天一丼 (已結業)

朋友特登上openrice找尋特色餐廳, 以免黎黎去去都係食嗰幾間, 於是搵到呢間新開既日式店我地大約12:45到, 已有幾枱客人, 剛到達時覺得店面十分闊落, 坐得舒服, 不過到1時多午市高峰期時, 開始有人排隊等位, 餐廳就加左2張2人枱, 令店面顯得更少, 不過絕無背貼背情況出現, 依然坐得舒服 下單後, 侍應先放上茶, 餐盤-幾特別前菜 青瓜配八爪魚-甜酸醬汁, 幾好味等左一陣, 先俸上一碗熱湯烏冬, 味道偏鹹...不過朋友覺得味道剛剛好, 可能我平時飲食偏淡啦然後就到主角出場喇, 我點既係三文魚生飯, 朋友叫左秘制辣醬魚生飯(三文魚+吞拿魚)件件三文魚都好大塊啊!! 一口三文魚+一口飯真係好正呢, 哈哈我都試過朋友叫既飯, 啲辣醬又係偏鹹, 同係辣辣地的, 唔食得辣就唔好嗌喇, 不過朋友又係覺得味道剛剛好 lunch set 有非魚生飯揀, 雞扒丼&牛肉丼, 2款都跟埋烏冬, 不過我見到隔離枱嗌, 賣相麻麻, 味道唔清楚, 好興幸自己嗌左魚生飯, 朋友都有同感, 哈整體黎講, 服務唔錯, 有自動幫酙茶, 態度好好食物都新鮮, 不過唔平啦, lunch set 都要 78, 未

很久沒寫食評，原來而家要八十字以上!不過很難得有美味的新食店，一定要給他一個＂讚＂!!今天是仔仔學校的特別假期，去玩而又不用同人逼，當然要去食正野啦!其實已第二次來這店，所以沒叫set lunch,我要試試其他呢!全費＄445，物有所值！我對食物、環境一向有要求！唯一缺點：大胃王老公唔夠飽！但因我沒有抄下餐牌，名稱可能有錯原來每人一份的餐前小食冇影相添

登龍街，是銅鑼灣其中一個美食的集中地，而近日發現，這一條小小的街，不斷的被哈日化，而最迎加入戰團的，是一家食魚生飯的專門店，名字叫天一丼。來到登龍街，也想想食冢豚王好或是食新店較好。大家在工個前題下，就是好奇，想食飯同唔駛排隊，就決定入來，試新店。我們都覺得，食店總是要親身去試才知道好食與否。店員極力介紹，令我們點下他們的自家製辣醬三文魚吞拿魚生飯。魚肉是新鮮的，而且是大大片，單看份量，是一個嘩一聱的份量。可是食落，魚肉雖感覺新鮮，但肉味一般，欠了三文魚應有的油香味，吞拿魚，也沒有什麼特別出色的味道，總之很一般，而那一個辣汁，不落會更好。 烏東麵，是清湯煮烏東，帶有木魚味的湯底，嫩滑的烏東，感覺比魚生飯更好。 總之是很一般，魚肉的取材上可以更好，這一餐，感覺未如理想。用這一個價錢去食這一餐，感覺不理想。

之前已經嚟過呢間燈籠街新日本餐廳，於是乎禮拜六晏晝冇嘢做就再去試下。兩個禮拜冇黎好似多咗一啲廚師推介，於是乎決定試下個三文魚漢堡同埋叫番啲最傳統嘅日本Donburi先。今次嚟有個新發現，原來張凳好過癮，下邊有個位可以用來放手袋或者外套，都幾細心。不過裏面啲裝修就好似單調咗少少！首先嚟嘅係三文魚漢堡，D魚同埋醬汁加埋個味道好夾，佢地將個飯做到好似一個漢堡扒，一口咬落去十分好味，大細剛好。之後就嚟個「他人丼」，佢哋啲米都幾香，質素真係十分唔錯，牛肉同埋D汁都好好味，絕對不是整定晒嗰種，真材實料。今次嘅經驗好好，銅鑼灣唔使一百蚊可以食得到咁既質素都十分之唔錯，其實都真係幾難搵。下次再來試多幾款唔同嘅食物，再同大家匯報啦。

星期六行過高登龍街, 發現新開了一間餐廳於是就入去試一試。雖然地方不大但環境不覺得擠逼, 可能女侍應見我只是一個人便安排了我坐門囗可以望出街的枱。如果這是刻意安排這真是很細心,一個人食飯可以望住街上的人行來行去不會太悶。女侍應很用心解釋佢哋個lunch menu, 最後我點了辣三文魚吞拿魚飯及炸雞小食一客。女侍應話炸雞會慢一點因為他們是即叫即炸的。不雖十分鐘美食就在眼前。魚生幾新鮮, 我經常食辣吞拿魚卷但第一次試辣魚生飯。嗰啲辣汁真係好正! 我問個侍應知唔知個汁有乜用料,佢話係日本番同人哋唔同。 炸雞來到真係熱辣辣 味道都唔錯。整體來講呢間餐廳真係唔錯價錢又合理, 淨係為咗個辣汁我諗我會經常幫襯。

去了間原本不知sell 啲乜但門外d小二好有禮貌所以一試。速度好快一叫8分鐘左右出菜,非常好,抵讚!!我地叫左個spicy三文魚同吞拿魚生飯,好足料,好新鮮,好多刺身,好好味,但d飯唔夠足唔多飽,如果d飯多少少就完美了.賣相不錯三文魚皮salad, 上面鋪以燒三文魚皮和沙律菜, 雖然有質感濃重的sauce但總體食味尚算清新,味道也沒有什麼挑剔的地方​。過這裡的出品感覺是不錯,環境是較寬敞及坐得舒適,沒有其它那快餐店的擠迫感覺.埋單每人約 $150 多一點, 在登隆街地下算是合理的消費, 而且我們坐卡位也算舒服。會再來！

好耐無試新開嘅餐廳，嗰日去開銅鑼灣，見到呢間新嘅餐廳，看過餐牌又覺得幾得意於是乎就入去試一次。佢嘅丼果然係好食喎，米一粒粒，唔係一般餐廳用嘅米。魚生十分好，唔似迴轉那些質數。要讚讚佢地熟食，我朋友食個雞排飯同埋個牛肉照燒都好正（不過唔好意思唔記得影相）！我食了一個叫做三文魚burger嘅特別推介, 一啲都唔似好老土嘅日本丼飯。十分之有新意。我朋友食左個自家製辣魚生烏冬，讚不絕口。佢話D烏冬好食，加埋佢地嗰個辣醬真係好match! 作為一個係銅鑼灣附近返工嘅OL, 我覺得唔使一百蚊可以食到咁嘅質素，絕對係一個好選擇！睇到佢地餐牌晚飯仲有啲特別推介，下次去完晚飯再匯報啦！