又一戟

又一戟的椰子味我并没有很钟意食班戟, 但这里实在太人气了, 所以不由自主第一时间便冲向这间。我和细姨都一致同意选店长推介的乳酪班戟。玄米茶我都好想试的, 但都试的话一定饱到可以回家了。然后我们行埋一边倾计, 后来才发现原来已经叫过我们了。店长好好人, 帮我们重新再做, 大方的男人就是最型的啊。班戟即煎即用, 放上乳酪雪糕一大球，然后是木槺燕麦﹑蜜糖浆, 唧上忌廉在边, 然后又再来一球雪糕, 这样重覆叠上去, 做出来好高，好大杯, 如果有四个人一齐食就最好了。佢个雪糕好好食, 好似土耳其雪糕般有点黏力, 是我没有食过的味道, 应该不是用粉剂, 因为它不是软雪糕，而是实净的，味道亦不似是各大品牌雪糕, 加上木槺燕麦和蜜糖浆，好好食。忌廉可不吃, 因为是甜忌廉, 班戟我都可以不吃, 其他各部份都是出色的。店长推介果然得!…查看更多

听闻筲箕湾有一间食Crepe好出名，成日都好多人排队。其实想介绍畀大家蓝田汇景花园有一间小店系食Crepe嘅专门店📍。佢里面咸甜款式都有🍯🥓，选择丰富。我最钟意食系Cream Brulee Crepe😋。老板娘自家制嘅Cream Brulee，crepe包著雪糕同Cream🍦，上面放一嚿Cream Brulee🍮。Cream Brulee嘅质素好食过好多间酒店，有蛋香味、奶香味、甜味适中，真系好正！我个仔就最钟意食曲奇脆脆Crepe🍪。里面包咗两球雪糕🍨，仲有曲奇碎🍪，又好食又平👍。小店仲有雪糕出售🍧，可惜佢哋好早收工😔，有时食完饭想食个甜品，就会挂住佢哋。…查看更多

以前葵芳嘅又一㦸，去亲都极多人，所以我好多时都分散个投脂去咗其他小店帮衬，今日收工必须经蓝田先返到屋企，所以特登上汇景商场帮衬回味一下！法式焦糖炖蛋班㦸，真系好好味！ 睇住老板娘即烧个焦糖，烧得好平均，完全cover晒我个炖蛋！拣咗咖啡味雪糕🍦，老板娘唔止𢳂一球㗎！佢系特登𢳂多少少放下面啲，等客人食到底都仲有雪糕！总之成个班㦸都好好味😋，食到我超级满足，令到我而家已经心思思想食另一个味😂 如果我住蓝田，肯定月巴死我！…查看更多

知道呢间嘢好耐，但系因为一个pancake绝对唔细个，份量分分钟等于一餐饭，要好诚心咁样专登留肚过嚟先至可以食到。买咗主食外卖，专登过嚟买一个香蕉热pancake外卖（$29），话会有少少朱古力酱，点知真系好少，如果要另外加榛子酱就要加多$8。因为外卖到返屋企先至即刻食，其实前后都唔超过半个钟，但系个饼返到屋企已经林晒，酱汁又少，本身唔系特别钟意食香蕉，变咗成个饼好难食，冇乜味，如果屋企有朱古力酱，我恨不得自己加多啲。讲真如果要$37食一个唔算好食嘅榛子酱香蕉pancake，我都不如去食一个正餐好过。千祈唔好外卖，如果当场唔可以即刻食嘅话，真系唔好试。…查看更多

🍮法式焦糖炖蛋雪糕班戟($35)配料包括焦糖炖蛋、雪糕(口味自选)同cream，焦糖系即叫即烧，睇到都流晒口水🤤炖蛋食落吉士味重，焦糖烧得啱啱好，唔会太硬，糖亦都洒得好平均，啱啱好盖晒成个炖蛋，整体味道唔太甜，仲几大个同埋厚身，好好味👍🏻雪糕球就拣左豆腐味，豆腐味都几出，同炖蛋好夹💕因为呢个属于甜食系既班戟，所以班戟皮既口感偏软糯烟韧，亦好有蛋香味。cream同雪糕都比得好慷慨，所以食到底都仲有，班戟亦偏大个，已经系一个甜品既份量嚟，真系好抵食😳等紧个阵见到其他客人买既咸食款都好足料，睇落好似好好食咁，下次试下先👀…查看更多