大爺燒鵝 (電氣道)

营业中

休息中

好耐冇去，見而家唔使排隊，就去試多次。今次直接叫肥叉，點知都係全瘦，好在唔太硬，勉強叫食到。另外叫個燒鵝就十分差，全部都係骨。叫佢換係肯換，但幾個師傅一路細聲講大聲笑，個樣唔多尊重，令客人感覺難受。最後，佢哋連茶都唔掂，我杯奶茶好似叫咗少奶咁苦到完全入唔到口，雖然佢價錢唔貴，但我以後唔會再嚟。見附近餐廳仲係咁多人排，佢哋就冇晒人龍，負評多過正平，真係唔係冇原因。（第一碟燒鵝冇影相，杯奶茶睇下咁深嘅顏色正唔正常）

今日唔舒服睇完醫生，想食啲粉面，經過呢間見佢門口有易拉架寫住 「下午茶85折」而佢啲燒味瀨都係around $32-42, 地方明亮唔迫夾，覺得ok可以一試。我嗌咗《 油雞 拼 燒鵝 》$44 8折後 $37 雙拼 包熱飲賣相正常，同埋食落都冇人哋講度咁差嘅不過真係冇乜肉，雞都比左pat pat + 雞尾位置我，我唔太中意，鍾意食雞pat pat嗰啲人應該會喜歡。同埋佢個餐牌可以改善吓，唔太清晰佢冇寫到明--》雙拼如果改燒鵝要加 $6 職員們有禮貌，會講唔該、唔好意思同多謝，正常待客憑度。所以如果以下午茶價嚟評論，$3x 有燒味雙拼，又包野飲，仲想點？ok la

買咗個叉燒飯走汁同個例湯外賣，個收銀阿姐態度好差，好冇禮貌，好似欠咗佢一百萬咁，再加上入邊燒味檔斬叉燒個伙記斬料又特登俾唔足碼，成盒叉燒飯得嗰四小件叉燒，仲要細得可憐，簡直離晒大譜。企喺佢執邊冲茶筆湯個阿姐又特登玩嘢，個飯出咗嚟成半個鐘頭，嗰碗例湯都唔筆出嚟，樓面吹咗佢幾次，佢就渣渣渣低低扮聽唔到，總之由收銀到樓面，再到燒味部，個個都好唔專業，好冇禮貌，全程個個都黑口黑面，攞錢買難受，絕無下次，永不光顧

我最近去咗大爺燒鵝，下午茶餐、真係抵食夾大件！店面環境簡單，服務員友善，感覺好似去咗阿姨家咁，唔係好明啲人話點解服務態度差。食物評價：燒鵝: 皮好薄，肉質又嫩又好味。最重要係價錢好平，燒鵝雙拼面只需要$47，連埋野飲，真係抵食！叉燒: 肥瘦適中，口感軟硬適宜，肉質細緻。其實食燒味都係想快啲食到一餐就可以繼續做其他嘢，所以$47包嘢飲真係冇得輸。環境都乾淨，企理。整體評價：
大爺燒鵝的價格好平，但食物質量絕對高過平均。下次一定會再去！

過分…燒鵝拼叉燒…比叉燒碎，有冇過分到咁？你俾正常嘅叉燒得2舊，比叉燒粒好過分囉生意難做到咁樣咩？依家啲食肆搞乜嘢啊？嬲，真係要俾勁多差評，完全交緊智商稅。唔會再幫襯。

裡面環境一般，地下好油，感覺跣親人。叫左一碟燒肉鵝飯，$62。等左十零分，當碟飯上都枱面嘅時候，我以為我自己叫兒童餐。大概五嚿燒肉五嚿燒鵝，但每一嚿係等於出邊嘅一半大細，我食完晒啲餸啲飯都仲剩返2/3。燒鵝同個燒肉一樣都係咁乾。好似你食緊隔夜餸，擺入微波爐叮嗰隻乾咁。但我最記得係，一叫完嘢食嘅時候，嗰張單夾埋本簿仔，一野掉落我個枱面，都幾震撼。如果碟飯係$30我都明白，收得唔平嘅價錢，零服務，其實你憑咩嘅繼續去呢度食飯。

服務態度非常差,由其收銀員同沖飲品個亞姐,經常沖錯,咖啡就沖左奶茶,最重要係個亞姐覺得自己冇錯,態度惡劣,買燒餓就比左燒鴨,收錢就收燒鵝價錢,佢地覺得客人不懂分辨嗎?以後不會幫襯

Decided to give this shop a try despite being advised otherwise. Could see why…ask for roast goose rice without sauce - this was clearly written on the ticket. The rubbish Sifu didn’t bother reading and just dosed quite a lot of sauce on the goose and rice. When complained about the missing request, he just picked up the goose pieces (already dosed with sauce) put the pieces in another rice box. As expected the goose skin was soggy and overly salty. And it was obvious they are trying to mask th

今日下午我媽媽特意去買半隻燒鵝回家。當我打開盒蓋一下，怎麽半隻份量是這麼少？有沒有被師傅偷工感料就衹有他自己才知。但二百多元買這半隻鵝，感覺被騙了。另外，味道跟第一次一樣，很柴，像翻燒或者燒過火。我肯定我們不會再幫襯。

喺香港仔果間大爺試過佢地嘅燒鵝，皮脆肉嫩！以為北角呢間一樣，点知伏（x100次）！我叫叉鵝反（$66），飯只有2/3碗份量，叉燒普通！例湯？唔好講！我一見到佢地俾只“鵝脾”，我即刻眼都突！首先只“脾”係啞色、巢哂皮、一D都唔油潤！用快子一夾皮同肉即分離，肉係有斬開，但奇怪皮係冇斬嘅成隻脾嘅喺度！講肉質唔知係鴨定鵝定雞，你只感覺食緊D又乾又鞋又冇味嘅隔夜肉！你地冇心做唔好做啦！唔好影衰一班而家仲依然用心去做嘅食肆！

本人於下午茶時段叫了一個大爺燒鵝(招牌)麵，價錢比一般燒味要貴一點，但質素卻令人失望。不知是否因為下午茶時段，所以師傅斬了幾件全部肥膏連少少骨皮的燒鵝，連一件像樣的鵝肉也沒有，真令人失望及憤怒。以燒鵝作為招牌，卻未有好品質，不會再光顧。

好燒鵝不便宜，便宜沒好燒鵝，是這一餐的總結。這家店燒鵝脾飯要價88元，而便宜的普通燒鵝飯卻只需55元，差價這麼大，質量當然也差很大。今晚選的是普通燒鵝拼叉燒飯，價值60元，加熱飲要多2元，誠惠62元。落單後馬上收到例湯，奶茶隨後送上，餐湯很細碗而且味道很咸，奶茶也茶味過濃苦得要命，兩者都不太對口味，沒關係，湯是附送的，奶茶也只是2元，問題不大。主菜的燒鵝叉燒飯約五分鐘後送上，賣相看來相當不錯，鵝應該是下脾，叉燒肥瘦適中份量也不錯，餐盤也挺好看的，看似是賺到了。然而真正吃下去卻很失望，以燒鵝汁的味道而言，這家店的燒鵝本應是挺有水準的，但問題是這碟下脾大半都是骨，肉只有外圍的一小圈，連一塊像樣點的都沒有，大爺你們這樣的出品，還不如隨便一家燒臘店的燒鴨飯。還好叉燒的水準不錯，比一般的燒臘店鮮嫩多汁，如果這是48元的叉燒飯，是值得給個正評的，不過因為燒鵝實在太差，所以給個ok已是極限。順帶一提，看到隣座88元的鵝脾，應該才能吃到此店應有的質素，不過要付這價錢的話，我就不會選燒味飯了。

講到明叉燒要半肥瘦。佢仲專登找條瘦到柴哂皮的叉燒來。第二次都係咁。上次係咁以為店家唔小心。今次係都係咁就攞明揾笨。唔會再幫襯。剛開業時d 叉燒燒肉十分好食。而家就越做越求其。

中午去買外賣, 叫咗個燒鵝燒腩仔飯加鹹蛋, 打開個袋竟然冇酸梅醬又冇芥末醬😨最過分係佢居然用肥啲嘅燒肉扮燒腩仔, 燒腩仔喺一層肥一層瘦, 佢就上半部肥下半部瘦, 真係當我未食過燒腩仔😤😤啲燒鵝唔係話好差, 不過韌嘅,冇下次！！

8點幾去到買左 呢兩個雙併啦 跟著我明白要準備收鋪 但有咩理由要個客係出面睇住你地清潔 清成7 8 分鐘😑 先肯開始動手切燒味 服務態度認真要改善🤫 之後見到個師傅慢手慢腳開始整 回到去開始品嚐 一試就知出哂事!首先叉燒個味道一般 外層明顯未燒夠 完全唔似燒似蒸多過燒 😠再食埋個雞，貴妃雞肉質 ok 味道都ok正常 但食第2舊好似有dd 酸味 跟住食左多一舊 再聞下先發覺有d 酸宿味 😂🤢 感覺唔太新鮮 最後成盒唔要得。對呢間野好失望浪費金錢，真係奉勸大家經過都唔好食呢間！