大盛日本料理

营业中

休息中

試過lunch 食大盛嘅鍋物，覺得抵食又好味，加上店舖好大，唔使怕冇位，今次就試下晚市。磯燒鮑魚一隻份量唔大，但幾入味又好彈牙，唔錯唔錯。法國生蠔，兩隻都幾大隻，creamy但海水味唔係好重。三文魚刺生，厚切但三文魚味唔係好濃郁。辣酒煮大蜆，味道唔錯但湯底偏鹹，叫辣泡菜煮大蜆比較適合。壽喜燒牛肉鍋，壽喜燒汁偏甜配上沾上蛋汁嘅牛肉，幾好食😋 兩客壽司份量都唔細，但唔算好鮮甜。炸軟殼蟹應該係即炸，外脆內軟👍🏻總括而言，餐廳並非提供精緻日本菜，但睇埋價錢，係水準偏上，嗌菜唔使就住就住，食得幾開心。