影片
呢间野都开左几年,以前食都不过不失...今晚去食,复活节最后一日假期,竟得得几台客,系门口准备入去个死人reception 系度狂讲乜乜优惠都未带我地入去坐.....态度又唔好,我地想坐好d 位佢又好不肖讲一句"你钟意啰"...其他员工都唔系路, 服务士气低, 啰送埋来好似老凤要个客自己系佢手中拿或要我地执好张台等佢放野落来,你唔方便唔紧要,但唔该都无一句,另外又有员工著住拖鞋拆拆声...无乜生意成班懒散既靓妹围埋一齐讲是讲非.....甘既服务同环境,食到无瘾!!!!食物方面无乜好讲,但同以前个餐牌比已少左好多野....又要乜无乜,叫个网烧牛肉好难食(以前唔错的)..食物差,服务更差,望早日执笠!!!!
继续阅读
今日晏昼去e间嘢到食嘢，食咗个豆腐唔知乜定食咁la.有3样嘢：唔知咩低温玉子或豆腐叉烧拉面、炸豆腐、originally呢就系三文鱼寿司2件，咁我就唔食生嘢gei, 咁就转咗做2件玉子寿司。首先讲吓碗拉面，咩叉烧啫？只系一堆肥猪肉条而已，又un 㖞！一d肉味都冇…d菜呢就系菜头嚟gei, 就算系畀，都切细旧d呀！至于𠮶个低温唔知咩呢我就真系唔知系咩，因为印象中我系好似睇到低温豆腐，但出嚟gei系一只半熟gei蛋，唔知e只蛋系唔系𠮶个低温嘢喇。寿司呢，咁我估佢转都系转加州卷之类gei嘢，点知佢会转玉子㖞！咁三文鱼同玉子gei价钱…不过e个都accept gei, 鬼叫自己唔食生嘢㖞！炸豆腐就冇咩问题gei, 唔系话难食﹔但亦唔见得好食。平心而论，又唔系真系冇好嘢gei, 个面同个汤都几好食。咁我都知e个价钱出嚟gei嘢系差唔多唧，但这世上有比较这一概念，e个价钱，尤其是我著住套校服，可以食d可能平凡d(个d咩低温呀…)但正常d(如叉烧系一块块而唔系一条条)gei set lunch lor!!!!also 唔见得服务态度好，又唔系差gei, 只不过好似好飞女，我唔敢问或complain or what so ever lor!!
继续阅读
哗!佢真系难食到爆呀~个日我去食个lunch,menu 已经冇咩野好拣,我就唯有拣个天妇罗乌冬定食啦。一路等, 隔离桌的师奶突然说"点解d 饭冻既?" 个经理见状就话啦,"我地系用寿司饭整既所以冻law", 心谂~炭烧牛肉定食竟然比d冻饭,我已经心感不妙!等左一阵,黎左个蟹子沙律,哗!个d青瓜苦到食唔到,我食左一啖都吐番出黎~Sh...之后又等....等到我d fd 食完我个定食都未到, 闹完人,到左啦, 一食, 哗~佢d 天妇罗只可以叫街边货色,炸都硬晒~称"不"上天妇罗。就系呢个时侯隔离桌的师奶结帐了,佢地食满左唔知几多,得到两张十蚊现金卷,点知佢一手就送左个两张野比我,话以后都唔黎㖞~终于有人认同我啦!之后到我结帐时,我又得到两张噤既死人卷,当然唔会袋系身啦,就噤又送左比另一桌人啦~!真系比你都唔好去食呀~!
继续阅读
食过一次咁大把。因为乜都想食，所以叫左个二人餐。味道一般，但冇印象有咩特别好食。最有印象就系要我等左好耐，够胆死隔离台迟过我黎食完拍箩走我都仲未有得食！临尾个甜品又系等到我颈都长埋．．．唉！万众期待以为佢有香清绿茶雪糕，点知．．．竟然系Wasabi 雪糕！我从来都唔钟意食Wasabi，唔敢讲好唔好食，不过钟意Wasabi 既朋友可以一试。唔知仲有冇呢？
继续阅读
我寻日系大鱼丰作食既lunch, $45有一板海胆, d海胆唔系细细只架, 都几大只, 仲好厚肉, 乌冬又弹牙, 汤底系日式豉油汤底, 好香甜, 正!!! 仲要有个饭, 系日本米, 好好食, 佢上个月都唔系呢d lunch架, 刚刚10月转佐, 其他lunch set 正d架, 只系我偏爱海胆, 其他日本料理一客海胆刺生都唔止$45, 钟意食海胆既朋友可以一试
继续阅读