞煲，不過今日我地就清清地叫個粟米豬骨鍋.一黎就先上一碟好吸引既全牛拼盤，淨係食呢個都好飽😅 包括：SRF美國黑毛和牛封門柳一級肥牛牛板腱安枱斯牛肩胛牛脷片鮮牛肉金錢𦟌.每種都重牛味 各有特色，最推介既係封門柳同埋SRF美國黑毛和牛，油脂分布平均，入口即溶，好岩牛魔王去試吓，和牛放題黎講性價比好高。.另外配料同埋飲品種類都十分多，最推介牛栢葉同稻庭烏冬✅埋單唔駛200蚊好抵食，不過真係幾多人😅，記得食之前book定位😁

天氣涼涼打邊爐最好，收工同朋友去打邊爐，因為朋友係食肉獸，我哋去天下糧倉係火鍋放題，每一款肉類都好新鮮，油脂分布好平均，份量好多，我自己比較喜歡食牛板健，封門柳，因為牛板健同牛板健牛味好濃，而且脂肪比較少，好岩我哋呢啲怕肥既人。自助區，可以自取菜類、芝士腸蟹棒等⋯還有調味料區好多調味料，公仔麵烏冬等，飲品區有汽水，涼茶，茶類⋯仲有我最愛蘆薈飲品。仲有雪糕區有不同味道，花多眼亂。我選擇左伯爵茶食落去香茶味

朋友介紹，鍾意食牛一定要去旺角嘅天下糧倉試一試我今日終於有時間去會一會，餐廳位於旺角西洋菜南街百寶利商業中心5樓，由港鐵旺角站E2出口行過去， 5分鐘就到，地點非常方便搭𨋢上到去，一開門，就見到大大個招牌，一定唔會認錯開位坐低後，先根據點餐紙上選擇好你想要嘅湯底，想食埋雞煲嘅朋友，佢有兩款唔同嘅雞煲可以選擇，先雞煲後火鍋，仲要係無限添食；仲有一個幾意想唔到嘅選擇，竟然有得揀肉骨茶，不過今日一心嚟試佢哋最馳名嘅牛肉火鍋，所以同朋友點左個鴛鴦湯底，專心試佢哋嘅靚牛點完湯底，見到點餐紙上面有唔同嘅牛肉選擇，一時間都唔知點選擇，好彩店員話第一轉會嚟晒所有嘅牛肉，可以慢慢試完再加單火鍋上枱，見鍋有兩個龍頭，真係氣派十足再嚟就係想主菜嘅牛肉，一盤大大嘅牛肉，有八款唔同選擇，真係不得之了老實講，估唔到同樣係牛肉火鍋，唔同類別，口感原來可以爭好遠，個人比較喜歡牛板腱及手肩胛，食完後再嚟多 3 round當然除咗牛之外，仲有唔少火鍋配料可以選擇飲品亦都係無限供應甜品櫃提供大阪牛乳雪糕，唔好睇佢外表一樣，其實有好多唔同味道選擇食到咁好質素嘅牛肉火鍋，呢個價錢絕對物超所值

同好多香港人一樣，我都好鍾意打邊爐，有時就算夏天都會好想開住冷氣打邊爐。今年終於踏入11月，天氣開始有少少轉涼嘅跡象，趁住天氣涼涼哋當然要即刻去做邊爐怪魔，呢日嚟到旺角呢間牛肉火鍋專門店，可以做一日牛魔王。上年已經嚟過一次，食牛食到停唔到口，食到好飽咁樣離開。火鍋放題價格由$176起，呢個價位同市面上一般任飲任食火鍋店冇太大差異。但呢到可以食到高質素嘅牛肉放題，我覺得性價比算係相當唔錯。一坐低冇耐，店員就會捧上一大盤總共有8款嘅牛肉，而且每款份量都唔少！呢盤牛肉當中不乏質素高尚嘅部位，包括牛肩胛、牛板腱、牛肩小排、封門柳等等。呢個方法有樣好，就係唔洗自己落單！基本上食完呢盤牛肉已經好勁，我哋都係勉強食得晒。湯底係沙嗲+牛骨雪櫃有蔬菜吧可以自便，好多菜/肉丸等等可以攞醬油吧飲品有好多選擇打完邊爐飲飽食醉，仲有雪糕可以攞添！

呢間食店座落係繁華嘅旺角西洋菜街📍但又係一個唔起眼嘅商業中心門口，如果平時同朋友行街經過一定唔會留意到，但裡面就有一間高質素任食和牛火鍋放題食店!打邊爐首先當然要揀咗個湯底先啦，我自己鐘意食麻辣朋友鍾意沙嗲,正好可以加$16就可以有鴛鴦鍋底。我哋就揀咗要麻辣鍋同沙嗲鍋，開頭見到麻辣鍋上面全係辣椒以為會好辣,但其實只係小辣辣度🌶(不過愈煲愈辣又d麻好正🙆‍♀️)點咗湯底後，可以係出面自己調制調味料，自助形式，大家一定要試吓個秘製油碟，因為真係好好味👍之後店員遞上一盤今日嘅主角八大牛肉拼盤：金錢𦟌、美國黑毛和牛、封門柳、一級肥牛、鮮牛肉、牛脷片、安格斯牛肩胛、牛板腱。所有主角買相都好吸引,我特別鐘意食牛脷片,食落爽口彈牙,配合埋麻辣湯味道十分惹味。另外比較驚喜嘅係鮮牛肉，好鮮甜肉質又彈口，特登自整鮮牛沙嗲公仔麵🍜好正😋仲有值得一試一定係澳洲M7和牛,食多幾碟已經回本🙈入口即溶牛味濃郁而且肉質好高級!放題當然唔少得飲品任飲,雪糕任食!最驚喜係荔枝烏龍茶,唔會太甜可以減少油膩感!除此之外出面雪櫃仲有好多蔬菜同丸類都係任拎任食!整括來講和牛放題性價比高,價錢好合理🙈

喜歡食牛的朋友不能錯過，仲要係放題，今日試了旺角天下糧倉，地方細細係好多張枱，先叫一個鴛鴦鍋底一邊麻辣一邊羅宋湯，湯底足料。跟住就上一盤牛肉放題, SRF 美國黑毛和牛，封門柳，鮮牛肉，牛脷片，安格斯牛肩胛，金錢展，滑牛。有牛味重的，有脂肪多的，有彈牛的，一次過滿足晒愛牛者的要求。其他配料都新鮮，但係選擇就唔係話太多，蔬菜有油麥菜生菜，蘿蔔。但係烏冬都有兩款，有隻急凍稻庭烏冬非常正。雪糕都是日本進口，海鹽，豆腐，香芋。任食放題不錯的選擇。

喺旺角嘅天下糧倉牛肉火鍋專門店見到網上廣受好評，專登出嚟試吓係咪真係咁好食。佢哋嘅究極和牛放題嘅CP值真係好高，只係200蚊唔到嘅價錢食到多款不同嘅牛肉，而咁多款嘅牛肉我最鍾意就係嚟自美國嘅黑毛和牛。佢嘅油脂分布較為均勻，食落做到入口即化嘅口感。如果覺得有啲油膩可以試下牛板腱又或者牛肩胛，佢哋嘅肉味會較濃，口感更加豐富。佢哋嘅湯底有9款不同口味嘅選擇，我哋呢次揀咗鴛鴦鍋，一邊係佢哋好多人叫嘅潮汕牛骨湯，另一邊係芫茜皮蛋湯。牛骨湯牛味好濃，上檯都經已聞到陣陣香味，用嚟做和牛嘅火鍋湯底就最啱，更能突出牛肉嘅肉味。而皮蛋湯夠清新，可以令牛肉嘅油膩感銳減不少，咁我哋就可以食多幾轉都唔怕膩。佢哋自助區嘅配料同普通嘅火鍋放題都大同小異，都係有各式嘅丸類，菜類，麵食等等，而飲品有幾個大雪櫃整齊排列各式各樣嘅飲品，有汽水啤酒，各式嘅茶飲果汁，真係應有盡有。

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗朋友gathering，好想食打邊爐，見到呢間好似D牛肉好似好正咁，價錢又唔貴，就嚟試下先！2 個鐘任飲任食$198，另外要加$13醬料。我哋加咗$16 要鴛鴦鍋底，一個叫咗潮汕牛肉湯，另一個加$17要四川紅麻辣鍋。湯底有少少型咁用咗個龍鍋裝住！第一個round 當然叫晒佢個list 上有嘅牛肉款式啦！一大盤靚靚咁上檯，每一款都有講明係邊種牛！為咗要試真D牛嘅味道，我哋首先用比較淡味嘅牛肉湯去將每款牛肉食一次！🍴SRF美國黑毛和牛係最好味嘅，片數嘅份量都係最少，入口即化！🍴鮮牛肉竟然有少少喜出望外，因為係超級勁滑又有少少爽口！🍴Prime 牛板腱 🍴安格斯牛肩胛 🍴一級肥牛呢3款都非常好食，肉味濃又一D都唔嚡！另外都有🍴封門柳🍴金錢𦟌同埋🍴牛脷片都正常發揮，基本上食呢8款肉已經非常滿足，所有肉嘅質素都唔錯！四川紅麻辣鍋都幾惹味，開始時好似唔係好辣咁，但係越滾越feel 到辣，呢種係愈食愈有後勁嘅辣！佢都有其他打邊爐配料，選擇上其實係冇其他任食邊爐店咁多，蔬菜類有幾款、丸有幾款、響鈴、山根、烏冬公仔麵，正常質素！不過最差嘅係鵝腸，好幼亦唔

嚟得當然預咗食牛 不過一入到舖其他食材俾想像中少 都唔緊要坐低之後呀姐又唔理我哋 我哋5點去到 間舖都未有人 但係都叫幾次先應以上都好少事最大問題係個雪櫃好腥 急凍食材全部有嗰陣雪櫃味 完全食唔落！！！門口poster話會送日本和牛 盤牛上到嚟 我哋問侍應邊款係 佢就話張poster唔update 而家冇供應我真係問曬號？？？一大個易拉架喺門口 同埋poster都黏正喺門口 咁都話唔update-.- 咁其實係咪違反商品說明條例？牛係正常水準 所以成晚基本上都淨係食牛 想食其他配菜....但真係食唔落🤮🤮不過呢個價係旺角有好多其他選擇一定冇下次！！ 好失望🙄

又係放工後去搵食今日打邊爐 湯底揀咗粟米豬骨湯，正常無咩味🤭清清地咁，但粟米好甜好甜頭盤嘅肉黎咗 唔差嘅 係得個款鮮牛肉定滑牛啊（無放牌個款）有d肉係灰灰黑黑 一睇就知 放得耐氧化左啦 但哩款味道就似拿粉醃過咁 反而其他肉個樣都幾靚仔 同食落唔差 對得起個價錢 我地再叫左3次加單 d肉都係差唔多樣 唔會同第一碟差好遠 同埋封門柳食落都重牛味 而黑毛和牛 d雪花都幾靚 菜區 同丸區 凍櫃就無影到了 印象中加埋先得3個高身窄凍櫃嘅食物 好普通 唔算多 丸類都唔多 同埋睇得出係街市平價貨黎 佢主要係食肉囉 得牛肉係可以寫紙任叫 其他就自己係凍櫃任夾 （但無咩選擇）總結：想食肉就可以去試下 因咁嘅價可以食到多款肉都唔錯 而其他菜、丸、仲有鵝腸 款式小得可憐 但佢牛肉搭夠 所以我無咩所謂

火鍋友達又撩人打邊爐啦！！Be點會唔奉陪😝😝佢話之前食過呢間和牛放題而家更新咗！所以想再去試多次喎！仲講?! 一齊留定肚上去開爐啦！入到去見個環境係古裝糧倉佈置又幾盞鬼喎！. 勁肚餓！兩條友為咗⭐究極和牛放題⭐而嚟！貪佢可以任食"澳洲M5和牛肩小排" "封門柳" "安格斯牛肩胛" "Prime牛板腱" "金錢展" "牛脷片" "鮮牛肉" "一級肥牛"😋😋當中最最推薦叫嘅必定係軟腍濃郁牛味嘅封門柳！真係唔係度度有得叫！仲要無限任點！除此之外Be次選係肉質靚且都牛味重嘅黑毛和牛！真係淨食牛肉都值回票價啦！！另外我哋加咗少少錢轉做鴛鴦鍋底！濃厚清甜嘅"潮汕牛骨湯"＆難得少見麻辣唔係紅噹噹嘅"翡翠綠麻辣鍋" 咁就享受哂雙重滋味啦！除咗重點食牛肉之外…當然唔少得出去自助區掃埋多種丸類(😜Be食咗好多粒澎湃流心芝士丸), 蔬菜, 響鈴魚皮, 汽水雪糕咁啦！真係一定食得飽飽🤣🤣. 任食兩個鐘放題嚟講每位$198 (17:00-21:30入座計)真係算價錢合理！食材又有質素！性價比堅高吖🙌🏼

又到火鍋系列！今次都幾期待全牛宴😈 鐘意旁邊有一大堆牛牛櫈仔/糧倉裝飾既 detail 位，整體連肉同配料既質素，每人大概200既放題邊爐係幾抵食😋叫左湯底之後發現其實點都會有一整碟俾你試曬🤣 (每堂都係) 但食完呢盤份量2個人已經食唔到再多🥲 講真係有少少難分咁多款，但有幾款食落係有特別鐘意🍽 牛板腱 自己覺得牛味最濃，肉質都高質！🍽 金錢𦟌 我覺得有驚喜可能因為平時食滷水都比較硬，但呢到薄切令質感好爽口，食落唔會膩🍽 鮮牛肉牛味相對少d但係咁多款最厚肉，但食落都係嫩同”淋”🍽 貓耳朵！都比較少邊爐既地方有得食，始終處理都需要時間食落都夠爽，推介！但落水記得hold 住散開曬好難搵🤣🍽 鮮冬菇💯唔知大家大邊爐多唔多食菜類 呢款冬菇係乾冬菇浸出黎，未食已經聞到好香冬菇味，鐘意食一定要拎！PS 雪糕係未見過既牌子，茶控請試玄米茶味😍滿足程度(4/5): 🤤🤤🤤🤤

起社交媒體 一早就知道呢間小店個名為"天下糧倉"都幾有意思全部糧食都集在此家的感覺好似得一個MENU就係和牛放題能夠選擇的肉類都好似唔少喎!!立即揀好湯底，等肉到先除左肉類外，飲品、菜類、丸類等等都起曬雪櫃，任君選擇例牌地出面餐廳提供的，這裡都應有盡有可以放心起度自助食醬料區都好特色，好似有個馬車咁擺曬咁多款醬料客人可以隨自己的口味MIX, 連D 特別的沙茶醬都有旁邊仲有響鈴、生根，雖然咁OPEN AREA, 但仲係好脆喎我同朋友都揀左比較清的湯地，想試佢D醬料味多D豬骨粟米湯底，我再起雪櫃拎左D粟米，用黎煲湯咁，甜D第1 round 唔需要自己點，一上來就係8款分別8片，每人4片的肉量一大盆個個都有名有姓的，標示不同種類見到都嚇死，果然先聲奪人份量滿滿桂門柳、金錢展、牛板腱都係比較fresh ，好軟滑的牛既部分有我最喜歡的萵荀同蓮藕好新鮮好清甜最後一站就係滿足我的甜品胃有香港製造的雪糕，朱古力非常值得推介，朱古力的味道濃濃

放工想係旺角搵好野食，上OpenRice睇下和牛放題，就見到天下糧倉。嘩，一坐底就有一盤唔同部位同款式既牛肉，寫好曬係邊款牛，放得好靚，而且又方便之後可以叫番想食既牛款。大家如果鐘意食比較有肉質感既牛，可以試下牛板腱、金錢展同封門柳，但係如果鐘意油花既牛肉，就一定要食美國黑毛和牛同安格斯牛肩胛啦﹗而我最鐘意就係牛脷片啦，非常有咬口又有牛味，正﹗食物很有質素，唔多打邊爐有萵筍，但哩度境然有喎，仲好甜添﹗不得不提既係佢既湯底真係好夠咪，可以話係好夠料呀，真的物有所值，價值合理，仲要有2小時任食，真係食到好飽。飲品櫃有好多選擇，打邊爐一定想飲可樂或者有汽既野，不過依度唔止依d選擇，仲有涼茶，有鴻福堂既紫背天葵，真的是健康之選。要提既就係我本身打邊爐係好鐘意食烏冬，可以吸收牛汁精華嘅湯底，佢依度唔單止有普通嘅烏冬，仲有最愛嘅稻庭烏冬，真係超好味！依家疫情期間，舖頭將食物放係雪櫃，可以令食物既保持新鮮，又可以減低食物感染既風險添﹗﹗最後，仲可以食番杯雪糕，仲要有好多唔同味道！任君選擇！

$198 任食和牛放題，咁抵食，唔怪得之咁多人幫襯。 唔好以為平嘢就無好，因為佢嘅牛肉好高質。先點咗鴛鴦湯底豬骨粟米湯底奶白色嘅湯底入面有好多粟米，蘿蔔等。秘製沙嗲鍋香氣撲鼻，湯底非常香濃，果然係秘製湯底先嚟一盤牛，包括有SRF 美國黑毛和牛、一級肥牛、封門柳、安格斯牛肩胛、Prime 牛板腱、金錢𦟌、牛脷片、鮮牛肉每款肉都有標記，可以清楚知道係咩部位。 我自己特別喜歡牛肩胛、黑毛和牛、封門柳，牛肉味香濃又夠嫩滑。 牛脷片夠爽脆，好好味。牛肉係任食，另外仲有丸類、蔬菜、菇類、響鈴等，仲有米粉、烏冬、公仔麵等～～～飲品種類都好多，亦有多款口味嘅雪糕😋