大街小館

营业中

休息中

呢日係黃大仙探完朋友仔個B，佢話附近呢間小店既甜品幾好食，於是忍唔住就過左黎試下係咪咁正先!睇下MENU都幾多選擇，今次揀左心太軟配雪糕同椰汁芋圓西米露，岩岩落完單抬頭望到塊黑板個MENU有咖哩拼盤wo，口痕痕又叫埋黎試下!等緊既期間，店員就擺低兩杯暖水~好少糖水鋪會咁貼心wo，呢個有加分!好快咖哩拼盤就黎先，有腸仔魚蛋墨魚丸貢丸同蘿蔔~咖哩汁混入D蒜蓉所以好香，仲加入左少少辣椒，我本人唔食辣既但個辣度我都接受到，係好低程度既微辣啦~唔錯!食完時間岩岩好!椰汁芋圓西米露上檯!~一見到係嘩左一聲既!駛唔駛咁多料?!一向食開椰汁芋圓西米露都只係芋圓、西米同少少芋頭。但呢碗既材料係除左以上所講之外，仲有地瓜圓紫薯圓小丸子同埋椰果!非常足料! 而且椰汁味夠香~D圓圓夠煙UN有口感，不過如果可以大粒D就仲正!!!之後心太軟都黎左~本人覺得呢個甜品更出色!上到檯已經俾個賣相吸引~完全反映本人係朱古力控，因為係有朱古力心太軟、朱古力雪糕同朱古力條既~正正!首先梗係試下流唔流心先啦~支叉一吉落去，入面既朱古力漿狂湧出黎，好澎湃!食落成口都朱古力味!口感方面因為蛋糕層唔厚所以做到外脆內軟既效果，配埋個朱

同朋友兩個人食咗三個甜品1. 雜果水晶芋圓黑糖天使麵 $38- 個天使麵幾特別，爽爽地，又黑糖嘅味道，加埋啲椰汁「湯底」，係幾特別嘅。至於過芋圓煙煙韌韌，份量唔算好多 但整體感覺都唔錯2. 榴槤椰黃燉蛋白凍 $50- 嗰陣時係冬天，都會有榴槤，覺得好正入面有椰汁、西米、小丸子、榴槤肉、同埋一個蛋白凍，所有嘢加埋好夾🤤🤤 個蛋白凍唔會太甜，而且好滑，份量都多，呢一個推薦！3. 芒果班戟 $30- 反而呢一個就普普通通，建議可以試其他。

夜媽媽食完飯唔想睇戲仲有咩好做？除左食甜品，我真係諗唔到其他朋友帶左我黎呢間小店，話佢有好多野揀好高質，咁岩唔洗等位拿拿臨坐低先。榴蓮班戟 $33一入鋪頭其實都聞到少少榴蓮味喇，我同朋友都係榴蓮控，當然唔少得榴蓮pancake一碟有兩件，好大舊呀！一切開啲榴蓮肉多到吱晒出黎，非常滿足！真係啖啖榴蓮亦好重口味，真材實料朱古力綿綿冰（小丸子+爆珠）$42又係好大碟！配料唔少，朱古力味都好濃！朱古力心太軟配雪糕 $45我想講！！可能小弟見識少，我真係未食過咁多流心朱古力既心太軟！呢個價錢食到咁高質既甜品實在好驚喜喇佢同樣係有好濃郁既朱古力味，唔會太甜。記得記得配埋雪糕一齊食感受到呢間小店非常有heart！店長店員都好有禮貌，服務好好一定會再黎，試埋其他！同埋encore心太軟

甜品店一街都係呢間食完印象深刻因為佢好食又足料一啲都唔馬虎係黃大仙區唔難搵呢個係生磨杏汁燕窩燉鮮奶蛋白十分推介呀好香濃既杏汁 每一啖都有燕窩🥰🥰🥰🥰岩曬女人食 夠曬養生又美顏仲有鮮奶蛋白係底蛋白夠滑😚雜果水晶芋圓黑糖天使麵佢份量都幾大碗😌雜果有蜜瓜哈密瓜同西瓜🍉入面有芋圓，小丸子，西米，紅豆，黑糖天使麵超足料 芋圓唔會成舊粉咁 有口感小丸子就好似普通湯圓咁西米都唔會糊成一團 唔錯黑糖天使麵好得意😎出面好少會食到

😋椰皇蛋白燉桃膠 $50一入到舖頭已經聞到陣陣椰香，有寫住熱賣糖水之一，諗都唔諗就叫左椰皇蛋白燉桃膠。超足料，有西米、小丸子、燉蛋白、桃膠，食到最後仲可以食到椰子肉添。桃膠好滑唔會硬。燉蛋白好香好滑，仲有陣陣椰香，份量多。椰汁甜度岩岩好，唔洗驚好漏。椰皇入面嘅椰肉都食得，味道清甜，比我刮哂黎食。不過小丸子就太淋身，唔係太煙韌。食完覺得暖粒粒又夠滋潤，係一道有誠意嘅甜品。----------🔎大街小館🚩黃大仙銀鳳街1 6號地下 營業時間 : 星期一至四，日 : 15:00 - 00:00 星期五至六，公眾假期 : 15:00 - 01:00

話說早兩日見某雜誌介紹，今晚食完飯就特登去拜訪一下！可能時間尚早，唔駛等位可以即時入座！雖然店舖細細，但坐得舒服，職員又唔會催你走！我地試左兩款甜品，分別係椰汁桃膠燉蛋白同椰汁湯丸燉蛋白，兩款都好足料，椰汁味濃！蛋白都好滑！中途發生小插曲，就係我地等左好耐都未見甜品到，原來職員打單打左外賣！我地講返俾職員知，對方好唔好意思，送左兩杯椰皇水我地，哇！個椰皇水清甜到不得了！搶晒兩個甜品嘅味道😂好彩我地有杯，最後將一杯椰皇水帶返屋企慢慢享用😂

黃大仙區甜品屋唔算多，但呢間在區內，總算係較高質素的一間。已經來過好幾次，今日再推薦一下。。。聽聞，老闆係以前做某間酒店，然後出來自立門戶的。。。佢地嘅甜品，都真係幾好味店內最受歡迎的甜品有中式，也有西式賣相都幾靚榴槤綿綿冰 $46榴槤味幾濃，爆珠係芒果味，份量亦算幾大椰汁雪耳桃膠燉木瓜 $45原隻木瓜上，桃膠暖暖的，淋上熱的椰汁，食落去好有温暖的感覺。椰汁芋圓西米露 $36好大碗😂好似食粥咁，椰香味濃

早前看到介紹這裡有榴槤腸粉，作為榴槤控的我，當然要來嚐一嚐味道😝甜品款式琳瑯滿目，繽紛多彩，有傳統中式糖水，亦有多樣化西式甜品，一應俱全。目標明確的我，當然是點了榴槤腸粉！😍 不過天氣轉涼，亦想滋潤一番，於是點了最適合秋冬乾燥天氣喝的南北杏海底椰燉雪梨。南北杏海底椰燉雪梨 ($45）把雪梨挖空，再加入海底椰、紅棗、杞子、南北杏等燉煮。燉雪梨味道清甜，非常滋潤，具有滋陰潤肺止咳潤喉的功效，吃畢後頓覺融融暖意。👍🏻榴槤腸粉 ($35)榴槤腸粉一出場，濃郁的榴槤味直衝進鼻。🤤腸粉面層淋滿了自家製榴槤醬，腸粉填滿了榴槤蓉，一口咬下可吃到啖啖榴槤肉。店舖用上了D24榴槤，味道甘香濃郁，齒頰留香。🥰

今日經過黃大仙鳳德新村附近，餓餓地，就試下附近甜品鋪，有間叫 #⼤街⼩館 的店舖。我要了 #榴蓮至尊（配榴槤雪糕）HKD$50，裡面有3大舊榴蓮肉，榴蓮汁，西米，涼粉，黑珍珠，紅豆。我覺得好抵食，好多榴蓮，雪糕唔係得香精，都有榴蓮肉架，其他甜品都幾平。以前都係係荃灣食糖水，以為好抵，原來依家仲有好多質素好的小店。地址：竹園銀鳳街16號號地下營業時間：15：00-00：00

食完晚飯雖然已經好飽，但係甜品係第二個胃 都好想食番個甜品先覺得滿足大街小館係一間糖水舖小店，而且都幾平民化。糖水種類都有好多選擇，有傳統嘅，有西式嘅，我就叫咗心太軟配雪糕雪糕味道可自由選擇，我揀咗曲奇味。心太軟嚟到暖暖哋，心太軟蛋糕都幾軟熟，一篤開入面啲朱古力流心湧出嚟，朱古力流心嘅朱古力味幾濃而且唔算太甜，我個人覺得剛剛好，朱古力心太軟仲配有好多細細嘅棉花糖仔做裝飾，仲有兩條朱古力蛋捲餅乾仔雪糕方面，曲奇味比較偏奶味，雪糕味道就一般，可接受。另外想潤潤地就叫咗個紅棗雪耳燉雪梨糖水，黎到暖暖哋，如果熱啲就更加好，味道都夠甜，OK

恭喜發財！農曆新年必到嘅地點，一定有黃大仙份，去完黃大仙廟拜神後，就去咗呢一句周圍行吓，好好彩畀我喺銀鳳街見到呢間大街小館。一打開menu，見到餐廳中式甜品又有、西式甜品都有，好勁！夠多元化！我同友人分別叫咗冰鎮椰皇配椰子水 $48、芒果西米露 $33、同埋芒果班戟 $30。冰鎮椰皇西米露好足料，椰皇入面有好香嘅椰汁，仲配有唔同嘅生果同埋西米，堪稱一個豪華版嘅雜果西米露，佢另外仲跟咗一杯仔嘅椰子水，清甜！芒果西米露係友人叫嘅，佢話芒果好甜👍🏻芒果班戟嘅cream好rich好滑溜，兩件都漲卜卜，抵食☺️

🦕🦕🦕黑糖芋圓仙草凍 ($38)朱古力心太軟伴雪糕 ($45)🍫🍫🍫流心既朱古力心太軟真係好誘人🤤🤤夾埋雪糕一齊食真係好match😋CP值好高既心太軟🍫

難得去開黃大仙嗰頭，年尾陪朋友去還神以前印象中嘅黃大仙，係一個好舊嘅老人區但原來不知不覺已經翻新左好多依幾日凍冰冰❄️食咩暖返個胃好呢？椰汁雪耳桃膠燉木瓜 $45雪耳桃膠都是養顏的好東西，特別適合秋冬乾燥時補補身子💁🏻‍♀️桃膠是近年新興食品之一，價錢不但平民化現在要買亦不難，而且區區幾小小幾顆就能泡出超多配上椰汁的製成品椰香味重，而木瓜烹煮後更為香甜兩者配搭得宜，相得益彰小事一題：店員超級細心主動提供熱水，另外他們更聲稱芒果很香甜，主動免費請我們吃，更顯得小店有人情味及窩心

等左成個鐘 deliverxx 無外賣員接單，打去熱線又過左office hour，打落糖水舖幫忙問下情況，老闆都好nice, 幫我打去問下外賣公司但最後都係無人送，取消埋訂單然後決定自己去拎外賣啦叫左芝麻糊，合桃糊，豆腐花，芒之戀，芒果至尊各款味道都唔錯個芒果至尊真係好巨型，有surprise 最有愛係老闆(應該係)照做返我張訂單，等我一到就有得拎落住雨行返屋企約10分鐘， 返到屋企都仲係熱辣辣 一定會再食支持

終於等到十月紅日假期— 可以大叫 《我放假啦》！ 蹤蹤下落左去黃大仙的《大街小館》！距離地鐵站D都只係8 分鐘左右！ 椰王燉蛋白都是 prefect match ，好多都是這樣配搭，今日來個不一樣的椰王蛋白燉「桃膠」～ 椰子偏談不會感到太奶，而桃膠淡淡的、口感似啫哩，把聲沙沙地最岩有個甜品補一補啦 ！ 環境乾淨企理，做街坊生意，看見隔離枱的伯伯跟店主好好傾，明顯是熟客仔，其中一個對話最為感動就是伯伯主動想把食物跟店主一同分享，我頓時覺得很有愛呀～～～