大里餐廳酒吧 (已結業)

前排呀妹生日，我地一家人去左屋企附近呢間新餐廳食dinner celebrate 🎉 我地一人叫左一個set dinner, 佢每個set都跟前菜同飲品。前菜可以揀湯+法包/Parma Ham + 沙律😙🥩烤肉眼配薯條 $218雖然賣相一般，但肉眼扒相當大塊，七成熟肉質軟腍，外皮烤至脆脆地，外脆內軟。仲有好多粗薯條，食完飽到上心口🤭🍔優質牛肉漢堡配芝士，鵝肝，蕃茄及薯條 $168邪惡的鵝肝成為了主角，牛肉漢堡亦好大塊，鐘意食肉的就岩曬😆 另外配埋蕃茄生菜中和一下，唔會覺得膩。個burger大舊到無辦法一啖咬曬😂🥘紅酒燴牛尾配法國肉豆及薯蓉 $148 牛尾有好多舊，煮得好入味。薯蓉有d奶香味，好creamy。😋🍝煙三文魚扁意粉 $98意粉亦係一貫作風，超級大碟，夠兩個人食😂

同朋友行街行到又攰又肚餓，突然好想鋸扒，喺OpenRice見到呢間餐廳，決定試試佢～烤肉眼配薯條 $218肉眼非常大份，2個人share都有d飽，我地叫左5成熟，出黎效果好粉嫩，又唔會話有血水流出黎，肉汁鎖住係裏面，啖啖都好juicy，連黑椒汁都唔洗點，原本就灑左好多黑椒係面，調味剛剛好！薯條好粗身，炸得香脆好味！煙三文魚扁意粉 $98意粉個汁好香濃creamy，仲有大量雜菇，口感好豐富！意粉偏淋，爭d口感。芝士焗生蠔 $48另外焗蠔我超喜歡！除咗芝士之外，加咗大量煙肉粒，煙肉的鹹味為焗蠔巧妙地調味，幾好食！

爸爸近期改了返夜班，我跟媽咪便多了機會二人食飯，媽咪是胃食貓，趁有時間帶她去吃好一點，今次帶她吃了Tablier Bistro & Bar! 🉐🉐🉐法式鵝肝烤迷你多士 $98👍🏻👍🏻鵝肝外層煎至黃金焦香，內層口感幼滑，質感細緻，油脂香味非常邪惡，在口中散開，配合多士+意大利黑醋小口小口吃，不會覺得膩🤤另外叫左2個set dinner, 可以揀配巴馬火腿沙律配哈蜜瓜，或者是日例湯和法包，我地各揀左一樣。紅酒燴牛尾配法國肉豆及薯蓉 $148牛尾好淋好入味，薯蓉香滑好味☺️香煎鱸魚配意大利青瓜及燈籠椒 $168鱸魚外皮煎得好香脆，魚肉結實☺️見另一枱食牛肉漢堡配鵝肝，好大份好似好好食，下次會想試下

悠閑的假期，訓到自然醒，再同母親大人落街食個tea time嘅brunch先🤣 由於屋企係無飯家庭，所以上水好多餐廳都試過曬😂 今次呢間新開嘅未試過，不過裝修都幾靚，就試吓啦。⏱下午茶 14:00-18:00 Tea Set選擇都好多，我地一人揀左一個餐。黑松露三文魚粒炒飯 $43擺碟唔算吸引，不過未開始食已經聞到香濃的黑松露味，每一啖都好香，如果可以炒得乾身d就更加好啦！☺️招牌公司三文治 $48嘩😆 你睇下幾足料😳 個三文治仲厚過我個銀行😂 一啖都咬唔曬！入面夾住炒蛋、火腿、芝士、蕃茄、生菜，每啖口感同味道層次都好豐富，好滿足🤤

男朋友話同事介紹一間附近，位於上水廣場的西餐廳，可以飲兩杯之餘，仲有好多野食選擇。-🍔優質牛肉漢堡配芝士，鵝肝，蕃茄及薯條 $168漢堡圓碌碌，賣相討好。鵝肝煎得好香，同牛肉漢堡一樣好厚好juicy。漢堡包有烘過，脆脆地口感好正。個burger好大份，連男朋友都一啖咬唔曬😂-🍟烤肉眼配薯條 $218我地叫左5成熟，肉眼好厚身，但係無乜筋又唔韌，好易切！牛味重，已有黑椒同鹽調味，不用點汁原汁原味已是一種享受。薯條幾乎係比我食曬😂 -🍗水牛城雞翼 $48雞翼外脆內嫩，大大隻，個汁調較得好好食，辣辣地又食到酸酸甜甜，好惹味！😋總結：食物定價親民，環境舒適，好適合同另一半/朋友黎相聚食野傾計😆

前菜：巴馬火腿沙律配哈密瓜Parma Ham係哈密瓜的調和下，令佢嘅鹹度恰到好處，沙律菜配合意大利黑醋，是清新的開胃菜。主菜：香煎鱸魚配意大利青瓜及燈籠椒 $168爐魚味道及烹調都恰到好處，外皮煎到金黃色，香脆可口。魚肉嫰滑多汁之餘，都算結實，切落去又唔會散晒，配菜突出唔到魚的鮮味，但幸好沒有搶風頭了，配合淡淡的薯蓉唔錯。小食：芝士焗生蠔 $48未食已經聞到好香的芝士味，外層焗得金黃焦香，生蠔焗得熟透之餘還保持飽滿Juicy，恰當地以芝士煙肉調味，增加鹹香。

今日係上水食tea，間cafe裝修簡潔，座位寬敞舒適，睇落好似高高地級，以為都要返咁上下價錢，估唔到menu d價錢又幾平幾抵食喎！😳😳😳 下午茶時段有好多個set揀，我就唔係太愛好食飯麵之類，又好肚餓，所以揀左佢個「招牌公司三文治 $48」都估唔到佢咁大份咁厚身！厚身到唔認真睇都見唔到支牙籤，食果陣記得小心支牙籤唔好咬親呀😂 要獅子張大口🦁先可以成啖咁食曬咁多層🤣🙈 我明明係索女黎haha🤭個三文治係雙層嘅，每層都有滑蛋、火腿、蕃茄、生菜，再加塊芝士🤤 口感好豐富好fresh！大滿足！☺️☺️

之前朋友話呢間早餐好抵食，今日就試下佢嘅dinner。以上水呢區黎講，dinner價錢就唔算抵食，仲偏貴了。叫了兩份set dinner先來前菜，沙律菜配上意大利黑醋，酸酸甜甜好開胃。在旁的兩片Parmaham鹹度適中。烤肉眼配薯條 ($218)牛扒算大塊，肉質唔錯，牛肉味濃郁。紅酒燴牛尾配法國肉豆及薯蓉 ($148)紅酒味唔出，偏向中式，足足有6舊牛尾😳😳炆到好淋，好入味，薯蓉都好食😌香脆薯條伴黑松露芝士醬 ($52)賣相不算吸引，但是熱辣辣新鮮炸好，加埋充滿黑松露味的芝士醬，食唔停口🤤🤤侍應服務好好，有禮貌😚 下次可以再嚟試其他食物

今日去上水見客，個客因為小朋友臨時有啲狀況要遲到，我唯有搵間Cafe坐下等佢啦，俾我喺上水廣場搵到間cafe仔，裝修舒服，又有梳化比我坐都唔錯😝😝😝 下午茶時段唔算多人，疫情關係最緊要唔使搭枱。下午茶選擇非常多，有17個tea set, 有飯、意粉、西多、薯條/沙律、三文治等⋯⋯但我原本已經食咗lunch，唔太肚餓，所以叫咗個份量睇落比較少嘅香蕉紅豆餡多士 ($29)原本對佢唔大期望，未試過咁樣配搭嘅多士，但都有驚喜！表面多士做到非常鬆脆，一口咬落，入面係大大舊香蕉，配合紅豆蓉，又幾夾，佩服老闆的創意！🤟🏻🤟🏻

呀哥升職請曬我地落去食飯🤩🤩🤩👏🏻👏🏻👏🏻難得呀哥咁大方，我地都唔同佢慳啦😙😙去左屋企附近開果間西式餐廳，好似幾高級，環境裝修幾型格，座位舒服。我地各自揀咗一個dinner set😋去得西餐廳，我呢個牛魔王例牌一定會叫份牛扒🐮🐮我就揀左：烤肉眼配薯條 $218🔱味道：7/10 塊肉眼好大塊，叫7成煮得岩岩好，我自己竟然都食唔曬😳媽媽揀左：香煎鱸魚配意大利青瓜及燈籠椒 $168🔱味道：6/10 鱸魚煎得好香脆可口爸爸揀左：紅酒燴牛尾配法國肉豆及薯蓉 $148🔱味道：6/10 無咩紅酒味呀哥揀左：優質牛肉漢堡配芝士，鵝肝，蕃茄及薯條 $168🔱味道：7/10 鵝肝的油脂超邪惡超香😚芝士焗生蠔 $48🔱味道：8/10 配合芝士煙肉好好食😆

適合約返三五知己去食飯傾吓計🐷🐰🐶🐱我地4個人，叫左2個dinner set, 2份小食。Dinner Set 1:優質牛肉漢堡配芝士，鵝肝，蕃茄及薯條 $168牛肉肉汁很多，很大塊。鵝肝大大件好厚身，油脂很多非常邪惡。呢個set 兩個人食完全夠飽了。Dinner Set 2:紅酒燴牛尾配法國肉豆及薯蓉 $148牛尾很入味，很淋身，很滋味。薯蓉香滑，口感很好。小食1: 美式小食拼盤 $98入面有4款野食，洋蔥圈、水牛城單骨雞、七味薯角、薯絲蝦。呢個拼盤大家一定要趁熱食！炸物全部好香口，外表脆脆地。小食2:水牛城雞翼 $48下次可以skip，小食拼盤抵食好多😂我見有幾枱都好似我地咁，同朋友仔嚟聚會🤣 食物份量幾多，其實一人$100-200已經可以食得飽。

好日都唔黎上水，今日放假約左個friend過黎搵佢，個friend話上水廣場開左間新西式餐廳，一於試下啦。餐廳裝潢都唔錯，好英式的感覺，梳化舒服、寬敞。紅酒燴牛尾配法國肉豆及薯蓉 $148牛尾煮的好腍，很易食，薯蓉很細滑！☺️☺️法式鵝肝烤迷你多士 $98鵝肝燒的金黃，下面的多士好香脆，完美地吸收了鵝肝的油香，一同吃的時候實在是大大的享受啊！每吃一口都捨不得吞！🥺🥺優質牛肉漢堡配芝士、鵝肝、蕃茄及薯條 $168牛肉相當有厚度，而且肉質軟腍，帶有油脂的香味，與鵝肝的油香混合一起，簡直一啖一滋味。另外配合芝士蕃茄沙律菜，口感層次非常豐富。😚😚

今日黎到一間係上水廣場新開既西餐廳🍽食個靚靚早餐🍳🍞係乜到加加加價到傻但人工唔加既年代🤣🤣呢間餐廳既早餐價錢我真係只能用良心o黎形容啊唔係講少嫁😇😇依家出面一間坐得好好得既🍴食一個ALL DAY BREAKFAST冇100蚊都唔得啦💸又雖然啊,佢又未去到好鬼精美咁既😉但咁多野食幾十蚊真係冇得輸啦係咪先!!😆我個人就好鐘意食薯餅既對薯餅都有D要求嫁三角薯餅夠脆但又唔係硬岩岩好👅滿足☺️食物既質素絕對係價錢之上下次都好想再黎試下lunch係咪都咁性價比咁高先嘻嘻😆

假日一早起床，最重要的任務不是行街shopping，而是填飽肚子。對我來說，一日之計在於晨，而一日三餐，最重要的是早餐，必須豐富滿足，開始美好的一天。我們點的是「精選早餐」($41)一份是炸龍脷魚柳一份是煙肉香腸每份早餐還配有炒蛋、厚多士、烤櫻桃蕃茄、沙律菜、焗豆及薯餅，非常豐盛。炒蛋可以隨意轉太陽蛋，太陽蛋煎得漂亮，蛋汁在口中爆開，絕對是邪惡美味之選。以西式早餐來說，食物擺碟都偏向冰室，食物質素一般，但是有著很多冰室沒有的卡位，以及舒適的環境，價格亦很便宜，住附近的街坊絕對值得一試。

有時食得個D連鎖既餐廳食得多都會想換下D新口味嫁今日比我發現都上水廣場樓上開左間新既西餐廳睇落去個裝收都好四四正正咁,見出面好似重有露天茶座不過神早流流好凍就冇坐出去了解啦早餐都幾多選擇下啊要乜有乜唔怕食厭啦 HAHA我今日就試下水溫叫D正路野姐沙爹牛肉雙蛋麵就都好OK既算係正常發揮啦呢D野唔會話特別好勁啊咁係比較想大讚下杯茶好香好滑對於奶茶愛好者黎講有咩開心得過一早飲到杯靚茶先哈哈得閒時上黎慢慢嘆個早餐都係好唔錯既選擇啊！☺️