大豐日本料理

营业中

休息中

話說今日天氣好凍 同朋友仔試試日本餐 我自己唔食生野 但我朋友鐘意食 無計 唯有食吓熟食 點個鵝肝和牛粒石頭飯試下 無諗過石頭飯都可以有鵝肝仲要唔係貴 諗諗下都覺得自己賺左 味道好吃又香 值得再去食

今日落雨天 同朋友兩個人經過大圍一間日本料理 見到人唔係好多 就入去試吓 聽店員介紹有兩款新鮮刺身 就試吓 點解真係好新鮮 老實講我自己真係唔食其他魚 但試咗之後真係可以介紹到身邊嘅朋友 之後我又點咗一客黃金軟殻蟹卷試吓 哩個真係好抵食架😘😘

一如以往，聖誕節都係咁上下，叫d到會，成班朋友諗住叫d野食開party,開心下，都知食乜好，都係果d,又有小朋友，食壽司，又驚生野. 今年試下大圍e間新開既大豐日本料理壽司拼盤，入到去原來有其他炸物拼盤，又估唔到幾多選擇喎，有壽司（多謝特別安排左卷物俾3位小朋友，佢地見到自己都可以食壽司，超開心），刺身，炸物，價錢比起大型聯所平少少，不過都不失食物質數. 仲送左個蟹籽沙律！哈哈！值得一試. （唯一美中不足既係，佢地不設送貨.要自己拎.）師傅話下次提早訂，可以訂d特別d既魚生拼盤喎.

本人在中午啟市時間入內算是第一批客點餐時。侍應順手點餐飲都係奶茶 咖啡個d架喇叫熱奶茶。佢話味有茶要等30分鐘我話冇問題。大佬呀。你正常咁講得，都姐係等下就有架喇，我又吾係趕時間，等下其實冇問題 佢之後話，等完都可能冇嘩，咁你一開始話有奶做咩?都算，最後叫左檬茶 （雖然我都吾係好明奶茶d茶同檬茶d茶會差幾遠）好喇。野食其實吾算太差，除左個定食既豆腐太乾之外都還好因本人需要食藥關係，叫同一侍應提供涷水，佢又話冇，咁問佢暖水，佢用態度極差的語調話只有熱水，我開始時已明確表明要食藥，大佬呀。熱水加小小冰吾係好難姐。最搞笑係最後連比熱水我都冇嬲到野都味食完就走，冇人要求五星級服務態度，但該名店員連基本禮貌都冇，如果有興趣用70幾蚊食到「澳牛」態度，可以一試

第一次係大圍食嘢，揀咗呢間日本料理店。個日好肚餓，就叫咗兩個飯，一個係三文魚炒飯，另一個係蒲燒鰻魚飯。三文魚個個略嫌淡啲同比較乾，但有唔少蔥花，令到個炒飯食落比較香。有時會食到啲三文魚刺，食起上嚟要比較小心。蒲燒鰻魚飯鰻魚夠晒味，唔會太乾或者太淋，keep到個口感，而且個汁啱啱好，食起上嚟唔會太咸，一流店舖人流都比較多，上菜都算快，但茶水麻麻地，我嘅係白開水，男友係茶，我飲完就無再斟比我，男友個杯就斟咗幾次

之前同frd係大圍行下順便食個lunch,心血來潮突然想食日本野，見到呢間lunch好似幾抵，包湯包野飲，就入去試下。嗌左個生薑豚肉便當，佢有個三文魚和甜蝦刺身，吉列蝦餅，蟹籽沙律。刺身系新鮮的，味道都唔錯。蝦餅個炸粉唔會太多，調味咸淡適宜。個沙律好開胃，個配搭非常好。個生薑豚肉都幾唔錯，薑味好濃。所有野搭配一起好夾，份量剛剛的好。佢有包埋味噌湯，呢度的味噌湯幾好飲，雖然濃味，但唔會過咸或是太淡。

以前呢個位置間日本野叫木屋 都開左好多年 估唔到執左近排以為重開返 原來唔同左名 叫大豐一入到去 發現位置好窄 好迫 同比以前少左好多位咁既？！ 原來係以前既木屋一分為二另一半係隔離鋪既地產鋪 炸餃子 不過不失 皮就硬左少少小食係炸三文魚其實味道可以 但係凍既 ！凍食既炸野 諗返都覺得唔好味囉！我叫呢個set 係壽司配烏冬 係豬骨味湯底 烏冬就無咩特別 唔係日式果隻扁身烏冬 壽司方面飯身比較黏身 但刺身同炸蝦還不錯 但位置就真係太窄了 坐卡位就好d 其他位只限一個人行過係肥少少都行唔過架！

大圍是一個有很多特色食店的地方。這日本食店的食材和味道只能是合格。首先餐牌的食品很大路，沒有甚麼特色食品。午餐點了雜錦刺身，雜錦拉麵，麻辣牛肩拉麵，漢堡扒定食。刺身一般，真的很一般。份量少。麻辣拉麵- 其實麻辣應該去四川辣麵店食的，湯有麻但不夠香，不夠辣，喜歡麻辣的不要試了。牛肩好靱冇味。漢堡扒-味道不錯的。應是機器搆的肉，所以口感是軟但冇𡁻口。小朋友應該啱食。店鋪𣎴太大。質素和價錢似平時領展商場裏的日本菜小店。沒有驚喜也沒有失望。

七月初出入大圍市中心，見到這間食肆已開咗，已經好想試，今日收工番大圍，便不奇然走入嚟，還吓心願。打開Menu,咦...除咗個店名變咗"大豐"外，兩款二人餐，甚至小食，餐牌內容都有很熟悉的感覺，住咗大圍超過11年，在女兒仍在小學年代，經常與她去木屋食午飯，有時，一家人也會去木屋食晚餐，這間店給我的感覺就像"木屋"回歸了，而事實上，木屋結束後，那店舖已由另一賣上海菜的食肆取代了。今日來到大豐，叫二人餐再加多款黃魚一夜干，雖然與日本的一夜干有分別，但條黃魚都做得唔錯，好味既。至於二人餐內有牛肉壽喜鍋，味道還可以的，也有花之戀，牛肉石頭鍋飯，刺身及好好味既汁燒比目魚，也有三文魚刺身沙律(我怕酸味，而該沙律有黑醋，所以，我就唔多喜歡，但家人說ok)，埋單500蚊有找，總括而言，整體上味道唔錯，價錢大眾化，值得再嚟的。(後話:我問落單女侍應生，您們店舖前身是否木屋?她說，唔好意思，我第一日番工，不太清楚😂。)