影片
营业时间
今日营业
11:00 - 21:30
星期一至日
11:00 - 21:30
以上资料只供参考，请与餐厅确认详情
今日唔舒服睇完医生，想食啲粉面，经过呢间见佢门口有易拉架写住 「下午茶85折」而佢啲烧味濑都系around $32-42, 地方明亮唔迫夹，觉得ok可以一试。我嗌咗《 油鸡 拼 烧鹅 》$44 8折后 $37 双拼 包热饮卖相正常，同埋食落都冇人哋讲度咁差嘅不过真系冇乜肉，鸡都比左pat pat + 鸡尾位置我，我唔太中意，钟意食鸡pat pat𠮶啲人应该会喜欢。同埋佢个餐牌可以改善吓，唔太清晰佢冇写到明--》双拼如果改烧鹅要加 $6 职员们有礼貌，会讲唔该、唔好意思同多谢，正常待客凭度。所以如果以下午茶价嚟评论，$3x 有烧味双拼，又包野饮，仲想点？ok la
继续阅读
买咗个叉烧饭走汁同个例汤外卖，个收银阿姐态度好差，好冇礼貌，好似欠咗佢一百万咁，再加上入边烧味档斩叉烧个伙记斩料又特登俾唔足码，成盒叉烧饭得𠮶四小件叉烧，仲要细得可怜，简直离晒大谱。企喺佢执边冲茶笔汤个阿姐又特登玩嘢，个饭出咗嚟成半个钟头，𠮶碗例汤都唔笔出嚟，楼面吹咗佢几次，佢就渣渣渣低低扮听唔到，总之由收银到楼面，再到烧味部，个个都好唔专业，好冇礼貌，全程个个都黑口黑面，攞钱买难受，绝无下次，永不光顾
继续阅读
我最近去咗大爷烧鹅，下午茶餐、真系抵食夹大件！店面环境简单，服务员友善，感觉好似去咗阿姨家咁，唔系好明啲人话点解服务态度差。食物评价：烧鹅: 皮好薄，肉质又嫩又好味。最重要系价钱好平，烧鹅双拼面只需要$47，连埋野饮，真系抵食！叉烧: 肥瘦适中，口感软硬适宜，肉质细致。其实食烧味都系想快啲食到一餐就可以继续做其他嘢，所以$47包嘢饮真系冇得输。环境都干净，企理。整体评价：
大爷烧鹅的价格好平，但食物质量绝对高过平均。下次一定会再去！
继续阅读
过分…烧鹅拼叉烧…比叉烧碎，有冇过分到咁？你俾正常嘅叉烧得2旧，比叉烧粒好过分啰生意难做到咁样咩？依家啲食肆搞乜嘢啊？嬲，真系要俾劲多差评，完全交紧智商税。唔会再帮衬。
继续阅读
里面环境一般，地下好油，感觉跣亲人。叫左一碟烧肉鹅饭，$62。等左十零分，当碟饭上都枱面嘅时候，我以为我自己叫儿童餐。大概五嚿烧肉五嚿烧鹅，但每一嚿系等于出边嘅一半大细，我食完晒啲𩠌啲饭都仲剩返2/3。烧鹅同个烧肉一样都系咁干。好似你食紧隔夜𩠌，摆入微波炉叮𠮶只干咁。但我最记得系，一叫完嘢食嘅时候，𠮶张单夹埋本簿仔，一野掉落我个枱面，都几震撼。如果碟饭系$30我都明白，收得唔平嘅价钱，零服务，其实你凭咩嘅继续去呢度食饭。
继续阅读