大盛日本料理

营业中

休息中

Was in the area to take care of some business had to have a quick lunch. Went inside and was pleasantly surprised that it was huge inside. Did not need to wait during lunch hour! Sat down and ordered the curry with fried pork katsu. Drinks was included with the 58$ price tag. Then the food came out within 5 minutes piping hot. The Taste was decent enough just regular old curry with fried katsu pork. One thing that I noticed was the the breading is thick, but it was well season so it kinda covers

收工去食ShabuShabu🤗豚骨湯花膠火鍋配美國殻飼肥牛🐂個湯底好補身 唔係味精湯底d牛肥左小小 d配菜有芋線、豆腐、菜、菇類再加埋Udon 仲有麻醬比你個鍋都算大 我一個食得哂 兩個人食可能唔夠 不過可以追加其他火鍋配料🤗仲叫左炸雞軟骨 d蒜味好正牙😋個人最中意雞軟骨仲叫左三款Sushi🍣腐皮 榮螺 帶子Sushi都好新鮮呢度款式好多 唔想食ShabuShabu都仲有好多選擇 一定有一款啱鐘意食日本野既你😎

有一日，同fd系觀塘行行，行行下想搵下野食。用左eatigo apps book左位，折扣50%。入去時比個apps訂位號碼佢睇，之後安排座位。落單後好快送到，除三文魚唔太新鮮外，其他刺身味道尚可，果個海鮮鍋根本唔知佢想點。菜有爛既味道，真係食一次就足夠，仲要員工態度一般，由入去到走完全冇笑容，黑住面歡迎，黑住面睇住你走。我地兩個人點得4樣野，聽到佢地個員工話我地系搵間野hea時間，本身系eatigo比左評價，冇顯示出黎，特登黎尼度再po多次

咁岩同友人撞正同日放假😂所以我地約埋去夾下公仔🤣🤣🤣夾到咁上下，肚餓去搵野食😋😋點知行前2步就見到間日本野😍😍即刻沖左入去食晚餐🐻🐻我地睇左好耐😂最後揀左個二人餐整體黎講又有刺身，又有熟食，又有天婦羅，又有野飲😍真心唔錯食物水準未必話好高，但唔係差😏環境係舒服既👍👍👍但可能我地早黎，唔使等位過左一陣就爆哂位，需要排隊😜都睇到以晚市黎講，係相對抵最後，我都應該會再次光顧，哈哈👍👍😉😉😉

試過lunch 食大盛嘅鍋物，覺得抵食又好味，加上店舖好大，唔使怕冇位，今次就試下晚市。磯燒鮑魚一隻份量唔大，但幾入味又好彈牙，唔錯唔錯。法國生蠔，兩隻都幾大隻，creamy但海水味唔係好重。三文魚刺生，厚切但三文魚味唔係好濃郁。辣酒煮大蜆，味道唔錯但湯底偏鹹，叫辣泡菜煮大蜆比較適合。壽喜燒牛肉鍋，壽喜燒汁偏甜配上沾上蛋汁嘅牛肉，幾好食😋 兩客壽司份量都唔細，但唔算好鮮甜。炸軟殼蟹應該係即炸，外脆內軟👍🏻總括而言，餐廳並非提供精緻日本菜，但睇埋價錢，係水準偏上，嗌菜唔使就住就住，食得幾開心。

今天來了觀塘 APM睇戲，睇完戲行來大盛吃日本料理行過來只需3分鐘！我們叫了二人餐，$298抵食又豐富，首先來了二人刺身拼盤，有三文魚、希靈魚、白魚、甜蝦各2，刺身厚切肥美好新鮮，特別喜歡吃白魚接着來了醬燒三文魚腩壽司，囗感似入口即溶，醬燒味道濃郁之後來了雜錦天婦羅，味道都不過不失，再來了花膠豚肉鍋，有多塊豚肉和花膠，娃娃菜、金菇，吃完炸物再吃鍋物暖下肚剛剛好！我們這時已飽了9成還有日式鰻魚炒飯，有好多鰻魚粒，D飯囗感好煙韌，而兩杯特飲就甜咗少少，最後甜品是牛奶雪糕，勁香牛奶味

泡菜鍋定食(牛肉) $58加左$6升級烏冬 一大鍋感食好有霸氣 湯底夠辣但就吾多覺有泡菜 肥牛份量都多 牛肉壽喜燒定食 $60都加左$6升級拉麵 湯底偏甜 肥牛份量都幾多 另外叫左2款醋鯖魚同油甘魚壽司 醋鯖魚食得過 夠酸🤣

收工經過，眼眉見到招牌 寫住 花膠鍋就被吸引左入去。 叫左個豚骨湯花膠火鍋配美國肥牛鍋價錢十抵食，很足料，我們更追加了多款食物。廣島蠔，甘美鮮甜很新鮮，一加入湯裏，湯就瞬問鮮甜很多，提升全個湯的層次。十分建議追加，再配合響玲一浸落湯立即吸哂湯入面蠔同花膠既精華。我們更點了軟殼蟹手卷，雖然只有半隻蟹比較少，但飯的份量比較多，其他的配料蟹籽青瓜絲搭夠之下，還不失為一個好既選擇今次同男朋友去未能食到太多，見隔離枱食刺身饅魚都好吸引，下次會再試更多

今日一訓醒就有個大任務去觀塘做，就係去打針，打針咁痛苦當然要好好食返個lunch啦，之前食過呢間，今次就再去食啦，中午1點去到，只開餐廳1/3位置group埋啲食客一齊坐，唔明點解唔開多少少，周圍好多人都咳食得好辛苦。。叫左兩個鍋物，等左最少20分鐘，實在太慢了，如果平日lunch只得一個鐘時間，又坐滿餐廳，咁應該等半個鐘係需要呀，等了又等，兩個鍋物終於上枱啦壽喜燒牛肉鍋：湯底甜甜地幾好味，上枱時牛肉仲有少少紅，要快手浸住佢呀，如果唔食生蛋都可以浸埋隻蛋變半生熟泡菜豚肉鍋：呢個就辣辣地，豬肉份量多過以前，以前得3，4塊少得可憐呀兩個鍋味道正常呀，夠飽咁離開呀

最近想搵日本嘢食，觀塘行吓行吓比我遇到一間轉角大盛餐廳因為系大廈內餐廳，所以都要轉左秘道先搵到入口本人見到日本餐廳，胃口特別大，雖然一人前，都叫左兩個餐😂先來咖哩豬扒飯，咖哩味道很好，唔同一般現成咖哩，入口微甜，配上日文珍珠米，好快就將成個飯K.O 左另外叫多左個壽司🍣餐都抵食 $68 包8 件壽司，為返$8 件都好合理 ，味道唔差尚算新解水，一分錢一分貨啦，重有碗日式烏冬，加埋剛剛夠飽。服務還好，不過值得一讚係上菜速度快，配合返附近打工一族，短短既午飯時間P.S 銀行職員留意返出示員工證有折扣🤣

都有3年無黎過食，因為公司搬左去灣仔所以好耐無黎食，以前係觀塘返工基本一星期黎兩三次食 lunch因為又平又大，重可以有單回贈9折所以一定會去，今次同個同事過黎見客所以可以黎食lunch,見到佢地以前係到做D人換晒，因為有好多都未見過，真心覺得唔知係唔係換左人覺得佢地比以前有禮左好多唔同晒，()，唔知見佢今次改左午餐版，多左，豐富左好多價錢正常合理，我今次食番我以前最長葱三文魚碎飯唔知係唔係太耐無食我覺得佢份量好始多左咁，我同事就食左個义燒拉麵份量十足，佢話好好味，我地跟餐加12蚊有兩隻吉列炸蠔，整體嚟計都好味，我同事話下次會再黎食

觀塘揾食好多，想食日式野，大盛既其中一個選擇，留意返要揾到門口入有一定難度，因為佢本身個正門封左，要係傍邊通道轉入去。呢到地方夠曬大，唔洗點等位，裝修都幾有日式feel。咁就同同事選左佢既set menu 壽司定食價錢$68，任簡八樣sushi,都算滿足心大心細既人，而且可以重覆選擇，即刻你要八件三文魚也ok阿，除此之外再有烏冬同沙律。但我不得不說嗰烏冬真心唔掂，掂而無味，食一啖已經想放棄。壽司就正正常常，食完我係唔夠飽加左個雞軟骨竟然係最好食。

平時喺觀塘食嘢 特別係諗唔到食咩嘅時間就會食大盛。相比起放題二百幾蚊一個人任飲任食，更鍾意單點嘅日本料理，感覺單點嘅日本料理質素更加好。自己來講好鍾意食佢哋嘅壽司，三文魚壽司大大件，鰻魚壽司更加有成隻手咁長，而且味道好新鮮。同時間都好鍾意食佢哋嘅天婦羅，材料新鮮熱辣辣！另外佢哋嘅壽喜燒都好出色，湯底飲完都唔口乾，就知道真係真材實料。鍾意嘅話仲可以點一個壽喜燒嘅邊爐，可以單點配料，配上個湯底，都真係好好食

之前因為去過新浦岗食過覺得幾抵食同幾好味所以去試下觀塘店，6：30左右去到唔洗等位，入到去地好大位好多，可能新浦岗地方細所以要等位，我地4個人座低急不及待 order野食，我地叫左三文魚寿司超長同鰻魚寿司一樣咁長，好味重有其他寿司，在叫左個二人餐超高cp有刺身頭盤，4件寿司，天婦羅，牛肉煱，炒飯，重兩杯野飲餐牌任選 兩款，食完重有兩個雪糕(二人餐價錢都係288，如果兩個人食一定ok，整體都ok，下次在黎

首先想講下食物質素三文魚壽司：完全冇魚味，冇諗過伏得咁緊要帆立貝壽司：唔新鮮鰻魚壽司：賣相唔錯，但好唔好彩比我食到有曱甴！茶杯要客人開聲先比，茶係完全唔熱。每杯茶佢會放茶包，但好淡，水又唔滾，用茶包都可以完全冇茶味！用料可唔可以有誠意少少？Overall 服務態度真係好差，冇一個店員有笑容。Trainee 態度唔好，可以原諒，但有幾個staff見佢都做左好多年，態度都係咁差，真係唔怪得冇人幫襯。其實呢間餐廳我由2006年都開始幫襯，以前係好多人食，食物質素亦好好，諗唔到今時今日變到咁差，其他劣評真係冇呃人架！打呢篇食評係唔想大家浪費金錢去食！真係好伏！