大街小館

营业中

休息中

係黃大仙附近食完晚飯 行左陣 可能天氣熱啦 於是就搵左間糖水舖入去坐下。 侍應都好快手比個menu我地睇 同埋介紹左必點糖水 聽佢講叫左個黑糖芋圓仙草凍。朋友就話想食榴槤 叫左個榴槤至尊 聽個名都知道猛料一上黎 兩碗野因為外型太似 所以都諗左陣邊碗係邊個 不過冇所謂啦 反正都大家share 芋圓幾好咬口 幾香 配埋仙草 係透心涼。 不過到榴槤至尊出場 即刻打低左芋圓仙草凍個雪糕好香好濃!最正就係果3舊榴槤肉 完全係精華所在 夠晒熟 但又唔會話太熟 如果太熟會有陣酒味 我個人就唔太好 呢個僅熟程度啱啱好碗榴槤至尊好食到就黎連個碗都食埋

Happy Easter Holiday，食個甜品慶祝一番。去屋企附近甜品鋪-大街小館。9點幾好滿座，好在等左一小陣就可以入座。餐牌好多選擇，店內都有推介甜品。見到滋補燉糖水系列，二話不說就order杏汁雪燕燉蛋配湯丸，店員一捧上枱，大大碗，杏汁味道好香，雪燕分量又多，滿滿燉蛋，仲有四粒大大粒黑芝麻湯圓，$38真係超高值！另外叫左個芒果綿綿冰，芒果味重，仲配有綿花糖及蘆薈👍🏻，口感綿綿。再叫左份糖不甩食，共有8粒，好多花生碎鋪滿面，香口而且甜味剛剛好💯

今日約左朋友係鳳凰村打冷，順路去左一街之隔既大街小館到食甜品，其實呢到不止一次聽朋友提過抵食又好味，不過縱使身住黃大仙，但平時真係好少黎鳳凰村呢頭覓食，始終唔係太就腳。可能我地八點幾算早黎，入面只得一兩檯係到食緊糖水，空間感幾好檯同檯之間唔會話好逼，環境幾清靜同朋友傾計好舒服。我地兩個人叫左三款甜品，其中朋友極力推薦呢到必食既椰皇蛋白燉桃膠我地當然唔會走雞啦，有口皆碑果然不無道理，個椰皇體積不細，而且裝滿到接近漏出黎，裡面材料又好足，面鋪滿晒桃膠，底又有好厚既蛋白及椰肉，真係無諗過會有咁多桃膠，椰香味好濃，四十幾元真係性價比好高的說。第二樣叫左既甜品係雜果水晶芋圓黑糖天使麵，其實都係因為見到賣相色彩繽紛好吸引，諗住剩係叫黎打卡都抵，點知唔止賣相得，大碗得黎有好多唔同既食材，西米露黑糖麵芋圓生果咩都有，夾得黎又有唔同既層次口感，一次過滿足不同既願望，十分消暑透心涼，特別係黑糖天使麵好香黑糖味，不過芋圓就略嫌硬了點唔夠軟綿綿，總括來說超級滿足的說。最後一樣係心太軟，食落沒有甚麼特別，不過不失，同坊間既沒有太大差別，朱古力醬叫做夠熱夠溶，但個雪糕味道質感就一般，但咁既價錢來說算係合格的了。我

女友住黃大仙，送女友回家途中經銀鳳街發現了這間隱於內街中的糖水店，見椰皇甜品系列非常吸引，便放膽入去試一試，果然值得。一翻看菜單就見到"冰鎮椰皇盅配椰皇水"，圖片非常吸引，二話不說就點了一份。再翻看菜單，原來仲有好不同款式的甜品，包括焦糖燉蛋，心太軟，香蕉船，芒果撈河，燉糖水系列，芋圓系列，窩夫配雪糕系列等等，款款都好吸引，其中女友見到榴槤系列的"榴槤至尊"就急不及待點了一個。兩款甜品都超大份又好好味，性價比極高。先說冰鎮椰皇盅配椰皇水，裡面西瓜蜜瓜又爽又多，椰汁味又夠香濃，小丸子口感夠Q，仲有布甸，整個甜品層次豐富，配上一杯椰皇水，好像吃了一餐椰皇宴。榴槤至尊又係一絕，老闆送上來時已經表示佢地所用既榴槤比其他店所用的香甜並落足料，果然一試就知道佢既用料有多好，榴槤肉齒頰留香，榴槤汁與雪糕西米亦好配合，女友不停盛讚，吃得幾乎一滴也不剩給我。難怪我地食甜品途中發現好多街坊不停入來，可見這間甜品店的吸引力。離開後，便與女友約好下次經過，會再來試芒果撈河，芋圓甜品及西瓜盅。

今晚約咗表姐去黃大仙試一間港式新派甜品店🍧 揸車嘅朋友可以留意返附近有咪錶泊車好方便，不過因為附近都有好多餐廳，所以都可能要搵一陣先搵到位😅雖然係話新派甜品，但係都有好多中式糖水揀😁今日我地都不約而同咁揀咗好滋潤嘅糖水😉表姐揀咗椰汁雪耳桃膠燉木瓜，滋陰養顏，功效可媲美貴價的燕窩、花膠，好少係街外既糖水舖見到有得賣😗真係超級足料，d桃膠多到就嚟要瀉出嚟😂 我個人就麻麻地食木瓜，所以就揀咗椰汁燕窩燉鮮奶蛋白😋鮮奶蛋白好滑，配埋椰汁好香😊 燕窩本身冇乜味，但係配埋落個糖水令整個口感更豐富👍🏻👍🏻

其實我真係好鍾意食椰皇整的甜品，今次同跳舞Buddy係黃大仙跳完舞，就去左附近揾糖水舖食下野，點知食落就幾有驚喜！呢到有多款滋潤養顏的糖水，除了有燉蘋果雪梨木瓜外，仲有燉桃膠及超人氣的燉椰皇！身為椰迷的我當然唔執書都叫返一份啦～係多款的椰皇甜品中，我就揀左椰皇湯丸燉蛋白，椰皇的的底有幾多滑嫩的蛋白，加埋大量的西米及黑芝麻湯丸，真係好滿足。最重要最重要的係味道整體唔太甜，只係有椰香加埋天然的甜品，同一般糖水舖食的西米露個D糖甜味係兩回事。蛋白杏仁茶的甜度同樣係剛剛好不太甜。杏仁的香加上蛋白的滑，入口好順滑，鍾意杏仁的大家不能錯過。好耐無食芒果班戟啦，今次有朋友叫黎食，我都試左一口。黃黃的班戟皮唔會太厚而且軟熟，加埋厚滑的忌廉及有厚度的甜芒果，整體配合得幾好。唔知大家會唔會同我一樣，好鍾意食煙韌的糖不甩。呢到的糖不甩一份有8粒，仲要每粒都幾大粒，暖暖地又夠咬口，加埋磨幼的花生粒、芝麻及椰絲，真係好香！==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

同朋友係附近食完晚飯，朋友話要帶我去試間甜品舖繼續吹水😚 咁我梗係唔會托手肘～.榴槤雪山甘露 $49榴槤控必食😍 有榴槤汁西米底、榴槤冰、小丸子、榴槤肉🧡 一嚟到都見到幾大兜 淨係榴槤肉都已經有三球😍 啖啖都係榴槤超幸福🤤 個冰都好濃味 入口即溶😚 佢個西米底用佐好重椰奶整仲有啲小丸子咬下 配搭榴槤黎食都幾match👍🏻 成兜野都勁足料～.綠茶心太軟配雪糕 $45鋪左好多紅豆係面做配搭🙈 心太軟最治癒既方式都係一叉叉落去 睇住佢流晒d漿出黎😍 果然有依個效果🤭 食落去又唔會好流～ 同紅豆仲有一齊食無得輸 .總結，一入到去就覺得好有街坊味道🙈 老闆好好人周圍同啲街坊傾計😚 而佢都有別一般既中式甜品舖 有好多種類可以簡而且d甜品都街坊價而且份量都好足料

有人係黃大仙食完晚飯經過呢間糖水店，見到好多人排隊於是好奇心驅使就去排埋一份🥰呢間店好似最推介椰皇蛋白燉挑膠，所點左一個熱既同埋我最愛既芋圓☺️☺️個椰皇好似比其他一般糖水店要大，個人覺得熱食比凍更好咪！好足料！另外叫左雜果芋圓👍🏻好有咬口做得唔錯！個人認為呢間店性價比高，甜品甜度適中唔會好甜👍🏻😌仲有其他小食好似雞翼尖同咖哩拼盤，下次可以試下唔食晚飯試埋d小食，而且老闆仲好友善親切！下次會再幫襯！

之前係網上見到有雜誌推介，一睇到已流晒口水好想試，就襯住放假突登走來試試佢先我地夜晚8點去到，店內都差唔多座滿，好彩仲有位啫。一睇個餐牌真係嘩一聲，樣樣都好想食精挑細選下叫左呢2樣榴槤拿破崙配榴連雪糕 $50 真係勁勁勁好味超有驚喜榴槤肉勁多酥皮好脆，唔油，中間加左d Cream同埋老闆自家制榴槤汁，榴槤雪糕味道超濃郁，正爆！而且一碟仲有3件咁多，好滿足喔芒果腸粉 $30腸粉皮用椰汁做，做得好細滑，仲有芒果肉係超甜好好味原來老闆係試左d芒果係甜先做賣比客人，好細心真心覺得呢家小店好高質，係位置遠左少少，後來先係OpenRice發現開左分店係佐敦下次想食可以去分店唔洗咁隔涉

呢間糖水店最近好有人氣，講到好似好好味咁😋想食好耐。今日難得經過附近，當然要來食下啦。時間未算好夜，但都有幾多既人同我一樣黎食糖水喇喎🤤好彩餐廳唔會話好細，坐得都舒服。有好多款糖水選擇，花多眼亂。尤其餐廳個幾款糖水推介都好吸引，好滋潤咁！最後揀左幾款同朋友仔開心share：薑汁蕃薯🍠芋圓糖水湯丸呢個配搭好少有，又意想不到既match喎。糖水夠哂薑味，蕃薯🍠索哂個薑味，食落又甜又帶點辣，好醒胃🤤仲有好多粒唔同味既芋圓同湯丸，口感豐富，食落好煙韌。好味👍👍榴櫣椰皇燉蛋白凍🥣 呢個都要推薦呀！滿滿又大舊 味道超濃郁既榴槤肉，真係好正。再配上粒粒西米，同小丸子爽口豐富。椰香味亦好香，蛋白食落好滑，真係完美既配搭呀🥰最後仲叫左個芒果千層蛋糕🍰都唔錯，一層一層好軟綿綿，唔會話好乾好實。每啖都有甜甜既芒果肉，食得好滋味。一件蛋糕都幾大，食完都幾飽。

必食之選 芒果班戟 $30芒果新鮮果肉無渣、不酸係甜的、忌廉香滑、班戟皮薄。SIZE同一相差唔多! 成舊唔會係雪的硬的的既!一半芒果一半忌廉~好味道!南北杏海底椰燉雪梨 $45清甜的雪梨有止咳化痰作用, 呢款糖水具有滋陰潤肺清熱、潤肺止咳同美容養顏既功效。女士門欣物。雪梨燉到好淋, 用湯匙輕輕力就可以分開梨肉。不死甜。食吃生津止渴。雜果雪糕珍珠樂園 $45哈蜜瓜、西瓜新鮮清甜。口感豐富，有黑珍珠小丸子爆珠奇亞籽椰果。加埋芒果醬汁每一啖都好有層次。雪糕球有多種口味選擇。呢次就叫左綠茶同雲尼拿。整體黎講大街小館係個唔錯的選擇, 中式西式都有，價錢亦都大眾化。員工都好NICE。地方乾淨企理。 真心唔不錯!!

正值剛剛病完直踏返工攰到九彩難得撞正聽日有假假放是日放工拉女友食晚餐之餘都黎吃下甜品先😆🙌🏻位於黃大仙銀鳳街既大街小館雖然距離地鐵站比較遠🙇🏻‍♂️但食飽飽由黃大仙站A出口慢慢散步過黎😆亦夠賞心悅目的☺️是晚早食完Dinner八點度黎到可能因為時間尚早所以唔算多人呢度環境整體上乾淨企理之餘😆呢度聞說榴槤產品都幾受歡迎🤤適逢我同女友亦係對榴槤大愛😍除左呢樣之外亦有唔同甜品款式🤩最後眼花撩亂下揀左榴槤椰皇燉蛋白凍😋以及榴槤班戟🤤榴槤椰皇燉蛋白凍呢個賣相一流既榴槤椰皇燉蛋白凍🤩以椰汁、西米、小丸子及榴槤肉既新鮮搭配🤤嫩口香滑既榴槤肉球配合濃香椰汁味道一流之餘🤤加入西米及小丸子增添更多口感😆😋榴槤班戟以班蘭外皮包住Creamy忌廉及榴槤肉🤤嫩口香滑依然既榴槤肉🤤😋雖然忌廉比例偏多🙇🏻‍♂️但總結來說味道質素都不錯的☺️

今日去左黃大仙廟行左個圈之後，想搵啲糖水嚟食，一search就搵到呢間大街小館，行過去五分十分鐘倒，附近都有唔少其他餐廳。可能我地都算早食，餐廳有一兩枱客。老闆都好好招呼，我地睇左下個menu就揀左椰汁雪耳桃膠燉木瓜同雜果水晶芋圓黑糖天使麵嚟食。等左無幾耐，啲野食就到啦。個木瓜另外配左個西米露，溝埋同啲木瓜食好好食。桃膠都好多，滿都就嚟瀉。不過要留意木瓜係季節限定，想試就要盡快把握時間去食！另外果個黑糖天使麵都好足料，寫得出嘅野都有，仲有西米呀紅豆呀等等配料，生果都好新鮮，同埋好抵食！兩樣加埋都唔駛一百蚊。就食完果時見到啲燉椰子整好左，好吸引，下次去開黃大仙要再搵機會試下！

星期六去開黃大仙拜神， 拜完神上網望下附近有咩甜品好食。黎到後見到店員捧著一盤盤椰皇出嚟整， 感覺應該係熱賣必食甜品！ 於是揀咗款 椰皇蛋白燉桃膠 $50蛋白燉桃膠夠曬滋潤～ 首先一黎到已經有好香椰汁味！甜度亦都適中，而且估吾到超足料！匙羹一畢桃膠多到滿瀉， 口感好似蒟蒻， 再挖多幾羹有西米露和蛋白， 蛋白仲好香滑！食到最後 刮埋椰肉出嚟食非常之飽食足咁耐見員工整足咁耐，可見呢個椰皇非常考功夫！而朋友 揀咗朱古力棉花冰$42同芒果班戟$30綿花冰的朱古力味亦都夠香濃，一定要配埋爆爆珠同orea餅乾碎先夾，食完非常之解渴！芒果班戟 皮薄， 裏面嘅忌廉同芒果都幾大份下，食得好滿足！

周日下午探完朋友，去左佢家樓下的糖水店食個下午茶。朋友就來結婚，所以我地都想食D美顏滋潤燉品，見到剛剛出爐的椰皇燉蛋白，成間店都好香，所以我地兩個今次都叫左類似的食物。因為我真係好喜歡食湯丸，所以試下食呢個看似唔係好夾的組合，但估唔到又出奇地夾，湯丸入面好多涵呢~$50椰皇蛋白燉桃膠朋友快做新娘，梗係要補下骨膠原，桃膠最近大熱，佢本新冇味所以夾埋椰汁，就真係O岩曬，唔會咁膩滯。見到燉椰皇蛋白岀爐，保證自家制作，真心覺得好香好吸引，同埋食得好安心，是真是現在師傅即做架~$49椰皇燉蛋白湯丸，椰汁好香，湯丸好大粒，而且有西米。真係好好味，好足料是次專攻養顏燉品，非常好味又足料，而且自己冇可能整到，食甜品食呢D真係好開心~好靚仔既賣相，呢個真係性價比高，而且落足料店員好老實，話因為今日既湯丸細粒，所以俾左四粒我，其實我第一次食，都唔知有幾多粒，感覺佢地好老實同均，小店就係有呢種親切感，另外真正感覺到佢地用心制作，好努力做好自家制的燉品。好欣賞同埋下次一定會再來試其他既西式甜品。