影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
相关文章
呢间嘢难饮到PK，价钱又唔系平，性价比负100分。一直觉得手摇就算唔系好饮，最多只系普通程度，sorry 呢间嘢真系刷新左我同几位朋友嘅认知。嗌6杯有5杯系难饮，另1杯系极之难饮！！同大家介绍下杯牛油果鲜奶(酪梨鲜奶)，入口苦过饮中药，然后个回甘系令人想作呕嘅后劲，完全联想唔到系牛油果味。(商家话系正常，我真系无言而对。)杯士多啤梨绿茶(莓好花漾 正常糖)味道就系一粒士多啤梨加水，感觉就系咬完一啖士啤梨再饮左杯水咁。另外𠮶几杯水果茶都系咁，益力多类型嘅嘢饮就除左冇乜味之余，卖相都系极差，成杯嘢分晒层，自己摇完之后个外貌就系打完边炉嘅汤底咁嘅样。但老实说勉强饮得落口，我朋友都成功饮到半杯先放弃嘅。但商家服务态度系好嘅，表示可以补冲返杯俾我地。所以如果大家想$39买2杯作呕牛油果鲜奶嘅话，又不妨一试。
继续阅读
饮开楼下𠮶几间 见最近大苑子做优惠买左杯试吓嗌咗店员推荐新出嘅益力多芒果翡翠 有建议嗌3分糖 饮落唔死甜 益力多同芒果蓉都好够味有芒果粒 问咗话益力多份量落多过一支 😯三十零蚊呢个质素绝对收货
继续阅读
之前听人讲味质素唔稳定 今日见新装修靓咗听讲重开 又见到多左水果种类益力多芒果翡翠($33) 几好饮 三分糖刚刚好 估唔到仲有啲芒果粒粒 又几足料㖞😹😹😹值得写下评价俾你哋 员工都几热情介绍 有礼貌 夏天会再KEEP住买呢间 下次会想试吓凤梨😍新装修之后好似唔同左 见多左水果种类益力多芒果翡翠几好饮 三分糖刚刚好 估唔到仲有啲芒果粒粒 又几足料㖞😹😹😹夏天会再KEEP住买呢间
继续阅读
唔好饮佢哋嘅奶茶，0奶味0糖，明明系叫黑糖珍珠奶茶，本身因为有黑糖，怕佢太甜所以叫半糖，结果系变成彻底走糖兼淡到死，有冇搞错…珍珠系冇味嘅，唔知关黑糖咩事，真系试过嘅伏中之伏
继续阅读
第一次一啖byebye，廿几年嚟废水之中。完全破坏一日心情，经过饮/试不同店舖，真系未试过咁既手摇饮品付款后，前后30秒不够调配好，无特别少乜少物、叫正常版。但味道似加少少味、溶冰后既果汁水。虽然不想浪费，但真系饮唔落去，掉垃圾桶，真的sorry….200字先有得劣评，无办法！唯有加多几只字，比街坊们警惕一下。试想想要令一个人浪费人生十分钟打字、影相、评价，𠮶个难饮程度，可想而知！除特价𠮶啲款外，其他仲要偏贵。
继续阅读