大瀛喜日本料理 (已結業)

今日黎到旺角食間新開既放題店--大瀛喜日本料理~~之前聽朋友講大瀛喜放題質素幾好, 今日終於可以見識下任飲任食2小時, 連加一都係2百幾蚊, 價錢合理~呢道一方面可以去自助區拎小食, 另外就用QR code落單~~自助區有冷盤, 日式小食, 沙律, 炸物同幾款熱葷~~飲品櫃好多選擇~~有果汁, 汽水 & 啤酒....必點既刺身~~三文魚新鮮大塊又厚切, 口感十足!!帶子又係超大粒, 夠鮮甜~~西京燒比目魚比目魚唔會燒到好乾~肉嫩juicy蒜香牛油白酒煮蜆呢個配搭又幾夾喎...蒜香牛油白酒3種味道都好balance, 又唔會蓋過蜆既鮮味黃金炒大蝦質素超高!!!大蝦炸得好脆身冇乜油, 蛋黃又多又濃蝦肉爽口彈牙~~豉汁蒸鱔球鱔球非常新鮮, 肉質彈牙幼嫩, 連鱔皮都煙韌Q彈!!蘆筍燒汁炒帆立貝中型帆立貝, 蘆筍西芹炒得好香口~呢個正, encore左2次燒有機新鮮菠蘿菠蘿大驚喜!!  超甜呀!!! 又厚又大件又甜, 冇得頂每人一杯Haagen-Dazs/ movenpick~細細杯都OK丫~ 想食其他甜品仲可以去自助區拎...有cake, 布甸, 雪糕雪條等等....

旺角區咁多放題選擇，梗係要揀返間最新裝修坐得舒服嘅。之前都食過大瀛喜，覺得嘢食質素都OK，依家仲要新裝修埋，環境闊落咗好多。出面自助區有凍盤，有蝦、蜆、青口。熟食亦都唔少，有羊腩煲、瑞士雞翼、咖喱，仲見到有燉燕窩。甜品區同飲品區都好多選擇，如果帶小朋友嚟都啱食，因為有得夾埋糖👍🏻👍🏻👍🏻放題方面佢哋採用Q R自動落單，環保之餘仲好方便，好清晰俾大家睇吓自己食咗幾多嘢😂😂刺身方面分別嗌咗三文魚、八爪魚、北寄貝、吞拿魚等等，全部都好新鮮冇雪藏味，而且order幾多真係嚟幾多件！特別一提，大瀛喜嘅壽司非常出色，一啖一件，尤其係海苔鵝肝壽司、醬燒青口壽司，味道相當好👍🏻熟食方面，最欣賞係燒三文魚同豉汁蒸鱔，一上枱熱辣辣。串燒就叫咗幾轉燒牛舌，牛舌夠厚有口感。炸物最鍾意係炸紫芋丸，特別一提呢度仲有炸鮮奶！食到差唔多夠鐘，店員會走來提示，兼且問需唔需要嗌埋雪糕。總括來講，食物質素好之餘性價比都好高，兩個人埋單都只不過五百幾蚊，可以食足兩個鐘！

旺角新開既放題🤘🏻🤘🏻 見到好吸引！今日同事last 勁好人請囇我地去食~成日同事即刻瘋狂叫嘢食！芝麻雞翼係我最愛， 熱啦啦肉汁勁多~每次都要食幾隻架壽司🍣 都係必食既~ 蟹柳壽司同鵝肝壽司😈😈真係又邪惡又好味！要芒果壽司🥭同鰻魚壽司同樣高質🤩🤩麻辣小龍蝦，真係好驚喜因為好少地方會有得食呢到有得試緊係唔可以錯過啦！小龍蝦D 真係送酒一流 D醬汁又麻又辣又香～～真係完全值得一試！炸物都係勁正既～ 即炸熱啦啦。 超脆口！仲有蝦多士最吸引！ 真係好足料。有一粒粒櫻花蝦舖滿左外層！！真係極正，要嗌多幾件最後緊係要嗌d甜品啦😈😈食完真係飽到不得了

旺角新開左間勁高質既放題～襯朋友仔生日一於帶佢去食好西啦！呢度食物選擇勁多～ 真係又好味又扺食啊～環境仲要好舒服一入去己經見到有客人係出面拎緊野食了！甜品 蛋撻 凍蝦 青口 同飲品都可以自取，相當方便！當中超級推介牛奶燉燕窩及咖喱魷魚之後我地仲另外落單嗌左好多野食～麻辣小龍蝦 ，睇過份量就知我朋友係小龍蝦既超級fans啦～佢真係超級無敵鍾情於小龍蝦😋😋小龍蝦蝦肉彈牙 ！麻麻辣辣愈食愈過癮😈😈仲有必食既清酒煮蜆🍶 焗蝦 同雞泡魚乾✌🏻🤩每款少少咁😎試多幾款都唔好使怕飽啦✌🏻牛肉壽喜燒🥢OMG ~~這個壽喜燒也太好吃了吧😈滿滿既牛肉舖係上面！底下仲有大量蔬菜🥬好好味啊😋燒菠蘿🍍 Woww ~ 食飽梗係要食個燒菠蘿消膩啦~酸酸甜甜😈 必食之選啊！！甜品🍮對女生黎講簡直係第二個胃🤘🏻🤘🏻真係想每款都試下👍🏻叫左勁多野食🤘🏻🤘🏻真係可以再食多幾次👍🏻

朋友仔介紹食旺角大瀛喜日本料理，餐廳剛裝修好，環境舒適，仲有卡位坐。同朋友仔食8:30pm後晚市放題，每位$208，加一後$229。QR code 落單，放便又快捷。食物種類唔少，有放題必備的刺身、壽司、手卷、串燒、炸物、天婦羅、鍋物等等，仲有自助區小食、湯、沙律同甜品。驚喜地放題仲有清酒飲添，岩晒酒鬼朋友。我們點了挪威三文魚刺身，日本油甘魚刺身，空運吞拿魚刺身，劍魚腩刺身，北海道帶子刺身，北寄貝刺身，希靈魚刺身，日本甜玉子刺身，酒煮榮螺片刺身，八爪魚片刺身，蜜汁鮑片刺身，虎蝦刺身，俄羅斯甜蝦刺身，大赤蝦刺身。刺身選擇種類繁多，好貪心地點左咁多款黎試，鮮甜美味。壽司種類也不少，點了黑松露油金魚腩壽司、深海池魚王壽司、赤貝壽司、黑松露赤魚壽司、鹽燒三文魚腩壽司、醬燒帝王蟹棒壽司、鹽燒左口魚裙邊壽司、炙燒椒鹽比目魚壽司等等。鹽燒左口魚裙邊壽司魚油滲出，入口溶化，是本人最愛的壽司，大力推薦！另外拖羅蓉手卷及海膽手卷size 迷你，一兩啖食落口，正！鹽椒海蝦、鹽燒牛舌燒得不錯，鹽燒帶出其食物之鮮味，滴埋檸檬汁更添清新感覺。芝麻雞翼、吉列炸蠔、黃金醬燒開邊蝦和天婦羅熱辣辣香噴噴，十分惹味。吉品鮑

約左朋友出旺角搵食，一出地鐵站就比啲牌牌呀姐sell「食大瀛喜，恭喜發財，皆大歡喜」，好笑到我同朋友忍唔住上去挑戰下。環境睇落係新裝修過，乾淨光猛好企理。我哋六點去唔洗等位都直接有得入座，入到去個場都幾大，係門口附近有個熟食區，入坐低已經比佢吸引住左！坐低咗用手機點完餐之後，二話不說即刻衝返出去熟食區先。有沙律又有好多飲品選擇，仲有老火湯同牛腩豬手羊腩！另外一邊仲有炸雞，連葡撻都有，最後行左兩三轉先試得哂！整體來講剩係選擇多樣性已經超高分，食落味道仲要唔錯，值回票價。去返放題點餐個度，大部分熟食嘅質素都係中上，比起刺身同壽司係有過之而無不及，特別一提係佢嘅炒帆立貝同煮蜆，係其他放題好少見，味道分量同賣相都非常滿意。埋單每位二百幾，抵食，值得推介

食過咁多次放題，今次最滿意。魚生串燒煮物好食不單止，連出面自助餐區既熟食都好有驚喜。餐廳新開好乾淨，一排排都係卡位坐得舒服岩晒同朋友傾計，平日晚上唔算好爆多人，員工都好細心keep 住收野。呢個半腩煲好入味，大大粒甘甜蘿蔔入口即化，食左兩轉。除左雪櫃啤酒🍻，仲有自由斟日式清酒梅酒等酒類。蒜香煮硯黎到好香蒜味，浸住微辣檸檬汁，泰式風味。魚生厚切大大片，冰鎮新鮮打卡時間。芝麻雞翼必叫，熱辣辣香口脆皮。最後食埋雪糕同雪條好滿足，超抵食滿意。