天下無雙

营业中

休息中

尖沙咀亞士厘道「天下無雙」一入門就感受到濃厚的港式氛圍，環境ok gei，價錢合理，每一樣嘢都係大家好熟悉嘅美食🥰令人倍感親切。樣樣都嘗試😃回憶返晒嚟。牛魔王麵餐這碗麵簡直是牛肉愛好者favourite！牛腩軟嫩，牛筋彈牙，牛栢業的鮮味，再加埋油麵，更是令人讚不絕口，牛丸ok，整體湯底濃郁。有水準嘅車仔麵。懷舊4寶麵蘿蔔清甜，豬紅香滑與豬皮入味。搭配讓人完美，陳皮魚蛋勁正，配搭完美，好食到令人停唔到口！生菜魚肉生菜魚肉讓我瞬間回到童年。就係嗰種街小店魚肉生菜，湯底配有麻油😍就係嗰種風味👍🏻👍🏻👍🏻完全做到全隻炸雞翼全隻炸雞翼而家好難食到😝炸雞翼外脆內嫩，醃製得恰到好處，咬下去的那一刻，香氣四溢，讓人忍不住多點幾隻！飲品咸檸七＆凍檸茶當然少不了。清涼解渴；車仔麵好伴侶❤️讓人心情愉悅。餐廳仲有好多唔同嘅地道選擇一定會再嚟，亦都一定推介，所有嘢都好有水準必食必試👍🏻👍🏻👍🏻整體來說，「天下無雙」的餐點不僅味道出色，份量也頗足，絕對值得一試！如果你在尖沙咀附近，不妨來這裡享受一頓美味的港式餐！

行入尖沙咀食街，見到有一間裝修好靚既港式車仔麵，咁岩唔係太餓，所以就想試下。入到去見到佢牆上貼滿咗好多唔同小食既圖，仲要有一啲係出面未見過，就估到佢小食一定好出名，非點不可！自由選1：雞翼尖, 蠔皇小花菇, 豬大腸, 肥牛, 菜底雞翼尖同豬大腸滷得好入味，而蠔皇小花菇都唔例外，咬落去有爆汁既效果，肥牛脂香四溢，再夾埋吸收左配菜精華既菜底，好好味自由選2：蘿蔔, 蠔皇小花菇, 豬手, 腩汁, 菜底 加秘製辣汁食得辣既朋友記得係餐牌圈埋辣度，佢既辣油加埋落車仔麵係好搭。配菜方面，蘿蔔清脆爽口，豬手好滑嫩 ，滿滿骨膠原。荔枝蝦球見到佢張小食圖已經比佢吸引左，黎到見到真係好似一粒荔枝，食落去好鬆脆，入面蝦膠都好彈，必點！

天氣咁熱行左一日 無咩胃口食飯，係尖沙咀行街見到間車仔面，仲見到門口貼住既相有好多明星幫襯過，今晚就食佢🥟炸韭菜餃：餃子係即點即包即炸，炸既時間控制得剛剛好，咬開入面仲有肉汁，韭菜十分清香。外脆內軟。🐟滕椒魚皮：魚皮爽口，川辣風味，齒頰留香。🍜懷舊4寶麵：湯底用鸡及金华火腿煲既，清澈而且味道鲜甜！四宝有萝卜、豬红、豬皮及鱼蛋。萝卜软腍香甜。鱼蛋很入味，豬红嫩滑，豬皮軟滑。 🦑無雙魷魚：魷魚超爽彈牙，非常入味，少辣激發食慾，越食越過癮。🍝自由選（午餐肉、雞翼尖、鬼馬炸魚腐）：雞亦尖好入味軟糯。有種入口即溶既感覺。魚腐炸得好脆，然後索埋湯汁入去食口感更佳。🥬油菜：生菜新鮮青綠，入口爽脆清甜。環境：裝修好有年代感，明亮舒服，乾淨企理，服務熱情。

今天晚上在尖沙咀找吃，来到亞士厘道，发现一间车仔面档，起初是打算吃车仔面的。不过坐下来后看到餐牌，发现咖喱牛腩饭比较吸引，于是便点了一份咖喱牛腩饭配咸柠七。咸柠檬应该是已经打碎好，然后加入七喜，不用自己捣碎。咖喱牛腩比较有惊喜，牛筋入味，煮得也比较軟，份量也足。牛肉比较干身，可能用的部位不是牛腩。但是咖喱味道，口感各方面都很好。唯独是白饭的质量差了点，饭质比较散，也比较干。如果用的是珍珠米就非常完美。

喺海防道中間寶豐大廈攝入去既尖沙咀亞士厘道，極多嘢食，其中有間車仔麵，算地道之選。車仔麵選擇非常多，大部份都是自家製，車仔麵嘅餸都可以另外散嗌，無雙魷魚、滷水雞中翼、鬼馬炸魚腐、炸韭菜餃、生菜魚肉、韭菜豬紅全部都好吸引。陳皮魚蛋非常入味，酸齋唔係好多地方有。就連普通牛肉丸都真係爆汁，非常有誠意嘅餐廳如果唔想煩嘅話，$55有四個餸送埋面，蘿蔔豬紅豬皮魚蛋懷舊四寶麵好抵食面底粗麵油面幼面乜都有，唔要面仲可以要飯！加埋必叫嘅鹹檸七。兩個人埋單，平過食譚仔。佢另外有個辣椒醬，自家製嘅，必食！職員非常有禮貌，餐廳乾淨企理行開既香港地道兼經濟美食。

竟然俾我喺尖沙咀揾到間有好多懷舊港式小食既餐廳😆😆 價錢仲要好抵食！想飽肚嘅可以食麵餐，選擇非常之多，鍾意食牛嘅朋友一定唔會失望，仲有港式懷舊車仔麵嘅選擇😍我地兩個人叫咗唔少嘢食，分別係牛魔王麵餐，有唔同種類嘅麵條仲有白飯選擇，我哋就揀咗讚歧烏東，見到海報上強烈推介荔枝蝦球，又叫咗份食吓😋😋仲叫咗一個炸雞脾🍗我同朋友都好滿足，非常喜歡呢間餐廳😆牛魔王麵餐- 讚歧烏東- 腩汁- 多蔥荔枝蝦球炸雞脾芬達汽水凍檸賓大家都成日去尖沙咀，不妨嚟試吓😙😙天下無雙 (尖沙咀)尖沙咀亞士厘道16號地舖

估唔到尖沙咀咁貴租都有得食車仔麵，佢嘅位置方便，建議喺漢口道行過去會容易啲搵到。呢度嘅車仔麵餸菜嘅選擇有好多，另外亦都有好多特色小食都好吸引人。我同朋友都揀咗自選車仔麵。自選車仔麵牛腩煮得軟嫩，入口即化，牛筋則更添嚼勁，夠彈牙。另外墨魚餅口感Q彈。而粗麵彈性十足，吸收了咖喱汁的濃郁味道，令每一口都充滿層次感。另一款自選車仔麵今次呢碗揀咗腩汁，腩汁醇厚，味道濃郁，為粗麵增添了豐富的風味。蘿蔔好清甜，豬紅滑嫩，牛筋同樣軟嫩，整碗麵都好出色。炸韮菜餃炸韮菜餃外皮金黃酥脆，裡面的韮菜好新鮮，仲加入咗少少豬肉，整體口感清爽而不油膩。凍檸茶、凍檸賓兩杯飲品嘅比例都調配得好好，清新解膩，唔錯唔錯。

嗌飯/麵配飲品有跟餐價。熱飲跟餐加$8，嗌左杯熱菊花蜜。十分滋潤潤喉～🥰❤️豬八戒麵餐有豬皮，豬紅，豬腩肉，豬大腸，豬耳和豬手配料，一碗食晒咁多款，正。👍🏻加了$2轉讚歧烏冬做麵底。湯底揀左清湯同多蔥 。❤️紫菜雲吞 紫菜份量夠多👍🏻。雲吞皮夠薄，薄到透明😍見到裏面粒粒鮮蝦🦐。❤️自由選麵餐最少三餸，揀左$12酸齋、$14 韭菜餃同$18墨魚餅。清湯、多蔥。加$10轉左菜底。揀左通菜。酸齋另外上。韭菜餃入口滿口韭菜香～墨魚餅彈牙～通菜十分爽脆嫩綠冇渣！❤️紫菜雲吞 紫菜份量夠多👍🏻。雲吞皮夠薄，薄到透明😍見到裏面粒粒鮮蝦🦐。

如果講到香港特色美食，車仔麵一定係榜上有名，尖沙咀嘅天下無雙就係其中一間地道車仔麵店。呢度嘅車仔麵選擇多到眼花繚亂，每樣餸都係精品，以下就介紹幾款必食推介。首先係 蘿蔔豬皮秘製豬大腸陳皮鯪魚餅配讚岐烏冬加咖喱汁，呢個組合真係已經贏晒！咖喱汁香濃但又唔會太辣，烏冬煙韌有咬口，豬大腸處理得好乾淨，加埋軟腍入味嘅蘿蔔，真係一流。另一個必試嘅係 鬼馬炸魚腐、無雙魷魚、爆汁潮汕牛肉丸配油麵加腩汁。炸魚腐吸收曬啲湯汁，魷魚夠彈牙，牛肉丸真係會「爆汁」，啖啖都係驚喜，腩汁濃郁但又唔會太膩，配油麵嘅口感真係岩晒。小食方面，荔枝蝦球係超有創意嘅一道菜！蝦膠外面包住小米，炸到外皮香脆，內裏嘅蝦膠又彈牙，配埋少少泰式辣醬，酸酸甜甜嘅味道真係令人停唔到口。另一款小食就係 白醬蝦，用炸過嘅原隻蝦淋上微Wasabi味嘅沙律醬，食落少少芥辣味好開胃，又唔會太刺激，真係幾特別。飲品方面，當然唔少得一杯 凍檸賓，呢度嘅凍檸賓保持水準，酸甜比例啱啱好，飲完好解渴。

🩵牛魔王麵餐牛魔王有牛腩、牛筋、牛丸、牛柏葉，餸菜份量唔少，煮得好入味，腩汁都幾濃，成個湯頭都好香腩汁味🤤🩵自選車仔麵最少選三款餸，揀左無雙魷魚、豬手、鬼馬炸魚腐，魷魚因為係辣既所以會另上，水魷偏厚身，好有咬口，辣辣地又幾惹味～ 豬手有兩大件，仲可以揀菜底，通菜好新鮮，爽口！🩵炸雞髀係回憶味道既生炸雞髀，無炸衣係外層，雞肉肉汁滿滿，推薦👍🏻🩵凍檸檬薏米水健康之選～ 薏米份量都唔少，清甜解渴☺️

呢度車仔麵款式都幾多，有d款式有d都未見過，我地就叫咗2碗車仔麵同小食試吓。無雙魷魚，陳皮魚旦，秘製豬大腸，粗麵加埋秘製辣汁呢度無雙魷魚果然係招牌，味道好惹味，少少辣辣地，魷魚非常脆口，而豬大腸唔係平時果d好粗嘅腸，而係我鍾意食嘅質地，薄薄地煙煙韌韌，唔算太肥，好味，加埋佢地嘅秘製辣汁，勁正。生菜魚肉個湯好濃，魚肉冇腥味，爽口彈牙，加埋生菜食好夾。韭菜餃，陳皮鯪魚餅，蘿蔔，粗麵佢地嘅湯底味道都幾濃郁，好夠味，韭菜餃好飽滿，入面好足料，豬肉同菜比例啱啱好，蘿蔔好入味，冇渣，好清甜，而陳皮鯪魚餅都幾特別，好香陳皮味，鯪魚餅食落煙煙韌韌。今日油菜係生菜，煮到啱啱好，冇過熟，保持爽脆。涷檸茶，夠酸，茶味濃

今日同朋友行開尖沙咀，意外發現呢間車仔麵小店😛一入去就聞到濃濃嘅湯底香味，令人忍唔住想試下😋車仔麵配料款式多😋首先，蘿蔔真係好清甜，咬落去好有口感，令人覺得清新。再講講墨魚餅，口感爽口，裡面有好多墨魚粒，食落真係好滿足🤩陳皮魚蛋都好食，味道恰到好處，唔會太膩。至於豬手，入味得嚟又唔油膩，每一口都充滿咗肉汁，真係唔可以錯過。而魚肉燒賣就更加唔使講，簡直係一絕，鮮味十足，我同朋友都食唔停😛😛飲品方面，鹹檸七真係好飲，酸酸甜甜，啱啱好解渴!最後，呢度嘅秘製麻辣醬真係好香，配上任何食物都提升咗層次感!再講，老闆娘真係好好人🫶多謝你 我一定會再返來幫襯！

車仔面貴為香港地道美食重要一員，因早期小販以改裝的手推車四處販售而得其名，至今成為香港代表美食之一。位於尖沙咀嘅天下無雙，店家嘅辣醬夠晒惹味，今次點左自由選，揀左鬼馬作魚腐，手工雲吞，鷄翼尖粗麵，鬼馬炸魚腐，惹味十足，越吃越上癮！手工雲吞皮薄餡靚，面底少辣，惹味無比!街頭小食唔少得腸粉，甜酱芝麻花生酱混酱，色彩豐富，腸粉十分幼滑!另外叫左扎肉，紫菜，牛柏葉出前一丁車仔麵，腩汁昇華味道層次，扎肉肉香酥爽韧，牛柏葉爽口彈牙!小食拼盤有咖喱魚蛋，魷魚同廚師腸，小食掃街回憶返曬黎!

夜晚同朋友諗住快食之後去下場，發現原來呢間車仔麵開到咁夜去到凌晨12點，下次喺附近飲完野肚餓可以嚟醫醫肚🤤✨豬八戒麵餐 $85朋友唔想諗就直接話要食呢個餐，入面有豬皮、豬紅、豬腩肉、豬大腸、豬耳、豬手，麵底就揀左米粉，非常豐富多餸，懶得諗就揀呢個餐👍🏻✨自由選麵餐 $57蘿蔔、紫菜、蠔皇小花菇油麵蘿蔔炆到好甜入味！車仔麵必揀既餸，蠔皇小花菇味道香濃，菇味十足☺️✨生菜魚肉 $28有驚喜既生菜魚肉，魚肉口感好彈牙，店員主動提意加了胡椒粉，味道更佳😍✨檸檬薏米水 $15老闆娘話佢哋既檸檬薏米水係自定製的，更加要試吓，養顏美白集於一身😍✨凍檸賓 $15好耐無飲過既檸賓，甜甜酸酸的，好開胃，好岩餐前來一杯🥃

車仔麵有多款搭配自由選擇😍小食都好有特色！！！————————————————————💛 鬼馬炸魚腐、無雙魷魚、牛丸粗面（咖喱汁湯底）---鬼馬炸魚腐幾少有幾特別！外脆內軟！無雙魷魚口感絕佳，夠彈牙！牛丸粗面口感都唔錯，幾索湯～咖喱汁湯底好濃好夠辣，幾過癮～————————————————————💛 雞中翼、牛筋、陳皮魚蛋公仔麵（回味麻辣醬湯底）---雞中翼多肉汁，牛筋爽彈！陳皮魚蛋都好入味，份量足料！公仔麵配麻辣湯係個特別嘅配搭～————————————————————💛 白醬蝦---呢道小食又係好特別！芥末醬配沙律醬調成白汁～蝦肉炸得外酥內軟，層次豐富～————————————————————💛 燒賣---魚肉燒賣點豉油辣椒油食～港式小食少不了嘅一份美味～————————————————————