大豐日本料理

营业中

休息中

見大圍e條街都好多食肆,最後㨂左間鋪面唔大，但就睇見裏面都唔少人，就即管試下佢地，睇下差成點個樣😜，佢地manu好多野食，又晚餐，款太多，唔知點㨂，最後㨂左一碗拉麵，少量壽司，三文魚刺身，一杯自家製梅酒鹽味牛舌拉麵$59，湯底比較清，比傳統豬骨湯少油，，夏天都幾適合，壽司既魚生都非常新鮮，三文魚刺身，睇顏色光澤同食落都新鮮，加埋師傅仲好有心機整都朵花😋，睇落心情都好左唔少，可以補償返座位既小.自家製梅酒味道比較濃，可能更適合冬天. 晚餐時間有d忙，見d侍應行黎行去，但叫佢地加washabi(因為唔擺係台面，可能因為台面都細）佢地都態度誠懇，而且主動加茶.唔係想像中咁！整體覺食物質數性價比高，比起大型食肆好，可以值得一試，自己黎體驗一下！😜😜其實依家全部電子化，好多都因為人手不足而轉做電子化落單. 傳統港式加油💪！

平時食野 都會睇吓食評 之前睇哩間日本野 見啲人寫劣評 咪膽粗粗同女朋友一齊試吓 但發覺其實啲刺身又新鮮 啲服務又無人哋講咁衰 我見到啲人好好 一坐低又茶 不時又問吓駛唔駛加茶 諗唔到食咩 又介紹啲好野比我哋食 最後我哋食咗大嘅刺身 乜都有啲 三文魚好新鮮 之後我哋又食羊架 走嘅時候收銀又幫我哋開門 又多謝 都唔似人哋講得咁差 值得推薦😊😊最緊要係好抵食 一定會成日去👍🏻👍🏻如果大家去食 推薦你哋食羊架 生蠔 刺身 仲有點少得佢哋嘅牛肉鍋 勁好食😊😊

我是一名中學生，午餐到這間餐廳去食。未入門口，裡面一個短髮阿姨問我們幾多人之後，冇俾我地入去，仲叫我地企係出面寫食D咩，我地已經覺得好奇怪。(裡面有一半位係吉嘅)一入去，佢講嘢勁串勁無禮貌，叫我地死入去最裡面嘅座位。重頭到尾都無重覆過我地叫嘅午餐，落完order起碼等左20分鐘先到。嗰到座位非常細，好迫，衛生又差，對學生嘅服務態度更加差。真心唔建議去食。不過如果想體驗下無端端比人黑面嘅可以去試下。

今日咁啱經過開呢頭，見到呢間日本餐廳好多選擇，之後就入左去試下。睇評語話職員態度差，但我地今日去又唔見佢地好差服務態度。不過建議餐廳會提供水或茶會好d!之後叫左芝士火炙三文魚丼同自家製叉燒拉麵。味道不錯，三文魚新鮮🥰會再光顧試佢其他食物。

嗰日經過見門口個牌寫住有下午茶，個仔想食就入去，叫咗個牛肉飯加3個小食，連餐飲汽水，另叫咗5嚿壽司，壽司都叫可以既，牛肉飯牛肉乾同un 又太喊，飯好少汁；小食個七味三文魚骨乾都好似柴皮咁，食咗一啖放棄了。最最最大鑊係店員全程黑面，我好似打佢工咁睇佢面色，見隔離枱有2杯水，我就好聲氣地問佢：唔該！我想要杯水呀！佢答：你要求到我會比你，但你嗌下午茶係其實唔會有水既，我哋下午茶係唔包水既（態度仲要好差咁）...我食過咁多間日本野、去日本食咁多次，第一次聽冇水/茶；都唔緊要，佢又要話我要求佢先比；我唔該得你話想要，咁梗係要求啦⋯⋯都唔想再講落去，最後佢比左一杯水我哋🤷🏼‍♀️埋單$110，好唔好食都唔係重點，重點係感覺受氣，永不回頭。

店員(肥肥地嘅短頭髮女人)嘅態度超級差, 想受氣嘅可以黎試下。全程黑面唔再講, 因為入餐廳要靠店員㩒制,一入餐廳已經比佢夾親隻手仲要sorry都無聲,完全唔明點解可以有咁無禮貌嘅人! 之後點餐，賣單全程都要受佢氣。

一進去 職員已冷聲冷語象徵式說歡迎點餐間 語氣不耐煩 聽不清點餐內容！推說客人說不清楚！她只重覆我們每一句 沒有說過覆單 全部說一次！漏掉一只雞翼 最後沒有歉意 只推說覆單時我們沒發覺！到最後等雞翼 食完清潔台面仲要指點客自己執拾紙巾！紙巾包裝！

經過見到都幾多人排隊，所以都唔行咁遠就決定食呢間🤪🔸胡麻豆腐沙律$42 好大碗😂男朋友好鍾意胡麻醬，自己都差唔多食晒成碗😒🔹甜蝦雜錦魚生飯$98有甜蝦、三文魚、帶子、北寄貝、玉子同蟹子，最鍾意夾走晒啲刺身，撈勻左啲蟹子先再慢慢食🤭咁就每啖飯都有蟹子，咬落去索索聲，其他食材就最緊要新鮮😍咁以呢個價錢有咁多種配料，真係好抵😚😚🔸洋風蕃茄和牛撈烏冬$65男友唔食刺身關係，就叫左呢碗撈烏冬，眼見以為得幾粒和牛，原來已經撈好左，烏冬入面仲有牛架🤣，醬汁調得啱啱好，甜甜酸酸，撈烏冬食一流😋.🔹鹽燒牛舌串$46鹽燒牛舌串幾好食😋，不過就真係薄左d😥，如果厚身啲有得o趙下就好啦

呢間食日本菜ge 餐廳位置非常近大圍站A出口，等位大概等左15分鐘就有得入座，餐牌款式好多，而且價錢都好算抵食。蟹子沙律$38三色刺身$83 (三文魚、甜蝦、油甘魚）壽司分別叫咗🔹黑松露赤蝦$26🔸三文魚壽司$16🔹火炙三文魚$18🔸帶子$32🔹海膽$38🔸忌廉芝士鰻魚卷3件 $48鹽燒牛舌串$46食物大致上都新鮮同好食，而且非常抵食，唯一唔好處係店內地方細，枱與枱之間就非常狹窄，要側身先可以出入到，繁忙時段2人定必需要搭枱....

依間舖幾近大圍站，所以我都好常幫襯，尤其係佢哋嘅下午茶餐，真係好抵食架，人均消費都唔貴，大概六十蚊啫，唔收加一(好似淨係下午茶唔收)，cp值都幾高架！咁我今次就嗌咗一個飯同幾件壽司，因為嗰陣驚淨係壽司會唔飽。個飯嘅名就唔記得喇，大概係甜蝦魚生飯咁上下啦。個飯我就唔太推薦，因為魚生得好少，一兩片，唔係好餸到個飯，而且會覺得好唔抵，因為真係太少喇。而件裝壽司呢，我個人就好推薦。三文魚切得幾厚，每一件都好有誠意，仲要件件六蚊，即叫即整，抵食過爭鮮！ps唔推薦呑拿魚沙津，佢只係用呑拿魚醬

猴子趁近排得閒，於是左逛右逛試吓啲從未幫襯過嘅舖頭，行到嚟呢間大豐日本料理，係一間細細嘅舖頭仔，由於唔係旺區，加上係下午茶時段，所以唔使同人逼亦唔使搭檯，鍾意坐邊就坐邊，而猴子就隨意叫咗一碗炸雞拉麵。雞肉炸起之後如果擺得耐，肉質就會變韌，舖頭仔嘅客人唔多，雞肉炸起之後都要擺一段時間先賣得晒，雞肉變韌就變成無可避免嘅事。不過今次試嘅呢碗炸雞拉麵就比預期中好，雞肉冇想像中咁韌，甚至比起一啲貴價啲嘅舖頭都要好。至於拉麵亦係爽口彈牙，湯底夠味，配菜嘅海帶同粟米都夠爽甜，整體嚟講，喺同區之中都算係幫襯得過，至少唔會中伏。

想食飯都受氣就可以試下，從來未食過一間服務態度咁差嘅餐廳，個伙計（個樣似老板）一餐飯催我地幾次走，但我地叫左成500蚊野食，只係坐左一粒鐘而出面係無人等！利申我地係一啲都無嘈or阻人！叫佢拎隻碗就口黑面黑，好似欠左佢，一班人想慢慢坐低食飯或撐枱腳，千奇咪嚟，食到背脊骨落！食快餐好過！

經常在大圍附近搵食，呢間大豐好近地鐵站，對於我兩公婆搭完地鐵超肚餓既狀態下，就近搵間又抵又好食既醫肚，非常方便。每次叫餐之前，老公一定先點左只需加十蚊就有一客兩件既炙燒三文魚壽司，當然每人一份總共叫兩份😆每次都唔會令人失望，平時既我唔係好喜歡太甜既燒汁，但佢呢個壽司雖然有燒汁，但完全唔會覺得好甜，而係好好食，即使在其他日本料理店都唔會食到既好味！另外我點左個加州手卷，以為佢會有牛油果（我摯愛）點知就係大件蛋捲😛對於小食既我都夠飽肚；我仲食左個鹽燒三文魚較，非常好食，係入口即溶，配搭蘿蔔溶同醬汁，味道豐富夠晒好味。老公就食吉烈豬排飯，豬排香脆大件，老公食得大快朵頤。😋

天氣熱熱， 唔想煮飯， 收工就同大豬去左大圍火車站附近呢間日式餐廳啦！ 先講下等侯時間， 晚市好多客， 都要得，2，3個字呢！入到去，員工態度都好有禮貌首先講下，個烏冬湯底個人要求要左小辣（原本沒既）， 湯底熱燙燙的。入面有大白菜 ， 溫泉蛋， 溫泉蛋略熟可能係因為個湯太熱，熱熟左隻溫泉蛋。 天婦羅蝦好大隻， 炸漿唔會過厚， 但如果隻天婦羅蝦另上就更加Good 了。 因為比湯浸淋左，未夠脆。大豬話呢個定食麻麻，鰻魚不太好食， 飯太淋了。價錢未必值呢！

今日去大圍，見到一間日本料理，望見裏面地方不算大，但又幾多人喎，今晚就試呢間大豐日本料理。地方整潔，但好擠迫，大家要互相遷就，才可通過，不過最重要都係食物質數。我們5個人叫了一個二人餐，包括和風牛油果海鮮沙律、花之戀、西京燒比目魚、五品刺身、蒜片牛粒石頭飯、牛肉壽喜燒。沙律有蝦、吞拿魚、三文魚配新鮮沙律菜、蕃茄仔、牛油果粒，再加上沙律醋，開胃醒晨，材料新鮮爽口。跟住上花之戀，分量足，三文魚肥美。再上係五品刺身包括有三文魚、北奇貝、吞拿魚、甜蝦 、魷魚，全部都好新鮮，厚度適中，佢會根據當天嘅材料，決定五品是什麼，用既刺生唔係貴價魚，但都算新鮮。到主菜，煎得香脆嘅比目魚配上沙律菜和黃沙律醬，魚外脆內嫩，不錯。之後就係熱辣辣嘅壽喜燒，配上溫泉蛋同姑，好嘢味， 雖然牛肉稍為肥咗少少，但也算不錯👍最後是和牛粒石頭飯，耐熱的石頭鍋，令到啲飯有少少焦，和牛粒上面 鋪咗一小執炸咗嘅蒜片，令到整個飯特別香口， 雖然和牛粒冇入口即溶嘅感覺，但都算霖和入味，整體這個二人餐值得推介。另外点了黃金軟殼蟹卷、燒汁牛舌、年糕串、油甘魚壽司。 軟殼蟹夠脆，油甘魚較肥美， 整體壽司都有比正常高少少嘅水平。年糕串，我就覺