大魚豐作日本料理 (已結業)

呢間野都開左幾年,以前食都不過不失...今晚去食,復活節最後一日假期,竟得得幾臺客,係門口準備入去個死人reception 係度狂講乜乜優惠都未帶我地入去坐.....態度又唔好,我地想坐好d 位佢又好不肖講一句"你鐘意囉"...其他員工都唔係路, 服務士氣低, 囉送埋來好似老鳳要個客自己係佢手中拿或要我地執好張臺等佢放野落來,你唔方便唔緊要,但唔該都無一句,另外又有員工著住拖鞋拆拆聲...無乜生意成班懶散既靚妹圍埋一齊講是講非.....甘既服務同環境,食到無癮!!!!食物方面無乜好講,但同以前個餐牌比已少左好多野....又要乜無乜,叫個網燒牛肉好難食(以前唔錯的)..食物差,服務更差,望早日執笠!!!!

今日晏晝去e間嘢到食嘢，食咗個豆腐唔知乜定食咁la.有3樣嘢：唔知咩低溫玉子或豆腐叉燒拉麵、炸豆腐、originally呢就係三文魚壽司2件，咁我就唔食生嘢gei, 咁就轉咗做2件玉子壽司。首先講吓碗拉麵，咩叉燒啫？只係一堆肥豬肉條而已，又un 喎！一d肉味都冇…d菜呢就係菜頭嚟gei, 就算係畀，都切細舊d呀！至於嗰個低溫唔知咩呢我就真係唔知係咩，因為印象中我係好似睇到低溫豆腐，但出嚟gei係一隻半熟gei蛋，唔知e隻蛋係唔係嗰個低溫嘢喇。壽司呢，咁我估佢轉都係轉加州卷之類gei嘢，點知佢會轉玉子喎！咁三文魚同玉子gei價錢…不過e個都accept gei, 鬼叫自己唔食生嘢喎！炸豆腐就冇咩問題gei, 唔係話難食﹔但亦唔見得好食。平心而論，又唔係真係冇好嘢gei, 個麵同個湯都幾好食。咁我都知e個價錢出嚟gei嘢係差唔多唧，但這世上有比較這一概念，e個價錢，尤其是我著住套校服，可以食d可能平凡d(個d咩低溫呀…)但正常d(如叉燒係一塊塊而唔係一條條)gei set lunch lor!!!!also 唔見得服務態度好，又唔係差gei, 只不過好似好飛女，我唔敢問或complain

有日同白海豹小姐去呢間店度食個lunch 啦, 去都唔駛等位入o左去, 地方算okay 咁, 睇牌搵食啦, 叫d人落單, 有個話"等等....." 唔見o左人, 有d就好hurry 咁前標後標咁..... 當時都唔係好多人o者......落o左單等食啦, 等了又等之際, 聽到隔離台阿叔(佢同兩個細路一齊o黎食)開始同d員工投訴d食物咁耐都未到....而佢投訴果樣就係我同白海豹小姐會食果樣, 心諗:死梗啦...幾經等待, 個"燒三文魚腩飯"終於到o左, 好開心啦有得食(之前有個軟殼蟹卷已經好迅速咁俾我地解決o左, 當然都等o左好耐先到...元氣o既會好味好多)咁第一件要食o既梗係燒三文魚腩啦, 面頭果件好正, 有熱力, 燒過係唔同d, 但係跟住果幾件魚腩都係半冷囉, 得少少燒過o既地方係暖暖地...... 個飯仲慘, 一啖暖一啖唔暖...... 我都好奇怪果個係定食o黎喎, 唔係要熱o既咩...... >_< 當時心情真係唔好多, 加上要趕時間睇戲, 真係放o左入個肚度就算喇, 再同佢地講要整熱個飯真係套戲散場都未食飽...老實講, 呢間日本o野我真係唔會再食囉, 金太郎

今日午餐係呢到食左個鐵板炒麵定食,味道都算幾好食,如果材料可以豐富d 就更好,服務態度都ok啦。

嘩!佢真係難食到爆呀~個日我去食個lunch,menu 已經冇咩野好揀,我就唯有揀個天婦羅烏冬定食啦。一路等, 隔離桌的師奶突然說"點解d 飯凍既?" 個經理見狀就話啦,"我地係用壽司飯整既所以凍law", 心諗~炭燒牛肉定食竟然比d凍飯,我已經心感不妙!等左一陣,黎左個蟹子沙律,嘩!個d青瓜苦到食唔到,我食左一啖都吐番出黎~Sh...之後又等....等到我d fd 食完我個定食都未到, 鬧完人,到左啦, 一食, 嘩~佢d 天婦羅只可以叫街邊貨色,炸都硬晒~稱"不"上天婦羅。就係呢個時侯隔離桌的師奶結帳了,佢地食滿左唔知幾多,得到兩張十蚊現金卷,點知佢一手就送左個兩張野比我,話以後都唔黎喎~終於有人認同我啦!之後到我結帳時,我又得到兩張噤既死人卷,當然唔會袋係身啦,就噤又送左比另一桌人啦~!真係比你都唔好去食呀~!

食過一次咁大把。因為乜都想食，所以叫左個二人餐。味道一般，但冇印象有咩特別好食。最有印象就係要我等左好耐，夠膽死隔離台遲過我黎食完拍籮走我都仲未有得食！臨尾個甜品又係等到我頸都長埋．．．唉！萬眾期待以為佢有香清綠茶雪糕，點知．．．竟然係Wasabi 雪糕！我從來都唔鍾意食Wasabi，唔敢講好唔好食，不過鍾意Wasabi 既朋友可以一試。唔知仲有冇呢？

今日同女朋友行新城市廣場,經過一間日本料理(大魚豐作)便入去嘗試,入到去,比我第一種感覺就係舊....同非常老土.不過餐牌就幾靚,不過同間店鋪唔多襯.價錢很高~.我記得我食了....一個$98 o既刺身(都算低食)豬軟骨拉面都OK...等食品...還有一杯飲品叫乜鬼梳打(很好飲,但等了很久><)還有一個男部長,問他問題好似不願答,答不到我想要o既野,服務員冇乜笑容. 價錢高,服務差...........唉!!!!好似一間九流日本料理.......!!!!

d 野好難食!可能因為多人, d 野求求其其, 其中一個手卷....一pat 野咁, 把米煮成爛飯就當壽司飯去過一次以前都唔會去

我尋日係大魚豐作食既lunch, $45有一板海膽, d海膽唔係細細隻架, 都幾大隻, 仲好厚肉, 烏冬又彈牙, 湯底係日式豉油湯底, 好香甜, 正!!! 仲要有個飯, 係日本米, 好好食, 佢上個月都唔係呢d lunch架, 剛剛10月轉佐, 其他lunch set 正d架, 只係我偏愛海膽, 其他日本料理一客海膽刺生都唔止$45, 鐘意食海膽既朋友可以一試

以為會同百人一珠差不多..但價錢同品質很不好...不會再去

很久之前去過，對其食物味道已不是太深刻，只記得那天叫了一個雪酒三文魚頭鍋，很好味，唔知依家仲有冇得食呢？

有次生日成班朋友同我慶祝, 請我0黎呢度食, 食物係一般, 不過就食得好開心...大家傾傾下計時, 個manager竟然捧左個蛋糕出0黎, 原來係朋友預先準備的...真係好surprised好開心...個manager好好人, 幫我地點哂candls, 仲同我講生日快樂...事隔幾年..又裝修過...唔知有冇轉人呢?

上次幫完個朋友搞個function, 佢請過我同埋其他搞手黎食晩飯. 黎到發覺其中一個staff係佢o既朋友, 所以可以半價有個刺身船. 除此之外,叫左d壽司, 燒物, 炸物......個刺身船okay啦, 都係d普通料, 壽司d飯一夾就散晒, 後尾出動埋手都食到好le he...其他野都係麻麻地...由於唔係好滿意, 而且坊間都有好多日本食肆選擇, 所以自此之後都無再黎過!

其實我食開係又一城0個間,都係頂樓food court 0個度.佢d野食9好食,飯麵壽司都唔太好食...唔知點解仲有人食...可能頂樓冇其他日本野食掛,但我食過2次之後都唔敢再食喇...

一句講晒, 唔好食兼唔抵, d侍應有理冇理. 唔想睬你!!最恐怖係d魚生好似合x道杯麵d海鮮咁, 脫晒水, 都唔知擺左幾耐. 比咁多$$$食呢D魚生, 不如食個海鮮杯麵啦.