大里餐廳酒吧 (已結業)

忌廉湯係水嚟，之後職員話係粟米湯，海南雞飯勁多骨啲肉（鞋）嘅，原本勁肚餓都食一半都食唔落，隔離枱已經話焗豬扒飯啲飯冇炒係白飯嚟，飲品選擇極小，有食客頂唔順仲話衰過街市

見上水廣場新開咗幾間餐廳，Weekend 就同屋企人嚟試一試。餐牌食物項目正常，價錢我都覺得Okay. 但一到落單就遇到對手，我自己感覺上有啲溝通唔到，唔係語言上，係個服務員同你好似Sync唔到咁！各方面質素都係差，包括食物味道以及賣相，服務員(啲嘢講緊都唔明，你嚟到見到啲所謂係樓面嘅服務員你就會明白)記得:你有耐性先好試。以呢個質素唔應該做西餐廳，應該做茶餐廳。 一般茶記都好過呢度多多聲！我應該一早要望吓OpenRice嘅評語先好入座，原來一早已經有幾個負評！

新餐廳諗住試下，叫一份168既漢堡包晚餐同一份218既肉眼扒，餐湯一到已經知大獲，中晒伏，溝水溝到，完全無味，之後再黎過肉眼扒，，我要5成就變左全熟，慘過食紙皮……………………唔想再講，勸大家千其咪試，就算餓死都唔會食，不可一不可再

行過係上水廣場頂樓位置見到呢間新開既特色餐廳心郁郁o黎試下以晚餐來說價錢經濟實惠得黎食物既質素都好唔錯啊,叫左煙三文魚意粉,意粉都整得好食又多料見到有室外位好似都幾chill,等有酒賣時會想再黎嘆番杯!

除左位置比較舒服好坐啲之外食物既質素比快餐店及茶餐廳難食價錢亦都唔平😅前菜一個揀湯個沙律沙律得幾條菜，而湯只有一個選擇⋯洋蔥湯而洋蔥湯完全做到洋蔥加水的效果😑主菜3文魚意粉保險啲唔係難食 都唔係好食😑扒7成熟真係熟既，但我相信個塊扒可以係惠康用150以下買都做到好好味🥲薯條以為粗薯條 只係數條麥當當薯條🥲🥲🥲🥲一個牛扒餐咁就冇左200幾不得不讚既佢係紅日黎講不用等位而由坐得舒服既一間餐廳😂

第一次嬲到要打食評見到佢新開打著酒吧既名入黎試下一坐底都心感不秒，好似入左間茶餐廳咁諗著算數可能野食ok呢叫左2個餐一個煙三文魚意粉，一個海南雞飯黎到個前菜餐包真係笑左，個包好似求其執出黎咁連茶餐廳質素都不如個例湯咸到可以飲到腎病咁跟著黎左個海南雞飯黎到我直頭呆左完全係白切雞黎咩料又鞋又難食連海南雞飯既醬都無d湯又係咸到不行最後黎左個煙三文魚意粉叫做好少少但都係正常水平以下新開張都搞成咁唔該大家唔好幫襯等佢快d執笠算

近呢人個月，上水廣場頂樓裝修完終於開左幾間新餐廳，諗住比機會呢間新餐廳，但食物質素都令人以失望。兩款既意粉煮得太over，軟淋淋咁一啲口感都冇。而煙三文魚，竟然係一啲熟三文魚粒。食落都唔太新鮮，有腥味。而醬汁都冇驚喜。飲品黎講，奶茶都正常既。但咖啡偏酸。另外，啡咖匙羹就咁插喺飲品度。冇預計一間都係走西餐路線&價錢都唔算平既餐廳，會係咁樣上菜。除非有大改善，否則整體黎講，試過一次已經唔想再去比機會佢。

夜晚和老公去食了一次得一個女侍應，全都是洗碗嬸嬸。出餐極慢，七個字先出到個意粉。晚上成百蚊一個餐，但食物質素不如一般茶餐廳餐牌設計差多錯漏，連飲品又不寫出來意粉不過不失，係不值呢個價錢從未食過得6件雞又鞋的海南雞飯。食物雖然是呢個價位，但廚師質素太差完全跟不上價位。裝修亦不倫不類，餐牌不中不西，價位午晚餐走高檔價低檔食物，只有下午茶的價格合理少少，但太難食不會再幫襯。如果不轉平民價以呢個質素的食物和服務應該做不住。我偶然都會想食貴點食好些，但這價錢不如食同層求其一間都會好過這間。