大興餐廳 (第尾牛扒)

营业中

休息中

行到太子想食扒 點知聖誕洗大左要食平價扒不是金華就是第尾牛扒唔想坐入茶餐氣氛的金華唯有去太子只此一間的第尾入去平日7半好彩唔洗排隊二人卡位 坐得舒服 傾計又唔嘈人一睇餐牌 就決定要 F G餐一個西冷 一個肉眼扒一個白湯 一個羅宋湯不論是紅白湯都正正子 羅宋湯根本無得輸內有牛肉 大量菜 足料白湯 不夠熱 但濃度剛剛好叫了一塊7成西冷朋友唔想食太生 無計啦 配菜是 雜豆 小量薯條 蕃茄可惜這份的蕃茄 超細塊更碎成醬但勝在有塊扒搭救到 中等水平 對得住價錢一看相就知肉眼更勝一籌薯條放邊 無完全被汁淋到有大半都是又熱又脆 蕃茄是完整的一塊5成熟的肉眼扒 口感真係剛剛好牛扒雖然有根位 但唔算會太難咬有外貌有內涵 正的！總結一下...食平扒房有時是要鬥運氣的汁是一早淋好 扒又要睇下廚房的手勢不過以$211的價錢 有湯有包有扒有冷飲 兩份我真是無咩要求了

首先講下環境，排隊等位都唔錯嘅有凳坐下，餐廳夠大，通風系統對比起舊式嘅扒房相對好好多，而且座位闊落啲，唔會郁啲就頂到隔離枱先。扒餐每次食都係king size,大件係幾大件嘅，不過肉質林治治，冇啲口感之餘亦都冇牛味，無論你叫3成定5成熟，出到嚟都會係七成，甚至係全熟。餐湯都係好似平時嗰啲咁冇乜特別，餐包呢就係咁多間扒房最細個嘅，而且我見啲員工係徒手拎啲餐包入微波爐叮嘅，食唔識就自己諗啦。餐飲就永遠都係沖定嘅，所以啲冰融到乜都淡晒嫁喇。上次加咗份薯條，而我重點想講嘅唔係薯條，而係佢放喺張枱嗰支唔知放左幾耐既茄汁，支野臭嘅仲岀曬水。所以佢真係冇改錯名㗎

每年這段時間都會在附近幫公司工作。 必然會來到這裏醫肚。 九成九都只會點焗豬扒飯， 飯來是以幫你大兜亂。 豬扒大約有兩塊很夠食。 蛋飯亦出色 茄汁不會太多太酸。 我覺得這餐廳的羅宋湯特別好飲！今次旅遊是埋他的鐵板餐， 叫了肉眼扒， 沒有太多肥大部分肉都可以食落肚， 十分超值。

當日打算到太子一間出名食平民扒房一試威力，點知6點前等位都要等50個號碼，即使好多人拎完籌都走，但門口仍然迫爆人。早兩天打電話去訂位，但總店原來不提供這服務。因為母親有點不耐煩，於是我地即刻走去第尾牛扒，希望今晚都有得鋸扒啦!去到門口，可能時間還早，只是等了5分鐘左右，3個人坐一張大枱。雖然唔係卡位，但坐得非常闊落。我們叫了「鐵板肉眼扒」8成熟($96)、「鐵板什扒」($96)、「鐵板T骨扒」7成熟($128)。因為怕好細塊，而且又冇飯或意粉，所以就叫了T骨，食餐飽我們叫了羅宋湯，酸酸尾尾，又有幾舊牛肉，好味。牛尾湯卻比較甜，杰杰地，用來點餐包吃都合適。我地還是愛羅宋湯首先，媽媽的肉眼扒先到，黑椒汁已經一早淋上，不會怕會彈到成身都係。食落肉質軟淋，係全晚最好吃的一件。之後，爸爸的什扒都到了，男人嘛，要食大份量一點。什扒就冇得要求要幾成熟，所以相比有D嚡口，因為係全熟的。雞扒都滑，仲有豬扒火腿腸仔，最後爸爸都吃唔晒，剩下少少薯條、雜豆、DD肉。我的T骨扒都送上啦!超級大塊，大過我塊面。切開入面都紅紅地，怕生的可能會不敢吃，但不會有血水，7成熟我食落就覺得好易咬。部分有少許筋，但不算多，可

早幾日去咗金翠食扒，味道都還可以可惜坐嘅位置太細小，今晚又想食扒就唸住去第尾，因為新年期間行過見到都幾有印象，但當日冇開門所以冇食到。入座，點嘢食初頭都冇話覺得服務態度太差，只係一般食肆一樣，無表情，客人多且服務行業不斷長時間站立並且要行行企企遞和收餐具各樣，所以自己都理解。但係到咗埋單時候，total二百二十蚊，找返足足三十蚊都係大餅。一個五蚊，其他全部係一蚊兩蚊。唔係唔想俾小費，但係咁樣來找錢真係唔想俾咯！於是將大餅全部袋坊。結果！！！服務員戈一刻馬上蓋起結帳單的黑色小本子，摔過去了另外一張台，順手係我檯面撥曬d食物落鐵板，過程中好大力，刀跌咗落地下正正係我只腳鞋頭位置，真係好嬲！咁嘅服務態度實在係令人氣憤！同行有一個朋友，不想把氣氛搞到那麼不愉快於是就自己啞忍了。落到樓下，朋友問我只腳膝頭位對落點解好似流血咁而且好污糟，係咪撞到，（當時著咗半截裙）我摸咗下，然後用紙巾擦掉，發現係頭先個牛排嘅汁！原來支刀係有hi到自己只腳，可能當時太嬲戈個服務人員嘅態度注意力都在佢身上，無為意到有hi到自己，幸好沒有刮到流血或者其他，應該係刀柄位因為佢執拾時候將刀叉放落鐵板盤上所以刀柄位沾有醬汁而

今日約左兩位唔食carbohydrates 朋友仔lunch,只可食肉菜或魚，最後去左間食扒既。我同朋友都點左兩個鐵板牛餐，另外個朋友就食西冷牛走意粉，叫左忌廉湯，好一般，有結tat tat情況，又馬馬地熱，所以我覺得唔得。跟住個鐵板餐，好好味，夠薄夠林，知薯條就濃晒又淋，認真馬馬。不過價錢$65又唔使加一，算係禁，所以偶然想食肉lunch係ok gei , 又唔使加一。唔好太大期望，ok,服務一般啦，又唔係好差。

中學同學相約聚舊，天氣開始有點涼意，她提議火煱或吃扒餐。我自然選擇位置便利的一間。不過，試過後，就真後悔不選其他。一到達時，看到不少人排隊等候；心想應該不錯吧！大家談談笑笑，大概15分鐘就入座了。看看餐牌，價錢的確便宜，我點了I 的牛柳餐。本來聽同學說羅宋湯很不錯，可是希望越大、失望越大。對於喜歡紅湯的我，味道只可説是一般吧。待上扒餐的時候，吃了幾口，已完全明白為何客似雲來。因為價錢便宜、位置便利、坐位亦多，這就是它優勝的地方。如果不介意食物質素的話，也可以去試試。

今天和兩位朋友一同晚餐，這間餐廳我和朋友都是第一次去的。我朋友點了7成熟牛扒，但出來是5成熟。我是叫5成熟牛扒，但食到近骨位是完全生的，我通知職員建議他們下次小心點，牛扒太生食客可能會肚疴，點知職員同我講「你唔早講」，之後就收了份餐，隔一陣把剛剛生的骨位煎到有點燶後放回我枱。隔離枱的食客都話離晒譜，咁服務態度都有，佢都係反映意見。總結呢間餐廳除了是價錢大眾化外，食物和服務都勁差，要食扒的話請不要選擇這間。

係太子開到一街都係餐廳小店但老公就係鐘意去舊式扒房食扒，唔知係咪我地試過食過好伏既泡飯，差d食唔落咁濟，，令佢怕怕😂😂第尾牛扒已經食左唔知幾多次，第一次寫食評，，我地都鐘意佢入面既環境舒服，卡位每次都乾乾淨淨，而且侍應全部都好有禮貌同好快手，又唔會有個種催你交枱既感覺，，雖然都係年紀有返咁上下既呀哥呀姐，但服務絕對係好好，食得好放鬆，個個都食下傾下，氣氛好好，呢個真係好值得讚讚！🤗🤗講返野食，係大份又好味，七成熟既牛柳又淋又正，就算雞扒都做得幾好，想餸碗白飯，，餐包扒薯條雜豆蕃茄，加上暗暗地的燈光，一個愉快晚餐就係咁💃🏻🕺🏻

食肉獸再出動！朋友推薦太子呢間舊式牛扒餐廳連個名都好特別 發音係：「第」尾餐廳一行8人，晚餐時間都唔需要等位餐廳好多大檯環境昏暗 有老式的懷舊感覺餐包軟軟的 而且有熱過！配上牛油做餐前麵包 不錯羅宋湯配料豐富 味道濃郁份量還好剛剛好濕潤喉嚨 唔會飲到太飽鐵板西冷牛扒 黑椒汁 $96（未加一）朋友說西冷和肉眼的分別是西冷比較軟肉眼比較多筋7成熟 上檯一陣基本上已經係9成但本人實在不喜歡血淋淋的牛扒牛扒有d細 底下有薯條 番茄 粟米牛扒果然好軟林 肉味都ok 陪埋黑椒汁 perfect最後餐飲點了凍檸茶 不過不失好中意呢d舊式餐廳侍應都係叔叔姨姨，會比較有禮貌

今晚行經太子 好想食西餐据据扒 但又荷包緊 想食平少少又不失水準 所以encore 好耐無食既第娓餐廳呢度出名大件夾抵食 据扒喎 無返百幾二百都落唔倒樓啦 但呢度就平民化得多 平靚正 我叫左肉眼扒餐 有野飲 有餐包 又有餐湯 好鬼飽 個肉質算嫩 因爲5成熟 正😋👍🏻 我男朋友就叫西冷扒餐 肉質腍d 都係5成熟 唔會太乾同太「鞋」 配埋紅湯 岩岩好😎👍🏻

自從佢搬咗舖之後就第一次嚟幫襯，但咁耐冇嚟價錢唔算加得十分多，還可接受，坦白講嚟哩度唔係食質素，係嚟食以前嘅回憶同感覺，如果大家諗住嚟食質素就算吧。我們叫了鐵板紐西蘭西冷餐和鐵板神戶牛柳餐。餐湯揀了紅湯，依然同以前嘅速度和味道，速度一樣係極速超快，剛剛落了單轉頭三秒後即上湯，紅湯味香濃但可惜飲完之後好口渴，因為有味精都幾重，以前冇乜味精，有少少失望。再嚟神戶牛柳，其實同紐西蘭西冷一樣，都係軟淋淋因為用鬆肉粉乸過，所以冇咩味道，其實係食黑椒汁味道，雖然食物質素唔算好，但服務質素真係好過以前，抵讚 ^ ^ 😀👍👍其實唔使嚟得密，一年一次嚟就ok, 但下次都係食番鐵板雜扒餐算喇，因為以前都食開 ^ ^ 😋😃👌👍

說體驗重點：鐵板黑椒牛排lunch set，服務生不會問牛排幾分熟，直接下單，9分熟，口感同港式中式牛柳很像，黑椒醬汁是直接澆好的， 沒有餐包附送，沒有加一服務費另一個下午茶，芝士焗蕃茄肉醬義麵，表面的芝士糊了，可能用火槍噴過，蕃茄肉醬味道OK，意麵煮的偏軟一點，有加一服務費

一直都好鐘意舊式扒房既情懷，覺得好有人情味，所以都滿心期待。但依間真係差唔會再去首先，我地點完餐之後，諗住叫埋餐飲，個字都未講出口就走左，咁算啦，可能佢地慣性食完先點掛。第二，前菜（餐包+湯）黎到，係凍架！一啲都唔熱😡😡都唔知擺左幾耐先比我地。第三，我叫左什扒，而男朋友叫左西冷。野食好快到左。汁一早淋哂上去，冇舊式果種情懷，即係自己淋果款，都開始失望。西冷：唔熱既，只係暖。而且汁都凝固哂。什扒：都係暖既，一啲都唔熱！而且超多筋，又細舊，根本入唔到口！😡😡😡😡差差差差差！！！！第四，到最後埋單，亦係最差既服務！！😡😡找錢差不多有20蚊係散銀，預想我地比小費，都唔需要咁多散銀呀？何況咁差，我就冇諗住比，所以我攞起啲散銀，因為太多既關係，需要時間去攞，但佢見我冇意慾比小費，就廢事等我，將全部散銀倒哂出黎都算😡仲要整跌左啲散銀落地，都唔會幫手執返，咩服務態度？？？😡😡😡太差啦，唔會再去。

記得以前90年代香港經濟開始起飛既時代如果屋企有人生日、有人考試滿分、有咩好事都會去鋸扒慶祝滿心期待鐵板發出渣渣聲響個種黑椒汁香氣蔓延曬成個空間是獨特的享受一到假日第尾總系排曬人龍兩人晚餐埋單二百幾蚊什扒餐有牛扒有雞扒有豬扒煙肉腸仔薯條仲有餐包同餐湯羅宋湯帶小小辣調味好正