大豐日本料理

营业中

休息中

呢個晚餐套餐有一隻炸脆雞翼，加左些少芝麻，更加香。帶子石頭飯，飯好香，好乾身，粒粒分明。帶子煎得幾香，又唔會煮得over 。鵝肝牛肉粒飯鵝肝同牛真係絕配，兩者嘅汁浸左啲飯，令到個飯味道昇華。

我叫左個五色雜錦魚生飯 $118都唔平，諗住佢都有返啲份量，張圖都睇落足料。點知一黎到發現只有兩片吞拿魚+兩片油甘魚+一pat海膽+少量魚子+蟹柳，仲要同相比細碗左勁多。我真係單叫都無咁貴！求其雜齊五樣野叫魚生飯！係吹佢唔脹，但真係唔會再黎囉！😡😡😡😡😡😡成間舖啲職員淨係掛住同啲大陸土豪客吹水，其他客都hea理，唔知係咪轉左手，越做越差。🙁🙁🙁非常失望如果百幾蚊仲要加一，先得四片刺身既魚生飯，我寧願加多啲錢去食放題！😩😩😩

一直對大圍的認識非常有限，原來除了踏單車同獸醫診所外，亦不乏價格相宜的美食。中午時分在附近辦完正經事，想醫肚時便走進了這裡。喜歡海膽的話，這個魚生飯不會令你失望，而且還有其他刺生，可以一次過滿足幾個願望🤣不過店小小的，所以如果是用膳時間，可能比較擠，或者要等候😋不過為了以合理價格吃到美食，等一下玩下手機都可以接受啦😝順便說一下，店員比較有性格，可能要將同一個要求（比如加茶）說幾遍😂

落單叫了滑雞飯 和一碗拉麵 好快一會 拉麵到了 而我就想 我叫的也就快了吧 結果一直等自問耐性不是好 要不是自己一個人食 早就走了 還跟你禮貌？！ 足足等了25分鐘（在之前也有催過單）最後說不要了 員工卻跟我說 我們是現整的 正常 正常？滑蛋雞排等25分鐘都算正常？！ 晚到的客人都已經有東西食了 第一次去試就甚麼心情都沒有了 跟我說正常是要我再去浪費時間嗎！？ 收費也是偏貴的 食物水平不知道（未食過）至少你上菜時間的服務也要快吧！氣得特別為了罵你這店所以才上這App po文！垃圾！

國慶日中午同朋友係又一城行完街，唸起大圍應該有唔少抵食兼夾飽嘅餐廳，就到大圍附近穩野食。朋友話想食日本料理，就黎咗離大圍地鐵站好近嘅鋪頭食午餐☺️大圍站A出口過條馬路仔就到👍🏻👍🏻呢度店面唔算大，有小小逼。🤔我同朋友就一人叫咗個午市定食。1. 火焰四色海鮮飯 價錢唔貴，但味道非常驚喜。可能因為係火焰嘅緣故，飯仲系有小小餘熱，唔似出面好多魚生飯，凍冰冰，食落好舒服。海鮮方面的有四種 ，分別有四種，三文魚，帶子，左口魚同鰻魚，每樣都燒得岩岩好，仲好有鮮味，當中我就最中意左口魚，燒到將左口魚嘅油甘香發揮出來，入口即化，配埋飯食更係一絕。2. 燒比目魚便當 價錢唔貴，搭配好豐富，有燒比目魚，炸豆腐，蟹柳青瓜沙律，同兩件三文魚卷物。比目魚燒得唔錯，肉質鮮嫩，味道調教到好好，帶有淡淡嘅酒香，亦唔會似出面好多比目魚咁燒得好鹹，值得推薦。沙律同三文魚卷物都水準以上，唯有炸豆腐，雖出面嘅木魚令豆腐食落去好香，但出油出得多，稍有膩滯感。😢整體而言，餐廳嘅出品非常出色，比我出面食嘅好多日本料理都更精緻，且價格親民，非常抵食！附上午市定食餐單比大家睇睇價錢🤤

住左大圍咁耐，好少行過黎e邊，今日行過，原來有間小型日本料理，睇落價錢平民化，咁就衝左入黎試下☺.星期三，唔係太多人，但座位亦唔算太多，不過就乾淨舒服. 試左個特選魚生飯 $128海膽炒飯 $98加膽一板 $268日本馬糞海膽壽司一件 $38侍應推介野生岩蠔，$98/隻，見佢係咁推，話係野生深海岩石邊生既蠔，其實我又真係未見過咁大隻蠔，以我咁喜愛食蠔，當然要試試啦，蠔味十足，未算最濃味既蠔，不過海水味就留係口嚨足足有分幾鐘，可以再三回味！海膽都夠乾身，唔會一patpat咁.以咁既價錢，食物可以咁既新鮮度同質數，超出我預期，值得再黎！

服務態度極差，帶著2個小朋友去食，6個人只可坐4人卡位，坐得勁逼。問職員可唔可以一陣轉台，黑面一句唔得！😑坐低後，小朋友話極口渴，想要一杯水，職員好差語氣咁話呢度冇水，全部野飲要比錢叫！飲氣水啦！之後就走左冇理，叫野食又黑面，好似阻住佢做野咁😑我見其他員工對客人都係一樣咁差態度🤔野食水準其差，叫左幾個餐，刺身唔新鮮，份量又少，牛肉飯超油😖完全想像唔到咁差！好難食！極失望，不會再幫襯，貼錢買難受！

呢間嘢千奇唔好食！我睇咗食評嗰陣都未知驚！去咗試。。但一試就出事。。我和先生一人叫咗一個餐食完兩個鐘之後都要睇醫生！！醫生話食物唔乾淨先禁！一入去食嘢仲要受不禮貌對待！😠😠😠😠😠首先落單後要等成半個鐘先有得食！！員工仲要毫無禮貌回應！！！！😡😡😡仲比我地見到佢地對隔離枱小朋友毫無愛心搞到個小朋友即刻嚇喊！！！！😡😡😡😡😡😡😡😡😡😡😡😡😡😡😡😡😡😡😡幫襯呢間真係貼錢買難受！

中午同一班同事去食個Happy Friday Lunch。平時大豐都好多人，但只要到左暑假，就會比較容易揾到位～我例牌叫左「赤蝦蟹子魚生飯配烏東餃子」（個多好鬼長...）。例牌叫嘅原因係我認為係最好食+最抵食！佢有一隻大大嘅赤蝦，而且蟹子好多，鋪滿成個魚生飯。冷烏東又好好味，而且夏天食感覺好合適～便當仲有2隻餃子同一客小沙律，而且仲會連埋麵豉湯，仲要有一杯餐飲，你話抵唔抵！？不過去大豐都係暑假限定，過左暑假就要等下年啦～

本身諗住去三洋茶餐廳食飯，點知見到隔離有一間日本料理又不用等位，所以就入去試一試😄刺身很滿意，夠凍👍🏻新鮮！但是花之戀的沙律醬就不夠多，我另外再叫職員給我加多一點兒😆比目魚都很好味，魚的肉質很滑，加一點沙律醬很野味😝炒烏冬方面我覺得比較油膩，所以吃了一半已覺得足夠😁

友人吃過說這間日本餐廳不錯，預先book了枱，因為晚餐時間也頗多人的。餐廳面積不太大，10張枱以內。我們18:45去了吃晚餐避開最繁忙的時間🤓食物方面選擇很多，刺身，卷物，壽司，小食，丼飯，拉麵烏冬等等。。。我們點了五味刺身作開胃菜$128有帶子，三文魚，甜蝦，八爪魚和吞拿魚三文魚好新鮮！🍣其他就普通無特別。之後是友人最愛的珍寶海膽飯 $98🍚佢話每次來必食！海膽都算幾鮮甜，份量算多🤩配埋沙律醬食原來幾正！價錢又唔貴，性價比高😆鹽燒三文魚腩$48🐟魚腩好滑☺️因爲係腩魚肉嘅油份啱啱好！黃金軟殻蟹卷 $52🦀這個卷物的飯太多了，中間亦有蟹柳，青瓜，所以軟殼蟹份量相對較少。😶😶最後是炸雞軟骨碎。$42🐣普普通通，口感有小小太粉，不是太脆。有進步空間！

非正宗日本嘢，拉麵質素不及連鎖快餐店，食物質素非常一般。叫左一個拉麵，一個牛肉飯，等侯時間長，食物唔熱，湯底有如公仔麵味精湯，仲要唔平。唔系學生要加一，呢個價位唔太值。

今日行過入去食,唸住食間新野,點知一家大細一坐低就先沒有比茶,要叫三、四次先攞嚟,個員工己經唔太友善,隻手唔夠大就唔好一次過攞三杯熱茶,一係就用盤喇,就係用手就出事盛才杯熱茶就咁落在小女身上,你唸吓60/70度熱茶淋到小朋友會點,點知啲員工非常冷靜及冷淡,個小朋友就喊個員工就抹枱拖地無特別慰問個小朋友,而啲員工見到我,沒有發難表現極之冷靜就有啲驚,之後就係結帳時自動不收加一及給了九折,但其實不是要求優惠,是只希望一家有責任的食店啲員工會有返啲責任及同埋理心,所以呢間野如無意外都唔會再去,就算好食到會飛又如何😠😠😠😠😠😠😠😠😠😠😠😠😠😠😠😠😠😠😠😠😠😠

今日lunch去咗食學校附近嘅一間餐廳，記得前幾年仲叫緊「木屋」嘅時候已經好中意去食，雖然改咗名叫「大豐」，但學生餐嘅meau都冇咩分別【食物】我嗌咗學生餐嘅H餐，炸雞蟹籽沙津飯（＄39），配飲品或湯，我平時都係嗌飲品，可惜熱飲嘅選擇唔多，冇華田，咁所以我就嗌咗湯，個湯好似有啲咸，可能麵豉湯都係咁。😂個飯我個人覺得係幾飽嘅，不過我係女仔可能咁會易飽啲😂不過炸雞好似比平時少…唔知係咪我錯覺😂但整體都唔差嘅！【服務】服務0分！真心覺得依間餐廳嘅員工服務態度真係唔得！首先，入餐廳之前要喺出面落咗單先，我寫完張紙企喺門口，見店員收緊錢，咁我又唔急，咪等吓，點知個男職員明明見到我望住佢佢都唔理我，又走咗，直至有客人入佢先過嚟問我落咗單未同幾多位。冇講歡迎光臨同多謝幫襯。食食吓嘢走埋嚟話要埋單冇問題，但係咪應該講「唔好意思幫你埋埋張單先」而唔係「埋咗單先啦好冇」。所以我覺得服務分真係「跌破冰點」！

今日夜晚突發去大圍試下踩啲共享單車共享單身其實都幾平只係上唔到斜上斜好吃力講返正題因為夜晚去去到大圍想食個嘢先冷後休閒踩單車求其係大圍火車站一出見到呢間嘢行去門口 睇落價錢合適就入去食我係一個只睇價錢去揀食咩嘅窮jj入到去好突然見到佢個壽喜鍋就想食但又想食拉麵揀咗一陣都係決定食壽喜鍋啦呢個壽喜牛肉鍋係跟粉絲嘅我覺得可惜咗點解唔跟飯嘅賣成七十幾蚊個牛肉質素ok不過仲要浸下佢仲有啲位生嘅個蛋生熟度整得幾好泡菜豬頸肉拉麵個賣相唔太得好似成碗湯咁浸晒啲嘢唔見咗個麵咁而麵質都係麻麻豬項肉嘅味都唔太出但湯底可以甜甜加上微辣味但泡菜冇晒味但整體唔錯