大街小館

营业中

休息中

今日喺黃大仙，見到有間新開嘅甜品店，裏面嘅款式都幾包羅萬有。除咗有南北杏海底椰燉雪梨、椰汁雪耳桃膠燉木瓜、冰鎮椰皇盅配椰皇水等滋補糖水外，仲有榴連迷系列、千層蛋糕、芋圓、窩夫等等嘅西式甜品，啱晒心思思中西式糖水都想食嘅人!我點左一個南北杏海底椰燉雪梨。一整個燉雪梨十分軟稔入味，配上杞子、南北杏、海底椰等配料，好滋補！我鍾意佢唔係太甜，有一種清新嘅感覺。而燉雪梨亦都好容易就分得開，應該都燉左好一段時間。食完之後覺得好溫暖，就算呢幾日嘅天氣再凍都唔怕啦！

呢幾日氣溫驟降，又落住毛毛雨，令人不自覺想食d暖粒粒甜品今日途經黃大仙聖母醫院附近，發覺都有唔少餐廳同糖水鋪，最後揀左呢間，原因係款式多，價錢都不算貴。款式好多啊，睇到我花多眼亂，最後見到個暢銷甜品榜，決定揀個燉椰皇同心太軟試試。朱古力心太軟配曲奇雪糕。好多人去甜品鋪都會點心太軟，我都唔例外，呢間焗得非常不錯，好流心，個朱古力亦不太甜，配上雪糕好快就被KO，另外餐廳仲加左曲奇碎同棉花糖增加口感，有心思。朱古力岩漿😋 椰皇蛋白燉桃膠好快就上。桃膠好有益，估唔到甜品鋪會有得食入面d料好多，有西米，小丸子，蛋白同桃膠。食落去口感很豐富，而且份量好多，兩個人share都夠食。食到最後發現仲有椰子肉未食，燉過的椰子肉好淋，好容易就刮到來食滿意的一頓甜品，店員都推介了芋圓，留待下次再試。

食完個飯，唔係太飽，有空間食個糖水，食糖水又唔一定去九龍城嘅，近近地，在屋企附近，走進大街小巷之中，找到呢一間「大街小館」平時鍾意食涼粉雪糕做糖水，近來天氣轉冷了，糖水的選擇都想食啲比較温暖嘅嘢。睇見餐牌之中，有個大大的木瓜，吸引我嘅目光，原來係椰汁雪耳桃膠燉木瓜，聽個名都知道係女士恩物。又暖胃，又滋補。好足料，中間勁多雪耳同埋桃膠，而椰汁加熱左，更加香滑，同雪耳桃膠一齊食，時而爽口，時而軟滑，口感同味道都好正，佢哋仲好細心咁樣配上一杯椰汁，俾我哋可以一邊食一邊加落去食，原來中間仲會有少少西米，淋淋地，同其他配料一齊食，好豐富，燉過嘅木瓜，更加軟身，用匙羹刮啲木瓜肉同椰汁一齊食，超香！親民的老闆推介我哋試呢個紫薯小丸子糖水，顏色當然好吸引啦，而質地好細滑，以為紫薯做嘅糖水會超甜，但係食落又OK喎，唔會太甜，裏面有啲軟綿綿嘅小丸子，煙煙韌韌，好好咬原粒紫薯仲有蔴蓉湯圓！好感動！

天氣凍就想食甜品滋潤下。在黃大仙人生路不熟，見到這間甜品店乾乾淨淨，中式西式甜品都有，就入去了。我一心想食熱的。以為只有中式糖水可選。怎知發現了有幾款特式甜品都是熱食。款款賣相都好吸引，樣樣都想試。最後要了椰汁雪耳桃膠燉木瓜，$45。成半個木瓜，份量很多。很濃椰汁味，如果滿滿一匙椰汁拌著木瓜肉吃，會有點蓋過了木瓜的淸甜。木瓜是熱的，清清甜甜很好味，桃膠和檽米沒什麼味道，但拌著木瓜吃卻提升了囗感的層次。最貼心是還有一小杯椰汁桃膠檽米補給品。讓你吃每一啖木瓜都是原汁原味的椰汁雪耳桃膠燉木瓜。另外榴槤控的我當然要吃榴槤腸粉，$35。師傅在廚房弄時我已聞到濃濃的榴槤味。一上菜是我留意到鄰近的食客即刻掩著鼻，真是不好意思。但我是不會錯過這麼好味的榴槤！榴槤肉爆滿。腸粉皮好滑，厚度適中。而上面的榴槤醬更是錦上添花，令裏裏外外都是滿滿的榴槤香，超好味！另外也叫了精選推介的椰汁龍眼珍珠，$35。上菜時有點失望，因為賣相一來不吸引，二來只見滿滿一碗椰汁加幾粒龍眼。真不知道有什麼值得推介。但吃下去就發現它的特別之處了。其實它的餡料全都沉底了，真的是寶物沉歸底。裏面有不同大小的糯米，椰果，龍眼。又爽又煙勒，

黃大仙行街時沿地鐵站出行去多人流的地方時，見到有間甜品店叫大街小館甜品店，一入店就比各款甜品相片吸引目光。各類甜品材料同份量都幾大份，見到店的老闆幾有心思來吸引食客來。叫了椰汁雪耳桃膠燉木瓜，用原隻木瓜分開半隻來燉出來，入面好香椰汁味，雪耳中夾雜西米露，雪耳好爽口，額外有一杯裝出椰汁西米露比客人加食。雜果黑糖天使麵，什果粉皮，是似黑糖凝固切條變成粉條，食落有清香黑糖味。芒果拿破倫配雪榚，拿破倫層層脆片都薄身香口，芒果粒好肥大，芒果肉汁好甜。

天氣開始轉涼啦，但是飯後糖水甜品時間卻不能少呢！見到慈雲山區開了一間新糖水店，就拉隊同朋友們一起試一試啦！鋪頭的招牌十分醒目，很容易就搵到啦！為食的我們，一坐下來就立刻看看有什麼食物可以選擇啦！發覺有不少熱的甜品選擇，真適合秋冬天吃！椰汁雪耳桃膠燉木瓜～差不多原隻木瓜上枱，裝滿滿的椰汁桃膠！味道不會過甜，十分滋潤的感覺，木瓜肉也十分清甜呢！椰汁芋圓西米露～再來一碗熱騰騰的椰汁西米露，加上芋圓及椰果等在內加強口感！西米亦煲得剛剛好，不會太腍！芒果拿破崙配雪糕～雖然天氣轉冷都抵抗唔到雪糕及拿破崙的誘惑！酥皮焗得鬆化，忌廉打得輕身，芒果鮮甜，加埋vanilla 雪糕簡直是完美的選擇！下次必定會再次光顧試下它們熱辣辣的燉甜品呢！

秋冬季節，喉嚨成日乾乾地，最好就係食個糖水潤一潤。朋友喺黄大仙返工，話果邊有間足料滋潤糖水包我地滿意，所以放工約埋好友一齊滋潤下。甜品店位於黄大仙食肆林立嘅銀鳳街，招牌好醒目，好易搵。南北杏海底椰燉雪梨原隻雪梨咁燉，打開入面仲大有乾坤，裏面装住滿滿嘅雪耳同南北杏。未食已經覺得好滋潤。雪梨燉嘅火喉好足，稍稍用力已經可以“不“起一舊雪梨黎食，吃進去又不是糊掉嘅感覺。火喉控制得剛好。最怕糖水一味死甜，呢個糖水完全唔會。佢十分清甜滋潤，完全就係成個梨嘅精華，加埋海底椰，紅棗同杞子，喉嚨嘅乾涸感全消，每個細胞都好似俾佢滋潤左咁。紅棗花膠鮮奶燉蛋朋友話呢個係佢至愛。真材實料，童叟無欺，大大舊花膠，一啲都無吝嗇。食落彈牙軟滑。燉蛋亦滑不留口。呢個糖水嘅甜味主要來自紅棗，甜度剛好，唔會蓋過奶香味。個糖水好滋補，好似一次補番曬啲骨膠原咁，皮膚靚曬。拿破崙有三種水果及多款雪糕嘅味道可供選擇。我地揀左芒果同雲呢拿雪糕。一上台已經俾佢賣相吸引，拿破崙上面鋪滿粒粒芒果，食果陣拿破崙仲帶點和暖，口感酥酥脆脆，而且奶香味十足。芒果屬甜芒，切到大大粒，配埋拿破崙，十分滋味。高水準甜品，係秋冬滋潤好選擇。

想係黃大仙食糖水，選擇唔多。更何況要搵間好味的糖水。點知係銀鳳街最近開左間糖水舖 😍見佢都有好多唔同款既糖水食，好似幾吸引咁喎！！天氣咁凍又乾燥☃❄， 想食啲暖暖既又滋潤既糖水睇到幾款人氣推介糖水都好似好正咁，揀唔到。所以最後同啲朋友決定叫幾樣野一齊開心share😋😋熱辣辣既 紅棗花膠鮮奶燉蛋🍴都幾大碗。起初以為個糖水好似平時既燉蛋咁，無咩汁。點知呢個係半鮮奶半燉蛋！好正。好少見到糖水會有花膠食 😍仲係大大塊既花膠。佢吸左鮮奶既味道，食落更加香又滑。而且食落仲有好濃既紅棗味，同個燉蛋都幾夾喎😍。滋潤養顏之選呀 😎👍椰汁芋圓西米露 （熱）芋圓糖水 係我喜愛既糖水之一。啲芋圓同小丸子食落好煙韌，好有咬口。😁佢都幾多芋圓係度面。幾好味，唔會話好甜！😊呢個見佢好特別，好少見到原舊木瓜既甜品。一於試一試：椰汁雪耳桃膠燉木瓜😎起初唔明點解會有杯椰汁西米露，心諗唔係“椰汁芋圓西米露”呀？？😂😂點知原來係俾我地額外加落個木瓜度！因為直接倒落個木瓜度會瀉，所以另外俾一杯我地 😃真係細心。講番個木瓜，燉到d木瓜肉好林 ，所有索哂d椰汁味。食落好似飲緊木瓜奶個味咁 😍👍好味！芒果拿破倫配雪糕 👍👍呢個因為即

同朋友係附近食完晚飯，梗係直落食埋糖水先散啦😂行行下見到呢間鋪頭個名幾得意，所以就揀左呢間～朱古力心太軟唔錯，同出面既心太軟，配番石榴雪糕好夾，特別番石榴雪糕出面好少有！