天下糧倉牛肉火鍋專門店

营业中

休息中

《高CP值和牛放題🐮》———————————————-#天下糧倉 🌾-而家入冬啦，呢兩日氣溫仲突然急降到10幾度，最啱打邊爐去滾❄️ 早排搵到呢間和牛火鍋放題，港式風格夠哂土炮實惠，性價比極高，食得好過癮😍-呢盤牛肉拼盤夠哂豐富，有齊澳洲M5和牛、封門柳、安格斯牛肩胛、一級肥牛、牛板腱、牛脷片爽口、澳洲和牛金錢展，竟然仲有鮮牛肉🐮 -款式夠哂齊全，仲要份量十足，超級大滿足，瘋狂咁做食肉獸！牛肉肉質都算鮮嫩爽滑，有嚼勁得嚟又唔會韌，牛味香濃突出🤤-湯底揀咗沙嗲，味道非常濃郁但食完又無咩口渴👍🏻 仲專登拎咗個出前一丁嚟淥，吸哂啲精華，好似成個經典沙嗲牛麵咁樣😋-⭐ 參考價錢︰（另收加一茶芥）和牛放題： $198🍌 抵deal 指數：7/10💰 人均消費︰$250

今晚來到旺角，選擇了天下糧倉牛肉火鍋專門店食火鍋放題。高極和牛放題$198 兩小時任飲任食，21:30後隻需$176，價錢抵食又平民。揀了個鴛鴦鍋底，喇沙湯底拼芫茜皮蛋鍋湯底，芫茜湯底真的非常多芫茜，夠下火。餐廳有部份是自助放題，放在雪櫃內，很乾淨衛生，食得放心。餐廳很快送上湯底及全牛拼盤，裡面有澳洲m7和牛、prime牛板腱、安格斯牛肩胛、一級肥牛、封門柳、澳洲和牛金錢展、牛脷片、鮮牛肉~~~嘩，一大盤，顏色鮮豔，而且還標明牛的產地及部位。牛脷片薄薄的，入口帶牛脷特有的煙靱及油香。鮮牛肉經醃過，因為手切較厚，所以灼的時間稍長，但也不會因時間拿捏不準而變軔，非常腍滑，醃得也很入味及好味。澳洲m7和牛及一級肥牛全部都切得頗薄，灼上6-7秒，剛好熟，牛味要數這2款最濃！prime牛板腱及安格斯牛肩胛、封門柳及金錢展味道比澳洲m7和牛及一級肥牛雖然稍為遜色，但也是頗有牛味。自助放題都有多款菜式，有丸類、鵝腸、豬腸、牛柏葉、豬腩肉、蔬菜、面、飲品……，取得非常開心。揀了喜愛的鵝腸、豬大腸、蓮藕、冬瓜、粟米、生菜、油麥菜……等等。牛柏葉也是很爽口。豬腩肉間肥間瘦，爽口又油香。還有豬大腸、鵝腸輕灼

鋪頭坐落於旺角鬧市之中，位置方便聚腳。樓上鋪雖然上落要等lift會比較麻煩，但係就避開到喧鬧嘅人群，雖然仍然要排隊，但環境上比較舒適，可以同朋友盡情享受一餐休閒嘅時間。餐廳提供多款唔同嘅湯底，我今次揀左潮汕牛骨湯，湯底濃郁鮮甜，見到一大舊牛骨，淥啲火鍋料唔會覺得太油膩。餐廳好貼心咁係每款牛肉都用一塊小木牌標示岀肉類名稱，方便客人知道自己嘅心頭好，無論係加單定下次再光臨都可以揀返自己鐘意嘅肉種。我哋幾鍾意澳洲M7和牛，半肥瘦嘅和牛片，食落感覺好爽口，仲有Prime牛板腱，同樣咁新鮮～封門柳大大片，雪花紋狀，幾正～自助區餐廳有個位置擺放各類配料同蔬菜，款式豐富仼君選擇。仲有唔同嘅肉類選擇，蔬菜🥬都好新鮮，有我哋最鍾意嘅金菇菜，肉類有腸仔，牛丸，貢丸，蟹籽丸等等，好豐富成個用餐過程無論食物質素定食野環境都好舒服，令人會想再光顧！

最近天氣開始轉冷，日夜溫差大，夜晚就最適合打邊爐啦，於是就同朋友約了旺角食天下糧倉牛肉火鍋首先，我們選擇了牛骨湯底，蔬菜和飲品要自己出去拎，侍應第一次會上一盤牛肉，全部有名牌，方便下一round自己再叫想食的部位，有一級肥牛、封門柳、澳洲M7和牛、澳洲和牛金錢展、牛板腱、安格斯牛肩胛、牛利片和鮮牛肉。我個人覺得安格斯牛肩胛和牛板腱幾好食，好重牛肉味，肉質不會太鞋，澳洲和牛金錢展一滾就卷起來，薄薄的好快就食了好幾塊，一級肥牛就比較鞋身，最意想不到的是鮮牛肉，滾完之後肉質超爽口，好嫩滑。喜歡食牛肉的朋友應該會食得好滿足，全部都是牛、牛、牛，所以餐廳的其他配套就一般，主打牛肉放題。

天下糧倉牛火鍋專門店，旺角就腳點，一班朋友放工去食火鍋最啱！不只一次去食，因為價錢平而食物，特別是牛，真係好掂！！！！人頭價約兩百元的和放題，火鍋牛肉控真係必去，牛肉好新鮮，有8款任點任食, 澳洲M7 和牛，安格斯牛肩胛，澳洲和牛金錢展，封門柳，prime 牛板腱，鮮牛肉等等。我會推薦安格斯牛和鮮牛肉都非常之好味，其他都唔差！自助蔬菜區的蔬菜都很fresh, 還有其他火鍋配料，都是自助形式湯底我選了麻辣和沙嗲，最後還煮個沙嗲湯牛福麵，勁正

我同朋友兩個人見天氣凍凍地想打個邊爐，就決定嚟旺角，朋友介紹咗呢間牛肉火鍋，啲牛肉款式非常多，仲要係和牛放題，對於我哋呢啲非常鍾意食牛肉嘅人來講好吸引。首先環境好大，幾有特色，自助區可以自己攞醬料飲品，飲品方面選擇好多，出面都比較少見，仲有蔬菜響鈴生根等等都可以自己出去拎。放題嘅牛肉款式真係好多，而且全部都係薄切，啱晒打邊爐食，我個人最鍾意就係美國毛和牛，口感超軟嫩，十分Juicy，同埋最鍾意係封門柳，肉味好濃，好正！至於湯底方面，選擇亦都係好多，如果食雞煲嘅話仲可以無限添加雞，真正食到飽為止😂我同朋友最後經過一番考慮之後揀咗喇沙湯底，因為呢個湯底唔係度度都有，就算有都唔係好多地方整得好食，但呢個湯底做得幾好，起碼個喇沙味夠濃郁，唔會好稀好水，外面自助區仲有一般打邊爐嘅配料可以自己攞。 食完以上嘅嘢之後仲有雪糕添，成餐飯總括來講都幾滿足亦都滿意。

🐮天下糧倉🐮為食既我今日搵食到旺角，一想食牛就會諗返之前食過既天下糧倉，價錢夠大眾化之外，仲係和牛放題任食喎，啱晒喜歡牛既你！🥢八款牛拼盤：店員先會將所有推介既牛肉拼盤奉上，包括澳洲M7和牛、牛板腱、安格斯牛肩胛、一級肥牛、鮮牛肉、封門柳、金錢展同牛脷片，試完邊款最啱，自己再無限loop都冇問題，任叫任食！呢度嘅牛新鮮最勝，色澤紅潤，同埋切得薄薄的！🥢湯底：重慶翡翠綠麻辣鍋/芫荽皮蛋鍋- 重慶既麻辣鍋係會比較重口味，但呢到就唔會有好勁 或者好攻鼻嘅辣椒味。用咗青辣椒、青花椒、鍋底仲有大蒜，味道比較清新，不過同樣夠辣。另外芫茜湯方面好清熱，適合怕熱氣之人士。🥢其他配菜：其他打邊爐嘅配料都可以出邊無限夾，當日嘅菜類都有三款，仲有菇類，響鈴，生根，五至六款嘅丸類，仲有水盆例如牛柏葉、鵝腸，仲有午餐肉，鴨胸，腸仔，粉麵方面，有特別嘅銀針粉，同埋福麵，當然唔少得香港嘅代表出前一丁！🥢飲品：有打邊爐配襯最啱嘅五花茶、生物、夏枯草等等，仲有烏龍茶、酸梅湯等等大約15款飲品，款式相比出邊任食嘅特別！🥢甜品：雪糕質地比較滑身同埋淋身，味道都好濃但唔會好甜。

經過見到有經濟之選嘅火鍋，作為糧倉應該幾多嘢食，適合牛魔王挑戰。兩小時任飲任食$198/1位😋任食8款牛肉，個人覺得SRF美國黑毛和牛同Prime牛板腱嘅肉質比較鮮嫩，其次係安格斯牛肩胛、牛脷片同封門柳，一級肥牛、金錢展同鮮牛肉口感不過不失。一次過食到咁多款牛肉。鍾意食牛嘅話，性價比頗高，食肉會食到好飽。🥰托盤上裝滿大量牛肉，每款都有4-5片，仲有標籤牛嘅種類，方便辨認。雖然我哋只叫咗三款，但都會裝滿八款牛肉，俾我哋打卡。出面雪櫃仲有基本嘅丸類、蔬菜同豬腩片，不過想食雞就要加錢任食埋雞煲。而糧草車上有醬料同麵食，架車造型特別。雪糕係香港製成嘅大板牛乳雪糕，我哋食朱古力同咖啡味。

又黎打邊爐喇！天氣一凍邊爐不停🙈今日黎左呢間天下糧倉，裝修較簡潔最特別嘅位置係一架木造手推車🙈上面寫住補給庫，擺晒好多調味料同埋麵食，方便拿取出面仲有好多丸類同埋蔬菜，仲有幾款飲品可以選擇，全部都係自助形式。有八款肉類可以任食，而湯底都多達十多款可選擇。點左秘製沙嗲鍋，超濃沙嗲味撲鼻而來，好香濃，不過食到最後就有少少鹹我地一次過叫晒八款肉，當中最鍾意係澳洲M7和牛同埋牛板腱，兩款肉質都比較軟嫩，有牛味，油花平均，牛舌都唔錯，口感都幾彈牙，忍唔住要再encore🙈自助區都揀左幾款試下，整體都唔錯嘅呢個放題性價比都唔錯，百幾蚊就可以有2小時任飲任食👍🏻👍🏻

天下糧倉牛肉火鍋專門店 天氣凍左，好想打邊爐，呢間主打食和牛任飲任食，岩哂我呢d食肉獸😋，價錢係$198+$13(醬料費)再加一服務費我地揀咗鴛鴦湯底，職員會先上一盤牛肉，有八款牛肉，入邊會有細細的牌仔，好食可以瘋狂encore，正，出邊仲會有菜，丸類，響鈴，生根，烏冬，即食麵等等一級肥牛不過不失，唔會好韌，封門柳牛肉味比較重，澳洲M7和牛，牛肉好嫩滑，高質素，必食推介之一，澳洲和牛金錢展，牛味重，而且好爽口，牛板腱係肉質靚，牛肉脂肪分佈平均，鐘意食牛一定要試下，安格斯牛肩胛，口感比較扎實，牛味都好重，牛脷片，唔係周圍都有得食，薄薄一片，好好食，鮮牛肉比較嫩滑，有啲似沙嗲牛肉，不過就滑好多總括嚟講$198食到有質素嘅牛，價錢非常合理，和牛放題性價比高，值得一食，鍾意食牛嘅真係要去食下天下糧倉牛肉火鍋專門店🏠：旺角西洋菜南街1A-1K號百寶利商業中心5樓501-506號舖☎️：26239688/56291314

上次嚟過食「究極和牛放題」，覺得好抵食💗依次拉埋鍾意食牛嘅朋友😋一齊再去擦翻餐～呢度大約有10幾張枱，一到晚市好快坐滿晒，Book定枱就最穩陣👍🏼放題係2小時任飲任食🥳共有8款牛～▫️SRF美國黑毛和牛▫️Prime 牛板腱▫️安格斯牛肩胛▫️一級肥牛▫️封門柳▫️金錢𦟌▫️牛脷片▫️鮮牛肉湯底都有好多款，我哋叫咗鴛鴦湯底～揀咗好惹味嘅沙嗲，同埋好足料嘅芫荽皮蛋。第1Round 係會有齊晒以上8款牛，食完之後鍾意邊款都可以再點👍🏼不過第1Round份量都唔少，我哋2個人食完晒都已經好飽😆我最鍾意美國黑毛和牛💗入口嫩滑，而封門柳都唔錯，好有牛味。其他配料丶蔬菜丶飲品，都可以喺雪櫃裏面自取。另外仲有香港製造嘅CoCoBerry雪糕。覺得依個放題價錢都好經濟，而且可以食足兩個鐘👍🏼 性價比高🔶究極和牛放題🔶16:00-21:30 入座👉🏻$19821:30後入座👉🏻$176醬料費$13/每位星期五六日公眾假期及前夕+ $13/每位另加一丶只收現金/PayMe

大家有無發覺宜家買餐餸真系吾平，去凍肉舖或者超市買一磅牛肉要幾多錢，稍為靚啲嘅已經要百幾元一磅。旺角嘅天下糧倉吾使2舊水可以食到和牛火鍋放題，大家無睇錯，堅架🤩，牛摩王真系吾好錯過。龍頭煲，好鬼有氣勢呀佢地有不同部位可以選擇，第一次見識到不同部位牛肉嘅分別，不同部位有不同口感，大開眼界。補給站 ～ 整齊排列，應有盡有，幾like佢地嘅沙嗲醬，始終覺得沙嗲醬配牛肉系無得輸，大家可以試下除左各類型飲品，重有雪糕食架

今次係第二次食印象中上一次食已經係幾個月前，上次食已經覺得好正不過現在多了澳洲M7和牛都係任食更加物超所值👍，澳洲M7和牛,Prime牛板腱,安格斯牛肩胛,肥牛,封門柳,和牛金錢展,牛脷片,鮮牛肉都係任叫任食，另外有些丸類蔬菜類飲品雪糕都係自助的，雖然有好幾款唔同部位嘅牛不過我自己就較喜歡和牛,牛肩胛,牛板腱同封門柳，這店真係幾闊綽連芫荽皮蛋湯底都有好多芫荽唔會好似有啲火鍋店得幾條😀都不需要我多講自己睇下啲相片就知啲牛有幾新鮮幾正👍😋

好耐無寫過食評，話說有日朋友想打邊爐，在openrice遊走左一輪發覺呢間鋪都幾特別所以網上訂台。當日下午會收到餐廳打來問你係咪出席。夜晚夠鐘19:00上到去，已經有幾台人開始食緊，間餐廳充滿著打邊爐既味，同埋冷氣開得好鬼凍。坐低填好紙仔揀咩湯底，基本上每台佢都會比同一盤同款牛肉你，款款樣樣齊晒，我兩個人去食最後都食剩少少牛肉，因為實在太多啦，哈哈。我見隔離台人多就有encore某款牛肉。不過佢啲牛肉可能銷路快又新鮮，所以其實牛肉味好濃郁，我唔係牛肉fan都覺得好好味，啲牛唔會太肥又唔會太瘦喎！但我講唔返邊款牛係咩名……….牛肉以外，都有少量丸、菜、響鈴和炸生根自助領， 當然雪櫃野飲任飲，亦都有混醬bar。 值得一提佢既響鈴好新鮮，好香豆味，所以我都唔小心一個人食左8條，哈哈最後食足2個鐘，食到好飽，坐到亦好凍。全場得一個姨姨做check booking帶台、上菜、落orde、埋單， 好強！

之前食嘢一直都算食得好少肉，主要都係食海鮮同蔬菜類為主。最近真係想增肥所以食多咗肉類，特別係牛肉，今次就選擇左食牛肉放題，就係唔可以一次過試晒食唔同牛嘅部位。記憶中點左唔同嘅牛肉有金錢展、美國黑無黃牛、封門柳、鮮牛肉、牛脷片、安格斯牛肩胛、仲有滑牛肉等等⋯⋯牛肉火鍋放題個火鍋湯底都好重要嘅，佢哋嘅火鍋湯底都算足料，今次點左鴛鴦湯底，其中一邊嘅蕃茄湯底嘅味道似傳統羅宋湯底咁，裏邊有牛肉又有蕃茄又有紅蘿蔔……最後感想係餐廳價錢合理而且食物有質素，推薦～