大盛日本料理

营业中

休息中

今日中午，想吃日本菜，觀塘d餐廳吃飯越來越貴，近月尾想吃60-70蚊一個的日本菜，不容易。好彩！有大盛日本料理😊可以滿足日本菜慾望😁本人叫了一個自選壽司🍣配迷你鳥冬定食。夀司有10多款選擇，配上迷你鳥冬，送埋田園沙律，要麵鼓湯就沒有飲品。份量啱曬女士，又可以試到不同壽司，正👍🏻👍🏻同事叫了🐟生飯，不用多講，睇相都見到好豐富😍😍，跟埋麵鼓🥣另一同事就叫了高湯牛肉鍋，忘記影相😅扺食👌🏻👌🏻😁😁😁

今日同同事專門過黎食，之前一直都係食另一間分店，尼間環境好好多，地方又大，坐得舒服，店員的態度都比另一間好。我地今日點左5個餐，個個都唔一樣，好好味，佢地個午餐好多選擇，可以自選六件壽司再有加州卷，另外再配烏東，好滿足呀！我地叫左一個牛肉飯，勁多牛肉，勁多汁，不過不失。重有我最鐘意架鰻魚丼，勁正，好新鮮。由於大想食壽司，我地另外叫左三文魚壽司同鰻魚壽司，超驚喜，個三文魚同鰻魚都係勁大件，足足有一把間尺咁長，好扺食，個個食到捧住個肚走。

今日嘅晚餐去咗觀塘覓食，都係揀返我最愛嘅日式料理！上OpenRice睇嘅時候，搵到呢一間大盛日本料理，於是乎我哋就去咗啦！門口比較隱蔽，但入到去見到個裝修非常之靚，好似去咗日本咁，但可能比較近工業區，全晚嘅客人都比較稀疏，應該冇一半嘅入座率，我哋叫咗鯛魚薄片刺身，因為之前喺日本食過覺得好正，於是就叫黎試吓，但係事與願違，魚切得比較厚，肉質亦有少少梅，但當然唔可以同喺日本食嘅比較，所以都算係過得去！另外我哋叫咗鐵板牛舌，呢個鐵板牛舌嘅做法比較中式，如果你鍾意食中式嘅牛舌你就會好滿意啦。至於吉列拼盤就略嫌佢炸粉厚，但價錢比市面嘅平，如果鍾意食炸嘢嘅都可以一試！壽司方面我哋叫咗炸軟殼蟹卷，火炙鵝肝帶子壽司，火炙三文魚壽司，三文魚壽司同榮螺壽司，壽司其實就比較一半，唯一比較可取嘅係鵝肝帶子壽司，鵝肝味濃厚，帶子尚算新鮮，三文魚壽司就比較一般啦肉質比較梅，而且仲有一件係成件都係筋，食唔到！最後我哋叫咗個冷烏冬！

觀塘其實好多食肆可以揀🤣但係呢間我地成班同事一個月內已經食左3次🤣無他嘅，因為真係好正‼️價錢中等啦，質素對得住價錢🤤佢有好多唔同嘅套餐，丼飯、拉麵、沾麵、壽喜燒等等⋯⋯不過我最鍾意都係自選壽司定食🤤因為夠哂飽，又抵食🤣任選壽司五件+是日卷物三件+沙律+手打湯烏冬+湯/飲品都只係$66咋‼️圖中壽司🍣: (由左至右)#帶子/ #鯛魚/ #間八/ #白鳥貝/ #北寄貝🤤帶子鮮甜，呢個size嚟計都算厚肉鯛魚上面有少少蔥吊味👍🏻啲魚肉甜味出左嚟間八油脂都算多，魚油好甘香😍濃味而不膩白鳥貝爽口👍🏻味道偏淡北寄貝正正常常，爽口鮮甜🤤擺盤嘅次序有改善空間，濃味嘅壽司擺左係中間，無論由左定右開始食起都唔可以由淡食到濃🤔要自己執執位先得#沙律 啲菜幾新鮮👍🏻不過少醬會好啲 #手打湯烏冬 都幾煙韌😆但係我諗個湯底應該係豬骨湯，我唔太鍾意個味道 😅 #凍檸茶 個茶底好正‼️有茶香又順喉，去親都叫🤤其他午餐都抵食👍🏻溫馨提示：午市張單可以留返下次用，下次去食有得扣減返相當於舊單上10%嘅金額架‼️

放工係觀塘工廈附近 搵野食醒起呢間野本身想食刺身 三文魚飯 炒飯點知見到有刺身飯 即刻比佢吸引左價錢$168 鋪滿哂海膽 好吸引食落有少少腥味唔算太鮮甜 但不過不失熱茶refill得快

星期六中午和屋企人去食，見無咩人唔駛等位，店內一眼望晒但估唔到坐到二百人，環境不錯店內裝潢充滿日式風情，餐牌有好多選擇，而且價錢大眾化好吸引。我們點了一飯一麵包湯飲品加埋兩款小食都只係$140埋單，感覺上好抵。鰻魚飯定食 ($62)鰻魚肉比較薄身不夠肥美，鰻魚汁落得不多需叫侍應再添加，飯不是日本米，食完沒有滿足感。豬軟骨拉麵 ($60)豬軟骨軟身入味，湯和麵一起進食無咩味，因豬骨湯湯味不夠香濃，令碗麵失色了不少。吉列炸蝦 ($9)炸蝦細細隻，炸得不錯。吉列芝士蝦球 ($9)蝦球細粒，咬落無咩肉，一啖一口唔覺食左。檸檬水單片檸檬用碎冰，味道一般。麵豉湯湯內無配料，湯比較濃啱我好味。

最近天氣咁熱，所以都鍾意食反d凍野，前幾日同朋友去apm行街，行到攰諗住搵間餐廳坐低食下野，點知去到邊都勁多人，跟住諗返起以前喺觀塘返工食開呢間日本野就過嚟懷緬一下。自選五件壽司再加是日手卷，tl有8件，仲有個細沙律，同烏冬。首先食個沙律，配左芝麻醬嘅沙律係無敵嘅！呢個天氣食好開胃✌🏻壽司都好足料，吾錯！不過個烏冬湯底就麻麻地，冇乜味，最後我加咗落朋友個壽喜燒湯底就好味好多啦！相信好多人都好鐘意食壽喜燒湯底，不過就吾系間間都做到甘濃甘甜，呢間既湯底就正啦！超級濃，d菜同烏冬吸晒啲汁，真係食到停唔到！

斷斷續續響觀塘返左7年工，要數最喜愛食lunch嘅地方，一定係大盛價錢平野食好味，而且好多位每次我都係嗌泡菜豬肉鍋，少少辣嘅泡菜湯配薄薄豬肉片，有埋娃娃菜同金菇，都只係5x...超值喔

星期日教會後相約幾個家庭一齊食飯，有小朋友的都知道，要搵餐廳容許兩個小朋友食飯都唔易，更何況係幾個 Family，幾架BB 車呢？大盛係少數的 Family Friendly 餐廳，地方夠大，同埋可以坐耐啲傾吓計 (平日我就唔知了)。上幾次的壽喜燒都ok，今次唔知係咪好多人叫，個湯淡味左啲。老婆叫的鯛魚都好食的，佢做法好似燒鰻魚，用同樣的汁，但呢隻魚會林身少少，但都是唔錯的選擇。我經常都係講個性價比，呢度假日 Lunch around $5X 有 drinks，算係好抵食呢！

每次到大盛必點的，免治雞肉棒，燒雞翼，赤蝦卷，全部即叫即做，遇上激安的日子，簡直可以唔睇價錢，瘋狂地點，簡直平靚正，另外仲有鍋物都好抵食，對比過同尖沙咀簡直只是三分一價錢

中午想食日本野, 就同同事去左呢間.點左個角切魚生飯. 黎都竟然有好多3文魚子, 非常好, 因為我好鐘意食.D魚生有D燒左個面, 有D外脆內軟, 感覺幾特別.$70埋單, 連飲品, 整體正常OK.

觀塘工廠區這些年來開了不少的樓上舖，然而一家位於觀塘道地下的日本餐店則早在所有樓上舖已前經已存在，而且屹立至今依然不改。作為老觀塘，小的對之耳熟能詳，以前餓和風，又不想走遠，「大盛」便成為了小的不時光顧的餐廳。這天到訪觀塘，老伴居然興起主動提出享用和風美食，於是咱們特意離開apm商場，回到了這家工廠區的老店。曾幾何時，「大盛」的門面為玻璃，人群可透過窗戶瞧見餐廳裡頭的情景。這樣的佈置實有廣告宣傳的效用，這條䌓忙的觀塘道一向人如潮湧，而且更是巴士往返的大道。人們上班下班，看著見著，總會留下印象，或一試或重臨，對舖頭生意自然有幫助。然而，不知何解，餐廳後來把向街的窗戶都封閉了，而且門口陰陰沉沉地變成了困獸鬥，只有識途老馬始會專誠到訪，餐廳之人流亦隨之而減低了。在週末未夠六時抵達，餐廳空空如也，不怎麼見人。叫得「大盛」，餐廳最出名的當然是其大件抵食的出品。價性比高。瀏覽餐牌，刺身、壽司、燒物、火煱、熟食、拉麵與飯丼⋯⋯美食林林總總，數之不盡。然而來到「大盛」又怎能不回味一下這兒超長片魚生的特色壽司？三文魚壽司與鰻魚壽司均屬驚典的長條。剩是賣相已值回票價。可是那一雙帆立貝壽司卻沒有像期待般為特

呢個二人套餐有勁野食，就算大食，或者好肚餓既人都未必食得哂！有1)刺身 2)秋刀魚/天婦羅 3)三文魚頭鍋/叉燒鍋 4)黑松露帶子炒飯/大蝦芝士撈烏冬 5)三文魚腩壽司/三文魚腩加州卷 6)飲品兩款 份量十足，價錢都只係二百零蚊，性價比極高！仲可以慢慢傾計慢慢食，唔洗急最緊要...enjoy lol 😂—

3月7日    果日係第1次同同事黎食!   雖然見到好多負評呀!! 但唔少同事試過都話好食 貨真價實 平靚正~~~~哈哈! 點解笑?  因為為左唔想1個人中伏 (有d擔心嘛)  咁就拉埋好熟嘅同事朋友仔同我一齊試啦 >v< !  大盛以地舖黎講 地方真係算好大   如果冇睇op  單睇的話 應該有100個位以上吧，但 都係坐滿人呀!!好勁呀!! 門口仲有唔少人排隊! 睇黎好多人都食開呢間呀!!  而且見到有唔少老人家添!  言歸正傳!!!  我同朋友都係想試d 正正常常 唔會好伏的野食!~ 所以就揀左兩個烏冬 首先 試一啖傷先~  味道濃郁! 不過亦唔覺太喊  有丁丁甜~  好味呢! 然後 再試肥牛先*o*  唔會韌!   好味!  再黎 蛋! 正正常常  好多汁*o*  再試埋朋友的叉燒~    叉燒正正常常啦~  唔係好好好好食  但都好食嘅  整體黎講 我覺得起碼值4粒星呀!!   所以 好快 隔左1星期又拉埋其他同事去食了之後又開始想試下d 日本野(話晒都日本料理餐廳) 咁緊係要試下d刺身  海膽啦!  最令我回想起 最好味的           係一個男同事

筆者在觀塘區返工，突然想食日本野，所以同同事黎呢間餐廳試下啦！裡面地方都好大，亦都有好多人排隊，有d 期待。結果...鰻魚飯定食 $62 配飲品/味增湯碗飯裡面既食物好分明，鰻魚-沙律菜-粟米-白飯。味道就十分普通，食材十分之現成🙈 但飯既份量好多但偏硬，當然唔係日本米啦！只可以話食完好飽肚！而個味增湯好咸呢～～😝唔知係味大集團期下既餐廳呢😆 因為好公式，目的係填飽客人既肚。唔...我都係鐘意去小店食，會食到廚師既用心！但幾十蚊食到日本野，我都係唔好咁高要求喇！